Morgunblaðið - 30.12.2004, Qupperneq 47

MORGUNBLAÐIÐ FIMMTUDAGUR 30. DESEMBER 2004 47
DAGBÓK
Nýr áfangi í fagmenntun fyrir versl-unarfólk hefst í janúar þegar 20 nem-endur hefja verslunarfagnám í Verzl-unarskóla Íslands. Námið, sem er
þrjár annir, er bæði fólgið í bóklegri menntun í
skóla og starfsfræðslu á vinnustað. Námsefni og
kennsluhættir miðast við að nemendur séu eldri
en þeir sem koma beint úr grunnskóla og hafi
einhverja reynslu af verslunarstörfum.
Unnið hefur verið að undirbúningi námsins í
um tvö ár og eru, að sögn Emils B. Karlssonar,
verkefnisstjóra hjá Samtökum verslunar og þjón-
ustu (SVÞ) miklar væntingar bundnar við það af
hálfu fyrirtækja í greininni og annarra sem kom-
ið hafa að undirbúningnum. „Ég vil leyfa mér að
fullyrða að hér sé verið að skrifa nýjan kafla í
starfsmenntamálum Íslendinga. Í smásöluversl-
un hér á landi starfa um 12.000 manns sem er ein
fjölmennasta stétt landsins og ekkert heildstætt
fagnám hefur verið til fyrir hana þrátt fyrir mjög
brýna þörf,“ segir Emil. „Stærstu fyrirtækin í
smásöluverslun hafa öll orðið að grípa til þess
ráðs að setja upp sérstaka skóla innan sinna vé-
banda til þess að leysa úr brýnasta vandanum.
Þetta er mjög sérstakt þegar horft er til þess
að við höfum lengi verið meðvituð um mikilvægi
hvers konar iðnmenntunar, menntun tengda sjó-
mennsku og sjávarútvegi, menntun heilbrigðis-
stétta auk þess sem lengi hafa verið reknir þrír
háskólar á sviði landbúnaðar, en í landbúnaði
starfar um 1/3 þeirra sem starfa í smásöluversl-
unum, samkvæmt tölum Hagstofunnar.
Allt frumkvæði að þessu námi hefur komið frá
atvinnulífinu og Fræðslumiðstöð atvinnulífsins
hefur unnið mikið þrekvirki við þarfagreiningu
og gerð námsskrár fyrir fagið. Leitað var til
menntamálayfirvalda í byrjun en þaðan fékkst
engin fyrirgreiðsla.“
Hvernig er þörf á þessu námi háttað?
„Nútíma smásöluverslanir krefjast mikillar
sérhæfingar. Þannig eru gerðar kröfur um vöru-
þekkingu, innkaupastjórnun, upplýsingatækni,
meðferð á vörum eins og ávöxtum, grænmeti og
kjöti, framsetningu auk fjölmargra almennra
þátta eins og þjónustu, prósentureiknings, mark-
aðssetningar o.fl. Með því að hafa tök á öllum
þessum þáttum fáum við fagmennsku sem skilar
sér í bættum rekstri fyrirtækjanna, aukinni
ánægju starfsmanna og bættri þjónustu við neyt-
endur.“
Í hverju felst mikilvægi fagmenntunar?
„Við getum horft á þetta frá þremur hliðum:
Fyrirtækin eru háð því að þau séu rekin af fag-
mennsku og hagkvæmni. Samkeppni á milli
verslana snýst oft um þjónustu sem starfsmenn
þeirra veita og þekkingu á vörum. Því er fag-
menntun lykilatriði fyrir fyrirtækin. Gera má ráð
fyrir að ímynd starfsins batni líkt og gerst hefur
erlendis. Hagur neytenda felst einnig í betri
þjónustu og meiri gæðum frá fagmönnum og
aukið hagræði í rekstri ætti að skila sér í lægra
vöruverði.“
Menntamál | Fagmenntun í verslun ætlað að auka gæði þjónustu og hagkvæmni rekstrar

Emil B. Karlsson er
fæddur í Reykjavík árið
1953. Hann lauk fil.
cand. prófi í kynning-
artækni og uppeld-
isfræði frá Háskólanum
í Lundi í Svíþjóð og
M.Sc í viðskiptafræði.
Emil hefur starfað við
kennslu og sem kynn-
ingarstjóri Iðn-
tæknistofnunar 1998–
1996. Þá var hann forstöðumaður Evrópumið-
stöðvar á Iðntæknist. 1996–2001, en hefur
starfað sem verkefnisstjóri SVÞ frá 2001.
Emil er kvæntur Hallveigu Thordarson, for-
stöðumanni fæðingarorlofssjóðs hjá TR, og á
með henni fjögur börn og eitt stjúpbarn.
Neytendum og fyrirtækjum í hag
Hestar undir Úlfarsfelli
NÆR daglega keyri ég Úlfarsfells-
veg og hef því orðið vitni að tveimur
hrossum í hólfi þar neðan vegar.
Stingandi stráin af næringarlausu
grasinu eru orðin anzi fá, ef nokkur
eru. Sá sem telur sig eiga þessi
hross ætti að huga að ástandi þeirra
sem er orðið fremur bágborið, enda
hafa þau þurft að standa af sér harð-
an vind og vonskuveður eins og
mörg önnur íslensk hross en þá er
lágmark að þau hafi nægu að bíta og
brenna.
Að lokum, gamlárskvöld er fram-
undan í öllu sínu veldi, gerum ráð-
stafanir tímalega, dýranna vegna.
HBK.
Áskorun
GÓÐIR Íslendingar.
Nú er lag að gefa af sér – nú er
ekki tími sjálfselsku/sjálflægni. Það
fjármagn sem við ætluðum okkur í
skotelda – eða brot af því – gefum
við í neyðaraðstoð vegna náttúru-
hamfaranna í Suðaustur-Asíu.
Við vitum að oft er þörf en nú er
nauðsyn að standa saman og skynja
samkennd með fólkinu sem lenti í
þessum hryllingi.
Móðir og kennari.
Hver þekkir vísuna?
Hvert sem leið þín liggur
lífs um ófarinn stig,
bið ég guð að greiða
götuna fyrir þig.
Hver er höfundur þessarar vísu?
Þeir sem gætu gefið upplýsingar
hafi samband í síma 892 4194.
Carmen er týnd
CARMEN er kolsvört kisa með
bleika ól, eins og hálfs árs gömul.
Hún hvarf frá heimili sínu að Vest-
urbergi 27 á annan í jólum og hefur
getað villst í nærliggjandi hverfi eða
komist inn um glugga í kjallara eða í
geymslur. Carmen er mannafæla og
því þarf að fara varlega að henni.
Þeir sem hafa séð til Carmenar eru
beðnir að hafa samband í síma
557 6551, 692 0149 eða 694 1014.
Köttur týndist í miðbæ
Hafnarfjarðar
KÖTTURINN minn, hann Draum-
ur, týndist að kvöldi jóladags þegar
hann slapp út úr húsinu okkar í
miðbæ Hafnarfjarðar. Hann er
bröndóttur, með hvíta bringu og
hvítar loppur. Hann er eyrnamerkt-
ur, en var ekki með hálsól þegar
hann týndist. Ef þú hefur séð hann
eða veitt honum skjól undan kuld-
anum þá vinsamlega hafðu samband
við pabba minn í síma 860 9248 sem
allra fyrst. Eva Lena, 7 ára.
Velvakandi
Svarað í síma 5691100 kl. 10–12
og 13–15 | velvakandi@mbl.is
1. Rf3 g6 2. d4 Bg7 3. g3 c5 4. c3 Db6 5.
Bg2 Rf6 6. 0–0 0–0 7. d5 d6 8. He1 e6 9.
e4 exd5 10. exd5 Bg4 11. Ra3 Rbd7 12.
Db3 Dxb3 13. axb3 Rxd5 14. Rb5 Hfd8
15. Rxd6 Bxf3 16. Bxf3 Re5
Fyrir skömmu var haldin keppni
fjögra landsliða á Netinu. Kínverjar
urðu efstir með 14 vinninga og Frakkar
og Rússar komu næstir með 13 vinninga
en Armenar ráku lestina með 8 vinn-
inga. Staðan kom upp í viðureign Rússa
og Armena þar sem Vadim Zvjaginsev
(2.650) hafði hvítt gegn Artashes Min-
asjan (2.581). 17. Hxe5! Bxe5 18. Rxb7
Hd7 19. Rxc5 Hdd8 20. c4! Þetta þurfti
hvítur að sjá þegar hann fórnaði skipta-
muninum þar eð nú nær hann honum til
baka í ljósi þess að 20. … Hac8 yrði
svarað með 21. Rb7. 20. … Rb4 21.
Bxa8 Hxa8 22. Ha4 Rc6 svartur hefði
getað gefist upp með góðri samvisku
þar eð hvítur hefur tveimur peðum
meira. 23. b4 Hd8 24. b5 Rd4 25. Kg2
Rc2 26. Hxa7 Bd4 27. Hd7 Hc8 28. Rb3
Hxc4 29. Bh6 og svartur gafst upp.
SKÁK
Helgi Áss Grétarsson | dagbok@mbl.is
Hvítur á leik.
KÓR Menntaskólans í
Reykjavík syngur út
jólin í Dómkirkjunni í
kvöld kl. 20.30. Að-
gangur er ókeypis og
efnisskrá tónleikanna
fjölbreytt jólatónlist og
-söngvar. Nokkrir kór-
félagar munu syngja
einsöng með kórnum
og aðrir leika á hljóð-
færi.
Stjórnandi kórsins er
Marteinn H. Frið-
riksson og er þetta tí-
unda árið sem hann
stjórnar kórnum.
Jólasöngvar
Kórs MR
SÖNGLEIKURINN Hárið verður sýndur í
síðasta sinn í Austurbæ í kvöld kl. 20, en
alls hafa farið fram um fimmtíu sýningar
síðan hann fór á fjalirnar í sumar. Tæplega
25.000 gestir hafa komið að sjá Hárið og
eru leikarar og aðrir aðstandendur verks-
ins afar ánægðir með þann árangur.
Miðasalan í Austurbæ er opin frá kl. 14-
18 í dag, en örfá sæti eru enn laus á þessa
lokasýningu Hársins.
Morgunblaðið/ÞÖK
Síðasta sýning Hársins
RJÓMI íslenskra poppara mun
koma fram á tónleikum til stuðn-
ings Styrktarfélagi krabba-
meinssjúkra barna í kvöld kl. 19 í
Háskólabíói. Tónleikarnir eru á
vegum fyrirtækisins Concert
sem sérhæfir sig í stuðningi við
tónlistarmenn og ýmiss konar
tónleikahaldi.
Þeir listamenn sem koma þar
fram eru: Sálin hans Jóns míns,
sem hafa tekið þátt frá upphafi,
Bubbi Morthens, Paparnir, Birg-
itta Haukdal, Nylon, Í svörtum
fötum, Á móti sól, Hæsta hendin,
og Idol-drengirnir Jón Sigurðs-
son og Kalli Bjarni.
Söfnunarféð verður afhent í
hléi tónleikanna, en stefnt er að
því að safna yfir tveimur millj-
ónum. Allir sem koma að tónleik-
unum á einhvern hátt gefa vinnu
sína.
Poppað til styrktar krabbameinssjúkum börnum
Sálin hans Jóns míns hefur ekki látið sitt eftir liggja í baráttunni.