Morgunblaðið - 06.05.2005, Síða 35

MORGUNBLAÐIÐ FÖSTUDAGUR 6. MAÍ 2005 35
UMRÆÐAN

 


 
  
 









 
  
Myndlistaskólinn á Akureyri - Kaupvangsstræti 16 - Pósthólf 39 - 602 Akureyri
http://www.myndak.is/ - info@myndak.is
Umsóknarfrestur um skólavist er til 25. maí 2005.
Allar nánari upplýsingar veittar í síma 462 4958.
auglýsir inntöku nýrra nemenda fyrir skólaárið 2005 - 2006
FAGURLISTADEILD-FRJÁLS MYNDLIST
Nám í fagurlistadeild er fjölþætt, þriggja ára sérhæft nám
sem veitir starfsmenntun í frjálsri myndlist. Nemendur fá
nauðsynlega þjálfun og tilsögn sem gerir þá hæfari til að
takast á við ólík viðfangsefni og fjölbreyttar aðferðir í
listsköpun sinni.
LISTHÖNNUNARDEILD-GRAFÍSK HÖNNUN
Í grafískri hönnun er lögð áhersla á tækniþekkingu og
frumlega framsetningu hugmynda. Á þremur árum öðlast
nemendur yfirgripsmikla þekkingu og þjálfun í faginu sem
gerir þá hæfa til að fást við krefjandi verkefni á sviði
hönnunar fyrir prentmiðla og margmiðlun.
Nemendur útskrifast að loknu þriggja ára námi í
sérnámsdeildum með því að vinna lokaverkefni innan
sérgreinarinnar og skrifa rannsóknarritgerð.
Með prófskírteini fylgir skrá um námsárangur nemenda allan
skólaferilinn ásamt umsögn prófdómara um lokaverkefni.
Námseiningar: 90
MIG LANGAR til að deila með
ykkur mínum kynnum af Össuri
Skarphéðinssyni og störfum hans.
Um jólahátíðina 2003 skrifaði ég
opið bréf til Þorgerðar Katrínar
Gunnarsdóttur sem þá um ára-
mótin tæki við starfi mennta-
málaráðherra. Einnig
sendi ég þetta bréf til
allra alþingismanna
og á alla fjölmiðla.
Þetta bréf innihélt
spurningar mínar og
vangaveltur um stöðu
Listaháskóla Íslands
og stöðu Lánasjóðs
íslenskra námsmanna
gagnvart fólki sem
hefði hug á að sækja
listanám erlendis.
Eins og fyrr segir,
sendi ég þetta bréf á
alla alþingsmenn Ís-
lands. Sendi ég þetta
bréf laust eftir miðnætti annan í
jólum og bjóst svo sem ekki við að
fá svar strax frá neinum þing-
mannanna. Það sem gerist í fram-
haldinu er að um 3.30 sömu nótt
fæ ég bréf frá Össuri Skarphéð-
inssyni þar sem hann biður mig
um frekari upplýsingar og fleira
um þetta tiltekna bréf. Sendi ég
honum það sem hann bað um
sömu nótt og fékk svar aftur til
baka. Það sem gerðist í framhald-
inu er það að Össur kom mér í
samband við Björgvin G. Sigurðs-
son og Katrínu Júlíusdóttur al-
þingismenn og þau héldu málinu
áfram. Össur hélt málinu einnig
áfram með því að vera í sambandi
við mig í gegnum netpóst. Össur
var eini alþingismaður Íslendinga
sem svaraði mér, og það að nóttu
til annan í jólum. Að mér vitandi
hafði Össur ekki vitneskju um það
að ég væri flokksmaður Samfylk-
ingarinnar.
Þetta er aðeins eitt dæmi um
elju og þá hugsjón
sem Össur hefur sem
pólitíkus. Össur er
maður fólksins og er
tilbúinn til þess að
leggja mikið á sig til
þess að vinna fyrir
það, það hefur hann
sýnt og sannað. Öss-
ur er mjög svo öfl-
ugur leiðtogi. Það
sýndi sig virkilega í
fjölmiðlamálinu á síð-
asta ári og einnig í
því að hann hefur
leitt Samfylkinguna í
það að vera miðlungs-
flokkur í skoðanakönnunum í það
að verða næststærsti stjórn-
málaflokkur Íslands. Nú síðast í
skoðanakönnun Gallup hinn 2. maí
mælist Samfylkingin með 32%
fylgi en betur má ef duga skal og
ég trúi því að Össur muni fá það
traust flokksmanna sem hann á
svo sannarlega skilið og við mun-
um veita honum brautargengi til
þess að leiða flokkinn áfram og
með það traust á bakinu muni
honum ásamt öflugri forystu tak-
ast að sigra stórsigur í næstu al-
þingiskosningum sem verða 2007
að öllum líkindum og Samfylk-
ingin muni verða leiðandi afl í
næstu ríkisstjórn. Helgina 20.–22.
maí næstkomandi mun það koma í
ljós hvor verður formaður mjög
svo öflugs stjórnmálaflokks, nú-
verandi formaður Össur Skarp-
héðinsson eða Ingibjörg Sólrún
Gísladóttir, núverandi varafor-
maður og tilvonandi þingmaður.
Ingibjörg er svo sannarlega góður
leiðtogi og góður pólitíkus en ég
sé ekki ástæðu til þess nú að
skipta um formann, sérstaklega
ekki í ljósi góðs árangurs flokks-
ins í mörgum mikilvægum málum
og í skoðanakönnunum. Því hefur
Össur nú þegar fengið mitt at-
kvæði og hvet ég alla til að kjósa,
hvort heldur sem það er Össur
eða Ingibjörg. Þitt atkvæði skiptir
máli.
Formannskjör í Samfylkingunni
Matthías Freyr Matthíasson
fjallar um formannskjörið í
Samfylkingunni ’Þetta er aðeins eittdæmi um elju og þá
hugsjón sem Össur hef-
ur sem pólitíkus. ‘
Matthías Freyr
Matthíasson
Höfundur er meðferðarfulltrúi.
UNDIRRITUÐ hefur eins og
svo margir aðrir leitað þjónustu
ráðningarfyrirtækja þegar leitað
skal að öðru starfi.
Hef nú verið stans-
laust á skrá hjá
tveimur þeirra í fimm
ár, og verður að segj-
ast að uppskeran hef-
ur verið heldur rýr.
Nú er það ekki svo
að ég sé búin að
ganga um atvinnulaus
allan þennan tíma, en
eins og svo margt
ungt fólk hef ég verið
tilbúin til að takast á
við ný verkefni og
breyta til eins og
stendur í ferilskránni
minni.
Mér er fullljóst að
margir eru um hituna
þegar störf eru ann-
ars vegar og þá sér-
staklega störf þar sem
krafist er háskóla-
menntunar en ég er
einmitt í þeim hópi.
Það sem undrar mig
hins vegar er hversu lítið virðist
gerast eftir að maður skráir sig.
Fyrsta stigið er að mæta í viðtal
með ferilskrá meðferðis og hef þá
fengið góðar móttökur. Starfs-
menn ráðningarfyrirtækja lofa yf-
irleitt að hringja „mjög fljótlega“
og ég hef verið beðin að hafa vak-
andi auga fyrir störfum sem séu
auglýst, svo og þeim sem hringt
yrði í mig út af. Skemmst er frá
því að segja að símtölin hafa látið
bíða eftir sér og sömuleiðis við-
tölin.
Ég veit um fjölda fólks sem er á
skrá hjá ráðningarstofum borg-
arinnar og margir eflaust búnir að
steingleyma að þeir séu á skrá.
Flestir á skrá eru líklega í störf-
um en eins og ég tilbúnir að tak-
ast á við ný verkefni ef tækifæri
gefst.
Í happdrættum á Íslandi eru
vinningsmöguleikar auglýstir.
Vinningslíkur í happdrætti SÍBS
eru t.d. ein á móti fjórum, en mun
minni í lottóinu. Hverjar skyldu
vinningslíkur vera hjá
ráðningarfyrirtækjum,
þ.e. hverjar eru lík-
urnar á að verða boð-
uð í viðtal, hvað þá að
fá þar starf?
Forvitnilegt væri að
fá að vita hversu
margir væru þar á
skrá og hve mörg
störf væru í boði á
hverjum tíma. Sem
þjónustuþegi ráðning-
arfyrirtækja fyndist
mér eðlilegt að fá
þessar upplýsingar.
Væri meira að segja
til í að borga ákveðna
upphæð mánaðarlega
ef ég fengi í staðinn
haldbærar sannanir
fyrir því að eitthvað
væri verið að gera í
mínum málum. Upp-
lýsingar eins og hve
margir hefðu sýnt
minni umsókn áhuga,
eða hvort ég væri bara einhvers
staðar í blaðabunkanum óhreyfð
og safnaði ryki. Mér skilst að
ráðningarfyrirtækjum sé óheimilt
að taka greiðslu fyrir þjónustu
sína. Hver bannar það, og hver á
þessi fyrirtæki? Þetta eru upplýs-
ingar sem mér finnst að ættu að
liggja fyrir.
Er í vinnu nú sem áður en held
áfram að vera á skrá hjá ráðning-
arfyrirtækjum borgarinnar, en
spyr sjálfa mig aftur og aftur, til
hvers? Ætli líkurnar séu ekki svip-
aðar og að vinna í lottó, – þar er
ég þó allavega að styrkja gott mál-
efni.
Starfsemi ráðn-
ingarfyrirtækja
Hugrún Sigurjónsdóttir
fjallar um vinnubrögð
ráðningarstofa
Hugrún Sigurjónsdóttir
’ Það sem undr-ar mig hins veg-
ar er hversu lít-
ið virðist gerast
eftir að maður
skráir sig.‘
Höfundur er sálfræðingur á
Skólaskrifstofu Austurlands.