Morgunblaðið - 20.01.2005, Blaðsíða 13

MORGUNBLAÐIÐ FIMMTUDAGUR 20. JANÚAR 2005 13
ERLENT
Meiri verðlækkun !
50-60% afslát tur !
ÞESSI fimm ára gamli fílstarfur, Diew að nafni, er mesta þrifnaðarskepna.
Er hann ekkert að gera stykkin sín hvar sem er, heldur notar hann að sjálf-
sögðu salernið á heimilinu, sem er fílabúgarður í Taílandi. Þar er þetta eitt
af sýningaratriðunum, sem boðið er upp á.
AP
Allt fyrir hreinlætið
CONDOLEEZZA Rice, sem George
W. Bush Bandaríkjaforseti tilnefndi
sem utanríkisráðherra, hefur til-
greint fimm ríki sem „útverði harð-
stjórnar“ og sagt að Bandaríkja-
stjórn þurfi að stuðla þar að frelsi.
Ríkin sem Rice nefndi eru Kúba,
Íran, Norður-Kórea, Simbabve og
Hvíta-Rússland. Ummæli Rice, sem
hún viðhafði þegar hún svaraði
spurningum þingnefndar, minna á
stefnuræðu Bush árið 2002 þegar
hann lýsti því yfir að Írak, Íran og
Norður-Kórea mynduðu „öxul hins
illa“ í heiminum.
Þingnefndin lagði blessun sína yfir
tilnefninguna í gær eftir að Rice
hafði svaraði spurningum hennar.
Rice varði innrásina í Írak en sagði
að nokkrar „slæmar ákvarðanir“
hefðu verið teknar og bandarísku
hersveitirnar hefðu ekki verið nægi-
lega vel undirbúnar fyrir uppbygg-
ingarstarf í Írak eftir stríðið. Búist
er við að öldungadeild þingsins sam-
þykki tilnefninguna í dag.
Rice nefnir fimm „út-
verði harðstjórnar“
Washington. AFP.
DEILUR virðast nú vera innan kaþ-
ólsku kirkjunnar á Spáni um notkun á
smokkum en Páfagarður hefur lengi
barist gegn þeim eins og öðrum tækj-
um og tólum til að hindra getnað.
„Smokkar hafa hlutverki að gegna í
því að koma í veg fyrir útbreiðslu al-
næmis í heiminum,“ sagði Juan Ant-
onio Martínez Camino, framkvæmda-
stjóri og talsmaður Spænska
biskuparáðsins, á þriðjudag eftir að
hann átti fund með Elenu Salgado
heilbrigðisráðherra til að ræða leiðir
til að hefta útbreiðslu sjúkdómsins.
En í gærkvöldi gaf biskuparáðið að
sögn AFP-fréttastofunnar út yfirlýs-
ingu þar sem þessari skoðun var hafn-
að afdráttarlaust. „Andstætt því sem
sumir hafa sagt er það ekki satt að
kirkjan hafi breytt afstöðu sinni til
smokka,“ sagði í henni. Var ítrekuð sú
stefna að notkun smokka væri ósið-
leg. Ekki væri verjandi að ráðleggja
fólki að nota þá ef það gengi gegn sið-
gæði þess.
Kaþólska kirkjan hefur oft synjað
beiðnum um að hún samþykki að
smokkanotkun sé réttlætanleg til að
berjast gegn útbreiðslu alnæmis.
Páfagarður telur að smokka eigi ekki
að nota til að berjast gegn HIV-smiti,
vegna þess að þeir séu ónáttúruleg
getnaðarvörn.
Martínez Camino sagði að afstaða
kirkjunnar nyti stuðnings vísinda-
manna. Hann vitnaði í nýlega grein
sem birtist í tímaritinu Lancet þar
sem lýst er yfir stuðningi við svokall-
aða ABC-aðferð, sem felur í sér að
vera skírlífur, trúr maka sínum og
nota smokka. „Kirkjan hefur miklar
áhyggjur og áhuga á þessu vanda-
máli,“ sagði hann.
Samband lesbía, homma, kynskipt-
inga og tvíkynhneigðra á Spáni fagn-
aði ákvörðuninni sem nú virðist ekki
ætla að halda. „Ég held að það hafi
verið óumflýjanlegt að kirkjan myndi
breyta afstöðu sinni,“ sagði Beariz
Gimeno, forseti sambandsins.
Snögg sinnaskipti
Spænska dagblaðið El País bendir
á að það sé ekki lengra síðan en í nóv-
ember sem Spænska biskuparáðið
lagðist gegn herferð heilbrigðisráðu-
neytisins þar sem fólk var hvatt til að
nota smokka. Blaðið hafði þá eftir
Martínez Camino að það væru „alvar-
leg rangindi“ að segja að getnaðar-
varnir drægju úr útbreiðslu alnæmis.
Í júní sagði forseti fjölskylduráðs
kirkjunnar, Alfonso Lopez Trujillo,
að smokkanotkun væri „ein tegund
rússneskrar rúllettu“ í baráttunni
gegn alnæmi.
Vinstri menn á Spánarþingi sögðu
stefnubreytingu kirkjunnar „sögu-
legt skref í framfaraátt“. Jesús Cald-
era, ráðherra félags- og atvinnumála í
minnihlutastjórn sósíalista, fagnaði
einnig stefnubreytingu kirkjunnar í
gær en hann hafði þá ekki heyrt um
síðasta viðsnúninginn.
Stefna varðandi getn-
aðarvarnir óbreytt?
Kaþólska kirkjan á Spáni vísar á bug ummælum
framkvæmdastjóra biskuparáðsins um að notkun
smokka sé réttlætanleg til að hefta útbreiðslu alnæmis
MAÐUR, sem dæmdur hafði verið
til dauða fyrir að drepa tvær konur
fyrir nærri aldarfjórðungi, var tek-
inn af lífi í Kaliforníu í gær. Arnold
Schwarzenegger ríkisstjóri neitaði
að þyrma lífi hans og breyta dóm-
inum í lífstíðarfangelsi.
Donald Beardslee drap tvær
konur 1981 vegna ágreinings um
fíkniefni og hefur verið á dauða-
deild frá 1984 eða í 21 ár. Áður
hafði hann setið inni í sjö ár fyrir að
myrða konu árið 1969. Er hann
fyrsti maðurinn, sem tekinn er af
lífi í Kaliforníu í þrjú ár.
Schwarzenegger sagði er hann
neitaði að þyrma lífi Beardslees, að
hann hefði vitað hvað hann var að
gera, en verjandi Beardslees sagði,
að ríkisrekin manndráp bættu ekki
fyrir neitt. Þvert á móti drægju
þau alla niður í svaðið.
Aftaka í Kaliforníu
San Quentin. AP.