Morgunblaðið - 06.05.2005, Page 16
16 FÖSTUDAGUR 6. MAÍ 2005 MORGUNBLAÐIÐ
ERLENT
Róm. AP, AFP. | Silvio Berlusconi,
forsætisráðherra Ítalíu, sagði í gær
á þingi, að bandarískir hermenn
ættu nokkra sök á dauða ítalsks
leyniþjónustumanns í Bagdad
snemma í mars en lagði áherslu á,
að þótt bandarísk hermálayfirvöld
hefðu sýknað þá, myndi það ekki
verða til að spilla samskiptum
ríkjanna.
Nicola Calipari var skotinn til
bana 4. mars er hann nálgaðist
bandaríska varðstöð á veginum að
flugvellinum í
Bagdad. Var
hann þá að koma
með ítölsku
blaðakonuna
Giuliana Sgrena,
sem hann hafði
fengið leysta úr
haldi mannræn-
ingja. Niðurstaða
Bandaríkja-
manna er sú, að bílnum hafi verið
ekið mjög hratt og ekki hafi verið
sinnt viðvörunum. Því hafi her-
mennirnir farið að settum reglum
er þeir skutu á hann.
Ítalir mótmæla því, að bíllinn hafi
verið á mikilli ferð og segja reynslu-
leysi hermannanna um að kenna
hvernig fór.
Siglt milli
skers og báru
Berlusconi reyndi að fara bil
beggja í ræðu sinni, að sannfæra
landa sína um, að væri fastur fyrir
þegar þjóðarsómi væri annars veg-
ar, og hins vegar að styggja ekki
Bandaríkjastjórn. Er Berlusconi
mesti bandamaður George W. Bush
Bandaríkjaforseta í Evrópu.
Berlusconi sagði einnig, að ekki
kæmi til greina að hraða brottför
ítalska herliðsins frá Írak vegna
Calipari-málsins en það hefur kynt
undir slíkum kröfum, ekki bara frá
stjórnarandstöðunni, heldur einnig
frá sumum stuðningsmönnum
stjórnarinnar.
Ítrekaði samstöðu Ítala
með Bandaríkjunum
Silvio Berlusconi, forsætisráðherra Ítalíu, segir ekki koma til greina að
flytja ítalska herliðið fyrr heim frá Írak vegna Calipari-málsins
Silvio Berlusconi
FÓRNARLAMBA Helfararinnar
var minnst í gær, 60 árum eftir
ósigur þýskra nasista, með „Göngu
hinna lifandi“ við útrýmingarbúð-
irnar í Auschwitz-Birkenau í Pól-
landi. Er þessi ganga gengin árlega
en að þessu sinni tóku þátt í henni
um 20.000 manns frá meira en 50
þjóðlöndum, aðallega ungir gyð-
ingar. Myndin sýnir ungt fólk frá
Rússlandi en meðal göngumanna
voru þeir Ariel Sharon, forsætis-
ráðherra Ísraels, og Ferenc
Gyurcsany, forsætisráðherra Ung-
verjalands.
Reuters
„Ganga hinna lifandi“
HÓPUR Breta stefndi að því í gær
að setja nýtt hraðamet á raf-
knúnum bíl, sem er þyngri en 990
kíló. Fyrra metið, 394 km á klukku-
stund, settu Bandaríkjamenn 1999
á saltsléttunum í Utah en á þessum
tíma árs eru þær of blautar til að
henta fyrir tilraun af þessu tagi.
Vegna þess fengu Bretarnir leyfi
stjórnvalda í Nevada til að loka 19
km löngum kafla á breiðum og
beinum þjóðvegi í ríkinu. Eins og
sjá má er rafbílinn, „e=motion“ eins
og hann kallast, örvarlaga og búinn
52 rafhlöðum. Er stefnt að því að ná
484 km hraða en bílinn knýja tvær
rafvélar, sem skilað geta 500 hest-
öflum. Það er sami krafturinn og er
í 2005-árgerðinni af Chevrolet Cor-
vette-sportbíl með sjö lítra V8-vél.
AP
Reynt við hraðamet rafbíla
New York. AP, AFP. | Tvær sprengjur
sprungu í gærmorgun við byggingu á
Manhattan í New York en í henni er
meðal annars ræðismannsskrifstofa
Breta í borginni. Ollu þær litlu tjóni
og enginn slasaðist.
Ekki er ljóst hvort tilræðinu var
beint gegn bresku ræðismannsskrif-
stofunni en í húsinu eru mörg fyrir-
tæki, innlend sem erlend. Michael
Bloomberg, borgarstjóri í New York,
sagði í gær, að ekki væri enn vitað
hver hefði komið sprengjunum fyrir
eða hvers vegna. Höfðu þær verið
grafnar ofan í steypt blómaker rétt
við aðalinnganginn.
Frumstæð smíð
Að sögn lögreglunnar var um að
ræða fremur frumstæða smíð, tvær
leikfangasprengjur, sem fylltar höfðu
verið með púðri. Það, sem helst tengir
sprengingarnar við bresku ræðis-
mannaskrifstofuna, er, að almennar
þingkosningar voru í Bretlandi í gær.
Spreng-
ingar í
New York
Beindust hugsanlega
að breskri ræðis-
mannsskrifstofu
Clearfield. AP. | Veitingahús í Penn-
sylvaníu í Bandaríkjunum, sem fyrr
á árinu missti heiðurinn af því að
bjóða upp á stærstu hamborgara í
heimi, hefur nú endurheimt hann.
Nú hefur það á matseðlinum ham-
borgara, sem vegur hvorki meira né
minna en 6,75 kíló.
Í hamborgaranum, sem kallast
„bjórtunnubumbubrjótur“, eru 4,7
kíló af hakki, 25 ostsneiðar, eitt kál-
höfuð, þrír tómatar, tveir laukar,
hálfur þriðji bolli af majonesi, krydd,
tómatsósa, sinnep, pipar og að sjálf-
sögðu brauðið. Kostar rétturinn 30
dollara eða um 1.900 ísl. kr.
„Þetta er nóg fyrir tíu manna fjöl-
skyldu,“ sagði Denny Liegey, eig-
andi veitingastaðarins, en hann hef-
ur áður boðið upp á nærri fimm kílóa
hamborgara. Varð kona nokkur,
Kate Steinick, sem aðeins vó 45 kíló,
fyrst til að klára hann innan þriggja
klukkustunda og fékk að launum
skyrtubol.
Í mars varð veitingastaður í New
Jersey til að bjóða upp 5,6 kílóa ham-
borgara og nú hefur Liegey sem sagt
bætt um betur. Um síðustu helgi
reyndu fjórir menn að klára ham-
borgarann, öll 6,75 kílóin, en gáfust
allir upp á endanum.
Nærri sjö
kílóa ham-
borgari
KOMIÐ hefur í ljós að í mörgum
Asíulöndum er beitt eitri til að
útrýma skordýrum í gámum og
geta efnin valdið sjúkdómum í
mönnum, að sögn vefsíðu sænska
blaðsins Dagens Nyheter. Sum
efnanna voru m.a. notuð í Evr-
ópu í fyrri heimsstyrjöld og er
taugagasið klórpikrin nefnt sem
dæmi. Sænsk yfirvöld vara nú
starfsmenn í höfnum við hætt-
unni og ráðleggja hafnarverka-
mönnum að nota grímur og
hanska leiki grunur á að hætta
sé á ferð.
Fram kemur í skýrslu um
rannsókn, sem gerð var í Rotter-
dam í Hollandi, að efnin geti bor-
ist í lyf og matvæli og sum
smjúga í gegnum plast. Magnið
af einu efnanna, metalbrómíði,
reyndist yfir hættumörkum í
sælgæti og leikföngum.
Eitrað gas
Efnin eru oft í litlum kössum á
stærð við sígarettupakka eða
pokum sem minna á tepoka,
hylkin eru fest innan á hlið í
gáminum. Duftið í þessum um-
búðum gefur frá sér eitrað gas
með hjálp loftraka í gáminum.
Setja ber spjald með eiturvið-
vörun á hurð gámsins en það er
oft sagt vera trassað, einkum í
þróunarlöndum.
Rannsóknin í Hollandi sýnir að
í um 800.000 af alls fjórum millj-
ónum gáma sem tekið er við í
Rotterdam, mestu hafnarborg í
heimi, er magnið af umræddum
efnum langt yfir hættumörkum.
Varað við eitri í
gámum frá Asíu
♦♦♦
Washington. AFP. | Bílasala jókst nokk-
uð í Bandaríkjunum í apríl en aukn-
ingin er næstum eingöngu í japönsk-
um bílum. Það sverfur hins vegar að
bandarísku bílasmiðjunum General
Motors og Ford og einkum vegna
verulegs samdráttar í sölu á jeppum
og öðrum bensínhákum.
Salan í apríl jókst um 5,7% miðað
við sama mánuð í fyrra og fleyttu
Toyota og Nissan rjómann ofan af
aukningunni. Sýnir það þróunina en
neytendur leggja nú æ meiri áherslu
á sparneytna bíla. Það kemur síðan
aftur niður á sölu stórra bíla, einkum
jeppa, pallbíla og sportbíla.
„Hér er einfaldlega um að ræða
viðbrögð við háu bensínverði og al-
mennt er búist við, að það verði áfram
hátt og jafnvel hærra en nú,“ sagði
einn markaðssérfræðingurinn.
Sem dæmi má nefna, að sala í
Hummer-bílum er nú um 28% minni
en fyrir ári. Í Ford Explorer er hún
14,6% minni, í Expedition 20% og í
Excursion 26,5% minni.
Staðan er nú sú vestra, að banda-
rísku bílaverksmiðjurnar þrjár, Ford,
GM og Chrysler, hafa 56,3% mark-
aðarins, framleiðendur í Asíu 37,5%
og evrópskir framleiðendur 6,2%.
Jeppar og
pallbílar á
undanhaldi