Morgunblaðið - 21.07.2005, Page 10

10 FIMMTUDAGUR 21. JÚLÍ 2005 MORGUNBLAÐIÐ
FRÉTTIR
AF ÞEIM rúmlega 36.000 tonnum
af norsk-íslenskri síld sem íslensk
skip komu með að landi í nýliðnum
júnímánuði voru rúmlega 25.000
tonn eða sem nemur rúmlega 68%
aflans veidd innan efnahagslögsögu
Íslands. Í maímánuði veiddust ríf-
lega 11.000 tonn af norsk-íslenzku
síldinni og þar af 8.450 tonn innan ís-
lenzku lögsögunnar.
Þessa tvo mánuði veiddust alls
47.400 tonn og voru ríflega 33.000
tonn af því tekin innan lögsögunnar.
Hitt veiddist á alþjóðlegu hafsvæði
og í lögsögu Færeyja. Síðan þessar
veiðar hófust fyrir rúmum tíu árum
hefur aldrei verið tekið jafnmikið af
síldinni innan íslenzku lögsögunnar.
Næstmest var tekið innan lögsögu
árið 1998, 25.600 tonn og var sá afli
allur tekinn í júní. Árið 2003 voru
tekin 11.800 tonn innan lögsögu og
10.400 árið 1995. Önnur ár hefur
síldarafli innan lögsögunnar verið
mun minni.
60.800 tonn veidd í ár
Á síðasta ári veiddust alls um
103.000 tonn. Aðeins 5.400 tonn voru
þá tekin innan lögsögu. 47.800 tonn
voru þá tekin á alþjóðlegu hafsvæði,
nánar tiltekið í Síldarsmugunni svo-
kölluðu, og 49.600 tonn voru tekin
við Svalbarða. Nú er síldaraflinn
orðinn ríflega 60.000 tonn og ljóst að
mjög mikið af þeim afla hefur verið
tekið við Svalbarða. Mest hefur
veiðzt við Svalbarða árið 2002,
64.000 tonn.
Frá árinu 1994 hefur afli Íslend-
inga af norsk-íslenzku síldinni orðið
mestur árið 1997, 220.000 tonn. Árið
1993 varð hann 204.000 tonn og
200.000 tonn árið 1998. Minnstur
varð aflinn fyrsta árið, aðeins 21.100
tonn, enda var lítill kraftur í veið-
unum þá.
Hlutur vinnsluskipa í veiðinni hef-
ur aukizt ár frá ári og einnig var
mikið flakað og fryst í landi í júní-
mánuði, er síldin veiddist næst landi.
Með því að flaka og frysta síldina um
borð lætur nærri að verðmæti henn-
ar upp úr sjó sé sexfaldað miðað við
að síldin færi annars í bræðslu.
Styrkir stöðu okkar
Þessi mikla síldveiði innan lögsög-
unnar styrkir samningsstöðu Ís-
lands í viðræðum um skiptingu veiði-
heimilda á stofninum við strandríkin
og á vettvangi NEAFC. Norsk
stjórnvöld hafa farið fram á verulega
aukningu eigin hlutdeildar á þeim
grunni að síldin haldi sig að lang-
mestu leyti innan norskrar lögsögu.
Nú virðist hins vegar að hún sé í
auknum mæli að taka upp sitt fyrra
göngumynstur þar sem hún var að-
eins í rúma tvo mánuði innan norsku
lögsögunnar við hrygningu, en mun
lengur við Ísland í ætisleit og vet-
ursetu.
68% síldaraflans innan lögsögu
Morgunblaðið/Alfons
Fiskveiðar Beitir NK á síldveiðum innan íslenzku lögsögunnar. Pokinn
kominn að síðunni og allt gert klárt svo hægt sé að dæla aflanum um borð.
Eftir Hjört Gíslason
hjgi@mbl.is 




 
 








!

 


!

"#
 !


 

 

 
ÚR VERINU
Saab
aftur
á kortið
Bílar á morgun
STARFSMENN embættis yfirdýra-
læknis hafa óskað eftir því að land-
búnaðarráðherra endurskoði þá
ákvörðun sína að höfuðstöðvar
Landbúnaðarstofnunar skuli verða á
Selfossi. Þeir telja að í stað þess að
sameina lykilstarfsmenn stjórnsýsl-
unnar í eina öfluga stofnun á höf-
uðborgarsvæðinu stefni nú í að ein-
ungis hluti þeirra verði fluttur til
Selfoss með mikilli röskun og óhag-
ræði fyrir viðkomandi starfsmenn,
fjölskyldur þeirra, stofnunina sjálfa
og ekki síst þá aðila er njóta þjónust-
unnar. Þetta kemur meðal annars
fram í bréfi sem starfsmennirnir af-
hentu ráðherra 22. júní sl. Starfs-
mennirnir sem rita undir bréfið segj-
ast hafa átt fund með ráðherra
skömmu síðar þar sem farið hafi ver-
ið yfir innihald þess. Á fundinum hafi
komið fram megn óánægja ráðherra
með tilurð og innihald bréfsins en
engin viðbrögð hafi borist þeim síðan
fundurinn var haldinn hinn 27. júní
sl. Því hafi það verið sent fjölmiðlum
til birtingar.
Í bréfinu segir jafnframt:
„Dreifð staðsetning hefur að okk-
ar mati dregið úr æskilegum sam-
legðaráhrifum í faglegri þjónustu og
komið niður á hagkvæmni í rekstri.
Nýleg ákvörðun landbúnaðarráð-
herra um að staðsetja Landbúnaðar-
stofnun á Selfossi hefur í raun koll-
varpað framtíðarsýn yfirdýralæknis
og starfsmanna hans í þessu sam-
hengi. [...] Þess má einnig geta að
vandséð verður
að aðrar stofnan-
ir á borð við að-
fangseftirlitið,
plöntueftirlitið og
kjötmatsformann
verði fluttar á
Selfoss sökum
eðlis starfsem-
innar. Í stað sam-
einingar verða
starfsmenn yfirdýralæknis í fram-
tíðinni dreifðir sem aldrei fyrr og all-
ar hugmyndir um hagræðingu og
betri fagmannlega samhæfingu við
eftirlit og þjónustu fyrir borð born-
ar. Auk þess þykir okkur auðsýnt að
ákvörðun þessi muni hafa í för með
sér ófyrirséðan kostnaðarauka.“
„Niðurstaðan liggur fyrir“
Guðni Ágústsson landbúnaðarráð-
herra segist á umræddum fundi hafa
skýrt frá því að niðurstaða Alþingis
hefði verið sú að stofnunin skyldi
vera utan höfuðborgarsvæðisins og
að vandlega íhugðu máli hafi Selfoss
orðið fyrir valinu.
„Ég held að mörgum þyki það hin
eðlilegasta niðurstaða en þetta er
stór og öflugur bær í sterku land-
búnaðarhéraði. Þannig að ég skýrði
þeim frá því að bréfið væri of seint
fram komið – barnið væri fætt og nú
væri byrjað að klæða það. Þess
vegna yrði þessari ákvörðun ekki
breytt. Margir hafa haft samband
við mig úr þeirra geira og í rauninni
fagnað þessu staðarvali,“ segir
Guðni en honum finnst fullyrðingar í
bréfinu um að „menn væru að fara í
eitthvað óhagkvæmt og að markmið
yfirdýralæknis væru fyrir bí“ ekki
eiga rétt á sér.
„Ég trúi því að hér sé verið að
byggja upp mjög sterkt og öflugt
fyrirtæki sem fylgi hagræðing og
góð þjónusta. Þessar fullyrðingar
var ég óánægður með og sagði þeim
að þetta væru þeirra tilfinningar og
skoðanir. Allar tilfinningar eiga rétt
á sér en niðurstaðan liggur fyrir.“
Dýralæknar ferðast mikið
„Dýralæknar ferðast meira en
aðrir menn á Íslandi. Þetta fyrirtæki
starfar um allt land og þeir ferðast
meira en aðrir menn og hafa bæði
gert það hér og gera það í námi sínu
erlendis í lestum og bifreiðum. Ég
trúi því að þessi stutta leið hér yfir
heiðina sé þeim nú ekki stórt mál,“
segir Guðni og bætir því við að marg-
ir ferðist þessa sömu leið vegna
vinnu sinnar.
„Það er vilji stjórnvalda í dag að
byggja upp landið allt og sú niður-
staða Alþingis kemur fram í grein-
argerð [með lögum um Landbúnað-
arstofnun] og því tjáði ég þeim að
það hefði verið eðlilegt að þeir hefðu
hitt landbúnaðarnefnd og skýrt
henni frá áhyggjum sínum en það er
óheppilegt þegar búið er að ákveða
að fyrirtækið skuli vera utan höfuð-
borgarinnar og búið að velja staðinn
að fara þá að skrifa opið bréf. Hvað
er opið bréf?“
Guðni telur að dýralæknar muni
leggjast á eitt við að byggja upp
starfsemi stofnunarinnar sem muni
verða sterk þegar fram líða stundir.
Starfsmenn embættis yfirdýralæknis óánægðir vegna
ákvörðunar um aðsetur Landbúnaðarstofnunar
Ráðherra segir
ákvörðunina standa
Guðni Ágústsson
Eftir Þóri Júlíusson
thorirj@mbl.is
„Á AÐSTÖÐU Íslensku óperunnar í Gamla bíói má
sjá að þar er ekki framtíðaraðstaða og við fögnum
allri umræðu um breytingar og lausnir þar á,“ segir
Jón Karl Ólafsson, varaformaður Íslensku óperunnar.
En stjórn óperunnar hefur gefið frá sér samþykkt þar
sem hún fagnar hugmynd Gunnars I. Birgissonar,
bæjarstjóra og alþingismanns, um byggingu sérhann-
aðs óperuhúss fyrir Íslensku óperuna á Borgarholtinu
í Kópavogi.
Jón Karl segir stjórn Íslensku óperunnar vonast til
að áframhaldandi vinna fari nú af stað. „Hugmynd
hefur verið sett fram og síðan er okkar að vinna betur
úr henni með öðrum sem að koma til að sjá hvort
þetta sé framkvæmanlegt og þá hvernig.“
Hann segir að Óperan hafi aldrei sett fyrir sig að
flytja úr miðbænum. „Það sem skiptir fyrst og fremst
máli er að aðstaðan sé nógu góð til að flytja óperur á
mannsæmandi hátt,“ segir Jón Karl og telur staðsetn-
inguna í Kópavoginum frábæra, þar sé mikið listalíf
fyrir og greinilegt að andrúmsloftið sé mjög frjótt.
Óperan ánægð með Kópavog