24 stundir - 05.02.2008, Blaðsíða 6

6 ÞRIÐJUDAGUR 5. FEBRÚAR 2008 24stundir
Týni nemandi svokölluðu námsmannakorti sem
veitir ókeypis ferðir með Strætó þarf hann að greiða 10
þúsund krónur fyrir nýtt kort. „Þetta er Strætó til há-
borinnar skammar. Sonur minn týndi kortinu sínu í
veðrahamnum um daginn og þarf nú að greiða upp-
hæð sem er algjörlega út í hött,“ segir faðir sem hafði
samband við 24 stundir.
Reynir Jónsson, framkvæmdastjóri Strætó, segir
stjórn fyrirtækisins hafa ákveðið upphæðina. „Það var
ákveðið á sínum tíma að efla ábyrgðartilfinninguna
gagnvart þessu korti sem felur í sér rúmlega 30 þús-
unda króna verðmæti. Við höfum reyndar látið nýtt
kort af hendi án endurgjalds hafi nemandi tapað seðla-
veski með námsmannakortinu og öðrum skilríkjum,
komi staðfesting frá banka um að til dæmis greiðslu-
kort hafi tapast,“ segir Reynir og bætir við að rætt hafi
verið um að lækka greiðsluna fyrir nýtt kort þar sem
talsvert langt er liðið á skólaárið.
„Gjaldið á ekki að vera hærra en sem nemur kostn-
aði við að gera nýtt kort. Það er eins og verið sé að refsa
nemendum fyrir að týna kortinu,“ leggur faðirinn
áherslu á. ibs
Endurnýjun tapaðs námsmannakorts kostar 10 þúsund krónur
Á að efla ábyrgðartilfinningu
Eftir Ægi Þór Eysteinsson
aegir@24stundir.is
Átján ára Hafnfirðingur, Haukur
Arnar Hafþórsson, ber lögregl-
una á Selfossi þungum sökum og
segir hana hafa beitt sig ofbeldi
við sýnatöku árla dags á föstu-
daginn.
Haukur hlaut áverka vegna
viðskipta sinna við lögreglu og
hefur ráðið sér lögfræðing til að
kanna stöðu sína. Hann útilokar
ekki að kæra lögreglumennina
sem áttu í hlut.
Þetta er ekki í fyrsta sinn sem
lögreglan á Selfossi er sökuð um
að beita ofbeldi við sýnatöku því
að síðastliðið sumar var lögreglan
kærð fyrir að taka þvagsýni úr
konu, sem grunuð var um ölv-
unarakstur, með ofbeldi.
Selfosslögreglan vildi ekki tjá
sig um mál Hauks þegar eftir því
var leitað.
Svívirðingar og ofbeldi
Lögregla stöðvaði för Hauks
Arnars á föstudagsmorgun, vegna
gruns um ölvunarakstur. „Um
leið og ég settist inn í lögreglubíl-
inn byrjuðu þeir að ausa yfir mig
svívirðingunum og kölluðu mig
hálfvita og aumingja,“ segir
Haukur Arnar. Hann viðurkennir
að hafa ekið bifreiðinni eftir að
hafa drukkið tvo bjóra.
Þegar á lögreglustöðina var
komið var Hauki tjáð að taka
þyrfti úr honum blóðsýni vegna
gruns um ölvunarakstur. „Þá
kom þarna einhver maður sem
mér var sagt að væri læknir. Ég er
mjög hræddur við nálar og bað
því um að maðurinn framvísaði
einhverjum gögnum til að færa
sönnur á að hann væri læknir. Þá
réðust skyndilega þrír lögreglu-
menn á mig og héldu mér á með-
an þessi maður dró úr mér blóð.“
Hlaut áverka á sál og líkama
Hauki var mjög brugðið en
hann hlaut áverka vegna átak-
anna. „Þeir tóku mjög fast á mér
en ég veitti enga mótspyrnu. Ég
er rispaður og marinn eftir þá og
get engan veginn sætt mig við
þessa meðferð.“
Haukur leitaði til lögfræðings
vegna atviksins og segir að málið
sé þar í skoðun. Þyki lögfræðingi
hans tilefni til hyggst Haukur
kæra lögreglu fyrir meðferðina
eins og áður segir.
Blár og marinn
eftir sýnatöku
 Átján ára piltur sakar lögreglumenn á Selfossi um að beita sig
ofbeldi við sýnatöku  Íhugar að leggja fram kæru vegna málsins
Haukur Arnar Haf-
þórsson Sakar lög-
reglu um að beita sig
harðræði við sýnatöku.
➤ Samkvæmt 47. grein umferð-arlaga getur lögregla
fært ökumann til blóð- og
þvagrannsóknar ef ástæða
þykir til.
➤ Ökumanni ber að láta sýni afhendi.
➤ Samræmdar reglur um sýna-töku lögreglu eru í smíðum.
SÝNATAKA
Heilbrigðiseftirlit Reykjavíkur-
borgar mun tilkynna fimm
skemmti- og veitingastaði til lög-
reglu fyrir brot á tóbaksvarnarlög-
um með því að heimila reykingar
innandyra, en lögregla getur svipt
staði rekstrarleyfi sem fara á svig
við lögin.
Heilbrigðisnefnd og Vinnueftir-
lit ríkisins sinntu eftirliti með reyk-
ingabanni á skemmtistöðum í
miðbæ Reykjavíkur á föstudags-
kvöld.
Að sögn Rósu Magnúsdóttur,
sviðsstjóra hollustuháttadeildar
umhverfissviðs borgarinnar, voru
25 skemmtistaðir heimsóttir og
reyndust fimm þeirra brjóta gegn
reykingabanninu.
„Við fórum um, mátum stöðuna
og gerðum athugasemdir við fimm
staði og munum við senda þær til
lögreglu sem mun svo ákveða hvert
framhaldið verður. Það var
ánægjulegt að sjá að flestir fara eftir
banninu og gestir sem við spjöll-
uðum við voru því fylgjandi.“
aegir@24stundir.is
Borgin hafði eftirlit með reykingabanni í Reykjavík um helgina
Fimm tilfelli inn til lögreglu
Reykingabannið hundsað
Borgin mun senda lögreglu athugasemdir vegna fimm veit-
ingastaða sem heimila reykingar í sínum húsakynnum.