Morgunblaðið - 07.08.2004, Qupperneq 17

ERLENT
MORGUNBLAÐIÐ LAUGARDAGUR 7. ÁGÚST 2004 17
ÁÆTLANIR þýskra stjórnvalda um að eigna-
tengja atvinnuleysisbætur hafa valdið miklu
uppnámi í landinu, þótt langt sé í að þær komi til
framkvæmda, að því er fréttavefur breska ríkis-
útvarpsins, BBC, greinir frá.
Einkum hafa komið fram hörð mótmæli við
fyrirhuguðum niðurskurði á bótum til fjöl-
skyldna þar sem börn undir 15 ára aldri eiga yfir
750 evrur í sparifé, eða sem svarar rúmum 65
þúsund krónum. Hafa þýsk dagblöð farið háðug-
legum orðum um áætlanir stjórnvalda.
Bild, stærsta blaðið í Þýskalandi, birti sam-
setta mynd af fjármálaráðherranum, Hans
Eichel, með fangið fullt af barnaleikföngum.
„Takið krumlurnar af sparigrísum barnanna,“
hafa verið viðbrögð bæði fjölmiðla og stjórnar-
andstöðunnar. En yfirvöld segja þessar ráðstaf-
anir nauðsynlegar til að stemma stigu við mis-
notkun á velferðarkerfinu og fækka þeim 4,5
milljónum sem eru á atvinnuleysisskrá í Þýska-
landi.
Aðrar fyrirhugaðar ráðstafanir sem gagn-
rýndar hafa verið eru að þeir sem sækja um at-
vinnuleysisbætur munu þurfa að fylla út 16
eyðublöð, sem sögð eru með öllu óskiljanleg.
Þúsundir manna hafa komið saman til mót-
mælafunda vegna málsins í austurhluta Þýska-
lands, þar sem atvinnuleysið er mest. Enn eru
nokkrir mánuðir þar til þessar breytingar eiga
að koma til framkvæmda, en málið hefur nú þeg-
ar valdið ríkisstjórn Gerhards Schröders mikl-
um óþægindum.
„Burt með krumlurnar“
Reuters
Gerhard Schröder, kanslari Þýskalands.
74 ÁRA gamall maður, sem þjáðist
af krabbameini, lifrarbólgu,
lungnaþembu og elliglöpum, var
tekinn af lífi í Alabama í Bandaríkj-
unum á fimmtudag. Dómstóll synj-
aði beiðni um að lífi mannsins,
James Barney Hubbard, yrði þyrmt
vegna veikinda. Hubbard beið af-
töku sinnar á dauðadeildinni sk. í
27 ár. Hubbard var dæmdur til
dauða árið 1977 eftir að hafa myrt
öðru sinni, þá nýlaus úr fangelsi
fyrir fyrra morðið.
Hubbard neitaði því til dauða-
dags að hafa myrt seinna fórn-
arlambið, Lillian Montgomery.
Vill afsala sér
ríkisborgararétti
SKÁKMEISTARINN Bobby Fisch-
er hringdi í sendiráð Bandaríkj-
anna í Tókýó í fyrradag og til-
kynnti embættismönnum að hann
vildi afsala sér bandarískum rík-
isborgararétti sínum.
Lögfræðingur Fischers, Masako
Suzuki, greindi frá þessu á blaða-
mannfundi í gær. Suzuki kom áleið-
is skrifaðri yfirlýsingu frá Fischer.
„Ég kæri mig ekki lengur um að
vera bandarískur ríkisborgari. Nú
er nóg komið,“ stóð þar skrifað.
Suzuki sagði Fischer ættjarð-
arlausan og því myndi hann sækjast
eftir því að Sameinuðu þjóðirnar
skilgreindu hann sem flóttamann.
Lögfræðingur hans og stuðnings-
menn leita nú hælis fyrir hann í
öðrum löndum en Japan.
Gunnar Snorri Gunnarsson,
ráðuneytisstjóri í utanríkisráðu-
neytinu, sagði í samtali við Frétta-
vef Morgunblaðsins í gær að ekki
hefði verið óskað eftir því við ís-
lensk stjórnvöld að Fischer fái hæli
á Íslandi.
Vara við Creutz-
feldt-Jakob
BRESKIR vísindamenn vöruðu við
því í gær að mun fleiri gætu smitast
af Creutzfeldt-Jakob (vCJD) sjúk-
dóminum en áður var talið. Smit-
efni vCJD er prótein, ólíkt því sem
gengur og gerist með flesta sjúk-
dóma. Við rannsókn á breskum
manni smituðum af sjúkdóminum
kom í ljós að arfgerð hans var tölu-
vert ólík arfgerð fyrri sjúklinga.
Segja vísindamennirnir þær nið-
urstöður geta þýtt að fleiri séu
næmir fyrir sýkingu en áður var
talið.
Mögluleiki geti verið á faraldri
þar sem meðgöngutími sjúkdóms-
ins hafi verið í styttra lagi hjá þeim
sem þegar hafa greinst með sjúk-
dóminn. Meðgöngutíminn geti ver-
ið tugir ára og því erfitt að segja til
um hversu margir séu smitaðir.
Sólkerfi okkar
einstakt?
STJÖRNUFRÆÐINGAR telja ólík-
legt að til sé reikistjarna svipuð
jörðinni og þ.a.l. geti sólkerfi okkar
verið einstakt, þó svo vitað sé um
120 önnur sólkerfi í alheiminum.
Mario Livio, stjarnfræðingur við
geimrannsóknarstofnun í Balti-
more, segir sporbauga reikistjarna
okkar sólkerfis hringlaga en spor-
bauga reikistjarna annarra sól-
kerfa sporöskjulaga. „Sé sporbaug-
ur mjög sporöskjulaga er líklegt að
reikistjarnan fari afar nærri sól-
stjörnu sinni á ákveðnu tímabili
sem er ekki mjög lífvænlegt.“ Livio
segir þó erfitt að koma auga á
reikistjörnur jafnsmáar jörðinni í
öðrum sólkerfum.
Fársjúkur mað-
ur tekinn af lífi
AP
Lögfræðingur Fischers, Masako Suzuki.