Morgunblaðið - 20.08.2005, Blaðsíða 4

4 LAUGARDAGUR 20. ÁGÚST 2005 MORGUNBLAÐIÐ
FRÉTTIR
Algjörar perlur
Fimmta bókin hennar
Madonnu er fyrir börn á öllum
aldri og eins og fyrri bækur
hennar með fallegan boðskap
og frábærlega myndskreytt.
Allar bækurnar nú á einstöku
tilboði!
„Nýja bókin hennar Madonnu;
náið ykkur í hana!“
Oprah Winfrey
Amazon.com
Barnes&Noble.com
50% afsláttur
aðeins 995 kr.
50% afsláttur
aðeins 995 kr.
5. sæti
Barnabækur
Penninn Eymundsson
og Bókabú›ir MM
10. – 16. ágúst
BANDARÍSKA forritið Zappa hef-
ur forystu í heimsmeistaramóti
tölvuforrita í skák eftir sigur á
heimsmeistaranum Deep Junior.
Zappa hefur því vænlega stöðu
með 6 og hálfan vinning að loknum
7 umferðum, á mótinu, sem haldið
er í Háskólanum í Reykjavík.
Zappa hefur ekki keppt í heims-
meistarakeppninni áður en hefur
tekið þátt í mótum á Netinu við
góðan orðstír. Það er afrakstur
fjögurra ára þróunarvinnu höfund-
arins, Anthony Cozzie, nema í tölv-
unarfræði við háskólann í Illinois.
Athygli vekur að eina jafnteflið
sem Zappa hefur gert í mótinu var
gegn Futé, frönsku forriti, sem
vermir botnsætið í keppninni.
Í dag kl. 10 getur Zappa nánast
tryggt sér titilinn með sigri gegn
hinu öfluga þýska forriti Shredder
sem vann heimsmeistaratitilinn í
hraðskák á dögunum.
Heimsmeistaramóti tölvuforrita í
skák lýkur á morgun og verða
verðlaun afhent um kvöldið. Eru
allir velkomnir og er aðgangur
ókeypis.
Hægt er að kynna sér Zappa-
forritið nánar á vefslóðinni http://
volker-pittlik.name/zappa/.
Nýliði lagði
heimsmeistarann
HÁSKÓLINN í Reykjavík var sett-
ur við hátíðlega athöfn í Borgarleik-
húsinu í gær, en þetta er fyrsta
skólaár nýs sameinaðs háskóla á
grunni Tækniháskóla Íslands (THÍ)
og Háskólans í Reykjavík. Þorgerð-
ur Katrín Gunnarsdóttir mennta-
málaráðherra ávarpaði gesti ásamt
Jóni Karli Ólafssyni, formanni
Verslunarráðs, og Guðfinnu S.
Bjarnadóttur, rektor skólans.
Um 2.500 nemendur munu hefja
nám við skólann í haust. Í vor bárust
1.800 umsóknir um nám í HR, sem
eru mun fleiri umsóknir en í fyrra
þegar miðað er við heildarfjölda um-
sókna í HR og THÍ á síðasta ári. Af
þeim fengu 950 nemendur inngöngu
í skólann og fara um 250 nemendur í
meistaranám. Kynjahlutfall nem-
enda í skólanum er 58% karlar og
42% konur.
Guðfinna vék að í ræðu sinni að
samruni skólanna hafi gengið vonum
framar en skólinn verður á fjórum
stöðum í borginni og í Reykjanesbæ;
við Ofanleiti, þar sem HR var til
húsa og á Höfðabakka, þar sem THÍ
var starfræktur, auk þess verður
starfsemi í prentsmiðjuhúsi Morg-
unblaðsins, á 1. hæð í Húsi versl-
unarinnar og í Reykjanesbæ í sam-
starfi við Íþróttaakademíuna þar.
Eftir 3 ár flyst starfsemin í Vatns-
mýrina.
Alþjóðlegur háskóli
„Hlutverk HR er að efla sam-
keppnishæfni íslensks atvinnulífs.
Framtíðarsýn og leiðarljós starf-
seminnar eru skýr. Háskólinn í
Reykjavík á að verða alþjóðlegur há-
skóli, viðurkenndur fyrir kennslu-
fræðilega nálgun, rannsóknir og
tengsl við atvinnulíf. Framtíð-
arsýnin er til 20 ára, við munum á
næstu árum vinna markvisst að upp-
byggingu skólans á þann hátt að hún
megi verða að veruleika. Leiðarljós
starfseminnar eru nýsköpun,
tækniþróun, samstarf og alþjóða-
samskipti,“ sagði Guðfinna í ræðu
sinni varðandi hlutverk og framtíð-
arsýn skólans.
Rektor kvaðst vonast til þess að
starfað yrði þvert á deildir og ekki
yrðu byggðir upp deildarmúrar.
„Við leitum að nýjum tækifærum,
nýjum leiðum og nýjum aðferðum,“
sagði Guðfinna.
Hún benti jafnframt á mikilvægi
nýrra atvinnugreina hérlendis og
þörfina á ungu og vel menntuðu fólki
sem væri samfara því. Auk þess
benti hún á mikilvægi rannsókn-
arstarfa innan háskóla. „Það er ekki
hægt að reka öflugan háskóla án öfl-
ugra rannsókna. Umræða um að
sumir háskólar eigi að sinna nánast
einvörðungu kennslu er úrelt, gam-
aldags og byggð á hugmyndum um
annars konar samfélag – iðn-
aðarsamfélag.“
Fékk málverk að gjöf
Í ræðu sinni vék Guðfinna að því
að myndlistamaðurinn Gunnar Örn
Gunnarsson hefði fært skólanum að
gjöf 97 málverk sem hann málaði á
árunum 1982–1986. „Gunnar Örn vill
með gjöfinni styrkja tengsl lista,
menningar og menntunar og hefur
óskað þess að málverkin verði, eftir
því sem aðstæður leyfa, hluti af
vinnuumhverfi nemenda og starfs-
manna Háskólans í Reykjavík,“
sagði Guðfinna.
Sameinaður HR settur með formlegum hætti
Morgunblaðið/Jim Smart
Háskólinn í Reykjavík var settur við hátíðlega athöfn í gær, en hann hefur sameinast Tækniskóla Íslands.
Nýjar leiðir og ný tæki-
færi með nýjum skóla
Eftir Jón Pétur Jónsson
jonpetur@mbl.is
SKÝRAST mun í næstu viku hvort
einhver hreyfing kemst á viðræður
í kjaradeilu Starfsmannafélags Suð-
urnesja (STFS) og launanefndar
sveitarfélaga. Þokist ekkert í við-
ræðunum má reikna með að STFS
muni hefja undirbúning að öflun
verkfallsheimildar.
Starfsmannafélagið vísaði kjara-
deilu sinni við launanefndina til rík-
issáttasemjara í byrjun júlímánað-
ar. Halda átti sáttafund í deilunni í
gær en honum var frestað fram yfir
helgi vegna veikinda. „Ég á von á
að það skýrist mikið í næstu viku í
hvaða átt þetta stefnir,“ Ragnar
Örn Pétursson, formaður starfs-
mannafélagsins, í gær. „Næsti
fundur mun gera útslagið með
hvort þetta næst saman eða hvort
við förum í að afla verkfallsheim-
ildar.“
Fátt nýtt er að frétta af kjara-
málum Starfsmannafélags Kópa-
vogs en eins og fram hefur komið
felldu félagsmenn kjarasamning við
launanefnd sveitarfélaga í síðasta
mánuði.
Bíður eftir fundi með
bæjarstjóra Kópavogs
Jófríður Hanna Sigfúsdóttir, for-
maður félagsins, segir enga við-
ræðufundi hafa verið haldna en hún
bíði eftir að fá fund með bæjar-
stjóra Kópavogs. Einn óformlegur
fundur var með launanefnd sveitar-
félaga 8. ágúst en Jófríður segist
vonast til að fá fund með bæj-
arstjóra í næstu viku.
Lítil hreyfing í viðræðum Starfs-
mannafélags Suðurnesja og LN
Næsti viðræðu-
fundur mun
gera útslagið
STRÆTÓ bs. sendi í gær frá sér
eftirfarandi yfirlýsingu vegna
slyssins við Kringlumýrarbraut í
gærmorgun:
Stjórn og starfsmenn Strætó
bs. eru harmi slegin vegna slyss
sem varð á mótum Kringlumýr-
arbrautar og Suðurlandsbrautar í
morgun, þegar vörubíll á leið
norður Kringlumýrarbraut skall á
strætisvagni sem var á leið vestur
yfir gatnamótin.
Hugur stjórnar og starfsmanna
er hjá vagnstjóranum og fjöl-
skyldu hans en hann slasaðist al-
varlega og er á gjörgæslu í kjölfar
aðgerðar sem hann gekkst undir.
Allir farþegar strætisvagnsins,
sex talsins, voru fluttir á slysa-
deild til skoðunar eftir slysið.
Fjórir voru útskrifaðir eftir skoð-
un. Tveir farþegar eru áfram und-
ir eftirliti lækna en meiðsli þeirra
eru þó ekki talin alvarleg. Strætó
bs. hefur þegar leitað til Rauða
krossins um að veita þeim farþeg-
um áfallahjálp sem þess óska.
Þess ber að geta að allir farþegar í
strætisvögnum eru slysatryggðir.
Rannsókn slyssins stendur yfir
og því er enn of snemmt að full-
yrða nokkuð um tildrög þess.
Hins vegar benda fyrirliggjandi
upplýsingar til þess að ekki megi
rekja orsök slyssins til mistaka af
hálfu vagnstjórans. Strætó bs.
mun fylgjast grannt með rann-
sókn málsins.
Harmi slegin
vegna slyssins