24 stundir - 05.02.2008, Blaðsíða 36

36 ÞRIÐJUDAGUR 5. FEBRÚAR 2008 24stundir
Mikið úrval af perlum, leðurreimum og
festingum. Einnig gjafaöskjur, standar og
pokar. Tökum hópa eina kvöldstund í
skartgripagerð. Gott verð.
Allt til leir og glergerðar.
ALLT EFNI TIL SKARTGRIPAGERÐAR
Glit ehf. Krókhálsi 5 110 reykjavík Sími 587 5411 30% AFSLÁTTUR AF VÖLDUM VÖRUM
Eftir Hildi Eddu Einarsdóttur
hilduredda@24stundir.is
Þegar Bandaríkjamenn hófu innrás
sína í Írak árið 2003 fylltust margir
Írakar von um að líf þeirra ætti eft-
ir að breytast til hins betra eftir
áralanga harðstjórn Saddams
Husseins. Fjölmargir enskumæl-
andi Írakar buðu fram krafta sína í
þágu bandaríska hersins sem túlk-
ar og treystu því að innrásin myndi
ekki einungis breyta ástandi lands-
ins til hins betra heldur myndu
Bandaríkjamenn ávallt standa vörð
um öryggi og velferð hinna þús-
unda túlka sem störfuðu í þeirra
þágu. Fljótlega kom þó í ljós að
herinn kom til landsins illa und-
irbúinn, og með óljós markmið.
Íraskir túlkar fundu að öryggi
þeirra var ógnað af íröskum and-
spyrnuhreyfingum sem sökuðu þá
um landráð en að Bandaríkjamenn
virtust lítinn metnað hafa í að
tryggja öryggi þeirra. Fjölmargir
túlkar hafa verið ráðnir af dögum
fyrir að starfa fyrir Bandaríkjaher
og ýmsir hafa sótt um hæli í
Bandaríkjunum en verið synjað.
Þeir urðu því útlagar í eigin landi
en áttu engan annan samastað.
Þetta kemur fram í 16 þúsund orða
grein bandaríska blaðamannsins
Geirge Packer sem birtist í dag-
blaðinu The New Yorker, en hann
var fréttaritari í Írak. Greinin vakti
mikla athygli en Packer vildi gera
meira úr þessu þannig að hann
hefur nú skrifað leikrit byggt á
greininni. Verkið heitir Betrayed
og verður frumsýnt í SoHo-hverfi í
New York á morgun.
Fréttaritari skrifar leikrit um líf túlka í Bagdad
Útlagar í Írak
Leikritið Betrayed sem
verður frumsýnt í New
York á morgun er eftir
bandaríska blaðamann-
inn George Packer og
byggir á grein hans um
stöðu túlka í Írak. Öryggi
þeirra er ógnað en þeir fá
litla sem enga vernd.
Ekki fjarri raunveruleik-
anum Verkið byggir á
upplifun höfundar í Írak.
➤ Sögusviðið er Bagdad og að-alpersónan er hugsjónakon-
an Intisar sem ræður sig til
starfa sem túlkur fyrir Banda-
ríkjamenn. Hún hefur látið
sig dreyma um frelsi frá barn-
æsku og hefur trú á Banda-
ríkjaher þegar hann kemur,
en verður fyrir vonbrigðum.
VERKIÐ
Á Gel-hárstofu við Hverfisgötu
37 stendur yfir myndlistarsýning
Körlu Daggar Karlsdóttur, og ber
sýningin heitið „Hitaðu matinn
þinn sjálfur“.
Efniviðurinn eru meðal annars
margyfirkeyrðir bílapartar sem
fundnir hafa verið á götum borg-
arinnar og fleira. Karla veltir fyrir
sér mýkt og hörku í mismunandi
efni og þögn útsaumsins í höndum
kvenna.
Sýningin stendur í þrjár vikur og
er öllum opin.
Sýning Körlu Daggar í Gel
Þögn útsaumsins
Félagið Ísland-Palestína mun
standa fyrir sýningum á heimildar-
og bíómyndum um málefni Palest-
ínu og Ísraels fyrsta þriðjudag
hvers mánaðar það sem eftir lifir
vetrar í Alþjóðahúsinu. Í dag verð-
ur heimildarmyndin Occupation
101 fyrir valinu og hefst sýningin
klukkan 20. Í myndinni má sjá
greiningu á staðreyndum og leynd-
armálum sem eru umvafin hinni
langvinnu deilu milli Ísraels og Pal-
estínu. Fjallað er um líf fólks undir
hersetu Ísraels, hlutverk Bandaríkj-
anna í baráttunni og stærstu hindr-
unina í vegi fyrir langvarandi friði.
Rætur átakanna eru útskýrðar frá
sjónarmiði friðarsinna, frétta-
manna, trúarleiðtoga og fræði-
manna í málefnum Miðaustur-
landa og mannúðarmála.
Félagið Ísland-Palestína býður í bíó
Ástandið í Palestínu
MENNING
menning@24stundir.is a
Fljótlega kom þó í ljós að her-
inn kom til landsins illa und-
irbúinn og með óljós markmið.
Farandleikhús Þjóðleikhússins hef-
ur undanfarna daga sýnt leiksýn-
inguna norway.today í framhalds-
skólum á landsbyggðinni, en
næstkomandi föstudag, þann 8.
febrúar, verður haldin boðssýning
á henni í Kúlunni í Þjóðleikhúsinu
fyrir fólk á aldrinum 14 til 24 ára.
Síðar halda sýningar á verkinu
áfram fyrir framhaldsskóla og al-
menning á höfuðborgarsvæðinu.
Verkið fjallar hina tvítugu Júlíu
sem leitar að einhverjum á netinu
sem er tilbúinn til þess að fremja
með henni sjálfsmorð. Hún finnur
hinn nítján ára gamla Ágúst á
spjallrás.
Vopnuð samlokum, bjór og mynd-
bandstökuvél leggja þau af stað í
langferð upp á himinháa bjarg-
brún í Noregi þar sem þau ætla að
láta verða af því að stökkva.
Boðssýning fyrir
ungmenni