24 stundir - 11.01.2008, Qupperneq 22

22 FÖSTUDAGUR 11. JANÚAR 2008 24stundir
KOLLAOGKÚLTÚRINN
kolbrun@24stundir.is a
Að spyrja rithöfund um skoð-
un hans á gagnrýnanda er
eins og að spyrja ljósastaur hvað
honum finnist um hunda.
Christopher Hampton.
Á þessum degi árið 1927 voru
eignir Charles Chaplins frystar eft-
ir að eiginkona hans Lita Grey
höfðaði skilnaðarmál á hendur
honum. Skilnaðardeila þeirra var
löng og grimmileg og Lita leyndi
því ekki fyrir fjölmiðlum og um-
heiminum að eiginmaðurinn hefði
oft haldið framhjá henni. Chaplin
var gert að greiða henni hæstu
bætur sem greiddar höfðu verið í
skilnaðarmáli í Bandaríkjunum.
Lita og Chaplin kynntust þegar
hún var tólf ára og hann rúmlega
þrítugur en þá lék hún í einni kvik-
mynda hans. Hún var sextán ára
gömul þegar hún varð barnshaf-
andi. Af ótta við að vera dæmdur
fyrir að hafa haft mök við barn
undir lögaldri kvæntist Chaplin
henni. Hjónabandið var dauða-
dæmt frá byrjun. Eftir þrjú ár
skildu þau og höfðu þá eignast tvo
syni. Lita gekk fjórum sinnum í
hjónaband og lést árið 1995, 87 ára
gömul.
MENNINGARMOLINN
Eignir
Chaplins frystar
Eftir Kolbrúnu Bergþórsdóttur
kolbrun@24stundir.is
„Þetta sýningaár einkennist af til-
raunum til að fá erlenda listamenn
og erlenda list inn í Listasafnið og
leitast er við að búa til sýningar þar
sem erlendir og íslenskir listamenn
vinna saman,“ segir Halldór Björn
Runólfsson, safnstjóri Listasafns Ís-
lands, um sýningaárið sem nú er að
hefjast.
Dvöl í tímanum
Halldór segir ákveðin skref verða
tekin í þessa átt með næstu tveimur
sýningum safnsins. „Fyrsta sýning
ársins hefst seint í febrúar og nefnist
Streymið og þar sýna þrjár listakon-
ur, Gabríela Friðriksdóttir, Guðný
Rósa Ingimarsdóttir og svissneska
listakonan Emmanuelle Antille.
Verk þeirra eiga það sameiginlegt að
vera fremur tímatengd en rýmis-
tengd, það er að segja, þarna eru
ekki þungir hlutir á ferðinni og þær
byggja list sína á dvöl í tímanum. Á
sýningunni verða myndbönd og
teikningar ásamt skúlptúrum og
málverkum,“ segir Halldór Björn.
Hin eilífa togstreita
„Um miðjan maímánuð verður
opnuð sýning í tengslum við
Listahátíð. Þar munum við leitast
við að fá listamenn til að takast á
við arkitektúr safnsins og jafnvel
draga fram hina eilífu togstreitu
milli myndlistar og húsagerðarlist-
ar. Þar hafa menn ætíð tekist á um
leiðir. Listamenn eru til dæmis
stundum mjög óhressir þegar húsa-
gerðarlistin er yfirþyrmandi í kring-
um sýningu þeirra og þá finnst
þeim að hún sé að éta upp allt sem
þeir eru að gera. Arkitektar eru svo
óhressir með það að listamenn séu
að fetta fingur út í hús þeirra. Sumir
arkitektar, eins og Alvar Aalto forð-
um daga, hafa gengið svo langt að
telja að það væri nóg að hafa arki-
tektúr, það þyrfti ekkert að hafa
myndlist í góðu húsi. Aalto gekk
svo langt að segja að teikniblokkin
væri afhent af Guði til arkitektsins
til að hann gæti teiknað hús.
Þarna sýna fimm listamenn, þrír
íslenskir, Elín Hansdóttir, Finnbogi
Pétursson og Steina Vasulka, og
tveir erlendir, Monica Bonvicini frá
Ítalíu og Franz West frá Austurríki.“
Ný innslög í sumar
„Síðan tekur við sumarsýning,
væntanlega með fullt af nýjum inn-
slögum. Þar verður fyrst og fremst
sýnd íslensk myndlist sem er í eigu
safnsins og kannski verða þar ein-
hver utanaðkomandi verk en það er
ekki fullákveðið. Um haustið verð-
ur síðan sýning í tengslum við
Kvikmyndahátíð í Reykjavík þar
sem við fáum mjög þekkta lista-
konu, Shirin Neshat, til að sýna
verk sín. Hún er írönsk en búsett í
Bandaríkjunum og er meðal þekkt-
ustu vídeógerðarmanna heims. Um
svipað leyti verður opnuð hér sýn-
ing á verkum úr Würth-safninu í
Suður-Þýskalandi en það býr yfir
feikilegri safneign upp á 10.000 verk
eftir fjölmarga þekktustu listamenn
heims, frá impressjónistunum fram
til okkar daga. Þar verður reynt að
bregða ljósi á það sem hefur verið
að gerast mest og mikilvægast í list
síðustu áratuga, en ekki heldur
gleymt því sem henti á fyrri hluta
síðustu aldar. Þannig að þetta verð-
ur mikil yfirlitssýning á list 20. aldar
með aðaláherslu á þýska list und-
anfarinna áratuga,“ segir Halldór
Björn.
Nýtt sýningaár er hafið hjá Listasafni Íslands
Erlend list og íslensk
Á nýju sýningaári mun
Listasafn Íslands leitast
við að búa til sýningar
þar sem erlendir og ís-
lenskir listamenn vinna
saman, “ segir Halldór
Björn Runólfsson safn-
stjóri. Ákveðin skref
verða tekin í þessa átt
með næstu tveimur sýn-
ingum safnsins.
Halldór Björn Það verður mikið
um að vera í Listasafninu Íslands
þar sem hann er við stjórnvölinn.
➤ Síðan Listasafn Íslands reið ávaðið fyrst safna með að veita
ókeypis aðgang árið 2006 þá
hefur aðsókn aukist að safn-
inu um 130 prósent.
➤ Listasafn Íslands gaf út fjórarlistaverkabækur á síðastliðnu
ári (2007) í tengslum við sýn-
ingar safnsins. Þær heita/eru
eftir: Jóhann Briem, Jón Eng-
ilberts, Cobra Reykjavík og
Kristján Davíðsson.
SAFNIÐ
24stundir/Frikki
Davíð Örn Halldórsson opnar
einkasýningu sína absalút
gamall kastale
í Galleríi Ágústi laugardaginn
12. janúar kl. 16.
Davíð Örn er þekktur fyrir að
nota djarfa liti og óhefð-
bundin efni í verk sín svo sem
bílalakk, olíupastel og úða-
brúsalakk. Hann málar gjarn-
an á fundið efni, oftast við-
arplötur en einnig vinnur
hann beint á veggi og vinnur
m.a. stóra veggmynd beint á
veggi gallerísins á þessari sýn-
ingu.
Djarfir litir
AFMÆLI Í DAG
Rod Taylor leikari, 1930,
Stanley Tucci leikstjóri,
1960.
Sýning Steingríms Eyfjörð,
Lóan er komin, sem var fram-
lag Íslands til Feneyjatvíær-
ingsins í fyrra, stendur nú yfir
í Hafnarhúsinu.
Innsetning Steingríms Eyfjörð
vakti mikla athygli á Fen-
eyjatvíæringnum og var af
sumum talin meðal hápunkta
tvíæringsins. Í kjölfar hennar
var Steingrími boðinn samn-
ingur við virt gallerí í New
York þar sem hann verður
með sýningu í vor.
Innsetningin í Hafnarhúsinu
samanstendur af 13 sjálf-
stæðum verkum; ljós-
myndum, skúlptúrum, text-
um, teikningum,
myndböndum og öðrum
miðlum.
Sýningarnar standa báðar til
2. mars.
Lóan í
Hafnarhúsinu
Borgarbókasafn Reykjavíkur, í
samstarfi við ÍTR, ætlar að
standa fyrir svokölluðu ljóða-
slammi á Vetrarhátíð 2008.
Ljóðaslamm felst í flutningi
frumsamins ljóðs eða ljóða
þar sem áherslan er ekki síður
á flutninginn en á ljóðið sjálft.
Þannig telst hefðbundinn
ljóðaupplestur ekki til ljóða-
slamms, heldur er áherslan á
ljóðaflutning sem sviðslist og
miðað við að flytjandi eða
flytjendur fari með ljóðið
samhliða tónlist, myndlist eða
leiklist. Hvort sem er ein-
staklingur eða hópur getur
flutt ljóðið.
Aldurshópurinn sem ljóða-
slammið miðast við er 13-18+
(efri mörk eru opin).
Skráningarfrestur er til 20.
janúar 2008.
Ljóðaslamm í
Borgarbóka-
safninu