Morgunblaðið - 27.01.2005, Qupperneq 1

BÍLSPRENGJUR sprungu á nokkrum stöðum í Írak í
gær og virðist sem um samhæfðar aðgerðir skæruliða
hafi verið að ræða en þeir vilja koma í veg fyrir að kosn-
ingar, sem fram eiga að fara í landinu á sunnudag, takist
sem skyldi. Að sögn BBC biðu fimm manns bana í
Riyadh, nálægt Kirkuk í Norður-Írak, og AFP sagði að
fimmtán manns a.m.k. hefðu fallið þegar flutningabíll
var sprengdur í loft upp fyrir utan skrifstofur Lýðræð-
isflokks Kúrdistans í Sinjar í Kúrdahéruðum Íraks. Enn-
fremur beið einn maður bana þegar bílsprengja sprakk í
Tikrit og sex bandarískir hermenn féllu þegar skæru-
liðar veittu þeim fyrirsát á nokkrum stöðum í Írak./14
Reuters
Mannfall í aðdraganda kosninga
STOFNAÐ 1913 25. TBL. 93. ÁRG. FIMMTUDAGUR 27. JANÚAR 2005 PRENTSMIÐJA MORGUNBLAÐSINS mbl.is
Klæddi eftir-
mynd sína
Barði í Bang Gang hannaði föt á
eftirmynd sína í Mílanó Menning
Viðskipti | Meðbyr Samskipa
Ágústa Johnson í svipmynd Úr verinu |
Undraveröld undirdjúpanna
Lélegur afli vegna of lítils möskva
Íþróttir | HM í Túnis
Chelsea í úrslit
Fyrsti ósigur Keflavíkur
SPENNA í samskiptum Rússlands
og Úkraínu jókst enn í gær þegar
ríkissaksóknari Rússlands lýsti yfir
því að málarekstri
gegn Júlíu Tímo-
sjenko, nýskipuð-
um forsætisráð-
herra Úkraínu,
yrði haldið til
streitu. Rússar
væna hana um
mútur.
Tímosjenko var
á mánudag skipuð
forsætisráðherra en hún er nánasti
samstarfsmaður Víktors Jústsjenk-
os sem sór embættiseið forseta á
sunnudag.
„Mál hennar verður rannsakað í
samræmi við rússnesk lög þar um,“
sagði Vladímír Jústínov, ríkissak-
sóknari Rússlands, aðspurður í gær.
Tímosjenko er eftirlýst í Rúss-
landi, sökuð um að hafa mútað rúss-
neskum embættismönnum fyrir
tæpum tíu árum er hún var forstjóri
orkufyrirtækis í Úkraínu. Hand-
tökutilskipun með nafni hennar er í
gildi en rannsóknina hófu Rússar í
fyrra, mánuði fyrir fyrstu umferð
forsetakosninganna í Úkraínu.
„Afskipti af
innanríkismálum“
Júlía Tímosjenko er einn þekkt-
asti þjóðernissinni Úkraínu og gagn-
rýndi oft harðlega stjórnvöld í Úkr-
aínu og ríkisstjórn Vladímírs Pútíns
Rússlandsforseta er hún fór fyrir
stjórnarandstöðunni. Rússar studdu
keppinaut Jústsjenkos í forseta-
kosningunum í Úkraínu og hafa op-
inberlega andmælt stefnu nýrra
valdhafa þar í landi. Þeir telja
Tímosjenko ala á andúð á Rússum í
vesturhluta Úkraínu en í austur-
hluta landsins eru rússnesk áhrif
ráðandi.
Talsmaður flokks Tímosjenkos
ítrekaði í gær að hún væri saklaus,
engin gögn hefðu verið lögð fram í
málinu og enginn grundvöllur væri
fyrir rannsókn þess. Sagði hann að
sérhver tilraun til að halda mála-
rekstrinum áfram fæli í sér „afskipti
af innanríkismálefnum Úkraínu“.
Tímosjenko, sem var um skeið að-
stoðarforsætisráðherra Úkraínu,
var handtekin árið 2001 og sett í
fangelsi sökuð um spillingu. Henni
var síðar sleppt og ákæran felld nið-
ur.
Tímosjenko
enn í sigti
Kremlverja
Moskvu. AFP.
Júlía Tímosjenko
Viðskipti, Úr verinu og Íþróttir
ÆÐSTI stjórnlagadómstóll Þýskalands úrskurðaði í gær að ein-
stök sambandslönd gætu veitt háskólum sem þau reka heimild til
að innheimta skólagjöld. Þessi úrskurður markar tímamót og
gengur gegn þeirri hefð í Þýskalandi, að háskólanám skuli vera
ókeypis. Þykir líklegt að úrskurðurinn muni valda miklum titr-
ingi á vettvangi stjórnmálanna. Málið barst inn á borð stjórnlaga-
dómstólsins fyrir tilstilli yfirvalda í sex sambandslöndum Þýska-
lands, sem öll eiga það sameiginlegt að íhaldsmenn, þ.e.
kristilegir demókratar, fara þar með völd. Hafa yfirvöld í fimm
sambandslandanna þegar tilkynnt að þau muni leggja á 500 evra
skólagjöld á hverri önn, ríflega fjörutíu þúsund ísl. krónur, en þau
halda því fram að skólarnir þurfi á tekjum að halda til að geta stað-
ist samkeppni þegar opinberar fjárveitingar til þeirra færu minnk-
andi.
Litið hefur verið svo á í Þýskalandi að öllum ætti að vera tryggð-
ur aðgangur að æðri menntun án tillits til tekna eða félagslegra að-
stæðna. Hafa námsmenn vanist því að þurfa aðeins að greiða lágt
skráningargjald í háskólum Þýskalands. Samtök námsmanna eru
af þessum sökum allt annað en sátt við úrskurð stjórnlagadóm-
stólsins í gær og áætlanir sambandslandanna fimm og hafa þegar
boðað fjöldamótmæli. Þá hafa verkalýðsfélögin í landinu einnig
fordæmt úrskurðinn og segja að dagurinn í gær hafi verið „svartur
dagur fyrir námsmenn og fyrir velferðarsamfélagið“ þýska.
Jafnaðarmenn fara sem kunnugt er með völd í Þýskalandi
ásamt græningjum og var stjórn Gerhards Schröder andvíg því að
heimila innheimtu skólagjalda. Sagði Edelgard Bulmahn mennta-
málaráðherra að allt ungt fólk ætti rétt á fyrsta flokks menntun án
tillits til tekna foreldra þess. „Við þurfum á því að halda að fleiri,
en ekki færri, hafi háskólagráður ef við viljum tryggja atvinnu og
velferð í Þýskalandi,“ sagði hún.
Umdeild ákvörðun stjórnlagadómstóls Þýskalands
Þýskir háskólar mega innheimta skólagjöld
Karlsruhe, Frankfurt. AFP, AP.
ÖLDUNGADEILD Bandaríkja-
þings samþykkti í gær skipan
Condoleezzu Rice sem utanríkisráð-
herra í stað Col-
ins Powells.
Greiddu 85 þing-
menn atkvæði
með skipan Rice
en þrettán voru á
móti. Aðeins einn
utanríkisráð-
herra hefur mætt
meiri mótstöðu,
Henry Clay. Voru
fjórtán þingmenn
á móti skipan hans í embættið árið
1825 en 27 voru henni hlynntir.
Skipan Rice var aldrei í vafa en
demókratar notuðu staðfestingar-
ferlið til að lýsa megnri óánægju með
þátt Rice í aðdraganda innrásarinn-
ar í Írak. Reitti það marga demó-
krata til reiði að Rice skyldi ekki
tilbúin við yfirheyrslur í þinginu til
að viðurkenna nein mistök í
tengslum við ákvörðun um innrás í
Írak eða eftirmála hennar.
Þingið sam-
þykkti Rice
Washington. AP.
Condoleezza Rice
FLUGLEIÐIR hafa keypt tíu nýjar
flugvélar af gerðinni Boeing 737-800.
Heildarverðmæti vélanna er 650
milljónir dollara eða 40 milljarðar ís-
lenskra króna. Var samningur þess
efnis, sem er stærsti flugvélakaupa-
samningur sem Flugleiðir hafa gert,
undirritaður í gær. Hyggst félagið í
samstarfi við flugvélaleigufyrirtækið
Sunrock leigja vélarnar áfram til flug-
félaga í Kína og víðar. Vonir standa til
að leigusamningar þess efnis verði
frágengnir fyrir vorið.
Sett verður á stofn sérstakt dótt-
urfélag til að vinna á sviði flugvéla-
leigu innan Flugleiða. Á síðastliðnum
átta vikum hafa Flugleiðir, einir eða í
samstarfi við aðra, keypt sextán flug-
vélar. Nemur sú fjárfesting 45 millj-
örðum króna.
Smíði vélanna tíu hefst á þessu ári
og verða þær afhentar á næsta ári.
Flugleiðir greiða liðlega 11 milljarða
inn á flugvélarnar á þessu ári og eru
þau viðskipti fjármögnuð af KB
banka. Var samningur þess efnis
einnig undirritaður í gær. Að sögn
Hreiðars Más Sigurðssonar forstjóra
KB banka, markar samningurinn
tímamót fyrir bankann líkt og Flug-
leiðir. Hér væru á ferðinni ein stærstu
viðskipti sem bankinn hefði tekið þátt
í. Bæri samningurinn styrk og stærð
bankans merki enda hefði hann ekki
þurft að leita til annarra lánastofnana
vegna viðskiptanna.
Hannes Smárason stjórnarformað-
ur Flugleiða, segir að umtalsverð
verðmæti séu í samningnum en í hon-
um felst einnig kaupréttur á fimm
flugvélum til viðbótar. „Við erum í
dag að skrifa undir samning sem við
teljum að sé að búa til mikil verðmæti
fyrir Flugleiðir sem við metum að lág-
marki á um 6,5 milljarða króna,“ sagði
hann á blaðamannafundinum í gær.
Flugleiðir kaupa tíu vélar
á 40 milljarða og leigja út
Morgunblaðið/ÞÖK
Flugleiðamennirnir Sigurður Helgason og Hannes Smárason líta ánægðir
á Mark Norris fulltrúa Boeing eftir að samningar voru undirritaðir í gær.  Heildarfjárfesting/4
VERÐ hlutabréfa í Flugleiðum hækkaði um 4,5% í gær. Nemur hækk-
unin á rúmri viku nú 10% og sé tekið mið af sl. áramótum þá hefur verð-
ið hækkað um rúm 28%. Verslað var með hlutabréf í Flugleiðum fyrir
alls 291 milljón króna í gær og voru það næstmestu viðskipti dagsins.
Yfir 28% hækkun frá áramótum