Fréttablaðið - 24.06.2003, Qupperneq 4

4 24. júní 2003 ÞRIÐJUDAGUR
■ Lögreglufréttir
Mun Reykjavíkurlistinn lifa út
kjörtímabilið?
Spurning dagsins í dag:
Er Saddam Hussein enn á lífi?
Niðurstöður gærdagsins
á www.frett.is
58%
42%
Nei
Já
Kjörkassinn
Farðu inn á frett.is og segðu þína skoðun
frétt.is
GALLABUXUR
kr. 490
Virkir dagar frá kl. 10-18
Laugardagar frá kl. 11-16
Sunnudagar frá kl. 12-16
U P P S
E L T
FJÖLEIGNARHÚS Salerni í þvottahúsi
fjórbýlishúss verður ekki fjar-
lægt gegn vilja eins eiganda húss-
ins samkvæmt niðurstöðu Kæru-
nefndar fjöleignarhússmála.
Tvær íbúðanna, á fyrstu og
annarri hæð hússins, eru með
sameiginlegt þvottahús. Maður
sem keypti íbúðina á annarri hæð-
inni fyrir þremur árum sagðist
strax hafa verið ósáttur við sal-
ernið. Það tæki of mikið rými og
af því stafaði óþrifnaður. Hann
sagðist ítrekað hafa rætt við með-
eigandann um að fjarlægja sal-
ernið, vask og tréveggi umhverfis
en að því hafi alltaf verið hafnað.
Kærunefndin segir salernið hafa
verið byggt sameiginlega af eigend-
um íbúðanna tveggja á árunum 1975
til 1977. Löglega hafi verið staðið að
því að taka ákvörðun um þá fram-
kvæmd. Ekki sé því fallist á kröfu
um að fjarlægja salernið. Hins veg-
ar er bent á að þar sem aðstaðan sé
hvorki á teikningum né í eigna-
skiptayfirlýsingu geti einfaldur
meirihluti húsfélagsins ákveðið
framtíðarörlög salernisins. ■
Mannréttindasamtök gagnrýna Belga:
Nató fagnar stefnubreytingu
BRUSSEL, AP Robertson lávarður,
framkvæmdastjóri Atlantshafs-
bandalagsins, fagnaði í gær
ákvörðun belgískra stjórnvalda
að breyta lögum sínum um stríðs-
glæpi. Hann sagðist vonast til
þess að breytingin kæmi í veg fyr-
ir meiriháttar vandamál. Banda-
ríkjamenn höfðu haft í hótunum
við Belga og sagt að kærur sem
lagðar höfðu verið fram gegn
ráðamönnum Bandaríkjanna
gætu haft þær afleiðingar að þeir
yrðu að sniðganga fundi Nató í
Brussel eða krefjast þess að þeir
færu fram annars staðar. Í kjölfar
þess afréð belgíska stjórnin að
breyta lögunum á þá vegu að þau
næðu eingöngu til belgískra fórn-
arlamba eða gerenda. Lögin voru
sett 1993 og samkvæmt þeim hef-
ur hingað til verið hægt að sækja
menn hvaðanæva að til saka fyrir
stríðsglæpi.
Fulltrúar mannréttindasam-
taka hafa gagnrýnt Belga fyrir að
láta undan þrýstingi Bandaríkj-
anna um að breyta lögunum.
„Þetta er stórt skref aftur á bak,“
sagði Montserrat Carreras hjá
Amnesty International í samtali
við sjónvarpsstöð. ■
Ísland í lykilaðstöðu
til að aðstoða börn
Stofnun landsskrifstofu UNICEF hér á landi er á næsta leiti. Hlutverk skrifstofunnar er fyrst og
fremst að afla fjár til starfsemi barnahjálparinnar, auka meðvitund landsmanna um stöðu barna í
heiminum og efla samkennd.
ÞRÓUNARHJÁLP Áformað er að koma
á fót landskrifstofu UNICEF,
Barnahjálpar Sameinuðu þjóð-
anna, hér á landi næsta haust. Af
því tilefni var Stephen J. Wood-
house, framkvæmdastjóri Evr-
ópudeildar UNICEF, staddur hér á
landi ásamt Ken Maskall, verk-
efnastjóra Evrópudeildarinnar.
„Í nóvember á síðasta ári
kviknaði sú hugmynd að stofna
slíka skrifstofu hér á landi,“ segir
Stefán Stefánsson, framkvæmda-
stjóri landskrifstofunnar. Á und-
anförnum mánuðum hefur verið
unnið að undirbúningi stofnunar-
innar. „Nú er stjórnin að koma
saman til að skrifa undir stofn-
samþykktir. Þessir menn eru
komnir hingað til lands til að
leggja línurnar í því hvernig þetta
eigi að vera byggt upp og gefa
okkur ráð.“
Stefán bendir á að Barnahjálp-
in sé rekin með frjálsum framlög-
um, ólíkt öðrum stofnunum innan
Sameinuðu þjóðanna. Ríkisstjórn-
ir leggi til fé auk þess sem stofn-
unin reiði sig á fjárframlög frá
einstaklingum og félögum. Starf-
ræktar eru landskrifstofur í 37
iðnríkjum með það að markmiði
að safna fé og kynna starfsemi
UNICEF.
Stephen J. Woodhouse, fram-
kvæmdastjóri Evrópudeildar
UNICEF, fagnar því að ákveðið
skuli hafa verið að stofna land-
skrifstofu hér á landi. Hann minn-
ist þess að ekki er langt síðan Ís-
land var fátækt og vanþróað. Á
mettíma hafi tekist að nýta mann-
auð landsins til fullnustu. „Við
viljum sjá lönd heimsins ná sam-
bærilegum árangri og Íslending-
ar,“ segir Woodhouse og ítrekar
að landsmenn séu í lykilaðstöðu til
að styðja við bakið á börnum ann-
ars staðar í heiminum.
UNICEF hefur til ráðstöfunar
rúma 100 milljarða íslenskra
króna á ári. Af þessu fé fara innan
við tíu prósent í daglegan rekstur
stofnunarinnar en afgangurinn
rennur óskiptur til ýmissa verk-
efna í 160 löndum, að sögn Wood-
house. „Því fátækara sem landið
er, því öflugra er starf okkar.“
Einar Benediktsson, formaður
stjórnar landsskrifstofunnar,
bendir á að UNICEF hafi alltaf
notið stuðnings íslenskra stjórn-
valda. Frjálst framlag ríkisins sé
tíu milljónir króna á ári auk þess
sem gefið hafi verið fé til sér-
stakra safnana á vegum Barna-
hjálparinnar. Einar vonast til þess
að með stofnun landsskrifstof-
unnar geti íslensk skólabörn orðið
meðvitaðri um umheiminn og þau
tækifæri sem þau hafi til að taka
þátt í því að leysa vandamálin.
„Aðalhlutverk landskrifstofunnar
verður að auka meðvitund al-
mennings um stöðuna í heiminum
og efla samkennd.“ ■
Norskir unglingar:
Drekka
minna og
sjaldnar
NOREGUR, NRK Drykkja norskra
ungmenna hefur minnkað umtals-
vert á síðustu árum samkvæmt
könnun norskra heilbrigðisyfir-
valda.
Fjögur þúsund nemendur 10.
bekkjar voru spurðir um drykkju-
venjur og sagðist þriðjungur hafa
neytt áfengis síðastliðinn mánuð.
Átta af hverjum tíu sögðust ein-
hvern tímann hafa bragðað
áfengi. Þetta er heldur minna en í
sambærilegri könnun 1999.
Fleiri stelpur en strákar sögð-
ust hafa prófað áfengi en strákar
drekka aftur á móti meira og oft-
ar en stelpur. ■
SALERNI
Samkomulag var á sínum tíma um salerni
í sameiginlegu þvottahúsi og getur nýr eig-
andi því ekki krafist þess að það verði fjar-
lægt. Myndin sýnir ekki umrætt salerni.
Kærunefnd fjallar um klósett í þvottahúsi fjórbýlishúss:
Salernið víkur ekki
Sjávarútvegsfyrirtæki:
Hlutabréf
í lægð
EFNAHAGSMÁL Vísitala sjávarútvegs
hefur lækkað um 7,4% frá áramót-
um. Á sama tímabili hefur úrvals-
vísitalan hins vegar hækkað um
11,9%. Samkvæmt greiningardeild
Íslandsbanka er það einna helst
styrking krónunnar sem hefur vald-
ið þessari lækkun. Þá er minna nú
en áður um sameiningu og yfirtöku
sjávarútvegsfyrirtækja.
Greiningardeildin telur að bréf í
sjávarútvegsfyrirtækjum á hluta-
bréfamarkaði eigi erfiða tíma fram
undan. Allt útlit sé fyrir að krónan
haldist áfram sterk vegna fyrirhug-
aðra álvers- og virkjanafram-
kvæmda á Austurlandi. ■
ROBERTSON LÁVARÐUR
Kampakátur eftir að Belgar breyttu lögum um stríðsglæpi.
STOFNUN LANDSKRIFSTOFU UNICEF KYNNT
Einar Benediktsson, formaður stjórnar landsskrifstofunnar, Stephen J. Woodhouse, fram-
kvæmdastjóri Evrópudeildar UNICEF, Ken Maskall, verkefnastjóri Evrópudeildarinnar, og
Stefán Ingi Stefánsson, framkvæmdastjóri landskrifstofunnar.
FR
ÉT
TA
B
LA
Ð
IÐ
/R
Ó
B
ER
T
MEÐ TVO HNÍFA Í HENDI Lögregl-
unni í Keflavík barst tilkynning
aðfaranótt sunnudags um að mað-
ur væri slasaður í andliti. Hafði
hann verið með hnífa í báðum
höndum og ráðist að manni sem
varði sig með því að afvopna
hann og slá síðan í andlitið. Sá
slasaði var fluttur á Heilbrigðis-
stofnun Suðurnesja.
ÓK FRAM ÚR TÍU BÍLUM Lögregl-
an í Keflavík stöðvaði ökumann
sem tekinn var fyrir að aka fram
úr tíu bílum hægra megin á
vegaröxlinni þrátt fyrir að mikil
umferð væri í báðar áttir.
TUTTUGU OG FJÖGUR INNBROT
Tuttugu og fjögur innbrot voru
framin í Reykjavík um helgina. Í
einu tilfelli hafði húsráðandi far-
ið að heiman klukkan tíu á föstu-
dagsmorgun og komið aftur heim
klukkustund síðar. Þá var búið að
brjótast inn og stela skartgripum
og róta talsvert í hirslum. Málið
er í rannsókn.