Morgunblaðið - 06.05.2005, Side 33

MORGUNBLAÐIÐ FÖSTUDAGUR 6. MAÍ 2005 33
UMRÆÐAN
Sögur Astridar Lindgren eru fullar af fjöri
og spennu. Hér má lesa um sjóræningja,
eldspúandi dreka, fljúgandi furðuhluti og
anda í flösku svo fátt eitt sé nefnt.
Bækur sem ekkert barn má missa af!
Fáanleg
aftur
Allar
sögurnar í
einni bók
Ný
Ný
Fáanleg
aftur
Í GEGNUM árin hefur frum-
greinadeild Tækni(há)skóla Íslands
þjónað mikilvægu hlutverki á sviði
tæknimenntunar. Hennar hlutverk
er skýrt: Að tryggja verkmenntuðu
fólki viðhlítandi undirbúning að
frekara námi og að auðvelda þeim
sem ekki hafa stúdentspróf, eða hafa
stúdentspróf af „rangri“ braut, að
komast í háskólanám. Sem slík hefur
hún veitt fjöldamörgum tækifæri til
að hefja háskólanám við Tæknihá-
skóla Íslands. Nýverið var ákveðið
að sameina THÍ og Háskólann í
Reykjavík og hefur frumgreina-
deildin fengið nýtt nafn, frum-
greinasvið, en mun starfa með nán-
ast óbreyttu sniði við hinn nýja
skóla. Við sem skrifum þessa grein
erum að útskrifast úr frum-
greinadeild og er tilgangurinn með
skrifunum að vekja athygli annarra
á þeim tækifærum sem deildin hefur
fært okkur.
Á haustönn 2005 mun hið nýja
frumgreinasvið hefja störf. Það
heyrir undir tækni- og verk-
fræðideild hins nýja skóla, enda
fyrst og fremst ætlað sem brú inn á
þau svið sem þar eru, s.s. hinar ýmsu
tækni- og verkfræðigreinar og tölv-
unarfræði. Þeir sem fylla sæti frum-
greinadeildar eru iðnaðarmenn, fólk
með stúdentspróf sem vantar ein-
ingar í stærðfræði og eðlisfræði og
fólk með talsverða starfsreynslu.
Flestir nemendur frum-
greinasviðs eru iðnaðarmenn. Þess
er þó ekki krafist að þeir hafi sveins-
próf heldur er nóg að hafa lokið iðn-
skólanum eða sambærilegu námi.
Frumgreinasviðið er nánast óbreytt
hvað snertir þennan hóp og er áfram
þrjár annir í dagskóla. Að því loknu
hafa nemendurnir fjölmarga mögu-
leika á háskólastigi. Tæknifræði-
greinarnar eru vinsælasti kosturinn,
enda eru þær nátengdar iðnaðinum í
landinu, en einnig eru verkfræði og
tölvunarfræði opin, ásamt fleiru.
Þessum nemum stendur einnig til
boða að taka aðeins eina önn og fara
í diplómanám í iðnfræði. Iðnfræðin
er kennd í fjarnámi og hafa iðnfræð-
ingar jafnframt meistararéttindi í
iðn sinni.
Það eru margir sem fá í magann
við tilhugsunina um raungreinar.
Oft eru þá valdar brautir í mennta-
skóla með lágmarks stærðfræði, eðl-
isfræði og efnafræði þar sem fólk
telur sig ekki hafa færni til að takast
á við þessar greinar. Sú var raunin
með einn undirritaðra. Nú tíu árum
eftir stúdentspróf er ég að ljúka
frumgreinadeild Tækniháskólans.
Það að koma í stærðfræðitíma eftir
margra ára hlé er ekki það auðveld-
asta sem hægt er að hugsa sér. Samt
kom í ljós að þetta var alls ekki
ómögulegt og fyrst ég get það þá er
ekkert ómögulegt. Þetta er mikil
vinna en skemmtileg. Frum-
greinadeildin er sett saman fyrir
okkur sem viljum bæta við okkur
námi og komast áfram í tækni- og
verkfræðinám.
Hér er bekkjarkerfi sem skilar
mikilli samvinnu innan hvers bekkj-
ar og eldri nemendur eru þolinmóðir
við að aðstoða þegar þörf er á. Hvort
sem valið er að halda áfram og fara í
tækni- eða verkfræði hérna í skól-
anum, þá er ég með góðan grunn, og
reynslan sýnir að skólar erlendis
kunna líka vel að meta þetta nám.
Frumgreinadeild Tækniháskóla
Íslands hefur opnað mörgu fólki úr
atvinnulífinu óteljandi dyr inn í
framtíðina. Ég, sem er þrítugur sjó-
maður að norðan, líki þessu tækifæri
við upphaf nýs kafla í lífi mínu, þar
sem ég sé mig sem smápeð í öllum
þeim hafsjó stúdenta sem stefna á
áframhaldandi menntun. Þetta er
stærsta tækifæri lífs míns og er
óhætt að segja það að metnaðurinn
og viljinn er svo mikill að ég ætla að
þróa og þroska þetta peð sem best
ég get.
Þar sem ég er búinn að vera
fulltrúi frumgreinadeildar innan
nemendafélags THÍ hef ég komið
mikið nálægt því sameiningarferli
sem skólarnir stóðu í hvað varðar
hagsmuni nemenda og verð ég að
segja að niðurstaðan er hreint frá-
bær. Það liggur nú ljóst fyrir að fólk
með mikla starfsreynslu stendur
frammi fyrir sama tækifæri og ég
hafði í hinum nýja skóla HR.
Ég skora hér með á alla í sömu
sporum og ég var, sem sagt hugs-
andi um hvort þetta væri hægt eða
ekki, að láta slag standa og láta
gamla drauminn um menntun verða
að veruleika. Það eru spennandi nýir
tímar framundan og gaman verður
að taka þátt í og sjá hinn nýja skóla
rísa upp úr mýrinni og verða glæsi-
legasti skóli landsins og þótt víðar
væri leitað.
Nám við frumgreinasvið HR er
krefjandi nám og þar ríkir gott and-
rúmsloft. Þar kenna metnaðarfullir
kennarar duglegum og áhugasömum
einstaklingum og er það margsann-
að að þessir einstaklingar skara
fram úr á tæknisviðunum. Okkur
þykir afar mikilvægt að frum-
greinadeildin/sviðið gleymist ekki í
sameiningu skólanna tveggja heldur
haldi sæti sínu sem mikilvæg brú í
tækninám.
Brú í tækni- og verkfræðideild HR
Björn Erlendsson, Björn Óm-
arsson og Gunnar Hrafn Hall
fjalla um frumgreinadeild THÍ
– frumgreinasvið HR
’FrumgreinadeildTækniháskóla Íslands
hefur opnað mörgu fólki
úr atvinnulífinu ótelj-
andi dyr inn í framtíð-
ina.‘
Gunnar Hall
Höfundar eru nemendur í frum-
greinadeild Tækniháskóla Íslands.
Björn Ómarsson Björn Erlendsson