Morgunblaðið - 20.11.2004, Blaðsíða 24

24 LAUGARDAGUR 20. NÓVEMBER 2004 MORGUNBLAÐIÐ
FERÐALÖG
Innifalið í verði: Ótakmarkaður akstur,
allar tryggingar, engin sjálfsábyrgð.
(Afgreiðslugjöld á flugvöllum.)
Höfum allar stærðir bíla, 5-7 manna
og minibus, 9 manna og rútur með/
án bílstjóra
Julefrokost
Hótelgisting og julefrokost við allra
hæfi í nóv. og des.
Hótel. Heimagisting. Bændagisting.
Ferðaskipulagning.
Vegakort og dönsk gsm símakort.
Fjölbreyttar upplýsingar á
heimasíðu; www.fylkir.is
Ódýrari bílaleigubílar fyrir
Íslendinga
Bílar frá dkr. 1.975 vikan
Bílaleigubílar
Sumarhús í
DANMÖRKU
www.fylkir.is sími 456-3745
www.gisting.dk
sími: 0045 3694 6700
Ódýr og góð gisting
í hjarta Kaupmannahafnar
Elísabet Magnúsdóttir seg-ist orðið þekkja Prag ofvel og finnst meiraspennandi að ferðast um
tékknesku landsbyggðina. Hún kýs
að ferðast með bakpoka á ferðalög-
um sínum og segir kosti hans ótví-
ræða: Ekki bara sé bakpokinn með-
færilegri á ferðalögum heldur pakki
hún betur og hafi þar að auki ekki
pláss til að versla neitt að ráði.
Henni finnst nefnilega að ferðalög
snúist um að búa til minningar. Að
skoða náttúru, kirkjur og minn-
isvarða. Að svala þorstanum fyrir
að upplifa og fræðast, fara og gera.
Elísabet segist nú orðið fremur
vilja sækja Prag heim að vetri til og
sé aðventan góður tími. Mikil
stemning ríki þá í borginni og þægi-
legt að gera jólainnkaupin í afslöpp-
uðu andrúmslofti. Ekki spilli að
verðlagið sé gott þó að það hafi far-
ið hækkandi.
Lystigarður Evrópu
Síðastliðið sumar dvaldist El-
ísabet hálfan mánuð í Tékklandi,
ásamt eiginmanni sínum Jóni
Ágústi Eiríkssyni. Að þessu sinni
ferðuðust þau mikið um héraðið
Móravíu (Moravia). Þau flugu til
Prag með Guðmundi Jónassyni sem
hún segir bjóða gott verð. Þau fóru
beint á lestarstöð af flugvellinum og
keyptu þar afsláttarkort, svokallað
„Z Karta“. Það kostar sem nemur
rúmlega tvö hundruð kr. íslenskum
en gefur 50% afslátt af öllum lest-
arferðum í heilt ár.
Lestarferðin tók um 3 klst. og var
förinni heitið á Lednice-Valtice
svæðið sem einnig er kallað Lysti-
garður Evrópu (e. Garden of Eur-
ope) en svæðið er frægt fyrir fal-
lega minnisvarða og náttúrufegurð,
sólblóm og vínrækt. Fyrir áhuga-
sama er vert að skoða staðsetningu
svæðisins vel, því ýmsir ferðamögu-
leikar eru þaðan og t.a.m. aðeins
klukkustundar lestarferð til Vínar
og Bratislava. Svæðið er kennt við
bæina Lednice og Valtice en í
kringum bæina á um 200 ferkíló-
metra svæði, er skógur og landslag
sem skipulagt var af Lichten-
steinum sem réðu svæðinu til loka
seinni heimsstyrjaldar. Mikið er um
glæsta minnisvarða og byggingar í
skóginum en allt svæðið er á heims-
minjaskrá UNESCO. Rík hefð er
fyrir vínrækt í héraðinu og segir El-
ísabet að þau hjónin hafi tvisvar
sótt smökkunarkvöld í vínkjöll-
urum.
Dýflissur Habsborgara og
veitingahús frá 1660
Þau fóru víðar en í Lystigarð
Evrópu. Uherske Hradiste segir
Elísabet að sé óvanalegur bær,
prýddur fallegum, litlum göngugöt-
um. Í Norður-Móravíu heimsóttu
hjónin Zlin, fæðingarborg föður El-
ísabetar. Fóru þau ásamt ætt-
ingjum meðal annars í fjallgöngu í
Beskydys-fjöllunum þar sem sér yf-
ir mikið landsvæði og til Slóvakíu
handan landamæranna. Leiðin upp
á fjallið mun vera sérlega falleg en
gist var á bjálkahóteli í 1.130 m
hæð. Rétt áður fóru þau til bæjarins
Skansen þar sem húsin eru frá því
um 1600 og fyrsta „Opna safnið“ í
Mið-Evrópu er að finna. Þar er allt
friðað en á svæðinu er kirkja, mat-
vörubúð, pósthús og veitingahús frá
1660 þar sem hægt er að borða.
Maturinn sem boðið er upp á mun
þó ekki vera frá þeim tíma.
Viðkomustaðir Elísabetar og
Jóns Ágústs eftir Zlin voru meðal
annars háskólabærinn Olomoc en
þaðan fóru þau til Brno, höf-
uðborgar Móravíu. Mun stundum
talað um þá borg sem nokkurs kon-
ar Prag án ferðamennskunnar. Þar
er meðal annars hægt að skoða
kastala frá tímum Habsborgara en
undir honum voru rammgerðustu
dýflissur Austur-Habsborgaraveld-
isins þar sem fangar bjuggu við
ólýsanlegar aðstæður. Frá Brno
fóru þau til Hradec Kralove, sem er
gömul, lítil borg. Þar gistu þau eina
nótt við aðaltorgið og gátu horft yfir
mannlífið á torginu úr lúxus um-
hverfi gististaðarins sem kostaði
nær ekkert miðað við gæði.
Ferðast til föðurlandsins
Þótt Elísabet hafi ferðast svo oft
til Tékklands sótti hún þó uppruna-
land föður síns ekki heim fyrr en
árið 1996. Ekki var hægt að ferðast
til Tékklands fyrr en eftir hrun Sov-
étríkjanna þar sem landið var aust-
an járntjalds kalda stríðsins. Þegar
landamærin stóðu loks opin fór öll
fjölskyldan þangað, einnig faðir El-
ísabetar, Miroslav R. Mikulcak eða
Magnús Magnússon. Hann flúði
Tékkland árið 1947 sem pólitískur
flóttamaður og fékk íslenskan rík-
isborgararétt 1958. Dóttir Elísabet-
ar, Katrín Þóra Jónsdóttir, hreifst
svo af landinu að hún ákvað að fara
þangað til náms og dvaldist í tvö ár.
Var upplifun hennar af tékknesku
samfélagi afar jákvæð; sú að allt
væri þar svo einstaklega þægilegt,
ekkert hefði verið að og ekkert tek-
ið á taugarnar.
„Eyða litlu, lifa grand
og líða vel!“
Elísabet segir að gisting í Tékk-
landi sé mjög góð og fari batnandi.
Lestarsamgöngur séu frábærar,
bæði ódýrar og góðar. Tékkland sé
fallegt land og skynjun á náttúrunni
sterk. Landið sé gróið og gamalt en
sagt hefur verið að í Tékklandi séu
fleiri kastalar en McDonald’s staðir
í Bandaríkjunum. Tékkar séu af-
slappaðir og gestrisnir en tilfinning
fyrir einkalífi sé sterk því ferða-
menn séu ekki angraðir mikið.
Möguleikar til skoðunarferða,
menningar og afþreyingar séu
endalausir og Tékkar hafi varðveitt
menningu sína vel. Í Tékklandi er
líka mikið um heilsulindir en El-
ísabet bendir þó á að þau hafi farið í
frí „Til að eyða orku til að byggja
upp orku!“
Kjörið sé fyrir göngu- og hjóla-
fólk að ferðast um Tékkland og
Tékkar kunni sannarlega að búa vel
að þreyttum ferðalöngum. „Tékkar
kunna þetta!“ segir Elísabet þegar
hún minnist þess að hafa gengið
lengi og komið þreytt upp á fjall þar
sem hún rakst óvænt á bar til að
hvíla lúin bein við. Tékkland sé líka
mikið bjórland en um 100 tegundir
eru bruggaðar í landinu. Afar ódýrt
er að borða á veitingastöðum og á
góðum veitingastað í smábænum
Valdice segir hún að máltíðin fyrir
tvo kosti um 1.000 krónur með víni
og kaffi á eftir.
Elísabet segir það sérlega nota-
legt að ferðast um þar sem ferða-
mannastraumurinn er lítill. Ekkert
mál sé að ferðast um landsbyggð
Tékklands án þess að panta fyr-
irfram en best sé þá að sækja upp-
lýsingaskrifstofur ferðamanna heim
því þar sé afar auðvelt að nálgast
upplýsingar um góða gistingu og
annað sem ferðafólk þarf. Almennt
séu Tékkar meðvitaðir um ferða-
mennsku og enska mikið töluð í
landinu. Umfram allt sé auðvelt að
skreppa til Tékklands, „Eyða litlu,
lifa flott og líða vel!“

TÉKKLAND | Spjallað við Elísabetu Magnúsdóttur um forvitnilega staði sem hún hefur rekist á
Elísabet segir auðvelt að leigja hjól á vægu verði og hjóla um Valtice-Lednice-svæðið. Góði dátinn Svejk? Elísabet á lestarstöð í Tékklandi með hermönnum í búningum frá 1914.
Kastalar, göngu-
ferðir og hjólatúrar
Hagnýtar upplýsingar
Gististaðir:
Valtice – Pension Siesta og
Pension Prinz.
www.penzion-siesta.cz/
www.valtice.cz/prinz
Brno – Hotel Continental.
www.continentalbrno.cz/
Hradec Kralove – Penzion Pod
Vezi.
http://www.hotelpodvezi.cz/
Almennt um gistingu í Tékklandi
www.travel.cz
Veitingastaðir:
Valtice – Hotel Apollon og Valticka
Rychta Restaurant.
Elísabet Magnúsdóttir hefur ferðast átta eða níu
sinnum til Tékklands og farið vítt um breitt um
landið. Þó segir hún nóg eftir til að skoða.
Tékkland sé frábært ferðamannaland og ótal
margt fleira að sjá en höfuðborgina Prag.
Anna Pála Sverrisdóttir spjallaði við Betu.
Við vínekru í smábænum Valtice.
Elísabet segir að hver einasta fjöl-
skylda á svæðinu bruggi sitt eigið
vín og Tékkar komi þangað sjálfir
til vínkaupa.