Morgunblaðið - 14.06.2005, Blaðsíða 16

Eskifjörður | Frænkurnar frá Eskifirði, Silvía
Halldórsdóttir og Hafdís Bára Pétursdóttir,
héldu til veiða í kvöldsólinni á Eskifirði. Veiðin
var heldur dræm en fyrir rest beit þessi þorskur
á sem stöllurnar sáu aumur á og slepptu aftur í
hafið.
Morgunblaðið/Alfons
Veitt og sleppt
Dorg
Akureyri | Suðurnes | Austurland | Landið
Minnstaður
Höfuðborgarsvæðið Brjánn Jónasson, brjann@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri Margrét Þóra Þórsdóttir,
maggath@mbl.is og Kristján Kristjánson, krkr@mbl.is, sími 461-1600. Vesturland Ásdís
Haraldsdóttir, asdish@mbl.is, sími 898-5258. Austurland Steinunn Ásmundsdóttir, aust-
urland@mbl.is, sími 669-1115. Árborgarsvæðið og Landið Helgi Bjarnason, helgi@mbl.is,
sími 569-1310 og 669-1310 og Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Landbúnaðarstofnunin nýja verður
staðsett á Selfossi og mun fara vel í
landslagi stofnana og fyrirtækja í bæn-
um. Hún kemur inn í atvinnulífið á sama
tíma og Lánasjóður landbúnaðarins
verður seldur svo þess er að vænta að
starfsfólk sem þar starfar eigi góða
möguleika á starfi, fylgi það ekki með
þegar sjóðurinn flyst til væntanlegs
kaupanda. Guðni Ágústsson landbún-
aðarráðherra segir að fjármálastofnanir
hafi áhuga á sjóðnum.
  
Mikið framboð hefur verið á störfum og
er ekkert lát á þenslunni á Árborg-
arsvæðinu. Fjölgun fólks heldur áfram á
Selfossi og í Hveragerði sem sést best á
því að þrengsli eru vaxandi í grunnskól-
unum og biðlistar eftir leikskólaplássi
lengjast. Hrópað er á nýjan leikskóla á
Selfossi en bæjaryfirvöld þar vilja seinka
byggingu hans og hyggjast leysa vand-
ann með lausum kennslustofum við leik-
skólana. Það er svo aftur mat margra að
með því sé gengið í ákveðna gildru sem
erfitt geti verið að komast úr, samanber
lausu stofurnar við grunnskólana sem
alltaf eru viðvarandi þrátt fyrir góð
áform.
  
Suðurlandsvegurinn á milli Reykjavík-
ur og Selfoss er mikil lífæð. Umferðin
þar hefur farið vaxandi ár frá ári með
stórum og miklum helgar- og sum-
artoppum. Nýjar upplýsingar frá trygg-
ingafélögunum varðandi tjón á veginum
vegna umferðarslysa sýna að bregðast
þarf við og sinna þessum vegi mun betur
en gert hefur verið varðandi nýfram-
kvæmdir og viðhald, með öryggismálin í
forgangi. Fimm milljarða kostnaður á 15
árum og kostnaður upp á einn milljarð
árið 2003 setja umræðuna um vegabætur
í nýtt samhengi. Krafan um tvöföldun
vegarins verður æ háværari enda er tvö-
faldur vegur öruggasta mannvirkið.
Lokamarkmiðið með framkvæmdum þarf
að mati margra að vera fjögurra akreina
upplýstur vegur og allar aðgerðir að mið-
ast við það. Þess vegna líta menn með
hornauga til þess að þriggja akreina veg-
ur verði byggður án þess að hafa örygg-
isvegrið eða autt svæði á milli akreina,
sem áfangi að fjögurra akreina vegi.
Hættan á framanáárekstrum er sú sama
við slíkar aðstæður ef ekki meiri.
Úr
bæjarlífinu
SELFOSS
EFTIR SIGURÐ JÓNSSON FRÉTTARITARA
Blandað bú er rekið á Sólheimum í Hrunamannahreppi. Þar er stórt kúa- ogsauðfjárbú en einnig nokkuð af öðrum skepnum. Á bænum er eitt svín, grís sem heitir því viðeigandi nafni Beikon, vænt-
anlega vegna fyrirsjáanlegra örlaga sinna fyrir jólin. Hann gengur gjarnan með
lömbunum. Hér er hann í félagsskap með heimalningnum Júmbó og kúnni Nunnu.
Kýrin er óvenjuleg í útliti, rauðskjöldótt, húfótt og þar að auki hyrnd. Er þessi lita-
samsetning orðin heldur fáséð og hyrndar kýr ennþá frekar.
Morgunblaðið/Sigurður Sigmundsson
Nunna, Beikon og Júmbó
Íslensku menningar-heimili í Noregi máalltaf finna vísur í
bókaskápnum. Í bréfi til
Biddu systur segist Þór-
bergur Þórðarson hafa
verið á gangi á götu í
Kaupmannahöfn er datt
niður í hann:
Heyrði ég í hamri sungið.
– Það hljómaði’ eins og
elskóvssúk. –
Hver var það, sem þar söng inni?
Það var hin fagra Pípalúk.
Pípalúk! Pípalúk!
Það var hin fagra Pípalúk!
Svo fékk Randver að
heyra kvæði Huldu um álf-
ana í Barni náttúrunnar
eftir Kiljan, en annað er-
indið hljóðar svo:
Hljótt er fram við Hóla,
hljótt og kyrt og rótt.
Bæði skulum við blunda,
– brátt er komin nótt.
Og Hlíðar-Jóns rímur eftir
Stein Steinarr svíkja eng-
an, s.s. erindið:
Lífs um angurs víðan vang
víst ég ganginn herði,
eikin spanga, í þitt fang
oft mig langa gerði.
Frá Noregi
pebl@mbl.is
Bifröst | Háskólarnir í Reykjavík virka
eins og ryksugur á mannlegt atgervi. Þeir
soga til sín ungt og efnilegt fólk og skila
sjaldnast aftur til landsbyggðarinnar.
Þetta kom meðal annars fram í ræðu Run-
ólfs Ágústssonar, rektors Viðskiptaháskól-
ans á Bifröst, við útskrift nema um helgina.
Runólfur sagði að háskólarnir í Reykja-
vík, lengst af Háskóli Íslands einn og sér,
hafi undanfarin 100 ár eða svo verið einn af
meginkröftum í byggðaþróun landsins.
Uppbygging stjórnkerfis og atvinnulífs
með miðlægum hætti hefðu samverkandi
áhrif. Hann sagði að í höfuðborginni væru
vaxtarbroddar nútímasamfélagsins og
þangað leitaði fjármagnið og fólkið, frá
landsbyggðinni til suðvesturhornsins.
Landsbyggðin hafi forgang
Taldi hann nauðsynlegt að setja aukinn
kraft í uppbyggingu menntunar og rann-
sókna á landsbyggðinni og nefndi í því
sambandi að veita þyrfti háskólum á lands-
byggðinni forgang til vaxtar og þroska.
Þeirra starf væri lykilatriði til að tryggja
framtíð byggðanna. „Í dag eru þeir sveltir
fjárhagslega og fá ekki rými til vaxtar af
hálfu yfirvalda menntamála. Svo virðist
vera sem að forgangur í háskólamálum
landsins liggi nú í enn frekari eflingu há-
skóla í höfuðborginni með sameinuðum há-
skóla HR og THÍ sem virðist eiga að fá
fjármuni til vaxtar umfram aðra á næstu
árum,“ sagði rektor meðal annars.
Hann nefndi að Viðskiptaháskólinn á
Bifröst geti fengið fjármagn til vaxtar um
4% á ári, þegar hann hafi getu og vilja til að
vaxa um 25–30%. Farið hafi verið fram á að
fjölga úr 400 nemendum í 510 á næsta ári
en þeim standi til boða að fjölga um sextán
nemendur.
Ryksugur
á mannlegt
atgervi
Vestmannaeyjar | Stjórnendur grunn-
skóla og leikskóla Vestmannaeyja harma
það að bæjarstjórn skuli hafa ákveðið sam-
einingu grunnskóla og leikskóla án þess að
hafa rætt grundvöll þess við stjórnendur
skólanna og telja að það raski starfsemi
þeirra.
Bæjarstjórn hefur á grundvelli skýrslu
sem unnin var samþykkt á stefnumörkun
að grunnskólar bæjarins sameinist undir
eina yfirstjórn haustið 2006 og að leikskól-
ar bæjarins sameinist undir eina stjórn í
byrjun næsta árs. Létu stjórnendur skól-
anna bóka athugasemdir sínar á síðasta
fundi fræðsluráðs.
Gera athuga-
semdir við
vinnubrögð
♦♦♦
Austur-Húnavatnssýsla | Fulltrúar
allra sveitarfélaga í Austur-Húna-
vatnssýslu undirrituðu nýverið
áskorun til ríkis-
stjórnar Íslands
um að kynna mögu-
leika á staðsetn-
ingu iðjuvers í
Austur-Húnavatns-
sýslu eða í Skaga-
firði fyrir fjárfest-
um.
Áskorunin kem-
ur m.a. í kjölfar
þeirrar umræðu
sem átt hefur sér
stað meðal stjórn-
valda þar sem
áhersla er lögð á
staðsetningu álvers
í Skagafirði, Eyja-
firði eða á Húsavík.
Fram kemur að
með áskoruninni vilja forsvarsmenn
sveitarfélaganna í Austur-Húna-
vatnssýslu vekja athygli á að verið
er að ljúka gerð svæðisskipulags
fyrir sýsluna þar sem stefnt er að
því að kannaðir verði möguleikar á
orkufrekum iðnaði. Gerir svæðis-
skipulagsáætlunin ráð fyrir um 50
ha iðnaðarsvæði við Eyjarey, sem er
miðja vegu milli Skagastrandar og
Blönduóss og í 40 km fjarlægð frá
Sauðárkróki. Mögu-
leikar eru taldir á
uppbyggingu hafn-
ar þar og er styrkur
svæðisins m.a. tal-
inn felast í greiðum
samgöngum, góðu
náttúrufari, nálægð
við verslunar- og
þjónustukjarna og
er landrými mikið.
Jafnframt er vakin
athygli á nálægð
þessa staðar við
Blönduvirkjun.
Með áskoruninni
vilja sveitarstjórn-
armenn í Austur-
Húnavatnssýslu
vekja athygli á
þeirri staðreynd að sýslan hefur
marga góða valkosti umfram önnur
svæði til staðsetningar iðjuvers. Því
óska sveitarfélögin góðs samstarfs
við stjórnvöld um rannsóknir á um-
ræddu iðnaðarsvæði við Eyjarey og
frekari vinnu við málið, segir í áskor-
uninni.
Vilja kynna möguleika
á iðjuveri í Eyjarey
Morgunblaðið/Golli