Morgunblaðið - 07.09.2005, Blaðsíða 27

MORGUNBLAÐIÐ MIÐVIKUDAGUR 7. SEPTEMBER 2005 27
UMRÆÐAN
IAN WATSON, prófessor og að-
júnkt, birti áhugaverða grein í
Morgunblaðinu 6.
september um nýtt
leiðakerfi Strætó bs.
og úrelt skilti. Við hjá
Strætó bs. fögnum
málefnalegri og upp-
byggilegri gagnrýni
eins og fram kom í
greininni og þökkum
greinarhöfundi fyrir
hrósið um leiðakerf-
isbreytinguna.
Í stofnsamningi
Strætó bs. segir m.a.:
„Markmiðið er að efla
almenningssam-
göngur, bæta þjónustu og auka
hagkvæmni.“ Stjórn byggða-
samlagsins ákvað á sínum tíma að
heildarendurskoðun leiðakerfisins
væri forgangsverkefni og þess
vegna hefur allt kapp verið lagt á
að ljúka henni.
Nú hefur nýtt leiðakerfi litið
dagsins ljós en það var tekið í
notkun hinn 23. júlí sl. Um um-
fangsmikla grundvallarbreytingu
var að ræða sem var bæði krefj-
andi og tímafrek. Nú, þegar kerf-
isbreytingin er komin til fram-
kvæmda, fáum við hjá Strætó bs.
hins vegar ráðrúm til að huga að
öðrum þýðingarmiklum verkefnum
sem falla undir áð-
urgreind markmið.
Upplýsingagjöf til
notenda almennings-
samgangna er afar
mikilvæg. Á það jafnt
við um leiðakort og
tímatöflur og fleira
sem þeim þætti við-
kemur.
Við leiðakerfisbreyt-
inguna í sumar tókum
við hjá Strætó þá
ákvörðun að halda
okkur fyrst um sinn
við sams konar upp-
lýsingagjöf og áður, þ.e. leiðakort
og tímatöflur. Okkur þótti mik-
ilvægt að farþegar gætu kynnt sér
nýtt leiðakerfi með hjálp sams kon-
ar upplýsingaefnis og þeir voru
vanir að nota. Næsta skref er hins
vegar að þróa nýjungar í framsetn-
ingu leiðakorta og tímataflna og
huga jafnframt að öðrum áhuga-
verðum nýjungum. Í því sambandi
nefni ég Ráðgjafann á vefsvæði
Strætó, www.bus.is, en þar má fá
gagnlegar upplýsingar eins og til-
lögur um leiðaval miðað við upp-
hafs- og áfangastað.
Í náinni framtíð er einnig ráð-
gert að setja upp tímatöflu á öllum
viðkomustöðum Strætó þar sem
unnt verður að sjá hvenær áætlað
er að strætisvagninn verði á þeirri
biðstöð.
Eru það afar svipaðar upplýs-
ingar og þær sem Ian Watson til-
tók í grein sinni að notendur al-
menningssamgangna í Prag ættu
kost á.
Fleiri spennandi valkostir eru í
athugun. Má nefna rauntíma-
upplýsingar þar sem áætlaður
komutími á viðkomandi biðstöð er
reiknaður út frá staðsetningu
vagnsins hverju sinni.
Tæknilegar forsendur eru þegar
fyrir hendi þar sem flestir stræt-
isvagnar eru útbúnir með GPS-
staðsetningartækjum.
Með hjálp stafrænna fjarskipta,
sem einnig eru til staðar í flestum
vögnum, má jafnharðan senda upp-
lýsingar um staðsetningu vagn-
anna.
Þessum upplýsingum er unnt að
varpa upp á skjái á skiptistöðvum,
á skilti á biðstöðvum, á Netinu eða
með því að senda þær sem SMS-
skeyti í farsíma.
Þá er framundan bylting í
greiðslu fargjalda en á næstu mán-
uðum verður rafrænt miðakerfi
tekið í notkun.
Ég ítreka þakkir til Ian Watsons
fyrir málefnalegt framlag til um-
ræðunnar um bætta þjónustu á
vettvangi almenningssamgangna á
höfuðborgarsvæðinu.
Við hjá Strætó erum þess fullviss
að framundan séu spennandi tímar
en af framansögðu er ljóst að
margar áhugaverðar nýjungar eru
á döfinni sem ætlað er að bæta
þjónustu Strætó við íbúa höf-
uðborgarsvæðisins og gesti.
Áhugaverðar
nýjungar á döfinni
hjá Strætó
Ásgeir Eiríksson fjallar
um leiðakerfi Strætó
’Margar áhugaverðarnýjungar eru
á döfinni sem ætlað
er að bæta þjónustu
Strætó við íbúa
höfuðborgarsvæðisins
og gesti.‘
Ásgeir Eiríksson
Höfundur er framkvæmdastjóri
Strætó bs.
NÚ Í sumar þurfti ég að fá öku-
skírteini endurnýjað vegna ferða-
lags erlendis og var
mjög tæp á tíma
vegna óviðráðanlegra
orsaka. Ég byrjaði á
að hringja í embættið
og þar var mér sagt
að ég þyrfti að koma
með mynd og að út-
gáfan tæki 10 virka
daga en þetta var á
9. virka deginum
fram að brottför. Ég
flýtti mér að senda
góða stafræna mynd
af mér (sem ég hafði
tekið sjálf) með
tölvupósti til Hans
Petersen og þeir lof-
uðu að sníða passa-
mynd úr henni og
hafa tilbúna kl. 13
sem og varð. Ég sótti
myndina og fór með
niður í Borgartún til
embættisins. Þar af-
greiddi mig fyrst hlý-
leg kona en óðara
voru komnar tvær
aðrar yngri sem
hömpuðu dagatali,
töldu dagana og
ítrekuðu að aðeins
væru 9 virkir dagar
til stefnu en þeir
ættu að vera 10.
Konan tók myndina
athugasemdalaust og límdi hana á
þar til gert eyðublað og ég kvaddi
áhyggjufull yfir því hvort skírtein-
ið kæmi fyrir brottför. Þegar ég
kom heim (ég bý í Mosfellsbæ) sá
ég að embættið hafði verið að
reyna að ná í mig. Það hafði kom-
ið í ljós að höfuðið fyllti of mikið
út í myndarammann og að ég
þyrfti að koma með aðra mynd.
Ég hringdi í hvelli niður í Hans
Petersen og sagði þeim málavexti
og sendi aðra mynd með tölvu-
pósti. Sú mynd var tilbúin kl. 9
morguninn eftir og ég fór með
hana niður í Borgartún. Sú sem
tók við myndinni byrjaði á því að
spyrja: Siturðu í sófa? Ég hváði
og hún endurtók spurninguna og
bætti við: Baksviðið á að vera
hreint, það sést í eitthvað grænt
hér. Jú, mikið rétt, örlítil græn
rönd kom upp fyrir aðra öxlina,
gat verið hetta, trefill, kragi eða
eitthvað álíka, – en því miður var
það sófi. Stúlkan sagði: Við erum
oft í vandræðum með myndir sem
teknar eru á digital heima. Ég: Af
hverju í ósköpunum var mér ekki
sagt þetta strax í gær? Hún yppti
öxlum og sagði með hroka: Þú
verður að koma með aðra mynd!
Ég sneri frá þegjandi
með kökk í hálsinum,
stoppaði við í anddyr-
inu því ég mundi eftir
3ja ára gamalli passa-
mynd sem ég var með
í veskinu (sú er á
greiðslukortunum
mínum), sneri til baka
og dró myndina upp:
Er í lagi að nota þessa
þó hún sé 3ja ára
gömul? Nei, við tökum
ekki myndir sem eru
eldri en 2ja ára! Þar
með sneri ég við á
barmi taugaáfalls yfir
þessari hrokafullu
framkomu og óbilgirni
og leitaði uppi ljós-
myndastofu enda búin
að tapa nær 2 dögum
af þessum 10 í ótrú-
lega þvermóðsku og
skort á upplýsingum
strax í upphafi. Þetta
myndabrölt allt kost-
aði mig nokkur þús-
und krónur fyrir utan
akstur og önnur
óþægindi. Í reglugerð
segir: „Umsókn um
ökuskírteini skal
fylgja: Ljósmynd (35 x
45 mm) sem líkist um-
sækjanda vel. Myndin
skal vera á endingargóðum ljós-
myndapappír, merkja- og stimpla-
laus.“ Þarna segir ekkert um
stærð andlits í myndramma, ekk-
ert um baksvið og ekkert um ald-
ur myndar! Ég er búin að bera
myndirnar sem hafnað var undir
afgreiðslu hjá tveimur sýslu-
mannsembættum og þær hefðu
allar verið samþykktar í skírteini
fyrir utan það að mér var bent á
að ég gæti alltaf fengið bráða-
birgðaskírteini ef svo færi að skír-
teinið yrði ekki tilbúið fyrir brott-
för. Ég legg til að
Lögreglustjóraembættið í Reykja-
vík sendi flestar konurnar í af-
greiðslunni í Borgartúni 9 á nám-
skeið í almennri kurteisi og
þjónustulund og að þeim verði
kennt að veita allar helstu upplýs-
ingar strax með bros á vör til þess
að forðast misskilning og vand-
ræði.
Hrokafull þjón-
usta á skrifstofu
Lögreglustjórans
í Reykjavík
Sesselja Guðmundsdóttir
gagnrýnir þjónustulund
opinbers þjónustufyrirtækis
Sesselja
Guðmundsdóttir
’Ég legg til aðlögreglustjóra-
embættið í
Reykjavík sendi
flestar konurnar
í afgreiðslunni í
Borgartúni 9 á
námskeið í
almennri kurt-
eisi og þjón-
ustulund.‘
Höfundur er húsmóðir.
Á SÍÐUSTU dögum hafa miklar
hörmungar dunið yfir suðurríki
Bandaríkjanna. Mánudaginn 29.
ágúst sl. fór fellibylurinn Katrín yfir
New Orleans og nærliggjandi borgir
og bæi. Fellibylurinn olli hvað mestu
tjóni í Louisiana, Mississippi og Ala-
bama. Talið er að vindstyrkur Katr-
ínar hafi náð 63m/sek
þegar hún tók land í
Louisiana. Gríðarlegar
skemmdir urðu vegna
veðurofsans en einnig
vegna yfir 10 m hárrar
flóðbylgju, sem fylgdi í
kjölfarið. Flóðvarn-
argarður sem hélt
stöðuvatninu Lake
Pontchartrain við New
Orleans í skefjum brast
með þeim afleiðingum
að flóð í New Orleans
jukust enn frekar.
Borgin er nú nánast á
kafi í vatni og algjörlega óíbúðarhæf.
Ljóst er að þúsundir manna hafa far-
ist í hamförunum og hundruð þús-
unda eru heimilislausir. Erfitt er að
ímynda sér aðstæður fólksins en ljóst
er að margir búa nú við mikla og
langvarandi neyð. Talið er að umfang
eyðileggingarinnar sé um 80.000 fer-
mílur eða á svæði sem er á stærð við
allt Ísland! Ekki bætir úr skák, að
talsverð fátækt er á þessu landsvæði,
sem olli mörgum íbúunum erf-
iðleikum með að flýja flóðasvæðin.
Áhrifin af fellibylnum eru hins vegar
svo miklar, að nauðsynlegt er að fá
aðstoð og flytja hjálpargögn frá öðr-
um löndum. Hér er um að ræða
mestu náttúruhamfarir sem orðið
hafa í Bandaríkjunum. Spurningar
hafa vaknað um það hvort Íslend-
ingar geti lagt sitt af
mörkum til aðstoðar
fórnarlömbum veð-
urofsans og flóðanna.
Mörgum finnst eflaust
að ríkasta þjóð í heimi
eigi að geta hjálpað sér
sjálf og að það muni lít-
ið um okkar framlög.
Vissulega eru Banda-
ríkjamenn sjálfir reiðu-
búnir til að takast á við
hamfarir af þessu tagi.
Bandaríkjamenn hafa
ávallt verið fyrstir til að
aðstoða fórnarlömb
náttúruhamfara hvar í heiminum
sem þau hafa dunið yfir. Ekki má
heldur gleyma því að bandarískir
þegnar hafa um áratuga skeið unnið
frækileg afrek hér á landi við björg-
un íslenskra sjómanna við mjög erf-
iðar aðstæður og á þann hátt oft lagt
líf sitt að veði í mjög óeigingjörnu
starfi. Hér er um að ræða vinaþjóð
okkar, sem nú á í miklum vanda sem
ekki verður séð fyrir endann á. Þó Ís-
lendingar séu fáir og smáir erum við
vel í stakk búnir til að veita ýmiss
konar aðstoð í neyð. Ríkisstjórnin
þarf að ganga fram fyrir skjöldu og
skipuleggja neyðaraðstoð. Fjöl-
miðlar þurfa að standa fyrir mynd-
arlegri fjársöfnun í samstarfi við
Rauða kross Íslands og aðrar hjálp-
arstofnanir. Til greina kemur, að
senda hjálparsveitir á vettvang með
sérhæfðu liði leitar- og björg-
unarmanna, auk lækna og hjúkr-
unarfólks. Við þurfum að bregðast
skjótt við! Við þurfum einnig að líta í
eigin barm og kanna nánar skipulag
björgunar- og hjálparstarfs hér á
landi í ljósi fenginnar reynslu. Það er
greinilega ekki hlaupið að því að
rýma heila borg á stuttum tíma.
Hörmungar
í kjölfar Katrínar
Júlíus Valsson fjallar um hörm-
ungarnar í kjölfar Katrínar ’Við þurfum einnig að líta í eigin barm og
kanna nánar skipulag
björgunar- og
hjálparstarfs hér á
landi í ljósi fenginnar
reynslu. ‘
Júlíus Valsson
Höfundur er læknir,
juliusv@simnet.is.

 


 
  
 









 
  
ÞAKRENNUKERFI
á öll hús – allsstaðar
Dalvegi 28 – Kópavogi
Sími 515 8700
BLIKKÁS –
Fáðu fréttirnar
sendar í símann þinn
Jónína Benediktsdóttir: Sem
dæmi um kaldrifjaðan siðblindan
mann fyrri tíma má nefna
Rockefeller sem Hare telur einn
spilltasta mógúl spilltustu tíma
Sturla Kristjánsson: Bráðger
börn í búrum eða á afgirtu svæði
munu naumast sýna getu sína í
verki; þeim er það fyrirmunað og
þau munu trúlega aldrei ná þeim
greindarþroska sem líffræðileg
hönnun þeirra gaf fyrirheit um.
Kristján Guðmundsson: Því
miður eru umræddar reglur nr.
122/2004 sundurtættar af óskýru
orðalagi og í sumum tilvikum
óskiljanlegar.
Sigurjón Bjarnason gerir grein
fyrir og metur stöðu og áhrif
þeirra opinberu stofnana, sem
heyra undir samkeppnislög,
hvern vanda þær eiga við að
glíma og leitar lausna á honum.
Þorsteinn H. Gunnarsson:
Nauðsynlegt er að ræða þessi mál
með heildaryfirsýn, dýpka um-
ræðuna og ná um þessi málefni
sátt og með hagsmuni allra að
leiðarljósi, bæði núverandi bænda
og fyrrverandi.
Aðsendar greinar á mbl.is
www.mbl.is/greinar