Fréttablaðið - 24.06.2003, Side 9

ÞRIÐJUDAGUR 24. júní 2003
INDÓNESÍA, AP Ali Ghufron, einn
þeirra þriggja sem dregnir hafa
verið fyrir rétt vegna aðildar að
hryðjuverkaárásunum á Balí í
október á síðasta ári, sakar lög-
regluna um að hafa beitt hann
pyntingum til að knýja fram játn-
ingu.
Í skriflegri yfirlýsingu frá
Ghufron er því haldið fram að lög-
reglumenn hafi barið hann 20 sinn-
um og hótað að senda eiginkonunni
mynd af mörðum getnaðarlim
hans. „Upphaflega neitaði ég að
skrifa undir játninguna en síðan
lét ég undan því að ég gat ekki
haldið út pyntingarnar,“ sagði
Ghufron.
Annar sakborningur í málinu,
Amrozi bin Nuthasyim, fullyrðir
einnig að lögreglan hafi beitt hann
ofbeldi. Yfirvöld neita allri sök. ■
JÖFNUÐUR Bæjarstjórn Garðabæj-
ar hefur ákveðið að gera úttekt á
launamun kynjanna í störfum hjá
bæjarfélaginu. Fari svo að úttekt-
in sýni óeðlilegan mun á launum
karla og kvenna verður gripið til
aðgerða til að jafna þann mun.
Hlutfall launa kvenna af launum
karla er nú tæplega 80 prósent á
landsvísu og kom fram í greinar-
gerð tillöguflytjanda, Laufeyjar
Jóhannsdóttur, forseta bæjar-
stjórnar, að sá munur væri ólíð-
andi. ■
GARÐABÆR
Laufey Jóhannsdóttir, forseti bæjarstjórnar
í Garðabæ, lagði til úttekt á launamuni
kynjanna sem fylgt verður eftir með að-
gerðum ef munurinn reynist í takt við
launamun kynjanna á landsvísu.
Úttekt á launum kynjanna:
Garðabær gegn
launamun
Í VITNASTÚKUNNI
Ali Ghufron, sem talinn er vera einn af leið-
togum Jemaah Islamiyah, heldur því fram
að lögreglan hafi beitt hann andlegu og lík-
amlegu ofbeldi til að knýja fram játningu.
Meintur hryðjuverkamaður:
Sakar lögregluna
um pyntingar