Morgunblaðið - 07.09.2005, Blaðsíða 18

18 MIÐVIKUDAGUR 7. SEPTEMBER 2005 MORGUNBLAÐIÐ
MINNSTAÐUR
FULLTRÚAKJÖR
Samkvæmt lögum Einingar-Iðju fara kosningar fulltrúa félagsins
á ársfund Alþýðusambands Íslands, ársfund Starfsgreina-
sambands Íslands og 29. þing Alþýðusambands Norðurlands
fram að viðhafðri allsherjaratkvæðagreiðslu í samræmi við
reglugerð ASÍ um slíkar kosningar.
Félagið hefur rétt til að senda 13 fulltrúa á ársfund
Alþýðusambands Íslands, sem haldið verður í Reykjavík dagana
20.-21. október nk.
Á ársfund Starfsgreinasambands Íslands, sem haldið verður á
Akureyri dagana 6.-7. október nk., hefur félagið rétt á að senda
12 fulltrúa.
29. þing Alþýðusambands Norðurlands verður haldið á
Illugastöðum dagana 30. september og 1. október nk. Félagið
hefur rétt á að senda 49 fulltrúa á þingið.
Framboðslistum eða tillögum til ársfundar ASÍ, ársfundar SGS
og 29. þings AN þar sem tilgreind eru nöfn aðalfulltrúa í
samræmi við framanskráð og jafn margra til vara, ber að skila á
skrifstofu félagsins Skipagötu 14 Akureyri eigi síðar en kl. 12.00
á hádegi miðvikudagsins 14. september nk.
Hverjum framboðslista skulu fylgja meðmæli
100 fullgildra félagsmanna.
Akureyri 5. september 2005.
Stjórn Einingar-Iðju.
Miðbær | Framkvæmdir við grunn
hótels sem rísa á við Þingholtsstræti
3 voru stöðvaðar í gær vegna kröfu
eigenda hússins við Ingólfsstræti 6,
þar sem rifinn hafði verið niður
veggur og grafið nokkra metra inn í
lóðina við Ingólfsstræti 6, sem ekki
hafði fengist leyfi fyrir.
Ingibjörg Hannesdóttir á húsið
við Ingólfsstræti 6 ásamt Hrefnu
systur sinni, og var þeim mjög
brugðið í fyrradag þegar þær heyrðu
af því frá leigjendum sínum að búið
væri að brjóta niður rúmlega tveggja
metra háan steinsteyptan vegg sem
lá á lóðamörkunum, auk þess sem
grunnurinn sem verið var að vinna í
við lóðarmörkin var skyndilega kom-
inn u.þ.b. tvo metra inn fyrir lóða-
mörkin.
Lögregla var kölluð til, og eigend-
ur funduðu með Þórði Búasyni, yf-
irverkfræðingi byggingafulltrúa,
seinnipart dags í gær. Hann sagði í
samtali við Morgunblaðið að ljóst sé
að verktakinn, Eik fasteignafélag
hf., hafi farið út fyrir byggingar-
svæðið.
Þurfa að ná samkomulagi
við nágranna
Hann fyrirskipaði að framkvæmd-
um skyldi hætt seinnipart dags í
gær, og sagði að þær verði að lík-
indum stöðvaðar þar til bætt hefur
verið fyrir brotið og einhverskonar
samkomulagi náð við eigendur húss-
ins við Ingólfsstræti 6. Því miður
virðist algengt að verktakar fari út
fyrir byggingarsvæði, en Þórður
segir það með ólíkindum í þessu til-
viki þar sem um mjög reyndan verk-
taka sé að ræða.
Ingibjörg sagðist að vonum í upp-
námi, ljóst væri að farið hefði verið
langt inn á þeirra eignarland án þess
svo mikið sem biðja um leyfi, enda
húsið verið í eign fjölskyldu hennar í
rúmlega hálfa öld. Aðspurð sagði
hún ekkert hafa á móti framkvæmd-
um við Þingholtsstræti 3, þar hafi
menn fulla heimild til að taka grunn,
en þegar farið sé út fyrir bygging-
arsvæði sé verið að ganga á eign-
arrétt annarra, og við það verði ekki
unað.
Hún benti á að hellur hafi verið
teknar upp og lagðar til hliðar áður
en grunnurinn var grafinn og því erf-
itt að sjá hvernig um mistök geti ver-
ið að ræða. Augljós slysahætta sé af
því að grafa grunninn svo nærri úti-
dyrum hússins við Ingólfsstræti 6,
enda 2–3 metra fall ofan í húsgrunn-
inn og enginn veggur eða viðvörun-
arborði sem varnar falli.
Segjast eiga vegginn
Svo virðist sem deildar meiningar
séu um hver átti vegginn sem lá milli
Ingólfsstrætis 6 og Þingholtsstrætis
3, og segir Garðar H. Friðjónsson,
framkvæmdastjóri Eikar fasteigna-
félags hf., að um hafi verið að ræða
vegg í þeirra eigu sem þeir hafi haft
heimild til þess að rífa, þó að því
fylgdi rask á lóð nágranna.
Þvervegg sem legið hafi að húsinu
við Ingólfsstræti hafi hins vegar ekki
átt að rífa, en veggirnir voru sam-
byggðir. „Það að hluti veggs í eigu
nágranna okkar, sem gekk út úr
veggnum okkar, kunni að hafa
skemmst er óheppilegt ef rétt reyn-
ist. Sé svo munum við að sjálfsögðu
bæta þeim það tjón að fullu, en óljóst
er þó hver okkar nágranna á hversu
mikið í umræddum þvervegg. En
eins og áður sagði töldum við þó að
náðst hefðist samkomulag um þessa
framkvæmd og það rask sem henni
fylgir,“ segir Garðar
Hann segir verkfræðinga hafa
metið það svo að gangandi vegfar-
endum og starfsmönnum verktakans
í Þingholtsstræti hafi stafað hætta af
veggnum sem hafi staðið á þeirra
eign, sem hafi verið tæplega 100 ára
og að hruni kominn. Ljóst er á teikn-
ingum að umræddur veggur hafi átt
að hverfa, að mati Garðars. „Það er
að sjálfsögðu óheppilegt að svona
misskilningur komi upp og við mun-
um að sjálfsögðu reyna að ná sam-
komulagi við nágranna okkar um
hvernig best er að halda á spilunum í
framhaldinu. Með góðu móti ætti það
ekki að taka okkur lengri tíma en 3
vikur að koma upp nýjum þvervegg.“
Framkvæmdir við grunn hótels við Þingholtsstræti stöðvaðar að kröfu nágranna
Grunnurinn náði
í garð nágrannans
Eftir Brján Jónasson
brjann@mbl.is
Morgunblaðið/Árni Sæberg
Stopp Vinnuvélarnar sem hafa verið að vinna að grunni hótelsins við Þingholtsstræti bíða nú þess að samkomulag
náist við nágranna. Ingibjörg og Hrefna Hannesdætur eru ekki alls kostar ánægðar með innrásina á lóð sína.
HÖFUÐBORGARSVÆÐIÐ
SUÐURNES
Reykjanesbær | Talið er að hátt í
30 þúsund manns hafi safnast sam-
an í miðbæ Reykjanesbæjar þegar
Ljósanótt stóð sem hæst síðastliðið
laugardagskvöld og ekki ósennilegt
að slegið hafi verið gestamet. Þeir
gestir sem lögðu leið sína í Reykja-
nesbæ kusu margir hverjir að eyða
helginni í bænum því gistipláss var
vel nýtt og hópur húsbílaeigenda
hafði komið sér fyrir á malarvell-
inum við Hringbraut og á túninu
aftan við skrifstofur sýslumanns.
Hátíðarhöldin fóru að mestu frið-
samlega fram. Það var ekki síst að
þakka góðu veðri hversu vel tókst
til með Ljósanæturhátíðina, en allt
frá því að hátíðin var sett sl.
fimmtudag lék veðrið við íbúa
Reykjanesbæjar. Örlítil væta var á
laugardagskvöldið en gestir létu
hana ekki á sig fá heldur dilluðu sér
í takt við tónlistina á sviðinu milli
Ægisgötu og Hafnargötu. Bar þar
hæst ljósalagskeppnin en sú breyt-
ing var gerð á fyrirkomulagi
keppninnar í ár að færa hana úr
Stapa og á sviðið þar sem bæjar-
búum gafst kostur á að taka þátt í
valinu. Lag Halldórs Guðjónssonar
við texta Þorsteins Eggertssonar,
„Haustnótt í Keflavík“, í flutningi
Davíðs Smára var valið ljósanætur-
lagið í ár.
Löng helgi fyrir listafólk
Margir höfuðborgarbúar sem
blaðamaður hitti á röltinu höfðu á
orði hversu mikil gróska væri í
listalífi bæjarins. Listamennirnir
voru líka flestir ánægðir með við-
tökur og höfðu margir selt vel. Það
er ekki síst því að þakka að Ljós-
anæturhátíðin teygir sig yfir fjóra
daga og því gefst fólki kostur á að
njóta sýninganna til hins ýtrasta.
Margir nota líka fimmtudaginn og
föstudaginn til þess og ekki síður
sunnudaginn, en flestar sýning-
arnar voru opnar þá sem setti
skemmtilegan svip á bæjarlífið á
sunnudagseftirmiðdegi.
Einhverjar sýningar verða opnar
lengur, s.s. sýning Eiríks Smith og
Baðstofukvennanna 5 í Listasafni
Reykjanesbæjar, sýning Gjörninga-
klúbbsins í galleríinu Suðsuðvestur,
sýning Handverks og hönnunar,
Sögur af landi í húsnæði Húsaness í
Hafnargötu 50 og Auður jarðar í
bíósal Duushúsa.
Morgunblaðið/Svanhildur Eiríksdóttir
Mannhaf Mikill fjöldi fólks lagði leið sína í miðbæ Reykjanesbæjar á laugardag til þess að upplifa Ljósanótt.
Gestamet slegið á Ljósanótt
Eftir Svanhildi Eiríksdóttur
Fréttasíminn
904 1100