24 stundir - 31.05.2008, Blaðsíða 26

26 LAUGARDAGUR 31. MAÍ 2008 24stundir
Alþingi er farið í frí eftir hinn
hefðbundna skrípaleik um hvort
„takist að ljúka þingstörfum“ á til-
settum tíma. Ég hef haft orð á
þessu áður en góð vísa er aldrei of
oft kveðin: Það er alþingismönn-
um til skammar að þeir skuli haga
svo störfum sínum að fjöldi frum-
varpa bíði afgreiðslu á vordögum
og sé þá snarað á hundrað kíló-
metra hraða gegnum þingið. Og
dögum saman séu allir fjölmiðlar
fullir af fréttum um hvort „takist
að ljúka þingstörfum“ eins og það
sé mikilvægt pólitískt verkefni.
Staðreyndin er auðvitað sú að
hið eina mikilvæga við spurn-
inguna um hvort „takist að ljúka
þingstörfum“ snertir þingmenn
sjálfa og sumarfríið þeirra. Þing-
menn verða ævinlega sárhneyksl-
aðir þegar haft er orð á þeirra langa
sumarfríi og geta í löngu máli talið
upp skyldustörf sín yfir sumarið –
en sannleikurinn er náttúrlega sá
að fyrir alla þingmenn aðra en ráð-
herrana, þá er sumarið bara fyrst
og fremst langt og notalegt frí.
Og frekar en að láta mikilvæg
mál bíða eða hætta á að þau séu af-
greidd með tíu þumalfingrum í
einhverju tilbúnu tímahraki, þá
eiga þingmenn ósköp einfaldlega
að skammast til að vinna bara
vinnuna sína þangað til öllum
verkefnum er lokið.
Fara þá í frí. Það er það sem
venjulegt fólk gerir.
Þurfa þingmenn
aðstoðarmenn?
En þingmenn eru náttúrlega
góðu vanir. Ekki aðeins eru þeir í
óðaönn að koma sér upp aðstoð-
armönnum á kostnað skattborg-
ara, svona helst til að kosninga-
smalar þeirra og reddarar fái vel
launaða vinnu hjá ríkinu. Því það á
ekki að vera ofverk nokkurs manns
að sitja á Alþingi Íslendinga þessa
átta mánuði á ári sem þeim þókn-
ast að mæta til vinnu (og mæta þó
illa, sumir). Það er beinlínis fráleitt
að 63 þingmenn þykist ekki komast
yfir að setja þessu landi lög án þess
að fá aðstoðarmenn og vera í fríi 4
mánuði á ári.
Kemur ekki hvort sem er mjög
vænn hluti af lögunum í pósti frá
Evrópu?
Meðal þess sem ekki tókst að af-
greiða nú í vor áður en „tókst að
ljúka þingstörfum“ var eftirlauna-
frumvarpið alræmda.
Og mega þingmenn og einkum
stjórnarliðar sitja uppi með stóra
skömm í hatti yfir þeirri ósvinnu.
Að þingmenn skuli ekki átta sig
á því hve stórt það mál er í augum
almennings í landinu, það lýsir
bara firringu þeirra sjálfra. Var það
ekki Geir Haarde forsætisráðherra
sem sagði í viðtali á annarri sjón-
varpsstöðinni að það væri nú engin
frágangssök þótt málið tefðist að-
eins því það væri nú ekki stórmál?
Eða var það Ingibjörg Sólrún?
Víst má deila fram og til baka
um hversu „stórt“ þetta mál er. En
þetta er óvart réttlætismál, og slík
mál eru alltaf stór, hæstvirtu ráð-
herrar!
Skömm Birgis Ármannssonar
Davíð Oddsson mun auðvitað
draga eftirlaunafrumvarpið á eftir
sér inn á spjöld sögunnar. Það
verður ekki bara neðanmálsgrein í
sögu hans, er ég smeykur um.
Heldur ævarandi blettur. Og það
verður líka furðu stór þáttur í sögu
allra sem að frumvarpinu komu.
Það verður ljótur blettur á orðstír
Birgis Ármannssonar að hafa
geymt málið niðri í skúffu lengi vel
og haldið langar ræður um hve
ómögulegt og ægilega flókið og í
reynd ósanngjarnt væri að taka það
til endurskoðunar.
Og Ingibjörg Sólrún Gísladóttir
má líka vara sig að málið fari ekki
að setjast sem fastast á fjósbitann
hjá henni.
Hún og Geir Haarde geta fjasað
eins og þeim sýnist um „einelti
Stöðvar 2“ en sannleikurinn er sá
að hún gaf einfalt og skýrt loforð í
kosningabaráttunni og hefur ekki
enn staðið við það.
Hugsanlegar skýringar eru tvær:
Annaðhvort hefur henni snúist
hugur og finnst núna allt í lagi að
heldri menn í samfélaginu njóti
miklu betri lífseyrisréttinda en
óbreyttur almúginn, eða hún vill
ekki „rugga bátnum“ í samstarfinu
við Sjálfstæðisflokkinn sem ber
auðvitað mesta sök á eftirlauna-
ósómanum.
Báðar þessar skýringar eru
vondar og í raun ótækar fyrir Ingi-
björgu Sólrúnu.
Frati lýst á almenning
Hún og aðrir þingmenn verða
einfaldlega að reka af sér slyðru-
orðið; ekki ætlast til þess að al-
menningur í landinu fagni því með
húrrahrópum að nú sé búið að
ákveða að einhvern tíma verði
ákveðið hvernig skuli ákveða hvað
ákveða skuli í málinu.
Að slíkri „afgreiðslu“ er skömm
– jafnvel þó mikið liggi við að „tak-
ist að ljúka þingstörfum“.
Það eru síðustu forvöð fyrir
þingmenn, þegar þeir koma sælir
og glaðir úr sínu langa sumarfríi,
að afnema hin ósanngjörnu lög
strax. Ella lýsa þeir slíku frati á al-
menning í þessu landi að ekki
verður við unað.
6,3
Á RICH
TER
Ævarandi blettur
aIllugi Jökulsson skrifar um þing-störf
Ingibjörg Sólrún
og Geir Haarde
geta fjasað eins
og þeim sýn-
ist um „ein-
elti Stöðvar
2“ en sann-
leikurinn er
sá að hún gaf einfalt og
skýrt loforð í kosninga-
baráttunni og hefur ekki
enn staðið við það.
Ekki fór eftirlauna-
frumvarpið í gegn Ingi-
björg Sólrún og Geir
Haarde.
Rhodos
7. - 21. júní
frá kr. 49.990 í 2 vikur
Bjóðum nú allra síðustu sætin til
Rhodos 7. júní í 2 vikur. Þú bókar
flugsæti og gistingu og 4 dögum
fyrir brottför færðu að vita hvar þú
gistir. Gríptu tækifærið og njóttu
lífsins á þessum vinsæla áfangastað.
Verð kr. 49.990
Netverð á mann, m.v. 2-4 í herbergi /
stúdíó / íbúð í 2 vikur. Stökktu tilboð
7. júní.
Skógarhlíð 18 • sími 595 1000 • www.heimsferdir.is
Munið Mastercard
ferðaávísunina
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Stökktu til
***Allra síðustu sætin ***
Skóli fyrir þig?
Ertu strákur eða stelpa á aldrinum 16-25?
Langar þig að stunda skemmtilegt nám:
* í heimavistarskóla?
* í góðum félagsskap?
* í fögru umhverfi?
Innritun stendur yfir í Handverks- og
Hússtjórnarskólann á Hallormsstað.
Skólinn kennir matreiðslu
og handverkslist á
framhaldsskólastigi.
Uppl. www.hushall.is eða í síma 471 1761