Morgunblaðið - 20.01.2005, Blaðsíða 29

MORGUNBLAÐIÐ FIMMTUDAGUR 20. JANÚAR 2005 29
MINNINGAR
unnar þegar ég kynntist Eyju
fyrst og átti allnána samleið með
henni næstu árin eða allt þar til
þau Kristján slitu samvistir og ég
tók upp á því að dvelja langdvölum
í öðrum héruðum og jafnvel lönd-
um. Mér var Eyja samt ætíð vinur
og það var mér afar dýrmætt að fá
að nálgast hana á nýjan leik síð-
ustu mánuðina sem hún lifði og
finna að ég átti ennþá ákveðið rúm
í huga hennar. Þessar síðustu sam-
vistir okkar varð ég þess enn á ný
áskynja að visku hjartans átti
Eyja ekki aðeins óskerta í lok allt
of stuttrar ævi, heldur var henni
orðið enn auðveldara en áður að
deila henni með öðrum. Of skjótt
er hún kvödd á brott frá ástvinum
sínum, Henning manni sínum,
dætrunum fjórum og þeirra fjöl-
skyldum. Þeim öllum votta ég
mína innilegustu samúð og bið
þeim styrks í sorginni sem kvatt
hefur dyra.
Trausti Ólafsson.
Elsku Eyja mín, mig langar að
færa þér mína hinstu kveðju.
Minningarnar streyma um huga
mér nú og ég trúi vart að þú sért
ekki lengur á meðal okkar. Hug-
urinn reikar að bernskuárum mín-
um, þegar ég var nær daglegur
gestur á heimili þínu. Gestur er nú
kannski ekki rétta orðið, heima-
gangur væri nærri lagi. Sem lítil
stelpa skoppaði ég ósjaldan yfir
skurðinn sem lá á milli Hrísbrúar
og Víðis. Þegar yfir skurðinn var
komið var ég komin inn í stelpna-
hópinn þinn og voru uppátæki
okkar æði mörg. Sundlaugin kem-
ur þá fyrst upp í huga mér og ég
minnist þess hversu vel þú naust
þess að vera í heitasta hluta laug-
arinnar en þaðan hafðir þú vökult
auga á stelpnaskaranum svo lítið
bar á.
Minningarnar eru óteljandi sem
ekki verða frekar raktar hér, en
nú veit ég að þú ert komin til
hennar Ólafar okkar sem kvaddi
þennan heim fyrir aldur fram. Að
lokum langar mig að þakka þér
fyrir að fá að vera ein af stelpna-
hópnum þínum.
Nú legg ég augun aftur,
ó, Guð, þinn náðarkraftur
mín veri vörn í nótt.
Æ, virst mig að þér taka,
mér yfir láttu vaka
þinn engil, svo ég sofi rótt.
(Sveinbjörn Egilsson.)
Hjartans þakkir fyrir allt og
allt.
Elsku Henning og þið stelpur
mínar og fjölskyldur, Guð gefi
ykkur styrk í ykkar miklu sorg.
Elínborg Ólafsdóttir.
Góður vinur er horfinn yfir móð-
una miklu. Kynni mín af Eygerði
hófust 1957 er ég kynntist konu
minni Ernu Haraldsdóttur. Fylgdi
Eygerður með, því þær voru mikl-
ar vinkonur, það var þannig í þá
daga. Hafa því kynni okkar staðið
í tæp 50 ár og aldrei borið skugga
á. Að öðrum ólöstuðum tel ég Ey-
gerði og Kristján hafa verið bestu
og traustustu vini sem ég hef átt.
Eygerður var greiðvikin og alltaf
var opið hús á Víðinum. Greiðvikni
Eygerðar kom best í ljós árið 1977
er kona mín lést og yngsta dóttir
mín aðeins tæplega 9 ára. Kom þá
ekki annað til greina en að hún
fengi að hafa hana hjá sér og leið
henni þar eins og hún væri ein af
stelpunum á Víði. Fyrir þennan
stóra greiða er ég óendanlega
þakklátur. Eygerður var mikill
hestamaður og voru þær ófáar
hestaferðirnar bæði stuttar og
langar sem við fórum í á okkar
yngri árum. Kom þá í ljós dugn-
aður Eygerðar, þá var hægt að
segja að margur er knár þótt hann
sé smár. Vinátta okkar Eygerðar
og dætra minna stóð óslitin þar til
leiðir skildu. Ég votta ættingjum
öllum mína dýpstu samúð, það er
erfitt að kveðja góða konu. Guð
gefi ykkur styrk til að standast
þessa miklu sorg.
Reynir Kristinsson.
Elsku Eyja.
Nú er baráttunni lokið. Barátt-
unni þinni við þetta hryllilega
krabbamein sem við misstum
mömmu mína og bestu vinkonu
þína úr fyrir nærri 28 árum síðan.
Ég veit að þið hittist núna hinum
megin ásamt Ólöfu þinni. Mig
langar bara að þakka fyrir allt sem
þú hefur gert fyrir mig, ekki síst
þegar ég bjó hjá ykkur á Víðinum
árið eftir að mamma dó. Þá var ég
ein af stelpunum ykkar Stjána og
fann aldrei fyrir því að ég væri
annað en ein af fjölskyldunni. Þú
kenndir okkur svo margt um lífið
og tilveruna og það sem stendur
alltaf uppúr er hvað þú lagðir
mikla áherslu á að enginn væri
skilinn útundan og að allir fengju
að vera með.
„Alltaf til skiptis,“ sagðirðu allt-
af þegar við Bóel vildum ekki
hleypa Ólöfu með okkur í rólurnar.
Þú varst með svo sterka réttlæt-
iskennd sem þú kenndir okkur öll-
um, stelpunum þínum. Ég vil
þakka fyrir allar góðar stundir,
sérstaklega kvöld eitt fyrir nokkr-
um mánuðum þegar ég skaust yfir
til þín með nokkrar flíkur í viðgerð
en endaði svo með bjórglas í fjör-
ugum samræðum við eldhúsborðið
– á mánudagskvöldi! Þannig vil ég
minnast þín, það var svo gaman
hjá okkur þá. Ég er svo þakklát
fyrir að eiga fallegan trefil sem þú
prjónaðir á prjónavélina og ég
keypti af þér þetta kvöld. Hann
mun alltaf minna mig á þig.
Elsku Bóel, Steinunn, Inga og
Magga, ég veit að missir ykkar er
mikill. Við Herbert og stelpurnar
vottum ykkur, fjölskyldum ykkar
og Henning okkar dýpstu samúð-
arkveðjur.
Þú ert ljósið sem lýsir í myrkri
og leiðir mig um lífsins braut.
Stendur stolt, með hendi styrkri
sættir og linar hverja þraut.
Erna Reynisdóttir.
Mín kæra vinkona, Eygerður, er
látin. Hennar er sárt saknað eftir
hálfrar aldar kynni sem aldrei
slitnuðu. Hún var traust vinkona.
Það lýsir því best þegar hún kom
til mín eftir stóran dag í mínu lífi,
þá orðin mjög sjúk, og færði mér
gjöf sem verður mér afar kær. Við
saumaklúbbsvinkonur Eygerðar
söknum hennar mjög, en minning-
arnar um hana eru perlur.
Þér kæra sendi kveðju, með
kvöldstjörnunni blá.
Margrét.
Eiginmaður minn,
HJÖRLEIFUR TRYGGVASON
bóndi á Ytra-Laugalandi
í Eyjafjarðarsveit,
andaðist á Fjórðungssjúkrahúsinu á Akureyri
fimmtudaginn 13. janúar síðastliðinn.
Hann verður jarðsunginn frá Akureyrarkirkju
föstudaginn 21. janúar kl. 13.30 og jarðsettur
að Munkaþverá.
Fyrir hönd fjölskyldunnar,
Vilborg Guðrún Þórðardóttir.
Elskuleg móðir okkar, tengdamóðir, amma
og langamma,
KRISTÍN INGIMUNDARDÓTTIR,
Hvassaleiti 58,
lést á hjartadeild Landspítalans miðviku-
daginn 5. janúar.
Útförin hefur farið fram í kyrrþey að ósk hinnar
látnu.
Ragnheiður Ingunn Magnúsdótir,
Brynja Ríkey Birgisdóttir, Garðar Berg Guðjónsson,
Birgir Aðalsteinsson, Steinunn Guðjónsdóttir,
barnabörn og barnabarnabörn.
Skemmuvegi 48, Kópavogi.
Simi 5576677
www.steinsmidjan.is
Ástkær eiginmaður minn, faðir okkar, tengda-
faðir, afi, tengdasonur og bróðir,
ÁGÚST GÍSLASON,
Suður-Nýjabæ,
Þykkvabæ,
sem lést á Sjúkrahúsi Suðurlands föstudaginn
14. janúar, verður jarðsunginn frá Þykkvabæj-
arkirkju laugardaginn 22. janúar kl. 13.00.
Þeim, sem vilja minnast hans, er bent á Þykkvabæjarkirkju.
Nína Jenný Kristjánsdóttir,
Kristján Erling Kjartansson, Pálína Auður Lárusdóttir,
Guðrún Ágústsdóttir, Óskar G. Jónsson,
Sigríður Ingunn Ágústsdóttir, Guðlaugur Gunnar Jónsson,
Gísli Ágústsson, Erla Þorsteinsdóttir,
Gestur Ágústsson, Birna Guðjónsdóttir
og barnabörn,
Ingunn Sigríður Sigfinnsdóttir,
Dagbjört Gísladóttir.
Elskuleg eiginkona mín, móðir okkar, tengda-
móðir og amma,
SIGRÚN GÍSLADÓTTIR,
Álfhólsvegi 70,
Kópavogi,
sem lést laugardaginn 15. janúar, verður
jarðsungin frá Digraneskirkju föstudaginn
21. janúar kl. 13.00.
Guðmundur Hansen Friðriksson,
Gísli Hansen Guðmundsson, Anna Hugrún Jónasdóttir,
Friðrik Hansen Guðmundsson, Ingibjörg Ragna Óladóttir,
Kristján G. Guðmundsson, Hjördís Svavarsdóttir,
Árni J. Guðmundsson
og barnabörn.
Elskulegur eiginmaður minn, faðir, tengdafaðir,
afi og bróðir,
RÍKHARÐUR JÓNSSON,
til heimilis
á Ólafsbraut 38,
Ólafsvík,
sem lést laugardaginn 15. janúar, verður jarð-
sunginn frá Ólafsvíkurkirkju laugardaginn
22. janúar kl. 14.
Ingveldur Magnúsdóttir,
Katrín Ríkharðsdóttir, Stefán Ragnar Egilsson,
Hafdís Björk Stefánsdóttir, Sigurvin Breiðfjörð Pálsson,
Ástgeir Finnsson, Guðbjörg Arnardóttir
og aðrir aðstandendur.
Ástkær faðir okkar,
TRYGGVI JÓNATANSSON,
Litla Hamri,
lést á dvalarheimilinu Hlíð þriðjudaginn
18. janúar.
Anna Helga Tryggvadóttir,
Jónatan S. Tryggvason,
Rósa María Tryggvadóttir.
Kæri móðurbróðir og frændi,
BJÖRN KRISTJÁNSSON
frá Miklaholtsseli,
lést á Dvalarheimilinu í Borgarnesi þriðjudaginn 18. janúar.
Fyrir hönd aðstandenda,
Þórir Guðmundsson.
Elskulegur sonur minn, bróðir okkar og
mágur,
GUÐJÓN SKARPHÉÐINSSON,
andaðist á Landspítala Hringbraut þriðju-
daginn 18. janúar.
Jarðarförin auglýst síðar.
Ágústa Guðjónsdóttir, Danfríður Kristín Skarphéðinsdóttir,
Ingibjörg Skarphéðinsdóttir, Hafliði Benediktsson,
Sigfinna Lóa Skarphéðinsdóttir, Magnús Kristinsson,
Kristján Skarphéðinsson, Guðrún Björk Einarsdóttir.