Fréttablaðið - 04.04.2003, Qupperneq 16

17FÖSTUDAGUR 4. apríl 2003
Atvinnuleysi þroskaheftra:
Ný deild í
Bjarkarási
FÉLAGSMÁL Styrktarfélag vangef-
inna í Reykjavík hefur opnað
nýja deild í Bjarkarási. Deild-
inni er ætlað að veita sex ein-
staklingum með þroskahömlun
og atferlisfrávik hálfsdagsþjón-
ustu. Flestir þeirra sem munu
sækja þjónustu á nýju deildina,
sem nefnd hefur verið Selið, eru
að hefja vinnu eftir langvarandi
atvinnuleysi.
Í Selinu munu þeir fá einstak-
lingsmiðaða þroskaþjálfun sem
hefur það að markmiði að þeir
verði betur færir um að takast á
við daglegt líf og verkefni við
hæfi hvers og eins.
Deildin er opnuð á grundvelli
verksamnings milli Styrktar-
félags vangefinna annars vegar
og Svæðisskrifstofu Reykja-
víkur og félagsmálaráðu-
neytisins hins vegar. ■
Komdu og kynnstu af eigin raun hvað það er sem heillar bílaáhugafólk um víða veröld við Mazda6. Og svo er verðið miklu
hagstæðara en ríkulegur búnaður bílsins gefur til kynna.
Mátaðu Mazda6
Mazda6 bíll ársins í Austurríki, Belgíu, Danmörku, Frakklandi, Finnlandi, Litháen, Írlandi, Skotlandi, Svíþjóð
og annað sætið í kosningu á bíl ársins í Evrópu og Gullna stýrinu í Þýskalandi.
.
Opið virka daga frá kl. 9-18 og laugardaga frá kl. 12-16.
Ræsir, Skúlagötu 59.
HEILBRIGÐISMÁL Könnun Manneld-
isráðs um mataræði og holdafar
Íslendinga leiðir í ljós greinilegan
mun á íbúum höfuðborgarsvæðis-
ins og landsbyggðarinnar. Fólk á
landsbyggðinni er feitara en höf-
uðborgarbúar.
Laufey Steingrímsdóttir, for-
stöðumaður Manneldisráðs, segir
að könnunin verði notuð til að
stuðla að jöfnuði milli höfuðborg-
ar og landsbyggðar. „Við gerum
könnunina í þeim tilgangi að nota
hana. Heilbrigðisáætlun kveður á
um að jöfnuður eigi að ríkja milli
fólks á landsbyggð og í höfuðborg,
en könnunin sýnir að svo er ekki.
Fólk á landsbyggðinni borðar feit-
ari mat og er feitara en í borginni
og áróðri okkar verður hagað eft-
ir þeim niðurstöðum,“ segir hún.
Talsverður munur er á matar-
æði fólks eftir því hvort það býr í
dreifbýli eða á þéttbýlisstöðum
landsbyggðarinnar. Ungir karl-
menn á þéttbýlisstöðunum neyta
meiri sælgætis og gosdrykkja en í
sveitum og borg. Í sveitum lands-
ins er aftur á móti neytt meira
feitmetis. Að sögn Laufeyjar gref-
ur þetta ekki undan ágæti ís-
lenskra landbúnaðarvara. „Þetta
er alltaf spurning um hversu mik-
ið magn fólk borðar af ákveðnum
fæðutegundum.“
Munurinn á holdafari og
mataræði landans eftir búsetu-
svæðum er skýrður með mismun-
andi aðstæðum fólks á svæðun-
um. Ólíkt því sem áður var er auð-
veldara að nálgast ferskan fisk í
höfuðborginni en úti á landi og að-
stæður til líkamsræktar eru ekki
þær sömu.
„Svo fær fólk í sjávarplássum
fiskinn ekki lengur spriklandi
upp á borð til sín. Nú er hann
beinfrystur í matvörubúðunum.
Auk þess eru aðstæður til hreyf-
ingar betri í borginni en lands-
byggð, hversu undarlega sem það
hljómar. Eitt af því sem vekur
furðu mína er að erlendar rann-
sóknir hafa sýnt fram á að borg-
arbúar víða um heim hreyfa sig
meira en landsbyggðarfólk. Fólk
úti á landi hefur ekki sömu tæki-
færi á að hreyfa sig og borgarbú-
ar, og það hreyfir sig væntanlega
minna,“ segir Laufey forstöðu-
maður. ■
Átak gegn offitu
landsbyggðarfólks
Manneldisráð hefur birt niðurstöður um holdafar og mataræði landans:
SJÁVARÚTVEGSMÁL „Það er rétt sem
hann segir að við höfum eytt gríð-
arlegum tíma og orku í að deila
um kvótakerfið. En það er náttúr-
lega fyrst og fremst vegna þess að
það er svo óréttlátt og ekkert at-
vinnufrelsi ríkir þar meðan einka-
eignaréttur er á aflaheimildum.
Þar verður aldrei friður um og
mönnum ætti að vera það ljóst eft-
ir allan þennan tíma,“ segir Jó-
hann Ársælsson, Samfylkingu, en
hann á sæti í sjávarútvegsnefnd
Alþingis.
Jóhann er afar ósáttur við ým-
islegt sem fram kemur máli Árna
Mathiesen sjávarútvegsráðherra
í helgarviðtali Fréttablaðsins.
Hann telur það til dæmis fjar-
stæðu sem Árni segir um sátt í
sambandi við fiskveiðistjórnun.
„Þetta eru fáránleg öfugmæli.
Þeir ákváðu þetta bara sjálfir í al-
gerri ósátt við stjórnarandstöð-
una. Ég var í sáttanefndinni og
það voru ákveðnir möguleikar
inni í myndinni. En skyndilega
klipptu Árni og þeir sjálfstæðis-
menn bara á umræðuna og vildu
ekkert halda áfram á þeirri braut
þar sem við vorum komnir með
snertifleti í málinu. Þá var bara
kippt í einhverja spotta.“
Árni Mathiesen talar um að
engin leið sé fyrir stjórnarand-
stöðuna að ná saman í málinu. Það
telur Jóhann firru, segir megin-
ágreininginn milli þeirra sem
vilja einkaeignahald á veiðrétti,
líkt og nú er, og þeirra sem vilji að
fiskurinn í sjónum sé alvöru þjóð-
areign. „Og þar sem hann talar
um að stefna Samfylkingarinnar
myndi leiða til þess að veiðiheim-
ildir flyttust á höfuðborgarsvæð-
ið! Ég veit ekki í hvaða heimi
þessi maður býr? Sér Árni ekki
byggðaröskunina sem núverandi
kerfi hefur í för með sér?“ ■
JÓHANN ÁRSÆLSSON
Gagnrýnir harðlega málflutning Árna
Mathiesen og segir það fáránleg öfugmæli
að komin sé sátt og niðurstaða um stefnu
í fiskveiðistjórnun.
Urgur vegna viðtals við sjávarútvegsráðherra:
Fiskurinn sé þjóðareign
Tungudalur:
Kviknaði í út
frá kamínu
LÖGREGLUMÁL Eldur kviknaði í
sumarbústað í Tungudal við Ísa-
fjörð í fyrrakvöld. Húsið var
mannlaust þegar eldurinn kom
upp. Að sögn lögreglunnar á Ísa-
firði barst tilkynning klukkan
sjö. Töluverðar skemmdir urðu
innanhúss, aðallega vegna sóts
og reyks. Talið er að eldurinn
hafi kviknað út frá kamínu.
Vegna vegaframkvæmda inn í
Tunguskóg var vegurinn að bú-
staðnum lokaður. Vegagerðar-
menn brugðust skjótt við og
ruddu leið fyrir slökkviliðið.
Komu þeir þannig í veg fyrir taf-
ir vegna slökkvistarfs. ■
MISMUNUR EFTIR BÚSETU
Landsbyggðarfólk er feitara.