Morgunblaðið - 20.01.2005, Side 17

MORGUNBLAÐIÐ FIMMTUDAGUR 20. JANÚAR 2005 17
MINNSTAÐUR
SUÐURNES
LANDIÐ
Sandgerði | „Það hefði mátt vera
betra en það má heldur ekki vera
fullt í fyrsta túr,“ segir Sævar
Ólafsson, skipstjóri á Val GK 6, 170
brúttórúmlesta skipi sem landaði í
byrjun vikunnar í fyrsta sinn í
Sandgerði eftir langa fjarvist.
Guðmundur Jónsson útvegsbóndi
á Rafnkelsstöðum í Garði lét smíða
skipið sem nú heitir Valur í Svíþjóð
árið 1963 fyrir Eggert Gíslason
aflakóng á Víði II. Ekki fékkst leyfi
til að nota Víðisnafnið á nýja skipið
og fékk það þá nafnið Sigurpáll GK.
Eggert fiskaði vel á Sigurpáli sem
fyrr. Síðar fékk skipið nafnið Sigþór
og var selt norður í land en fram að
því hafði það verið gert út frá Sand-
gerði. Það hefur gengið á milli út-
gerða, hét um tíma Þorvarður Lár-
usson SH og síðan Straumur RE
þar til útgerðarfélagið Stakkar
keypti það í haust og hefur nú
flaggað því til Sandgerðis.
Segir Sævar að eigendurnir
stefni að því að landa þar fram-
vegis. Sama útgerð hefur átt Hauk
EA í nokkur ár og var Sævar skip-
stjóri þar og hefur orð á sér fyrir að
vera fengsæll skipstjóri á togbát-
um. „Ég hef lengi verið að og alltaf
á fiskitrolli,“ segir Sævar. Hann var
lengi skipstjóri á Reyni frá Sand-
gerði en einnig Þór Péturssyni og
var seldur með honum til Grund-
arfjarðar, að eigin sögn, þar sem
skipið hét Helgi SH.
Vonast eftir eðlilegri vertíð
„Þetta eru kvótalausir bátar. En
við reynum að sprikla til þess að
hafa vinnu,“ segir Sævar. Útgerðin
nær sér í kvóta með því að semja
við fiskvinnslufyrirtæki um föst við-
skipti.
Valur var á veiðum á Búrbanka
vestur af landinu í fyrstu veiðiferð-
inni frá sinni gömlu heimahöfn.
Sævar segir að áhöfnin sé að fá
virkni á trollið og laga til aðstæður
um borð. Það taki alltaf sinn tíma
að venjast nýju skipi. Sævar segist
hafa orðið töluvert var við ýsu á
Búrbanka en sáralítið af þorski í
þessum túr. „Mér sýnist þó ástand-
ið vera að lagast, hef trú á að þorsk-
urinn fari að sýna sig meira þannig
að þetta fari fljótlega að líkjast ver-
tíðarástandi,“ segir Sævar Ólafsson.
Valur á ný gerður út frá Sandgerði eftir langa fjarveru
Reynum að sprikla
til að hafa vinnu
Morgunblaðið/Reynir Sveinsson
Í heimahöfn Valur GK 6 er nú gerður út frá Sandgerði á nýjan leik.
Siglufjörður | „Ég held að þeir hjá bænum hefðu ekki
sagt mér upp,“ segir Anna Lára Hertervig á Siglu-
firði. Hún er komin yfir áttrætt og ákvað að eigin
frumkvæði að láta af störfum við ræstingar á bæj-
arskrifstofunum eftir tíu ár í starfi. En hún situr ekki
aðgerðarlaus, starfar mikið að félagsmálum og spilar
brids.
„Mér líkaði þetta alveg prýðilega. Launin voru ágæt
og vinnutíminn síðdegis hentaði mér vel. Og svo vinn-
ur skínandi fólk á skrifstofunni,“ segir Anna Lára.
Henni fannst eðlilegt að láta af störfum þar sem hún
er orðin 81 árs og telur ekki að þeir hjá bænum hafi
haft hug á að segja henni upp. „Þegar starfið var aug-
lýst árið 1994 sótti ég um ásamt fleirum og heyrði að
það hefði orðið umræða um hvort ég væri ekki orðin
of gömul í starfið. Þá mun þáverandi bæjarstjóri hafa
sagt að fyrst ég gæti mokað hálfa Aðalgötuna með
skóflu hlyti ég að geta skúrað bæjarskrifstofuna og ég
var ráðin. Þá var ég með verslun hérna í Aðalgötunni
og þeir gátu fylgst með mér af bæjarskrifstofunni
þegar ég var að moka mig inn í búðina á morgnana,“
segir Anna Lára.
Vill hafa allt á fullu í kringum sig
Þó svo að Anna Lára hætti hjá bænum er langt frá
því að hún setjist í helgan stein. Hún hefur í mörg ár
starfað með félagi eldri borgara í bænum og var for-
maður þess í nokkur ár. Hún fer tvo daga í hverri
viku og heimsækir íbúana á öldrunardeildinni í bænum
og spilar við fólkið eða situr hjá gömlum kunningjum
sem sumir eru orðnir rúmfastir og rabbar við þá.
Einnig starfar hún með bridsfélaginu og er í stjórn
þetta árið. Hún mætir á öll spilakvöld hjá félaginu og
fer jafnvel á mót utanbæjar. Þá er talsvert spilað í
heimahúsum þegar tækifæri gefst. Þá er ótalið að
Anna hefur í meira en áratug fært bókhald fyrir versl-
un í Reykjavík.
Hún segist alltaf hafa haft gaman af því að vinna,
alltaf viljað hafa allt á fullu í kringum sig og fundist
flest störf skemmtileg. Hún segist hafa byrjað að
vinna í bakaríi föður síns sem smátelpa. Eftir nám í
Verslunarskólanum sneri hún aftur heim til Siglu-
fjarðar þar sem hún vann á pósthúsinu næstu fjögur
ár. Næstu sjö sumur voru hún og maður hennar,
Sveinbjörn Tómasson, með rekstur á Raufarhöfn en
voru alltaf á Siglufirði yfir veturinn. Árið 1958 keyptu
þau fataverslun í Siglufirði og næstu 36 árin varð
Diddabúð aðalstarf hennar auk hefðbundinna húsmóð-
urstarfa. Sveinbjörn lést árið 1975 og eftir það sá hún
ein um verslunina, allt þar til hún hætti árið 1994 og
fór að ræsta bæjarskrifstofurnar.
Anna Lára segist munu sakna þess að fara ekki í
vinnuna á daginn. Hún á ekki bíl en segir að leiðin á
bæjarskrifstofuna hafi verið hæfilegur göngutúr fyrir
sig en stundum hafi kunningjar og vinir tekið sig upp í
bílinn á leiðinni. Anna segist yfirleitt hafa farið á milli
á reiðhjóli á sumrin. Hún segir að það hafi aldrei verið
neitt mál að fá frí þegar hana langaði að fara eitthvað
úr bænum eins og til dæmis í ferðalög með eldri borg-
urum eða heimsækja ættingja sína í Reykjavík um jól-
in. „En það var líka enginn veikindadagur hjá mér
þessi tíu ár á bæjarskrifstofunni,“ bætti hún við.
Anna Lára Hertervig lætur af störfum 81 árs
Saknar þess
að fara
til vinnu
Morgunblaðið/Örn Þórarinsson
Heima Anna Lára Hertervig getur nú látið fara vel um
sig heima með tuskukisunni sem hún fékk í jólagjöf.
Skógarhlí› 18 • 105 Reykjavík
Sími 595 1000 • Fax 595 1001 • www .heimsferdir . is
E
N
N
E
M
M
/
S
IA
/
N
M
14
82
5
Mallorca
Gífurlega vinsæl
* M.v. hjón með 2 börn, Aparthotel Brasilia, vikuferð með sköttum og
10.000 kr. afslætti 22. júní, netverð.
10.000 kr. afsláttur af fyrstu 300 sætunum eða meðan íbúðir eru lausar.
Aðeins takmarkaður fjöldi sæta í hverju flugi á afslætti.
Gildir ekki um flugsæti eingöngu. M.v. bókun og staðfestingu fyrir 7. febrúar 2005
eða meðan afsláttarsæti eru laus.
Paguera
Alcudia
Playa de Palma
frá því í fyrra
35%
verðlækkun
Fyrstu 300 sætin
10.000 kr.
afsláttur á mann.
Bókaðu núna og tryggðu þér
lægsta verðið og vinsælustu
gististaðina á Mallorca.
28.590kr. Flug báðar leiðir, með sköttum, netverð
*Frá 33.895kr.
Heimsferðir bjóða fjórða sumarið í röð beint flug til Mallorca
og stórlækka verðið til þessa vinsælasta áfangastaðar Spánar.
Mallorca hefur verið ókrýnd drottning ferðamanna undan-
farin 40 ár enda getur
enginn áfangastaður
státað af jafn heillandi
umhverfi og fjölbreyttri
náttúrufegurð. Að auki
eru strendurnar gull-
fallegar og aðstaða fyrir
ferðamenn glæsileg. Á
Mallorca er frábært að
lifa lífinu og njóta þess
að vera í fríi.