Fréttablaðið - 24.06.2003, Síða 2

2 24. júní 2003 ÞRIÐJUDAGUR
„Auðvitað, ég kemst ekki hjá því.“
Ný Harry Potter-bók er að gera allt vitlaust í bóka-
verslunum víða um heim. Snæbjörn Arngrímsson
hjá Bjarti er útgefandi Potters hér á landi.
Spurningdagsins
Snæbjörn, hefur þú lesið
Harry Potter?
Alltaf ód‡rast á netinu
Verð á mann frá 19.800 kr.
ÍS
LE
NS
KA
A
UG
LÝ
SI
NG
AS
TO
FA
N
EH
F/
SI
A.
IS
IC
E
21
53
5
0
5.
20
03

Guðjón Þórðarson er í samstarfi við fjárfesta sem undirbúa kaup á Barnsley:
Stjórnar liðinu náist samningar
VIÐSKIPTI Breskir fjölmiðlar
greindu frá því í gærdag að Guð-
jón Þórðarson, fyrrum þjálfari
Stoke og íslenska landsliðsins, leiði
hóp fjárfesta sem eigi í viðræðum
við eiganda enska 2. deildar liðsins
Barnsley um kaup á félaginu.
Guðjón staðfesti þetta í samtali
við Fréttablaðið og segir að ef af
kaupunum verði muni hann
stjórna Barnsley á næstu leiktíð.
Aðeins eru þrjú ár síðan Barnsley
lék í ensku úrvalsdeildinni, en
heldur hefur hallað undan fæti
undanfarin ár. Peter Doyle, fyrr-
verandi bæjarstjóri í Barnsley,
keypti knattspyrnuliðið fyrir
nokkrum mánuðum og hugðist
rífa það upp, en það gekk
ekki eftir og því vill hann
nú selja. Peter Ridsdale,
fyrrverandi stjórnarfor-
maður Leeds, hefur átt í
viðræðum við Doyle og
munu þær vera ansi langt
komnar.
Fjárfestahópurinn sem
Guðjón er í samstarfi við
samanstendur ef einum Ís-
lendingi, einum Rússa og
nokkrum Bretum. Guðjón
segir að hópurinn verði að
hafa hraðann á því tíminn
sé naumur. Aðspurður vill
hann ekki svara því hvað
Barnsley sé metið á, þar
sem málið sé á viðkvæmu
stigi. Hann segir félagið þó
ekki vera mjög skuldsett.
Fréttastofa BBC greindi
frá því í gær að fjárfesta-
hópurinn hafi fyrir
skömmu átt í viðræðum við
mjög stórt félag í Englandi
um kaup. Guðjón segir
þetta vera rétt, en vill ekki
segja hvaða félag hópurinn
hafi verið í viðræðum við.
Þá segir hann að hugsanleg
kaup á Barnsley hafi alls
ekki átt að fara í fjölmiðla.
Hins vegar hafi sést til
hópsins vera að skoða að-
stæður. ■
Með varnarhagsmuni
Íslands að leiðarljósi
Viðræðunefndir Íslands og Bandaríkjanna funduðu í gær um framtíð
varnarliðssamningsins. Marisa Lino, fulltrúi Bandaríkjanna, sagði að
varnarhagsmunir Íslendinga yrðu hafðir að leiðarljósi.
VARNARLIÐIÐ Viðræðunefndir Ís-
lands og Bandaríkjanna í varnar-
liðsmálinu kynntu sjónarmið sín
fyrir hvorri annarri á fundi í
gær. Ekkert hefur verið látið
uppi um efni fundarins, en ís-
lenska nefndin, með Gunnar
Snorra Gunnarsson, ráðuneytis-
stjóra í utanríkisáðuneytinu, fer
nú yfir málið með Davíð Odds-
syni forsætisráðherra og Hall-
dóri Ásgrímssyni utanríkisráð-
herra.
Marisa Lino, forsvarsmaður
bandarísku nefndarinnar, sagði
eftir fundinn að varnarhagsmun-
ir Íslendinga yrðu hafðir að leið-
arljósi í málinu. Ekki er enn ljóst
hvernig bandarísk stjórnvöld
meta varnarhagsmuni Íslands í
málinu, en Bandaríkjamenn hafa
sýnt vilja til að skera niður í
starfseminni á Keflavíkurflug-
velli, sem og öðrum kaldastríðs-
stöðvum.
Málið er nú í biðstöðu þar sem
nefndirnar tvær ráðgast við
stjórnvöld. Ekki hefur verið
ákveðið hvenær næsti fundur
verður, né hvor aðilinn boði til
hans.
Að sögn Lino byggðust við-
ræðurnar á bréfaskiptum Bush
Bandaríkjaforseta og Davíðs
Oddssonar, en hvorugt bréfið
hefur verið gert opinbert. Af-
staða íslenskra stjórnvalda í mál-
inu er skýr, en hún er að halda
sem mestum varnarviðbúnaði á
Keflavíkurflugvelli.
Mikilvægi bandarísku varnar-
stöðvarinnar á Keflavíkurflug-
velli hefur farið dvínandi frá falli
Sovétríkjanna, bæði í efnahags-
legu tilliti fyrir Íslendinga og
hernaðarlegu fyrir Bandaríkja-
menn. Bandaríska varnarmála-
ráðuneytið hefur nú almennt að
leiðarljósi að herinn sé hreyfan-
legur og er áherslan nú lögð á
baráttu gegn hryðjuverkum og
óvinveittum ríkisstjórnum í stað
almenns og útbreidds viðbúnaðar
vegna annars risaveldis.
Uggur er í Keflvíkingum
vegna málsins og óttast þeir að
Bandaríkjamenn muni draga úr
varnarviðbúnaði með þeim af-
leiðingum að hundruð manna
missi vinnuna. Um 1.600 Íslend-
ingar starfa beint eða óbeint við
varnarliðið, auk margfeldisá-
hrifa í verslun og þjónustu. Frá
falli Sovétríkjanna hefur herþot-
um á vellinum verið fækkað úr
tólf í fjórar og hermönnum fækk-
að úr 3.300 í tvö þúsund. Rekstur
varnarviðbúnaðar á Keflavíkur-
flugvelli kostar Bandaríkjamenn
27 milljarða á ári.
jtr@frettabladid.is
Lykilstarfsmenn Bakkavarar utan Bretlands:
Eignast meirihluta í dótturfélögum
VIÐSKIPTI Sextán lykilstarfsmenn í
fyrirtækjum Bakkavarar utan Bret-
lands ætla að kaupa meirihluta í
dótturfélögum Bakkavarar í sjö öðr-
um löndum.
Bakkavör Group hefur átt og
rekið dótturfélög í Svíþjóð, Frakk-
landi, Íslandi, Danmörku, Finnlandi,
Þýskalandi og Chile. Þessi starfsemi
er nú seld sem ein heild. Kaupand-
inn er nýtt félag, Fram Foods hf.,
sem áðurnefndir lykilstarfsmenn
viðkomandi dótturfélaga eiga 51% í.
Bakkavör mun þó eiga 19% í Fram
Foods og Kaupþing 30%.
Að sögn Bakkavarar er markmið
félagsins 20 til 30 prósent vöxtur á
hverju ári. Stjórnendur hafa ein-
beitt sér að uppbyggingu í Bret-
landi þar sem vöxtur markaðarins
hefur verið mestur. Aðalfram-
leiðsla Bakkavarar hefur verið
kældir réttir, meðlæti og ídýfur
sem félagið mun nú alfarið einbeita
sér að. Hráefnið er hvítt kjöt og
grænmeti.
Heildarsöluverðið á dótturfé-
lögunum nemur 3.440 milljónum
króna. Salan færir Bakkavör 400
milljón króna söluhagnað og á að
bæta lausafjárstöðu fyrirtækisins
um tæpa 3 milljarða króna. Að auki
söfnuðust 5 milljarðar í nýafstöðnu
hlutafjárútboði. Félagið ræður því
yfir 8 milljörðum til nýrra verk-
efna. ■
Sýslumannsráðning:
Rannsóknar-
skyldu ekki
gætt
ÚRSKURÐUR Sólveig Pétursdóttir, þá-
verandi dómsmálaráðherra, gætti
ekki nógu vel að rannsóknarskyldu
við mat á umsækj-
endum um embætti
sýslumanns á Ísa-
firði.
Ofangreint er
álit Umboðsmanns
Alþingis. Annmark-
ar á embættisveit-
ingunni, sem fram
fór í fyrra, séu þó
ekki nógir til að
ógilda hana.
Einn tíu um-
sækjenda um emb-
ættið vísaði málinu til umboðs-
manns. Hún taldi dómsmálaráð-
herra ekki hafa verið nægilega upp-
lýstan um alla umsækjendurna.
Umboðsmaður segir ljóst að
ákvörðunin hafi „ekki byggst á
nægjanlega traustum grunni.“ ■
BÖRN Á LYFJUM Notkun verkja-
stillandi lyfja hefur aukist gríð-
arlega á meðal danskra skóla-
barna. Ekkert bendir þó til þess
að börn þjáist meira í dag en
áður. Rúmlega helmingur
danskra 15 ára stúlkna og 40%
drengja taka höfuðverkjapillur í
hverjum mánuði, sem er 100%
aukning síðan 1988.
FLEIRI ÓÁKVEÐNIR UM ESB Fleiri
Norðmenn eru óákveðnir er kem-
ur að afstöðunni til aðildar að
Evrópusambandinu nú en í maí. Í
nýrri könnun kemur fram að 14%
hafa ekki gert upp hug sinn,
48,2% eru hlynnt aðild og 38,2%
andvíg. Meirihluti íbúa Oslóar er
fylgjandi aðild, en þó hefur and-
stæðingum ESB fjölgað þar und-
anfarið.
Verktakar:
Milljóna sekt
fyrir skatt-
svik
DÓMSMÁL Framkvæmdastjóri verk-
takafyrirtækis hefur verið dæmd-
ur í sex mánaða skilorðsbundið
fangelsi fyrir bókhaldsbrot og
skattsvik. Hann og fyrirtækið eiga
að greiða tæpar 14 milljónir króna í
sekt.
Annar maður var í sama máli
dæmdur í níu mánaða skilorðs-
bundið fangelsi og til greiðslu 4,6
milljóna króna sektar. Sá hafði gef-
ið út sjö tilhæfulausa reikninga fyr-
ir samtals rúmlega 15 milljónir
króna. Tveir óreglumenn skrifuðu
upp á reikningana, sem lækkuðu
skatta verktakans um 5 milljónir.
Sami maður hefur verið dæmdur í
öðru sams konar máli. ■
■ Norðurlönd
VINSAMLEGUR FUNDUR
Marisa Lino, forsvarsmaður bandarísku sendinefndarinnar í varnarliðsmálinu, segir að
varnarhagsmunir Íslendinga verði hafðir að leiðarljósi.
KAUPHÖLL ÍSLANDS
Bakkavör Group hefur selt öll dótturfélög sín utan Bretlands. Fyrirtækið verður því ekki
með starfsemi á íslandi, en verður engu að síður skráð áfram í Kauphöllinni.
Móðir leyniskyttu:
Ásakar
lögreglu
JAMAÍKA, AP Móðir Lee Boyd Malvo,
sem sakaður er um aðild að
leyniskyttumorðunum í Bandaríkj-
unum á síðasta ári, segist ekki hafa
verið tekin alvarlega þegar hún
kom á fund bandarísku lögreglunn-
ar og varaði við því að sonur sinn
væri í hættu vegna félagsskaparins
við fósturföðurinn, John Allen
Muhammad. Í viðtali við sjónvarps-
stöð sagðist Una James hafa snúið
sér til lögreglunnar í september
2001 og óskað eftir því að sonurinn
yrði tekinn úr umsjá Muhammad.
Lögreglan hefði aftur á móti ekkert
aðhafst. „Þetta var þeim að kenna.
Ég sagði þeim að sonur minn væri í
hættu,“ sagði James. ■
SÓLVEIG PÉT-
URSDÓTTIR
Embættisveiting
á ótraustum
grunni.
FR
ÉT
TA
B
LA
Ð
IÐ
/R
Ó
B
ER
T
GUÐJÓN
ÞÓRÐARSON
Guðjón og félagar
eru í samkeppni
við Peter Rids-
dale, fyrrverandi
stjórnarformann
Leeds, um kaup á
Barnsley.
Framsóknarmenn:
Áhyggjur af
R-listanum
STJÓRNMÁL Formenn félaga ungra
framsóknarmanna funduðu í gær
með borgarfulltrúum Framsóknar-
flokksins, þeim Alfreð Þorsteins-
syni og Önnu Kristinsdóttur.
Tilefni fundarins var sú ólga
sem er í kringum Reykjavíkurlist-
ann vegna ummæla Guðmundar
Árna Stefánssonar, alþingismanns
Samfylkingar, sem telur að Sam-
fylkingin eigi að stefna að því að
bjóða fram sér í næstu sveitar-
stjórnarkosningum. Þá fór einnig
fyrir brjóst samstarfsflokkanna að
Ingibjörg Sólrún Gísladóttir, fyrr-
verandi borgarstjóri, rifjaði upp
harkaleg viðbrögð samstarfsflokk-
anna í vetur þegar hún ákvað að
bjóða sig fram til Alþingis.
Á fundinum í gær fóru Alfreð og
Anna yfir stöðuna innan Reykjavík-
urlistans. Innan Framsóknarflokks-
ins eru háværar raddir um að slíta
beri samstarfinu með það fyrir
augum að ganga til liðs við Sjálf-
stæðisflokkinn. ■