Morgunblaðið - 25.11.2004, Blaðsíða 24

24 FIMMTUDAGUR 25. NÓVEMBER 2004 MORGUNBLAÐIÐ
NEYTENDUR
BÓNUS
Gildir 25. - 28. nóv. verð nú verð áður mælie. verð
Kristjáns steikingarfeiti, 2,5 kg .............. 499 589 199 kr. kg
Ósteikt laufabrauð, 20 stk. ................... 679 nýtt 34 kr. stk.
Ferskir kjúklingabitar ............................ 299 449 299 kr. kg
Myllu heimilisbrauð, 385 g ................... 69 99 179 kr. kg
Frechette pitsa pepperoni, 390 g .......... 299 399 766 kr. kg
Appelsín classic, 2 ltr ........................... 89 nýtt 45 kr. ltr
Kofareyktur úrb. hangiframpartur ........... 1.199 nýtt 1.199 kr. kg
Kofareykt úrbeinað hangilæri ................ 1.599 nýtt 1.599 kr. kg
Kofareyktur hangiframp. með beini. ....... 595 nýtt 595 kr. kg
FJARÐARKAUP
Gildir 25. - 27. nóv. verð nú verð áður mælie. verð
Bezt helgarsteik ................................... 998 1.298 998 kr. kg
FK bayonne skinka ............................... 819 1.364 819 kr. kg
Hamborgarhryggur úr kjötborði.............. 698 1.148 698 kr. kg
Ariel þvottaefni, 2970 g........................ 798 998 270 kr. kg
Svínasnitzel í raspi ............................... 998 1.498 998 kr. kg
Sparigrís brauðskinka ........................... 196 279 196 kr. kg
Svínagúllas úr kjötborði ........................ 899 1.098 899 kr. kg
Freschette pitsa, 380g og 2ltr. coke ...... 598 748 598 kr. ltr
HAGKAUP
Gildir 25. – 28. nóv. verð nú verð áður mælie
Holta kjúkl.læri m/legg magnpk. ........... 389 599 389 kr. kg
Kalkúnn 1/1 frosinn............................. 599 859 599 kr. kg
kjötb. lambahryggur ............................. 799 1.295 799 kr. kg
kjötb.lambalæri ................................... 799 1.169 799 kr. kg
Svansö bearnaise sauce, 460 g ............ 379 399 823 kr. kg
KRÓNAN
Gildir til 30. nóv. m. birgðir end. verð nú verð áður mælie.verð
Bautabúrs bayonneskinka .................... 798 1.481 798 kr. kg
Kea londonlamb .................................. 812 1.353 812 kr. kg
Bautabúrs grísabógur, reyktur ............... 399 626 399 kr. kg
Krónu hamborgarhryggur ...................... 779 1.298 779 kr. kg
Myllu laufabrauð steikt, norðlenskt ........ 398 598 398 kr. pk.
Krónu brauð stórt/gróft ........................ 79 119 79 kr. stk.
Egils jólaöl 0,5 ltr................................. 79 99 158 kr. ltr
Mackintosh 3 kg .................................. 2.998 3.998 999 kr. kg
Homeblest 500 g................................. 99 199 198 kr. kg
NETTÓ
Gildir 25. nóv. – 1. des. m. birgðir end verð nú verð áður mælie.verð
Nettó hamborgarhryggur....................... 695 1.219 695 kr. kg
Nettó hangiálegg í bunkum................... 1.649 2.749 1.649 kr. kg
Blandað hakk ...................................... 599 799 599 kr. kg
Helgarlamb- og grís f/Borgarnesi .......... 1.275 1.594 1.275 kr. kg
Ýsubitar roð/beinhr., frá Norðanf. 800 g 479 599 599 kr. kg
Ferskur kjúklingur, 1/1 ......................... 345 689 345 kr. kg
Ferskir leggir, magnpakki ...................... 475 679 475 kr. kg
Vínber græn, blá og rauð ...................... 299 399 299 kr. kg
Víking maltöl, 500 ml........................... 79 89 158 kr. ltr
Náttúra hveiti, 2 kg .............................. 49 71 25 kr. kg
NÓATÚN
Gildir til 1. des. m. birgðir end. verð nú verð áður mælie. verð
Séralinn kjúklingur með fyllingu............. 559 nýtt 559 kr. kg
Ungnautahamborgari með brauði, 90 g . 99 125 99 kr. kg
Nóatúns þurrkryddað lambalæri ............ 899 1.599 899 kr. kg
Nóatúns lambalæri .............................. 899 1.499 899 kr. kg
Nóatúns pitsa, hawaii/pepperoni .......... 399 599 399 kr. kg
Brazzi – borgar fyrir 2, færð 3 ................ 93 139 93 kr. ltr
Ferskir maísstönglar ............................. 69 nýtt 69 kr. stk.
Borgarnes helgarlamb og grís................ 1.196 1.594 1.196 kr. kg
French́s sinnep, klassískt gult ............... 99 nýtt 99 kr. stk.
SAMKAUP/ÚRVAL
Gildir 25. – 28. nóv. verð nú verð áður mælie. verð
Ekta hamborgarhryggur ........................ 731 1.219 731 kr. kg
Gourmet lambalæri, ófrosið .................. 1.059 1.412 1.059 kr. kg
Grísahnakki með gráðostafyllingu.......... 1.299 1.855 1.299 kr. kg
Ora jólasíld, 630 g ............................... 449 499 713 kr. kg
Ora hátíðarsíld, 500 g .......................... 349 399 698 kr. kg
Ömmubakstur laufabrauð, 15 stk. ......... 889 1.198 60 kr. stk.
Myllu súpubrauð. 15 stk....................... 199 370 13 kr. stk.
Myllu fitty bollur, 4 stk., 250 g............... 129 198 516 kr. kg
Myllu seytt jöklabrauð, 350 g................ 99 179 283 kr. kg
Spar, Bæjarlind
Gildir til 30. nóv. verð nú verð áður Mælie. verð
Nautalundir New Zealand ..................... 2.998 3.898 2.998 kr. kg
Bayonneskinka .................................... 818 1.364 818 kr. kg
Libero bleiur, tvöfaldur pakki ................. 875 1.298 875 kr. pk.
Pampers bleiur, tvöfaldur pakki ............. 979 1.298 979 kr. pk.
Sunkist safi, 4 teg., 3x200 ml ............... 119 139 198 kr. ltr
Dan cake lúxus kökur, 300 g................. 154 182 513 kr. kg
Frón jólakök., hálfm./vanilluhr., 300 g ... 357 446 1.190 kr. kg
KS jólakökur, kókos/appelsínu, 350 g ... 423 529 1.209 kr. kg
Spar konfekt ........................................ 1.298 nýtt 1.298 kr. kg
Piparkökur, 150 g ................................ 98 nýtt 653 kg
Laufabrauð, jólaöl og konfekt

HELGARTILBOÐIN | neytendur@mbl.is
Ekki þarf lengi að ganga umí matvöruverslun meðÞorra Hringssyni mynd-listarmanni til þess að
komast á þá skoðun að gott væri að
vera í fæði hjá honum. Ekki amaleg
vist hjá þeim Sigrúnu Höllu Hall-
dórsdóttur, konu Þorra, og dóttur
þeirra Iðu. Þorri er með miða í þeirri
verslunarferð sem ég fylgi honum í,
sá miði er lítill en greinilega mjög út-
hugsaður.
„Ég er stundum með miða og
stundum ekki,“ segir Þorri.
„Ég hvika oft frá miðanum ef ég sé
eitthvað kræsilegt – nema að ég sé
búinn að skipuleggja mjög mótaðan
matseðil og vilji endilega halda mig
við hann.“ Greinilega er matseðillinn
vel mótaður í þessari ferð. Fyrst
grípur Þorri tvær stórar sætar kart-
öflur, og eina nýpu (steinseljurót),
síðan gerir hann hlé og segir mér að
hann eldi ekki mikið eftir upp-
skriftum.
„Þegar ég er að elda eitthvað í
fyrsta skipti og það er flókið þá horfi
ég á uppskriftina og fylgi henni, eftir
það nota ég hana ekki mikið, nema
að langt sé síðan viðkomandi réttur
hafi verið eldaður. Maður verður að
hafa sinn stíl.“
Ég spyr hvort hann sé aðalmat-
reiðslumaðurinn á sínu heimili?
„Já, ég elda svona í 75% tilvika, ég
eldaði raunar allt þegar við byrjuð-
um búskap, ég og konan mín, hún
hélt þá að ég væri svo góður og
treysti sér varla í slaginn, en þetta
hefur breyst og hún eldar mjög góð-
an mat.“
Hvað með matreiðsluhefðina?
„Ég er alinn upp við tvenns konar
matreiðsluhefð, annars vegar norð-
lenska eldhúsið frá móður minni,
Sigurbjörgu Guðjónsdóttur, sem er
alin upp á Dalvík, hún eldaði mikið
fisk og lambakjöt. Hún hafði verið í
húsmæðraskóla, þaðan komu henni
dönsk áhrif, en frá pabba kemur villi-
bráðin, hann er alinn upp í Aðal-
dalnum, þar voru menn mikið í að
skjóta fugla og veiddu silung og lax.“
Faðir Þorra er Hringur Jóhannesson
myndlistarmaður.
Er ekki mikið fyrir
unnar kjötvörur
Kjúklingar og svínakjöt voru ekki
oft á borðum á mínu æskuheimili, ég
fór hins vegar snemma að elda kjúk-
ling en hef verið ónýtari við svína-
kjötið. Hrossakjöt var aftur oft á
borðum heima og ég elda oft folalda-
kjöt og finnst það frábær matur. Ég
er ekki mikið fyrir unnar kjötvörur,
borða t.d. ekki pylsur, bjúgu og kjöt-
fars. Ef ég er með kjötbollur elda ég
þær frá grunni. Það er svo margt
annað í boði að ég kemst vel af án
unnu kjötvaranna. Ég segi stundum
að ég vilji helst horfa í augun á dýr-
inu og segja: „Fyrirgefðu en nú ætla
að borða þig“, mér finnst best að
veiða sjálfur fiskinn og skjóta fugl-
inn. Ef ég er hins vegar boðinn í mat
þá borða ég unnar kjötvörur ef þær
eru á borðum.
Grænmeti er miklu fjölbreyttara
og betra en það var á árum áður.
Eðlilega er því miklu meira græn-
meti á borðum nú en þegar ég var að
alast upp. Paprikur voru t.d. ekki á
borðum heima fyrr en um 1980. Það
hlýtur að hafa verið erfitt að vera
grænmetisæta áður fyrr. Ég er
tengdur inn í fjölskyldu þar sem eru
grænmetisætur og þess vegna borða
ég fyrir vikið meira grænmeti en
ella, þar fæ ég æðislega fína græn-
metisrétti sem hefur sýnt mér fram á
að það er hægt að lifa góðu lífi án
þess að borða kjöt.“
Matur hefur oft verið
myndefni Þorra
Þorri Hringsson er myndlistar-
maður og á sýningum hefur komið
fram að matur verður honum oft að
myndefni.
„Ég hef málað nokkuð margar
myndir af mat, ég vildi bara mála það
sem ég hef áhuga á, það er ekki
flóknara en það. Ég byrjaði að mála
mat fyrir um 12 árum og er að því
enn þá.“
Þorri leggur nú af stað með inn-
kaupakerruna til þess að gera alvöru
úr laugardagsinnkaupunum.
„Ég ætla að hafa andabringur og
veit að þær eru til, þær eru innfluttar
frá Frakklandi. Þær eru yfirleitt til,
það varð bylting þegar GV-
heildsalan var stofnsett og fór að
flytja inn „alvöru“ mat. Það hafa líka
verið gerðar tilraunir með íslenskar
andabringur sem ég keypti um dag-
inn, þær eru töluvert minni en prýði-
legt hráefni sem þurfa minni eldun.
Með andabringunum ætla ég á
laugardagskvöldið að hafa rauðvíns-
sósu með fíkjum sem ég sýð með rétt
í lokin, hráar fíkjurnar sker ég í
tvennt, þær eru mjög góðar.“
Þorri tekur tvær 400 g andabring-
ur og segir það nóg fyrir þrjá í mat-
inn. „Ég sker í fituna á bringunum
og steiki þær á pönnu í 4 til 5 mín-
útur, síðan er þeim snúið við og þær
steiktar svona eina mínútu á kjöt-
hliðinni. Eftir það eru þær settar í
ofn í 120 gráðu hita í 12 til 15 mín-
útur. Svo eru þær látnar standa í 10
mínútur áður en þær eru sneiddar
niður í þunnar sneiðar. Með þessu er
bökuð, sæt kartafla.
Hörpuskel með nýpumauki
Í forrétt ætla ég að hafa hörpuskel
með nýpumauki. Þessi rótarávöxtur
er mjög góður. Hörpuskelina steiki
ég við mjög háan hita í svona mínútu,
nýpan er soðin í mjólk, svo er hún
sett í blandara með dálítið af olíu og
krydduð með salti og pipar og svo-
litlum sykri. Með þessu er gott að
hafa kerfil.
Í eftirrétt ætla ég að hafa Créme
Brulée. Þetta er sígildur eggjabúð-
ingur með vanillu. Þessi réttur er til í
mörgum útgáfum en er að stofni til
mörg hundruð ára gamall sveitamat-
ur sem Poul Bocuse endurvakti á átt-
unda áratugnum á hans veitingastað
í Burgund, rétt norðan við Lyon.“
Þorri kveður þau hjónin vera dug-
leg við að bjóða heim fólki.
„Nánast um hverja helgi erum við
með matargesti,“ segir hann og seil-
ist í hrúgu af súkkulaði.
„Ég vil hafa dökkt súkkulaði, helst
70%“ segir hann. Slíkt súkkulaði fyr-
irfinnst ekki í hrúgunni.
Fólki líður vel af einföldum mat
Ég spyr hvort matur sé þýðing-
armikið atriði í heimilishaldi fjöl-
skyldunnar.
„Já, við höfum mikinn áhuga fyrir
matseld en það hefur ekki komið að
sök hvað holdafarið snertir. Ég held
að hollur matur sé ekki fitandi, það
er ekki eins mikið af kolvetnum í
óunnu hráefni, þess vegna veljum við
það fremur en hið unna. Ég held að
fólki sem borðar einfaldan mat líði
betur og líti betur út.“
Ég spyr um fiskinn.
„Við erum oft með fisk í matinn,
helst þorsk. Oft var erfitt að ganga
að þorski vísum fyrir nokkrum árum
en nú er það hægt. Ég fer alltaf í
fiskbúðina að Freyjugötu 1, ég vil
halda fiskbúðunum við lýði og kaupi
þess vegna helst ekki fisk í stór-
mörkuðum. Helst vildi ég hafa sér-
stakar kjötbúðir líka, en þær eru
komnar inn í stórmarkaðina, ég fer í
Nóatún við Háaleitisbraut þegar ég
vil fá verulega gott kjöt.“
Uppáhaldsverslunin er í París
Finns Þorra matur dýr?
„Verðlagið hefur mikið lagast,
ákveðnar vörur hafa lækkað mikið.
Verð á kjöti hefur lækkað eða staðið í
stað, en á móti hefur verð á fiski
hækkað verulega, ég veit ekki hver
er að hirða mismuninn – það er hægt
að kaupa þorsk á 120 kr. á fiskmark-
aði en hann kostar 600 kr. kg í fisk-
búðinni. Flestar vörur hafa þó ekki
hækkað umfram verðbólgu.“
Þorri kveðst versla í ýmsum versl-
unum. „Ef vörur eru talsvert ódýrari
í einni verslun fremur en annarri
kaupi ég þar, en á hinn bóginn fæst
ekki ýmislegt, sem ég vil fá, í ódýrari
verslunum. Sumt fær maður bara í
sérverslunum og ef þær bjóða mér
sambærilegar eða betri vörur en
stórmarkaðir þá versla ég þar.“
Hvað með ferðir til útlanda, eru þá
ekki keyptar ýmsar óvenjulegar
vörutegundir í leiðinni?
„Jú, ég á mér eina uppáhalds-
verslun, það er La Grand Epiceri í
París – hún er glæsilegasta „gourm-
et-búð“ sem ég hef komið í. Hún er
eins stór og Hagkaup í Kringlunni en
þar fæst allt mögulegt sem fæst ekki
annars staðar. Því miður getur mað-
ur ekki borið allt það heim sem mann
langar þar í, en sumt tek ég með
heim – það sem ég tel mig geta
geymt og má fara með inn í landið.“

HVAÐ ER Í MATINN? | Þorri Hringsson
Hörpuskel og
andabringur
Háþróaður matarsmekkur Þorra Hringssonar
myndlistarmanns leyndi sér ekki í verslunarferð
sem Guðrún Guðlaugsdóttir fór í með honum. Í
körfuna var aðeins tínt það sem í hinn ágæta kvöld-
verð átti að fara, á matseðlinum voru hörpuskeljar
með nýpumauki, andabringur og Créme Brulée.
Morgunblaðið/Jim Smart
Þorri Hringsson velur stórar og myndarlegar andabringur í matinn.