24 stundir - 05.07.2008, Side 4

4 LAUGARDAGUR 5. JÚLÍ 2008 24stundir
Meistara-flokkssúpur
Masterklass
M E Ð M Æ L I
Nýjung
Girnileg nýjung – 2 í pakka.
Tilvalið í ferðalagið.
„Tveggja tíma fundur okkar með samninganefnd
ríkisins í gær bar engan árangur,“ segir Guðlaug Ein-
arsdóttir formaður Ljósmæðrafélags Íslands. Næsti
fundur verður á fimmtudaginn í næstu viku og vonast
ljósmæður til þess að ríkið mæti kröfu félagsins um
leiðréttingu launa með tilliti til menntunar- og hæfn-
iskrafna ríkis til ljósmæðra. Um helmingur starfandi
ljósmæðra hefur nú sagt upp störfum á landinu öllu.
Hjúkrunarfræðingar boða yfirvinnubann
„Við kláruðum ferð okkar í stjórninni um landið
allt á Neskaupstað,“ segir Elsa B. Friðfinnsdóttir for-
maður Félags íslenskra hjúkrunarfræðinga.
„Það er mikil samstaða og eining í hópnum, við er-
um ákveðin í því að standa saman til að knýja á um
sanngjarnar og eðlilegar launahækkanir hjúkrunar-
fræðinga,“ segir hún.
Hjúkrunarfræðingar munu standa við boðað yfir-
vinnubann sem hefst þann 10. júlí kl 16:00 ef ekki tekst
að semja eftir helgi. Læknafélag Íslands, Ljósmæðra-
félag Íslands og Félag íslenskra hjúkrunarfræðinga
standa nú í kjaraviðræðum við samninganefnd ríkisins
en samningar hafa ekki tekist enn. asab@24stundir.is
Heilbrigðisstéttunum gengur ekkert í samningaviðræðum við ríkið
Engin niðurstaða í kjaradeilum
24stundir/Golli
Eftir Þóru Kristínu Þórsdóttur
thorakristin@24stundir.is
Hátt í hundrað manns mótmæltu
framgöngu stjórnvalda fyrir utan
dómsmálaráðuneytið í gær undir
kjörorðinu „frelsum Paul“.
Skorað var á dómsmálaráðherra
og forstjóra Útlendingastofnunar
að viðurkenna að þeir hefðu gert
mistök og senda eftir Ramses.
Samningurinn misnotaður
Ramses sótti um pólitískt hæli
hér í janúar eftir að hafa flúið frá
Kenía með viðkomu á Ítalíu. Í
Kenía tók hann þátt í kosningum,
sem andstæðingurinn vann, og
varð í kjölfarið fyrir ofsóknum af
hálfu stjórnvalda. Hann er með
vegabréfsáritun frá Ítalíu sem ber
því að fjalla um hælisumsókn hans,
samkvæmt Dyflinnarsamningn-
um. Þangað var hann sendur síð-
astliðinn fimmtudag.
Toshiki Toma, prestur innflytj-
enda á Íslandi, segir að í tilfelli
Ramses hafi samningurinn verið
misnotaður. Markmið hans sé að
tryggja að eitthvert ríki taki
ákvörðun í málum hælisleitenda en
íslensk stjórnvöld noti samninginn
hins vegar til að fría sig ábyrgð á
málum Ramses.
Lottóvinningur að fá hæli
„Margir sem vinna með flótta-
fólki gagnrýna Dyflinnarsamning-
inn,“ segir Auður Birna Stefáns-
dóttir meistaranemi í
alþjóðasamskiptum en hún skrif-
aði meistararitgerð um efnið.
„Upphaflega átti samningurinn
að dreifa ábyrgð ríkja á flótta-
mönnum innan ESB og tryggja
réttindi flóttafólks innan sam-
bandsins. Það kemur flest frá sömu
svæðunum og því eru það mikið til
sömu löndin sem taka fyrst á móti
þeim. Þar sem það flest er svo sent
til móttökulandsins lendir byrðin
mest á jaðarríkjum sambandsins,
sem oft hafa ekki mjög sterka hæl-
islöggjöf eða einfaldlega stjórnar-
farslega burði til að takast á við
slíkan fjölda. Þannig uppfyllir hann
ekki markmið sitt nema síður sé,“
segir Auður.
Þá segir hún að túlkun ríkjanna
á flóttamannasamningi Sameinuðu
þjóðanna sé misjöfn og því sé það
eins og „lottó“ hvort hælisleitandi
fái hæli, eftir því hvort ríkið sem
hann kemur fyrst til sé með þrönga
eða víða skilgreiningu á flótta-
mannahugtakinu.
„Hælisleit er
eins og lottó“
 Stjórnvöld að misnota Dyflinnarsamninginn, segir Toshiki Toma
Mótmæli Hiti var í mótmælendum
við ráðuneytið í gær.
➤ Íslenska ríkið hefur alltaf senthælisleitanda frá þriðja ríki til
aðildarríkis Dyflinnarsamn-
ingsins, þ.e. landsins sem við-
komandi kom fyrst til, þegar
það hefur verið heimilt.
➤ Alls voru 73 hælisleitendursendir frá Íslandi á árunum
2003-2007.
HÆLISLEITENDUR
24stundir/Ómar
Þetta mun
hafa mikla
þýðingu fyr-
ir fjöl-
marga,“ seg-
ir Ragnar
Aðalsteins-
son, lögmaður konunnar sem
höfðaði mál gegn lífeyr-
issjóðnum Gildi. Niðurstaða
Héraðsdóms Reykjavíkur er
að Gildi var óheimilt að
draga frá örorkulífeyri þann
örorkulífeyri og tekjutrygg-
ingu sem konan fær frá
Tryggingastofnun. „Ég tel að
14 lífeyrissjóðir sem breyttu
samþykktum verði að gera
málið upp aftur. mbl
Lífeyrissjóður
dæmdur
Mátti ekki skerða bætur
Kröfu ríkissaksóknara um áfram-
haldandi gæsluvarðhald yfir
rúmlega fimmtugum karlmanni
sem grunaður er um alvarleg
kynferðisafbrot gegn börnum var
hafnað í Héraðsdómi Reykjaness
á fimmtudaginn var. Gæslu-
varðhald yfir manninum rennur
út á mánudag. Ríkissaksóknari
kærði úrskurðinn í gær til Hæsta-
réttar en ekki er ljóst hvenær úr-
skurður Hæstaréttar mun liggja
fyrir.
Ákæra gegn manninum var lögð
fram 30. júní síðastliðinn og var
málið þingfest á fimmtudaginn
var. Aðalmeðferð í málinu hefur
verið ákveðin 17. júlí.
Björgvin Björgvinsson yfirmaður
kynferðisbrotadeildar lögregl-
unnar á höfuðborgarsvæðinu
segir að maðurinn hafi fram til
þessa setið í gæsluvarðhaldi
vegna almannahagsmuna. Úr-
skurður héraðsdóms hafi komið
honum verulega á óvart. „Ég er
nú að vona að Hæstiréttur hnekki
þessum úrskurði en við verðum
bara að sjá til um hvað gerist á
mánudaginn. Lögreglan telur að
maðurinn eigi að vera í haldi þar
til að dómur fellur.“ fr
Gæsluvarðhald ekki framlengt
Lögreglan handtók á miðviku-
daginn íslenskan karlmann á
fimmtugsaldri í tenglum við rann-
sókn á umfangsmiklu hasssmygli
með Norrænu. Maðurinn var sam-
dægurs úrskurðaður í þriggja vikna
gæsluvarðhald. Sjötugur Hollend-
ingur sem tekin var með 190 kíló af
hassi í húsbíl hefur setið í gæslu-
varðhaldi frá því að málið kom upp
um miðjan síðasta mánuð.
Fíkniefnadeild lögreglunnar á
höfuðborgarsvæðinu hefur leitað
vitorðsmanna Hollendingsins en
handtaka Íslendingsins eru fyrstu
fréttir sem berast af gangi rann-
sóknarinnar. Hörður Jóhannesson
aðstoðarlögreglustjóri verst allra
frétta af málinu. Spurður hvort að
lögreglan teldi sig hafa haft hendur
í hári vitorðsmanna Hollendings-
ins með handtökunni sagði Hörð-
ur: „Dómstóll hefur allavega fallist
á það.“ fr
Vitorðsmaður í hasshlassmáli handtekinn
Vitorðsmanna leitað
Neytendasamtökin eru frjáls félagasamtök: stofnuð árið 1953. Þau
verja hag félagsmanna og berjast fyrir hagsmunum neytenda.
Sjá www.ns.is - netfang:ns@ns.is
Neytendasamtökin könnuðu verð á Strepsils-
hálstöflum, 24 stykki í pakka með sítrónubragði.
Verðmunur er tæplega 42 % sem er 239 króna munur
á lægsta og hæsta verði. Lyfjaver kom ódýrast út en
Lyfja var með hæsta verðið.
Vert er að taka það fram að könnunin er ekki tæm-
andi.
Ekki er heimilt að vitna í þessa könnun í auglýsingum.
42% munur á Strepsils
Ingibjörg
Magnúsdóttir
NEYTENDAVAKTIN
Verð á Strepsils-hálstöflum – 24 stykki í pakka með sítrónubragði
Apótek verð verðmunur
Lyfjaver 570
Garðsapótek 600 5,3%
Apótekarinn 641 12,5%
Lyf & heilsa 659 15,6%
Apótekið Hólagarði 793 39,1%
Lyfja 809 41,9%