Morgunblaðið - 22.01.2005, Blaðsíða 4

4 LAUGARDAGUR 22. JANÚAR 2005 MORGUNBLAÐIÐ
FRÉTTIR
HILMIR Snær Guðnason hefur
sagt upp föstum samningi sínum
við Þjóðleikhúsið en hann hefur
verið samningsbundinn leikhúsinu
í áratug frá því hann brautskráð-
ist úr Leiklistarskóla Íslands árið
1994. Ekki náðist í Hilmi Snæ í
gær en að sögn Tinnu Gunnlaugs-
dóttur þjóðleikhússtjóra bað Hilm-
ir Snær í september sl. um lausn
frá föstum samningi að ári. Ástæð-
an sé sú að honum hafi boðist
hlutverk í kvikmyndum erlendis
og vildi hann fá svigrúm til þess
að taka þátt í þeim verkefnum.
Tinna segir Hilmi Snæ þó ekki
vera hættan í sýningum í Þjóðleik-
húsinu. Hann
verði t.a.m. í að-
alhlutverki í sýn-
ingunni Dínamít,
eftir Birgi Sig-
urðsson, sem
verði frumsýnt
20. apríl nk.
Tinna býst við
því að Hilmir
komi aftur inn á
samning eftir
næstu áramót. „Ég tel enga
ástæðu til að ætla annað en að
þjóðin eigi eftir að njóta hans á
sviði Þjóðleikhússins á næstu ár-
um,“ segir Tinna.
Hilmir Snær hættir
í Þjóðleikhúsinu
Hilmir Snær
Guðnason
Í GÆR var kynnt Íslandskort sem
tíu náttúruverndarsamtök standa
að og sýnir þær breytingar sem
gætu orðið á miðhálendi Íslands
verði staðið við orkufyrirheit
stjórnvalda til stóriðju. Á kortinu,
sem ber yfirskriftina Ísland örum
skorið, má sjá möguleg áhrif vatns-
aflsvirkjana miðað við að allar
helstu jökulár landsins verði virkj-
aðar í þeim tilgangi að standa við
áðurnefnd orkufyrirheit.
Frummyndinni spillt
Sigríður Þorgeirsdóttir, heim-
spekingur, kynnti kortið og þær
upplýsingar sem lagðar eru fram
með því á fjölmennum fundi á Hót-
el Borg í gær. Hún nefndi meðal
annars jarðvarmavirkjanir sem
umhverfisvænni kost en vatnsafls-
virkjanir, auk þess sem heildararð-
semi jarðvarmavirkjana gæti orðið
meiri en vatnsaflsvirkjana, ekki
síst þegar horft væri til nýrra að-
ferða sem verið er að þróa við djúp-
boranir.
Þorvaldur Þorsteinsson, mynd-
listarmaður og rithöfundur, sagði
að okkur þætti náttúra landsins
ómetanleg þegar hún birtist okkur
á striga, en einskis virði þegar hún
birtist okkur í sinni eiginlegu
mynd. Þannig yrði hart tekið á
manneskju sem gengi inn í lista-
safn Íslands og risti landslagsmál-
verk eftir gömlu meistarana með
dúkahníf, á meðan þeir sem spilla
frummyndinni væru í fullum rétti.
Guðmundur Páll Ólafsson, nátt-
úrufræðingur og rithöfundur, rifj-
aði upp að fyrir rúmri öld hefðu Ís-
lendingar af vanþekkingu afnumið
friðunarlög á fálka sem á sama
tíma hafði verið rætt um að myndi
prýða merki Íslands, þar sem hann
bæri hróður þess um allan heim.
Þetta væri kunnuglegt samhengi.
Vísindalegar niðurstöður
slitnar úr samhengi
Ragnhildur Sigurðardóttir, líf-
fræðingur, sagði brögð hafa verið
að því að í matsskýrslum vegna
umhverfisáhrifa stóriðju væru vís-
indalegar niðurstöður slitnar úr
samhengi og notaðar á annan hátt
en til var ætlast.
Ásta Arnardóttir, verkefnisstjóri
Íslandskortsins, sagði mikilvægt að
þær upplýsingar sem þar koma
fram væru nú aðgengilegar al-
menningi. Sagðist hún vonast til að
sem flestir kynntu sér þær og
mynduðu sér upplýsta skoðun á
málinu, enda hefði Ísland marga
aðra valkosti en stóriðju.
Kort yfir umhverfisáhrif mögulegra virkjanaframkvæmda
Mikilvægar upplýsingar
aðgengilegar almenningi
Morgunblaðið/Þorkell
Sigríður Þorgeirsdóttir heimspekingur sýnir umhverfisáhrif hugsanlegra virkjanakosta á opnum fundi í gær.
Miðað er við
að allar helstu
jökulár landsins
verði virkjaðar
HLUTHAFAR í bresku verslunar-
keðjunni Big Food Group í sam-
þykktu á hluthafafundi í gær yfir-
tökutilboð Baugs Group í fyrirtækið.
Í tilkynningu frá Baugi segir að til-
boðið hafi verið samþykkt með yf-
irgnæfandi meirihluta, og sé þess
vænst að Baugur taki formlega við
rekstri félagsins hinn 11. febrúar
næstkomandi. Félagið verður af-
skráð af lista Kauphallarinnar í
London sama dag.
Yfirtökutilboðið, sem er frá því í
desembermánuði síðastliðnum hljóð-
ar upp á 95 pens fyrir hvern hlut í
BFG. Baugur á fyrir fimmtungshlut
í BFG. Verðmæti BFG er um 326
milljónir punda miðað við yfirtöku-
tilboðið.
Þegar viðræður um yfirtöku
Baugs á Big Food Group (BFG) hóf-
ust var því lýst yfir að tilboðið mundi
að öllum líkindum hljóða upp á 110
pens á hlut. Í kjölfar áreiðanleika-
könnunar var ákveðið að lækka til-
boðið.
Hluthafar í BFG samþykkja
yfirtökutilboð Baugs
ÞINGMENN suðurkjördæmis
ákváðu í gær að leggja 20 milljónir
króna í rannsóknir á sjávarbotni á
hugsanlegri leið jarðganga frá landi
til Vestmanneyja, í kjölfar upplýsinga
um að sænska verktakafyrirtækið
Nordic Constuction Company telji sig
geta gert göngin fyrir um 16 milljarða
króna.
„Það er búið að ákveða að veita allt
að 20 milljónum í botnrannsóknir
milli lands og Eyja, það er það sem
þarf, miðað við þessar nýju upplýs-
ingar, til þess að menn geti komið
með raunhæfar tölur,“ segir Guðjón
Hjörleifsson, alþingismaður og fyrr-
verandi bæjarstjóri í Vestmannaeyj-
um. Hann segir að reiknað sé með því
að könnunin fari fram í vor, og að
Vegagerðin taki um það ákvörðun
hvernig að henni verði staðið.
Guðjón segist ánægður með að mat
sænsku verktakanna sé komið fram,
en eins og fram kom í Morgunblaðinu
í gær telja þeir sig geta gert göngin
fyrir um 16 milljarða króna, en áætl-
un sem gerð var fyrir Vegagerðina
hljómaði upp á rúma 30 milljarða
króna. „Það er svo mikið sem ber í
milli miðað við niðurstöðu Vegagerð-
arinnar, svo menn þurfa að skoða
þetta í fullri alvöru og finna út hvar
mismunurinn liggur.“
Af þeim 20 milljónum króna sem
leggja á í rannsóknir á botninum
munu um 10 milljónir koma af fjár-
aukalögum fyrir kjördæmið, en 10
milljónir af rannsóknarkostnaði
Vegagerðarinnar.
Verðmat Vega-
gerðarinnar of hátt
Lúðvík Bergvinsson, alþingismað-
ur og bæjarstjórnarmaður í Vest-
mannaeyjum, segir að almennt hafi
menn verið á því að verðmat Vega-
gerðarinnar hafi verið allt of hátt, og í
engu samræmi við almennt kíló-
metraverð á svona framkvæmd.
„Þessi niðurstaða færir enn frekari
rök að því að þau sjónarmið hafi átt
mikinn rétt á sér.“
Ef kostnaður við göng er um eða
undir 20 milljörðum segir Lúðvík að
ekki sé nokkur spurning um að göng
séu hagkvæm. „Það sem er stóra mál-
ið í þessu er að eignarhaldsfélagið
Fasteign hefur lýst því yfir að ef þetta
sé svona vel undir 30 milljörðum, og
samningar um framlög frá ríkinu
nást, þá standi ekkert í veginum fyrir
að fjármagna þetta,“ segir Lúðvík.
Leggja 20 millj-
ónir króna í
botnrannsóknir
RÍKISLÖGREGLUSTJÓRI hefur
ákært Kristján Ragnar Kristjáns-
son, Árna Þór Vigfússon og þrjá til
viðbótar fyrir stórfelld skattalaga-
brot við rekstur á fimm einkahluta-
félögum. Þáttur mannanna er mis-
mikill en málið snýst um vanskil á
samtals um 56 milljónum króna.
Kristján Ragnar og Árni Þór voru
báðir dæmdir í tveggja ára fangelsi í
Landssímamálinu svokallaða, fyrir
að hylma yfir fjárdrátt með Svein-
birni Kristjánssyni, fyrrverandi
aðalféhirði Landssímans. Þeir hafa
áfrýjað málinu til Hæstaréttar.
Sveinbjörn var dæmdur í 4½ árs
fangelsi fyrir stórfelldan fjárdrátt,
samtals um 261 milljón, og undi hann
sínum dómi. Sveinbjörn er einn sak-
borninga í skattamálinu sem þing-
fest verður innan skamms, sem og
maður sem hlaut átta mánaða fang-
elsisdóm í Landssímamálinu. Meint
brot Kristján Ragnars eru umfangs-
mest en hann er ákærður í öllum
fimm þáttum ákærunnar.
Hin meintu brot voru framin við
rekstur Lífsstíls, Planet Reykjavík,
Kaffi Le, Ísafoldarhússins og Japis,
og er ákært fyrir undanskot á virð-
isaukaskatti, staðgreiðslusköttum
og öðrum opinberum gjöldum.
Ákæran verður þingfest í Héraðs-
dómi Reykjavíkur 3. febrúar nk.
Fimm ákærðir fyrir
stórfelld skattsvik