Morgunblaðið - 08.01.2005, Blaðsíða 47

MORGUNBLAÐIÐ LAUGARDAGUR 8. JANÚAR 2005 47
FRÉTTIR
Unglingakór KFUM og
KFUK fyrir 16-20 ára
Lögð verður áhersla á söng
og leikræna tjáningu. Settur
verður upp söngleikur um
páskana. Æfingar verða á
miðvikudögum kl. 18:30-20:00
í félagsheimili KFUM og KFUK
við Holtaveg. Verð 6.000 kr.
fyrir misserið.
Gospelkór KFUM og KFUK
fyrir 20 ára og eldri
Sungin verða sígild gospellög og ný lofgjörð-
artónlist. Æfingar verða á miðvikudögum
kl. 20:00-22:00 í félagsheimili KFUM og KFUK
við Holtaveg. Verð er 10.000 kr. fyrir misserið.
Áheyrnarpróf fer fram miðvikudaginn
12. janúar kl. 20:00-22:00.
Kórstjóri er Keith Reed, listrænn stjórnandi
KFUM og KFUK.
Allir sem hafa áhuga á tónlist eru velkomnir í
kórana og ekki nauðsynlegt að vera félagi í KFUM
og KFUK. Skráning fer fram á skrifstofu KFUM og
KFUK, Holtavegi 28, 104 Reykjavík eða í síma 588
8899 og á netfanginu skrifstofa@krist.is.
Unglingakór og
Gospelkór KFUM og KFUKMANNRÉTTINDASKRIFSTOFA
Íslands hlaut nornaverðlaun Fem-
ínistafélags Íslands á fimmtudag,
en það er í fyrsta sinn sem Fem-
ínistafélagið veitir slík verðlaun.
„Við teljum að Mannréttinda-
skrifstofan hafi verið dugleg að
vinna að ýmsum mannréttinda-
málum,“ útskýrir Katrín Anna Guð-
mundsdóttir, talskona Femínista-
félagsins. „Við vildum því sýna
skrifstofunni stuðning í verki og
um leið mótmæla þeirri ákvörðun
stjórnvalda að taka hana af föstum
fjárlögum.“
Femínistafélagið skorar á stjórn-
völd að endurskoða þá ákvörðun
sína svo hægt verði að tryggja
rekstrargrundvöll skrifstofunnar.
„Nauðsynlegt er að Mannréttinda-
skrifstofan geti áfram sinnt starfi
sínu og haldið sjálfstæði sínu,“ seg-
ir í tilkynningu Femínistafélagsins.
Fengu nornakúst
„Nornaverðlaunin eru afhent aðila
sem við teljum hafa unnið að mann-
réttinda- og jafnréttismálum af ein-
urð, fylgt eigin sannfæringu og um
leið sýnt sjálfstæði í verki en fengið
bágt fyrir,“ segir einnig í tilkynn-
ingu Femínistafélagsins. Katrín
Anna segir ákveðinn „sjarma“ yfir
nornunum, því hafi verið ákveðið að
nefna verðlaunin eftir þeim. „Þetta
tengist einnig nornaveiðunum, en
það er ekki falleg saga, þar að
baki.“ Aðspurð útilokar hún ekki að
nornaverðlaunin verði veitt árlega
hér eftir.
Guðrún Dögg Guðmundsdóttir,
framkvæmdastjóri Mannréttinda-
skrifstofunnar og Brynhildur
Flóvenz, stjórnarformaður skrif-
stofunnar, tóku á móti verðlaun-
unum, nornakústi, úr hendi
Katrínar Önnu og öðrum félögum
Femínistafélagsins. „Þetta er
nornakústur,“ útskýrir Katrín
Anna, „og hann svínvirkar,“ bætir
hún við.
Morgunblaðið/Þorkell
Katrín Anna Guðmundsdóttir, Guðrún Dögg Guðmundsdóttir og
Brynhildur Flóvenz með galdrakústinn.
Mannréttindaskrifstofan
fær nornaverðlaun
STJÓRN Landsvirkjunar ákvað á
síðasta ári að framvegis skyldi ár-
lega úthlutað styrkjum til efnilegra
námsmanna sem sinna lokaverk-
efnum á meistara- og doktorsstigi
sem talin eru tengjast starfsemi
Landsvirkjunar.
Þeir sem hljóta styrk frá Lands-
virkjun árið 2004 eru í stafrófsröð:
Ármann Gylfason er fæddur í
Reykjavík árið 1977. Hann lauk
BS-prófi í véla- og iðnaðarverk-
fræði frá Háskóla Íslands árið 2000
og MS-prófi frá Cornell University
í Bandaríkjunum árið 2003. Hann
stundar nú doktorsnám við sama
skóla í flugvélaverkfræði. Verkefn-
ið skiptir máli við straumfræði-
vandamál, eins og þekkjast í vatns-
vegum virkjana.
Ásta Rut Hjartardóttir er fædd
árið 1978. Hún lauk BS-prófi í jarð-
fræði við Háskóla Íslands árið 2003
og stundar nú mastersnám við
raunvísindadeild við skólann.
Verkefni hennar heitir Sprungu-
sveimar eldstöðvakerfis Öskju í
Dyngjufjöllum.
Bergur Sigfússon er fæddur árið
1978. Hann lauk BS-námi í jarð-
fræði frá Háskóla Íslands árið 2001
en stundar nú doktorsnám við
raunvísindadeild HÍ og Aberdeen
School of Biological Science. Dokt-
orsverkefni hans heitir Grunn-
vatnsmengun vegna uppleysingar
eldfjallagjósku, og fjallar um ars-
en-mengun vatns.
Eiríkur S. Svavarsson er fæddur
árið 1972. Hann lauk embættis-
prófi í lögum frá Háskóla Íslands
árið 1998 og stundar nú masters-
nám í alþjóðlegri viðskiptalögfræði
við University of Manchester.
Verkefni hans heitir Ný raforku-
lög og reglur innri markaðar Evr-
ópusambandsins.
Rúnar Unnþórsson er fæddur
árið 1971. Hann lauk kandidats-
prófi í vélaverkfræði frá Háskóla
Íslands árið 1997 og mastersprófi
frá sama skóla árið 2002. Hann
stundar nú doktorsnám við verk-
fræðideild háskóla Íslands. Niður-
stöður verkefnisins kunna að nýt-
ast Landsvirkjun við viðhalds-
eftirlit á vélbúnaði fyrirtækisins og
við gerð viðhaldsáætlana.
Unnur Birna Karlsdóttir er
fædd árið 1964. Hún lauk BA-prófi
í sagnfræði árið 1992, prófi í upp-
eldis- og kennslufræði árið 1993 og
mastersprófi í sagnfræði árið 1996.
Hún stundar nú doktorsnám við
heimspekideild Háskóla Íslands.
Doktorsverkefni hennar heitir
Náttúrusýn og nýting fallvatna á
20. öld. Markmið rannsóknarinnar
er að kanna sögu og þróun
náttúrusýnar á Íslandi á 20. öld
eins og hún hefur komið fram í
umræðu um vatnsaflsvirkjanir og
einstök vatnsföll, fossa og land-
svæði.
Í dómnefnd voru skipuð þau
Stefanía Katrín Karlsdóttir, rektor
Tækniháskóla Íslands, Gunnar Örn
Gunnarsson, forstjóri Nýsköpunar-
sjóðs atvinnulífsins, og starfsmenn
Landsvirkjunar, þau Bjarni Páls-
son verkfræðingur, Hildur Hrólfs-
dóttir verkfræðingur og Ólöf Nor-
dal lögfræðingur. Alls bárust 30
umsóknir. Að þessu sinni voru til
ráðstöfunar þrjár milljónir króna
samkvæmt ákvörðun stjórnar
Landsvirkjunar. Dómnefndin
ákvað að veita 6 styrki að upphæð
400 til 600 þúsund krónur hvern.
Styrkir af þessu tagi verða veittir
árlega framvegis eins og fyrr segir
og auglýst verður eftir umsækj-
endum í nóvember næstkomandi
vegna styrkja sem veittir verða
2005.
Markmið Landsvirkjunar með
styrkjum þessum er að stuðla að
því að faglegum verkefnum sem
nýst geta Landsvirkjun verði sinnt
af góðum nemum á háskólastigi
undir leiðsögn hæfra kennara; efla
menntun og rannsóknir á sviðum
tengdum Landsvirkjun og laða að
hæfa einstaklinga til starfa. Lands-
virkjun vill með þessu framtaki
sýna í verki að þar sé framsækið
fyrirtæki á ferð sem leggur traust-
an grunn að framtíðinni.
Landsvirkjun styrkir
háskólanema
í framhaldsnámi
Jónmundsson, Jón Kristinsson og
Ólafur Gísli Jónsson hlutu fram-
haldsstyrk vegna þátttöku í nor-
rænum rannsóknum á bráðaeit-
ilfrumukrabbameini,
bráðamergfrumukrabbameini,
heilaæxlum o.fl. hjá börnum.
Þá samþykkti stjórnin að kosta
kaup og uppsetningu á heitum potti
við Rjóðrið, hvíldar- og endurhæf-
ingarheimili fyrir langveik börn.
Heimilið er í einu af húsum Land-
spítala í Kópavogi og var stofnað af
Velferðarsjóði barna á Íslandi.
Krabbameinsveik börn eiga þar
greiðan aðgang. Styrkurinn nemur
800 þúsund krónum.
NÝLEGA voru veittir styrkir úr
„Sjóði Kristínar Björnsdóttur, fyrr-
verandi starfsmanns Sameinuðu
þjóðanna“, en sjóðurinn er í vörslu
Krabbameinsfélags Íslands. Fé úr
sjóðnum skal aðallega varið í þágu
rannsókna á krabbameini í börnum
og unglingum og til aðhlynningar
krabbameinssjúkra barna.
Stjórn sjóðsins ákvað að veita tvo
rannsóknastyrki, samtals að upp-
hæð 500 þúsund krónur. Ásgeir
Haraldsson prófessor og Valtýr
Stefánsson Thors læknir fengu
styrk til rannsókna á blóðsýkingum
barna samhliða krabbameinslyfja-
meðferð. Læknarnir Guðmundur
Valtýr Stefánsson Thors læknir, Jón Kristinsson læknir, Vilhelmína Har-
aldsdóttir, formaður stjórnar sjóðs Kristínar Björnsdóttur, Ingibjörg
Pálmadóttir, framkvæmdastjóri Velferðarsjóðs barna á Íslandi, og Guðrún
Ragnars, deildarstjóri Rjóðursins.
Styrkir úr sjóði
Kristínar
Björnsdóttur
AUGLÝSINGADEILD
netfang: augl@mbl.is eða sími 569 1111