Morgunblaðið - 06.05.2005, Qupperneq 10
10 FÖSTUDAGUR 6. MAÍ 2005 MORGUNBLAÐIÐ
FRÉTTIR
Rótað í
tungumálinu
á morgun
Sýning á verkum
Dieters Roth gegnir
lykilhlutverki á Listahátíð
FRAMLÖG Íslands til Matvæla-
hjálpar Sameinuðu þjóðana hafa auk-
ist mikið það sem af er þessu ári sam-
anborið við síðasta ár. Á síðasta ári
lagði Ísland fram tæplega 5 milljónir
króna, eða 75 þúsund bandaríkjadali,
til Matvælahjálparinnar, sem eru um
16 krónur á hvern Íslending. Meðal-
talsframlag annarra þjóða til Mat-
vælahjálparinnar er um 2,5 banda-
ríkjadalir, eða um 160 kr á hvern
íbúa.
Þetta var meðal þess sem var rætt
þegar James Morris, framkvæmda-
stjóri Matvælaaðstoðar SÞ, kom á
fund utanríkismálanefndar í fyrradag
ásamt sendinefnd, segir Sólveig Pét-
ursdóttir, formaður nefndarinnar.
„Við erum að taka mjög ákveðið á
þessum málum og erum að auka
verulega framlag til margvíslegra
hjálparstarfa á næstu árum, meðal
annars til þróunarsamvinnu, friðar-
gæslunnar og fleira.“
Sólveig bendir á að framlag Íslands
til Matvælahjálparinnar það sem af
er þessu ári sé komið upp í tæpar 20
milljónir, eða 308 þúsund bandaríkja-
dali, en þar er innifalið framlag vegna
flóðbylgjunnar í Asíu á öðrum degi
jóla í fyrra. Það þýðir að það sem af er
þessu ári hefur um 67 krónum verið
veitt til málefnisins fyrir hvern Ís-
lending. Til þess að Ísland nái með-
altalinu, 160 krónum á hvern íbúa,
þyrfti íslenska ríkið að leggja tæpar
47 milljónir króna til Matvælahjálp-
arinnar. Meðaltal Norðurlandanna er
enn hærra, eða um 6 bandaríkjadalir,
370 krónur, á hvern íbúa.
Þurfa 320 milljarða á ári
„Fundurinn með Morris var fróð-
legur, enda afar mikilvægt starf sem
fólkið í þessari stofnun Sameinuðu
þjóðana er að vinna í heiminum í dag.
Hann kynnti í stuttu máli markmið
og starfsemi stofnunarinnar. Mat-
vælahjálpin er stærsta verkefni Sam-
einuðu þjóðana og veitir ríflega 100
milljónum manna matvælaaðstoð í 80
löndum,“ segir Sólveig.
Utanríkismálanefnd spurði Morris
m.a. hver árleg fjárþörf Matvæla-
hjálparinnar væri til að hægt væri að
sinna öllum verkefnum, og segir Sól-
veig að hann hafi metið hana um 5
milljarða bandaríkjadala, sem eru um
320 milljarðar króna. Stofnunin fær
2-3 milljarða bandaríkjadala árlega
frá styrktaraðilum, og eru Bandarík-
in stærsti styrktaraðilinn, þó að
Norðurlöndin leggi til háa upphæð
miðað við höfðatölu.
Morris sagðist á fundinum afar
þakklátur fyrir öll framlög, og sagði
að auk fjárframlaga væri hægt að
leggja fram sérþekkingu sem þjóðir
búi að. Íslendingar væru þannig með
mikla þekkingu á fiskveiðum og á
sviði jarðvarma, sem væri hægt að
nýta í starfi tengdu þróunarmálum í
öðrum ríkjum.
Ísland í 51. sæti
Á vef Matvælaaðstoðarinnar,
www.wfp.org, má sjá lista yfir þær
upphæðir sem ríki hafa lagt til stofn-
unarinnar. Sólveig segir það hafa
vakið mikla athygli í utanríkismála-
nefnd að nokkur þróunarríki eru ofar
á listanum yfir heildarframlög á síð-
asta ári en Ísland, sem er í 51. sæti
fyrir árið 2004. Þar á meðal er Malawi
í 20. sæti, Angóla í 27. sæti o.fl.
Sólveig segir Morris hafa gefið
þingmönnunum þá skýringu á því að
þessi lönd leggi til fé, sem sé svo not-
að í því landi, svo í raun séu þau að
styrkja sjálf sig með þessari aðferð.
Því sé ekki allt sem sýnist þegar listar
af þessu tagi séu skoðaðir.
Markmið og starfsemi Matvælahjálpar SÞ rædd
á fundi framkvæmdastjórans með utanríkismálanefnd
Veruleg aukning fram-
laga til hjálparstarfa
Morgunblaðið/Golli
James Morris ræddi við utanríkismálanefnd á miðvikudag og er hér með
Sólveigu Pétursdóttur, formanni nefndarinnar.
Eftir Brján Jónasson
brjann@mbl.is
FJÖLMARGIR listamenn koma fram á listahátíð sem
haldin verður í Háteigskirkju á morgun undir yfirskrift-
inni Opin kirkja.
Tilefni þessa viðburðar er fjársöfnun fyrir nýju orgeli í
kirkjuna. Aðgangur verður ókeypis en tekið verður á
móti frjálsum framlögum í orgelsjóð kirkjunnar. Að sögn
séra Helgu Soffíu Konráðsdóttur sóknarprests, mun allt
listafólkið sem kemur fram á hátíðinni gefa vinnu sína til
að styrkja málefnið.
Söngur, dansatriði og hljóðfæraleikur
Listadagskráin stendur yfir frá kl. 14 til 18 og koma
listamenn fram á hálftíma fresti. Meðal þeirra sem fram
koma eru Stórsveit Nix Noltes, sem flytur austurevr-
ópska og íslenska tónlist með búlgörsku ívafi, gítarleik-
arinn Kristinn H. Árnason, nemendur í Ballettskóla
Eddu Scheving, Ellen Kristjándsóttir söngkona og óp-
erusöngvarinn Gunnar Guðbjörnsson.
Undir lok dagskrárinnar mun Douglas Brotchie, org-
anisti Háteigskirkju, spila fjöruga og fáheyrða ítalska
tónlist á kórorgel krikjunnar. Kynnir á hátíðinni verður
Einar Kárason rithöfundur.
Hafa augastað á hljómfögru orgeli í barokkstíl
Séra Helga Soffía segir að ekki hafi allir sem vilja
njóta góðrar tónlistar efni á að borga sig inn á tónleika.
„Við fórum því þá leið að biðja listamenn sem við þekkj-
um að góðu einu, vegna samstarfs við okkur í kirkju-
legum athöfnum, að gera okkur þann greiða að gefa okk-
ur vinnu sína og koma fram svo við gætum haft ókeypis
inn. Ef fólk vill síðan gefa til þessarar orgelsöfnunar er
tekið við frjálsum framlögum,“ segir hún.
Fjársöfnun fyrir nýju orgeli í Háteigskirkju hefur
staðið yfir í fimm ár. Brýn þörf er á að fá nýtt orgel í
kirkjuna og er að því stefnt að smíðað verði orgel í bar-
okkstíl sem hefur mjög tæran og hreinan tón en fyr-
irmynd þess er hljómfagurt orgel í Hagakyrkan í Gauta-
borg, samkvæmt upplýsingum Helgu Soffíu. Að sögn
hennar gerðu menn sér vonir um að geta afhent kirkj-
unni nýtt orgel á þessu ári en í ár eru liðin 40 ár frá vígslu
Háteigskirkju. Nú er orðið ljóst að af því getur ekki orðið
á þessu ári en áfram verður unnið að söfnuninni og fyrr
eða síðar verður orgelið smíðað fyrir kirkjuna.
Dagur opinnar kirkju í Háteigskirkju á morgun
Fjölbreytt listahátíð vegna
söfnunar fyrir nýju orgeli
Morgunblaðið/Eyþór
Helga Soffía Konráðsdóttir prestur og Douglas A.
Brotchie orgelleikari í Háteigskirkju. Allir þeir sem
fram koma á listahátíð í kirkjunni gefa vinnu sína.
FJALLAÐ verður um náttúru-
vernd, þjóðgarða, útilíf og heilsu
á norrænni ráðstefnu í Skafta-
felli sem hefst í dag, föstudag
og lýkur á morgun. Að henni
standa norræna ráðherranefnd-
in og umhverfisráðuneytið og
eru fyrirlesarar frá Norðurlönd-
unum, Lettlandi, Litháen, Kan-
ada og Skotlandi.
Sigríður Anna Þórðardóttir
umhverfisráðherra setur ráð-
stefnuna að morgni föstudags
og mun hún greina frá áformum
stjórnvalda um stofnun Vatna-
jökulsþjóðgarðs. Þá munu Ped-
er Agger, prófessor í háskól-
anum í Hróarskeldu, og Árni
Finnsson, formaður Náttúru-
verndarsamtaka Íslands, flytja
fyrirlestra og framvindu og
stöðu náttúruverndar. Af öðrum
erindum má nefna að Roger
Crofts, frá Alþjóða náttúru-
verndarsamtökunum, fjallar um
hvernig aðlaga má alþjóðlegar
viðmiðunarreglur um náttúru-
vernd að staðbundnum aðstæð-
um og sænskur prófessor í
íþróttum, Peter Schantz, fjallar
um rannsóknir á áhrifum útilífs
á heilsufar og vellíðan.
Þá munu umræðuhópar taka
til starfa og ýmsa þætti er
tengjast náttúruvernd, útivist
og heilsu og fjallað verður m.a.
um áætlanir Dana um að koma
á fót þjóðgörðum þar í landi.
Norræn ráðstefna
um náttúruvernd
og þjóðgarða