24 stundir - 14.06.2008, Page 17

þar sem hvatt var til aukinnar notkunar dísilbíla.
En tímasetningin verður að vera rétt og ákvörðun
liggur ekki fyrir,“ segir Ásta. „Samfélagið kallar á
skyndilausnir, en ríkisstjórnin má ekki gera neitt í
fljótræði. Það versta sem getur gerst er að ríkisstjórn
„panikeri“ og hlaupi eftir kröfum um skyndilausnir.
Hún á að gefa sér tíma til að hugsa málin og haga sér
þannig að almenningur taki líka ábyrgð. Það er núna
að gerast, nú sparar fólk eldsneyti og ekur ekki eyðslu-
sömum bílum að óþörfu. Það er nauðsyn,“ segir Ásta,
en gefur ekki upp hvenær hún telur rétta tímann fyrir
ríkisstjórnina að fylgja eftir eigin áherslum. Ásta telur
ákvörðun ríkisstjórnarinnar um lántöku til að styrkja
gjaldeyrisforðann dæmi um ákvörðun sem tekin hafi
verið á réttum tíma. „Ríkisstjórnin hélt ró sinni og tók
lán á réttum tíma. Það hefði verið dýrara að gera það
fyrr. Ég tel ekki að það sé tímabært að bæta við og taka
viðbótarlán núna,“ segir Ásta.
Ísköld stefna að gera ekki neitt
„Kröfur SA og ASÍ um aðgerðir stjórnvalda eru rétt-
mæt köll. Við í stjórnarandstöðunni byrjuðum að
hrópa á aðgerðir í haust, allir taka nú undir það sem
við sögðum þá,“ segir Bjarni Harðarson, Framsókn,
sem líka situr í fjárlaganefnd. Bjarni telur ríkisstjórnina
og Seðlabankann staðfasta í því að láta kreppuna keyra
niður atvinnulífið í landinu sem sé tilræði við íslenskt
atvinnulíf og ísköld frjálshyggjuleið án skynsemisglóru.
„Forysta tveggja síðustu ríkisstjórna hefur verið í hönd-
um sama stjórnmálaflokks sem illu heilli hefur rekið
þessa stefnu lengi,“ segir Bjarni. Jón Bjarnason, VG,
telur efnahagsstefnuna fálmkennda. Fjárlög og áætlanir
ríkissjóðs hafa verið fjarri raunveruleikanum. Allar for-
sendur eru brostnar en fjármálaráðherra telur ekki til-
efni til að upplýsa fjárlaganefnd um stöðuna.
beva@24stundir.is
VIÐHORF aBjörg Eva Erlendsdóttir
Margir óttast að hægt
gangi með stóru málin
eins og hið fræga ímynd-
armál sem kennt er við eft-
irlaunaósómann. Þar sér
almenningur merki um að
ríkisstjórnin geti ekki leyst
ágreining, þótt einfaldur sé.
24stundir LAUGARDAGUR 14. JÚNÍ 2008 17
Síðan Alþingi var sent heim fyrir
hálfum mánuði hefur ríkisstjórnin
keppst við að gera ekki neitt. Sem
er sama stefna og sama stjórn
fylgdi síðasta vetur, sumar, vor og
haust og ævinlega með fyrirheitum
um að þetta sé allt saman alveg að
koma. Alveg að gerast. Unnið sé að
aðgerðum og rætt sé um að hefja
samráð um hverjar þær aðgerðir
gætu verið ef í væri ráðist sem sé
samt betra að bíða aðeins með …
Fram eftir vetri máttum við
stjórnandstæðingar í þingsölum
heyra það ítrekað að við þvæld-
umst nú frekar fyrir í þessum efn-
um, ráð okkar væru misskilningur
og ótti við yfirvofandi kreppu
marklítið hróp þess sem í sífellu sér
fyrir sér úlfinn ógurlega. Í umræðu
á eldhúsdegi nú í vor mátti heyra
þann málflutning varaformanns
fjárlaganefndar að nær væri að
hugsa eins og góðir útgerðarmenn
gerðu á verðbólguárunum; – þetta
reddast!
Nú þegar ráðherrar eru lausir
undan þeim skyldum að mæta
stundarkorn í viku hverri í þingsali
eru það fréttamenn sem gera þeim
lífið leitt. Í gær fengum við að
heyra í hádegisfréttum að forsætis-
ráðherra vildi svo gjarnan segja
þjóðinni hvað stæði til í efnahags-
málum en gæti bara ekki staðið í
því þegar dónalegir blaðamenn
þvældust fyrir.
Málflutningur hins sterka
stjórnarmeirihluta hefur verið með
eindæmum mótsagnakenndur og
einkennst af ráðaleysi. Á sama tíma
og forsætisráðherra talaði fyrir
þeirri skoðun að efnahagserfiðleik-
arnir væru óverulegir síðastliðið
haust flutti fjármálaráðherra tölur
langar um að fjárlög yrðu að mið-
ast við að hér stæði fyrir dyrum
samdráttarskeið sem þyrfti að
mæta með sérlega bólgnum fjár-
lögum og aukningu framkvæmda.
En ekkert skyldi þó gert til að koma
í veg fyrir kreppuna!
Þegar Framsóknarflokkurinn
lagði snemma á þessu ári fram til-
lögur um þjóðarsátt var þeim mætt
með fálæti og neikvæðni en nokkr-
um vikum síðar kom utanríkisráð-
herra úr einni reisu sinni og sagði
að nú yrði að efna til þjóðarsáttar.
Sem sjálfstæðismenn hafa svo ýtt
þegjandi út af borðinu …
Verst er þó hávaxtastefnan. Það
þarf minna en inngangskúrs í hag-
fræði til að vita að háum stýrivöxt-
um er aldrei haldið uppi á kreppu-
tímum. Reyndar er hávaxtastefna
Seðlabanka Íslands einhver sú vit-
lausasta sem Íslendingar hafa látið
sér detta í hug því með henni er
verið að pína upp gengisskráningu
með spákaupmennsku. Og greiða
niður verðbólguna með því að
lækka innkaupsverð á erlendum
neysluvarningi. Sem gert er beint á
reikning útflutningsatvinnuveg-
anna. Og innlendri framleiðslu um
leið skákað út af borðinu.
Og samt er þetta í reynd það
eina sem stjórnvöld hafa gert í
efnahagsmálum. Það þarf ekki að
koma á óvart að seðlabankastjóra
þyki betra við aðstæður sem þessar
að veifa röngu tré en öngu en vita-
skuld ber ríkisstjórnin ábyrgðina.
Staksteinar gærdagsins fjalla ein-
mitt snilldarlega um muninn á
tveimur stjórnmálaleiðtogum.
Annar gerir alltaf eitthvað, jafnvel
þó hann gruni það vera rangt.
Hinn gerir örugglega aldrei neitt,
því hann er ekki viss um neitt.
Vandamálum dagsins í dag verður
ekki betur lýst.
Við aðstæður dagsins í dag þarf
styrka og tafarlausa stjórn efna-
hagsmála. Í vetur leið lagði Fram-
sóknarflokkurinn fram metnaðar-
fullar tillögur um aðgerðir og í
flestar af þeim er enn hægt að
grípa. Við höfum lagt til lækkun á
neyslusköttum jafnt á matvælum
og eldsneyti til að gíra niður verð-
bólgu, tafarlausa lækkun stýrivaxta
og raunverulega styrkingu gjald-
eyrisvaraforða. Þá viljum við
styrkja Íbúðalánasjóð til að koma
þannig hjólum fasteignamarkaðar-
ins og bankakerfis til hjálpar.
Um leið þarf styrkleika í fjár-
lagagerðina sem mikið hefur vant-
að á. Nú í sumarbyrjun heyra kjós-
endur ráðherra og
fjárlaganefndarmenn kallast á í
fjölmiðlum um forgangsröðun
verkefna. Sjúkrahús eður ei. Slík
vinnubrögð eru ekki farsæl og
benda til að svipuð lausatök verði á
ríkisfjármálum næstu misseri og
verið hefur sem er grafalvarlegt við
minnkandi tekjur ríkissjóðs og
vaxandi efnahagsvanda.
Höfundur er alþingismaður
Ríkisstjórnin ráðalausa
VIÐHORF aBjarni Harðarson
Það þarf ekki
að koma á
óvart að
seðlabanka-
stjóra þyki
betra við að-
stæður sem
þessar að veifa röngu tré
en öngu en vitaskuld ber
ríkisstjórnin ábyrgðina.
ÁLBRAUTIR
Fyrir hin ýmsu tæki. Léttar handhægar
og breytilegar lengdir.
Burðargeta frá 400 kg. - 4,0 tonn.
Verð frá kr. 15.900.-
Söluumboð:
N1 Laugatanga 1
Mosfellsbæ - sími 566 8188.
Stormur ehf./Polaris - Klettahálsi 15
Reykjavík - sími 5771717.
KB búrekstrard. Egilsholti 1
Borgarnesi - sími 430 5500.
Háholt 18 Mosfellsbæ
sími 894 5111
Einar Már Jónsson
Maí 68 –
Frásögn
„Fyrir þá sem ekki hafa kynnt sér það
sem gerðist vorið ’68 er bókin mikill
fengur, hún fer allítarlega yfir söguna
og lýsir vel þeirri ringulreið sem ríkti
í París þetta vor, bæði á götum úti og
í pólitíkinni.“
Þröstur Helgason – Lesbók Morgunblaðs-
ins, 24. maí 2008.
„… skyldulesning fyrir öll ungmenni
sem hafa áhuga á að bæta veröldina.“
Þráinn Bertelsson – Fréttablaðið, 31. maí 2008
„Síðasta bók Einars, Bréf til Maríu, kom út í fyrra og hlaut mikið umtal.
Vefritið hvetur lesendur sína til að kynna sér þessa bók.“
– Vefritið, 6. júní 2008
Vandaðar bækur fyrir vandláta lesendur
sími 561 0055 • www.ormstunga.is
NÝJA REYKJAVÍKURBÓKIN!
SKRUDDA
Eyjarslóð 9 - 101 Reykjavík
s. 552 8866 - skrudda@skrudda.is
www.skrudda.is
GLÆSILEGUR ÓÐUR TIL BORGARINNAR EFTIR
BRAGA ÞÓR JÓSEFSSON OG ILLUGA JÖKULSSON
Fæst
á ensku eða
íslensku
Útfararþjónustan ehf.
Stofnað 1990
Símar: 567 9110 & 893 8638
www.utfarir.is • runar@utfarir.is
Alhliða útfararþjónusta
Rúnar
Geirmundsson
Sigurður
Rúnarsson
Elís
Rúnarsson
Þorbergur
Þórðarson