Morgunblaðið - 20.01.2005, Blaðsíða 14

Útboð stofnfjárbréfa
Sparisjóðs Skagafjarðar
Sparisjóður Skagafjarðar
Um er að ræða almennt útboð stofnfjárbréfa í Sparisjóði
Skagafjarðar. Útboðinu er beint til forgangsréttarhafa í samræmi
við 12. gr. samþykkta sparisjóðsins, en samkvæmt þeirri grein eiga
stofnfjáreigendur rétt til að skrá sig fyrir auknu stofnfé í hlutfalli
við stofnfjáreign sína við aukningu stofnfjár í sparisjóðnum.
Útboðstímabil
Útboðstímabil vegna útgáfu nýrra stofnfjárbréfa verður frá
24. janúar 2005 til og með 1. febrúar 2005.
Heildarfjárhæð útboðs
Í útboðinu eru seldar 2.640 einingar, hver að verðmæti kr. 29.565,
og hefur þá verið tekið tillit til ónýttrar heimildar til endurmats
stofnfjár í skilningi 2. mgr. 66. gr. laga um fjármálafyrirtæki.
Samtals hækkar stofnfé því um kr. 78.051.600 verði allt stofnféð
selt í útboðinu.
Upplýsingar og gögn
Útboðslýsingu, sem og önnur gögn sem vísað er til, má nálgast hjá
útgefanda, Sparisjóði Skagafjarðar, Faxatorgi 1, 550 Sauðárkróki,
eða hjá umsjónaraðila útboðsins, Íslenskum verðbréfum hf.,
Strandgötu 3, 600 Akureyri. Þá má nálgast útboðslýsinguna með
rafrænum hætti á heimasíðu umsjónaraðila útboðsins, www.iv.is
Höfuðborgin | Akureyri | Austurland | Suðurnes | Landið
Minnstaður
Höfuðborgarsvæðið Brjánn Jónasson, brjann@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri Margrét Þóra Þórsdóttir,
maggath@mbl.is og Kristján Kristjánson, krkr@mbl.is, sími 461-1600. Vesturland Ásdís
Haraldsdóttir, asdish@mbl.is, sími 898-5258. Austurland Steinunn Ásmundsdóttir, aust-
urland@mbl.is, sími 669-1115. Árborgarsvæðið og Landið Helgi Bjarnason, helgi@mbl.is,
sími 569-1310 og 669-1310 og Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Selasafn á Hvammstanga | Starfs-
hópur, undir stjórn atvinnuráðgjafa AN-
VEST, hefur undanfarið unnið að hug-
myndum að Selasafni á Hvammstanga.
Horft er til aðstöðu í VSP-húsinu, en eig-
endur þess hafa lýst áhuga á samstarfi
við verkefnið. Verkefnið var kynnt á
fundi í Þinghúsinu en það tengist öðru
verkefni, sem snýr að almennt efldri
ferðaþjónustu á Vatnsnesi, eða Perlu-
hringnum, sem kallaður er.
Haft er eftir Gudrunu Kloes atvinnu-
ráðgjafa á vefnum huni.is að á liðnu ári
töldust 32 þúsund manns hafa ekið
Vatnsness-hringinn, en við Vatnsnes er
ein besta aðstaða til selaskoðunar á land-
inu.
Viðhorf ferðamanna var kannað af
starfsmanni ANVEST við Hvítserk og
fengust mikilvægar vísbendingar um
óskir og þarfir ferðamanna. Margir land-
eigendur hafa verið heimsóttir og verk-
efnið kynnt fyrir þeim. Áfram er unnið
að verkefninu, m.a. fjármögnun, fé-
lagsformi og markaðssetningu.
  
Úr
bæjarlífinu
HÉÐAN OG ÞAÐAN
Þróa galdraspil | Hjá Galdrasýningu á
Ströndum hefur undanfarin tvö ár verið í
þróun og vinnslu borðspilið Galdur.
Grundvallarhugmynd spilsins er tilbúin
og spilið getur farið í útgáfu um leið og
heppilegur samstarfsaðili um útgáfuna
finnst. Stefnt er að því að finna útgef-
anda á spilinu erlendis svo um stærri
markað verði að ræða og að nýta útgáfu
þess sem markaðssetningartæki fyrir
verkefni Strandagaldurs, að því er fram
kemur á fréttavefnum strandir.is. Höf-
undur Galdurs er Sigurður Atlason,
framkvæmdastjóri Galdrasýningarinnar
á Ströndum.
  
Vepja á fótboltavelli | Vepja (Vanellus
vanellus) hefur sést á ferð í Djúpavogi und-
anfarna daga. Hún var meðal annars að
spóka sig á æfingasvæðinu við fótboltavöll-
inn. Vepjan, sem er flækingur, er nokkuð
fágætur fugl hér á Íslandi en er talin með al-
gengustu fuglum Evrópu. Þó hún sé árviss
gestur hér hefur henni aldrei tekist að ná
fótfestu á Íslandi og fjöldi hennar breyti-
legur frá ári til árs, segir í frétt á vef Djúpa-
vogs.
Sumarhátíðin Bíldu-dals grænar baun-ir verður haldin á
Bíldudal í annað sinn í
sumar, dagana 23. til 26.
júní. Þar verður margt
til skemmtunar.
Hátíðarnefndin hefur
ákveðið að efna til al-
mennrar samkeppni um
hátíðarlag og er frestur
til að skila inn lögum til
15. mars næstkomandi.
Efnt verður til sér-
stakrar kvöldskemmt-
unar á Bíldudal síðar í
vetur þar sem lögin
verða leikin af spilara
eins og þau voru send
inn. Dómnefnd og gestir
í sal velja þar hátíð-
arlagið 2005. Lagið verð-
ur útsett fyrir litla dans-
hljómsveit, tekið upp í
hljóðveri og notað sem
einkennislag hátíð-
arinnar.
Nánari upplýsingar er
að finna á vef Arnfirð-
ingafélagsins, www. arn-
firdingur.is.
Hátíðarlag
Líkamsræktin Bjargá Akureyri opnaðifyrir nokkru nýja
aðstöðu og í tilefni af því
var 6 einstaklingum boðin
12 vikna einkaþjálfun án
endurgjalds. Þeir gengu
sem hópur undir nafninu
Síðubitarnir og vísar
nafnið hvort tveggja til
staðsetningar Bjargs, við
Bugðusíðu og eins þess
staðar á líkamanum sem
oft vill safnast á fita. Er
skemmst frá því að segja
að við lokauppgjör átaks-
ins kom í ljós að sá sem
best stóð sig hafði tekið af
sér rúm 20 kíló, en al-
gengt var að átaksfólkið
missti 10 til 15 kíló á tíma-
bilinu. Einungis voru not-
aðar náttúrulegar aðferð-
ir, engin fæðubótarefni
leyfð né pillur. Æfingar
og matardagbækur Síðu-
bitanna liggja frammi
öðrum til eftirbreytni og
má m.a. skoða á vef
Bjargs, bjarg.is.
Ljósmynd/Rúnar Þór
Kílóin fuku af Síðubitunum
Sigrún Haraldsdóttirlas í Morg-unblaðinu að hlut-
fallslega fleiri konur
ættu titrara hér á landi
en annars staðar eða
52% samkvæmt al-
þjóðlegri kynlífsrann-
sókn, sem 350 þúsund
konur í 41 landi tóku
þátt í. Norskar konur
ættu næstflest „leikföng“
af þessu tagi á nátt-
borðum sínum. Sigrún
orti:
Ævi kvenna öll var forðum
einhvern veginn bitrari.
Núna er á næturborðum
notalegur titrari.
Jóhann Guðni
Reynisson orti:
Leikfang kvenna langt er gengið,
láta þær karla eflaust róa.
Núna hef ég nýskeð fengið
nýja sýn á „Skjálfandaflóa“!
Og Davíð Hjálmar
Haraldsson:
Tæknimenn verða æ vitrari
en veiðimenn strekktir og bitrari
og skyldu þeir róa
á Skjálfandaflóa
skemmir á miðunum titrari.
Jörðin skelfur
pebl@mbl.is
Hólmavík | Börnin á Hólmavík
fögnuðu formlegri opnun Íþrótta-
miðstöðvar staðarins á dögunum,
ekki síst sundlauginni sem þau
hafa lengi beðið eftir. En það er
einnig hægt að gera ýmislegt úti-
við á staðnum, ekki síst þegar
snjór er yfir öllu. Systkinin Frið-
rik Smári og Margrét Vera
Mánabörn voru að renna sér á
sleða í brekku við heimili sitt
ásamt Darra Hrannari Björns-
syni og Sigurgeiri Guðbrandssyni
á meðan þau biðu eftir því að dag-
skráin hæfist í Íþróttamiðstöð-
inni. Skiptust þau á um sleðann.
Þau sögðust oft renna sér í brekk-
unni og skemmtu sér konunglega.
Morgunblaðið/Helgi Bjarnason
Góð sleðabrekka
Leikir
Norðurland | Meðalfjöldi atvinnulausra í
desember var 502 eða 3,7% en var 3,1% í
nóvember sl. Atvinnulausum á Norður-
landi eystra fjölgar um 88 milli mánaða.
Atvinnulausum körlum fjölgar um 47 og
var 3% í desember en 2,4% í nóvember.
Fjöldi atvinnulausra kvenna jókst um 41
og var 4,6% í desember en 4% í nóvember.
Þetta kemur fram á vef Stéttarfélaganna í
Þingeyjarsýslum, vh.is.
Á Norðurlandi voru 352 skráðir atvinnu-
lausir á Akureyri í lok ársins. Á Húsavík
voru 66 skráðir í árslok. Í Þingeyjarsýslum
utan Húsavíkur voru 73 skráðir atvinnu-
lausir. Þar munar mest um þá miklu aukn-
ingu sem orðið hefur í Mývatnssveit eftir
lokun Kísiliðjunnar. Í lok nóvember voru
12 á skrá í Mývatnssveit en í lok desember
voru þeir 35 talsins. Á Húsavík fjölgar
einnig milli mánaða. Þar munar mest um
að rækjuvinnsla Íshafs hefur verið lokuð
frá miðjum desember. Um leið og hún hef-
ur starfsemi aftur mun fækka verulega á
skránni. Á Húsavík og í Þingeyjarsýslum
voru heldur fleiri konur á skrá en karlar
eða 73 konur af þeim 139 sem voru á skrá.
3,7% atvinnuleysi
á Norðurlandi
Fjarðabyggð | Bæjarstjórn Fjarðabyggðar
hefur samhljóða ákveðið að beita sér fyrir
því að reistur verði minnisvarði vegna sjó-
slysanna miklu fyrir um 50 árum þegar
báðir togarar Norðfirðinga, Egill rauði og
Goðanes, fórust með minna en tveggja ára
millibili. Egill rauði strandaði undir Grænu-
hlíð árið 1955 og Goðanes strandaði og sökk
við Færeyjar tveimur árum síðar. Í sam-
þykkt bæjarráðs segir að minnisvarðinn
verði einnig reistur „til að minnast fádæma
þrekrauna og kjarks sem björgunarmenn
sýndu við björgun þeirra áhafnarmeðlima
sem komust lífs af úr strandi Egils rauða
undir Grænuhlíð í Ísafjarðardjúpi hinn 26.
janúar 1955. Auk þess verði minnisvarðinn
til marks um þá virðingu sem íbúar sveitar-
félagsins sýna þeim sjómönnum sem farist
hafa í og við sjó fyrr og síðar“ .
Hugmyndin að minnisvarðanum kvikn-
aði í kjölfar umfjöllunar um sjóslysin í jóla-
blaði Bæjarins besta að því er fram kemur á
vef þess. Haft er eftir Guðmundi Bjarna-
syni bæjarstjóra í Fjarðarbyggð að
að óskað verði eftir samvinnu við fyrir-
tæki, stofnanir og einstaklinga sem leggja
vilja lið og stefnt verði að því að afhjúpa
minnisvarðann á sjómannadag árið 2006.
Minnisvarði
um sjóslys
♦♦♦