24 stundir - 05.02.2008, Page 30

30 ÞRIÐJUDAGUR 5. FEBRÚAR 2008 24stundir
Eftir Hildu H. Cortez
hilda@24stundir.is
„Það er oft miðað við að um 15
prósent afföll séu af verði nýrra bíla
fyrstu fjögur árin að meðaltali,“
segir Runólfur Ólafsson, fram-
kvæmdastjóri FÍB. „Það fer þó auð-
vitað líka eftir tegund bíls og eft-
irspurn á markaði. Vinsælir bílar
halda betur verðgildi sínu, en af-
föllin hér á landi eru svipuð því
sem gengur og gerist erlendis.“
Ýmsar ástæður eru fyrir því að
bílar lækka svo mikið í verði á milli
ára. „Þetta er ekkert ósvipað því
sem gerist með aðrar vörur. Það
verða alltaf ákveðin afföll. Varðandi
bíla þá kemur þetta líka til af því að
það eru ákveðnir slitfletir í þeim,
þannig að eftir ákveðinn tíma kem-
ur að nauðsynlegu viðhaldi sem
kostar peninga og svo er heldur
ekki alveg vitað hvernig notkunin á
bílnum hefur verið áður. Þess vegna
er líka alltaf ráðlegt að fá fagmann
til þess að gera ástandsskoðun þeg-
ar verið er að kaupa notaðan bíl því
það er ekkert endilega á færi leik-
manna að sjá ef eitthvað er ekki í
lagi. Öll forvinna hjálpar og ef eitt-
hvað kemur upp á, þá ertu með
ákveðin gögn í höndunum. Ef því
er haldið fram að búið sé að gera
eitthvað við bílinn þá á kaupandinn
að biðja um öll gögn varðandi það
mál. Komi eitthvað upp varðandi
þessa þætti þá er miklu auðveldara
að ganga að fyrri eiganda.“
Árvakur/G. Rúnar
Alltaf ákveðin afföll af verði nýrra bíla fyrstu árin
Notaðir bílar ekki
nægilega ódýrir
➤ Í kringum 15 prósenta afföllverða að meðaltali af verði
nýrra bíla fyrstu fjögur árin.
➤ Afföll af bílum eru svipuðhérlendis og erlendis.
➤ Eðlilegt er að bílar lækki íverði á milli ára þar sem
nauðsynlegt viðhald eykst
með ári hverju.
➤ Aukið framboð notaðra bílahelst í hendur við mikla ný-
bílasölu.
NOTAÐIR BÍLARMikil afföll eru af verði
nýrra bíla hérlendis. Of-
framboð er á notuðum
bílum en verð þeirra virð-
ist ekki vera nægilega lágt
til þess að Íslendingar séu
tilbúnir til þess að kaupa
þá. Vinsælir bílar halda
frekar verðgildi sínu.
Notaðir bílar Mikil
afföll verða af verði
nýrra bíla fyrstu árin.
Mögur ár inn á milli
Um 6000 til 7000 notaðir bílar
standa við bílaumboðin í landinu
er fram kom í fréttum Rík-
isútvarpsins í desember síðast-
liðnum. „Það er ekki sama eft-
irspurnin eftir notuðum bílum og
var áður. Inn á markaðinn hefur
líka komið mikið af notuðum bíl-
um vegna mikillar nýbílasölu,“ seg-
ir Runólfur. „Þetta má meðal ann-
ars rekja til neysluaukningar og
þess að sum heimili fara að reka
fleiri bíla en áður. Þegar dregur svo
úr góðærinu og fólk sér að það eru
ekki sömu möguleikar varðandi
innkomu þá fer fólk að skera niður
og vill losa sig við bílana. Þegar
neyslusaga þjóðarinnar er skoðuð í
sambandi við bifreiðakaup þá má
sjá að það koma stór bílaár af og til
eins og gerst hefur undanfarin ár og
svo detta inn mögur ár og mark-
aðurinn leitar í ákveðið jafnvægi.
Svo er þetta líka alltaf spurning
um verð. Þrátt fyrir mikil afföll þá
virðist verð á notuðum bílum
ennþá vera of hátt til þess að hinn
almenni viðskiptavinur sé tilbúinn
til þess að kaupa sér notaðan bíl. Ef
betra verð byðist væru menn
kannski frekar tilbúnir til þess og
eftirspurnin myndi aukast.“
Smiðjuveg 30, Rauð gata, 200 Kóp.
S. 577 6400