Morgunblaðið - 20.11.2004, Blaðsíða 29

MORGUNBLAÐIÐ LAUGARDAGUR 20. NÓVEMBER 2004 29
UMRÆÐAN
UNDANFARIN ár hefur mikið
verið talað um útflutning á íslensku
lambakjöti. Margir hafa verið kall-
aðir til, margar aðferðir hafa verið
reyndar en oftar en ekki hefur af-
raksturinn verið lítill.
Nú síðustu ár hefur
hins vegar birt yfir
markaðsstarfi í Banda-
ríkjunum og Evrópu
þannig að ástæða er til
bjartsýni. Undirrit-
aður fékk nú á haust-
dögum tækifæri til að
kynna sér og taka þátt
í markaðsstarfi
Áforms í Bandaríkj-
unum. Tilgangur ferð-
arinnar var tvíþættur:
Að sitja fund um fram-
leiðslu á lambakjöti í
Texas og að kynna okkar ágæta
lamb fyrir bandarískum neyt-
endum.
Whole Foods Market
Íslenska lambakjötið er selt í versl-
anakeðjunni Whole Foods Market.
Verslanirnar hafa mikla sérstöðu
hvað varðar öryggi þess hráefnis
sem þær versla með. Lögð er
áhersla á náttúrulegt/lífrænt hrá-
efni sem framleitt er í sátt við nátt-
úruna án hormóna og lyfja auk þess
sem velferð dýranna skiptir miklu
máli.
Gæðastýring á Íslandi vekur
athygli í Bandaríkjunum
Til fundar í Austin, Texas, voru boð-
aðir fulltrúar framleiðanda frá
Bandaríkjunum, Nýja-Sjálandi og
Íslandi, yfirmenn WFM úr hinum
ýmsu fylkjum Bandaríkjanna og
dýraverndarsinnar. Hlutverk fund-
arins var smíði reglugerðar um vel-
ferð dýra „Animal Compassionate /
sheep standards“. Hugsunin á bak
við setningu reglu-
gerðar um velferð fjár-
ins, sem framleiðslan
byggist á, er sú að búa
til ákveðin viðmið
þannig að við-
skiptavinir verslunar-
innar getið gengið að
því vísu að það kjöt
sem búðin selur komi
frá búum, sem uppfylli
kröfur um aðbúnað og
velferð búfjár.
Þegar á heildina er
litið komu Íslendingar
vel út á þessum fundi.
Hér á landi er nýsett reglugerð um
aðbúnað búfjár og það sem var að-
altromp okkar á þessum fundi var
gæðastýring í íslenskri sauð-
fjárrækt, sem vakti gríðarlega at-
hygli og segir okkur það að með
setningu gæðastýringar voru ís-
lenskir bændur á réttri leið.
Kynningar í verslunum
Frá Texas lá leiðin til Baltimore og
Washington en þar tóku við kynn-
ingar í verslunum Whole Foods.
Hinn landsfrægi meistarakokkur
Siggi Hall eldaði innanlærisvöðva á
sinn einstaka hátt sem skorinn var í
þunnar sneiðar og fólki boðið að
bragða á. Af þeim þúsundum sem
smökkuðu þessa fjóra daga var að-
eins einn sem sagði að sér líkaði
ekki. Hins vegar var mikið af fólki
sem sagðist ekki borða lamb en lét
þó til leiðast og margir yfirgáfu
kynningarbásinn með lambakjöt
undir hendinni. Söluaukning var
greinileg meðan kynningarnar fóru
fram og það sem kom á óvart var að
enginn talaði um verðlagninguna,
sem er Íslendingum hagstæð, en al-
gengari voru spurningar um velferð
dýrsins meðan það var á lífi.
Ástæða er til minnast örlítið á
hlut Sigurðar L. Hall meist-
arakokks við kynningar á íslenskum
landbúnaðarvörum erlendis. Með
léttleika sínum og ljúfu fasi hefur
hann einstakt lag á því að ná til
fólks og koma því í skilning um
gæði framleiðslunnar og sérstöðu
Íslendinga fram yfir allar aðrar
þjóðir veraldar. Hvar sem hann fer
notar hann tækifærið til kynna ís-
lenskt hráefni svo eftir er tekið. Þar
fer maður sem hefur gert mikið fyr-
ir íslenska matvöruframleiðendur.
Markaðssetning
í Bandaríkjunum
Margir hafa haft skoðun á því hvort
rétt sé staðið að þessum útflutningi
og skemmst er að minnast ummæla
iðnaðar- og viðskiptaráðherra og
aðstoðarmanns hennar á heimasíð-
um sínum nú síðasta vor en þar
lýstu þau vanþóknun sinni í garð
Áforms. Það er hins vegar enginn
vafi í huga þess sem þetta ritar að
þarna sé vel að málum staðið. Hug-
myndafræðin sem liggur á bak við
markaðsstarfið í Bandaríkjunum er
mjög skynsamleg, þ.e. að einbeita
sér að verslunum sem selja lúx-
usvörur undir merkjum hreinleika
og hollustu á tiltölulega háu verði.
Áform, með Baldvin Jónsson í for-
svari, hefur áorkað mjög miklu á
þeim fjórum árum sem þetta hefur
staðið yfir og er nærtækast að
nefna Íslendingadaginn sem haldinn
var í New York í byrjun nóvember
þar sem Íslendingar og lambakjötið
fengu gríðarlega umfjöllun í fjöl-
miðlum vestanhafs og salan fimm-
faldaðist meðan á hátíðinni stóð.
Fyrirtækið Norðlenska á Húsa-
vík hefur séð alfarið um útflutning-
inn. Þar hefur orðið til gríðarleg
reynsla og þekking síðan starfið
hófst.
Framtíðin
Til þess að hægt verði að halda
þessari markaðssetningu áfram
verða menn að hafa trú á því sem
verið er að gera. Til að ná fram
aukningu er þörf á meira fjármagni
til markaðsstarfs. Reynslan sýnir
okkur svo ekki verður um villst að
íslenska lambakjötið er eftirsókn-
arverð vara.
Við bændur verðum líka að líta í
eigin barm. Lömb þurfa að koma
fyrr til slátrunar svo hægt sé að
lengja sölutímann á fersku kjöti. Þá
mega bændur hvergi slaka á í rækt-
unarstarfi því huga verður að auk-
inni holdfyllingu og minni fitu.
Það vita þeir sem til þekkja að
markaðir eru ekki unnir á einni
nóttu. Þess vegna er mikilvægt að
sýna þolinmæði. Menn þurfa að
standa vörð um verkefnið Áform og
tryggja að áfram verði haldið á
sömu braut. Það mun verða íslensk-
um sauðfjárbændum til heilla.
Íslenskt lambakjöt
í Bandaríkjunum
S. Sindri Sigurgeirsson
fjallar um sölu lambakjöts
’Menn þurfa að standavörð um verkefnið
Áform og tryggja að
áfram verði haldið á
sömu braut. Það mun
verða íslenskum sauð-
fjárbændum til heilla.‘
S. Sindri Sigurgeirsson
Höfundur er sauðfjárbóndi
í Bakkakoti í Borgarbyggð.
RÖNG mynd birtist með grein
Bjarna Jónssonar, sem bar fyr-
irsögnina: „Kirkjan og samkyn-
hneigðir“ í Morgunblaðinu síð-
astliðinn miðvikudag og var sú
myndbirting leiðrétt í blaðinu
daginn eftir. Með greininni
birtist mynd af Bjarna Jóns-
syni, sveitarstjórnarmanni VG í
Skagafirði, sem ritaði grein í
Morgunblaðið 12. nóvember sl.
Sú grein bar fyrirsögnina:
„Náttúra og menning í heima-
byggð á erindi inn í skólastarf-
ið.“ Hlutaðeigendur eru beðnir
afsökunar á mistökunum.
Röng mynd
Fréttir
í tölvupósti