Fréttablaðið - 24.06.2003, Side 11

11ÞRIÐJUDAGUR 24. júní 2003
Handsprengjuárás í Írak:
Einn banda-
rískur her-
maður lést
ÍRAK Bandarískur hermaður í Írak
lést þegar handsprengju var hent
að bílalest í Khan Azad, 12 mílur
suður af höfuðborginni Bagdad.
Hermaðurinn lést skömmu eftir
komu á sjúkrahús. Annar hermaður
særðist lítillega og sneri aftur til
skyldustarfa eftir að gert hafði ver-
ið að sárum hans.
Rannsókn á árásinni stendur
yfir en bandaríski hermaðurinn er
sá nítjándi sem fellur í skærum frá
því að George W. Bush lýsti yfir
endalokum stríðs í Írak. ■
Háskóli Íslands:
Fjölmenn-
asta útskrift
frá upphafi
ÚTSKRIFT Fjölmennasta útskrift í
sögu Háskóla Íslands var í Laug-
ardalshöll á laugardag. Þá braut-
skráðust 779 kandídatar. Konur
voru þar í meirihluta, 450 talsins.
Einn úr hópnum, Stefán Ingi
Valdimarsson stærðfræðinemi,
braut blað í sögu skólans með
námsárangri sínum þegar hann
hlaut 10 í aðaleinkunn.
Páll Skúlason, rektor háskólans,
sagði í ræðu sinni í tilefni dagsins
„...ég vil vekja athygli ykkar á
ævafornum sannindum sem ég tel
að okkur nútímafólki sé lífsnauð-
syn að taka mið af í lífi okkar og
starfi: Það sem mestu máli skiptir
í lífinu verður ekki vegið og metið
á efnahagslegum mælikvarða.“ ■
15 GRÖMM AF HASSI Maður um
tvítugt var tekinn með fimmtán
grömm af hassi á Akranesi.
Fíkniefnin fundust í fórum hans
við venjubundið eftirlit. Hann
hefur játað eign efnisins og telst
málið upplýst.
EKIÐ Á LAMB Ekið var á lamb
sunnan við Fornahvamm á föstu-
dagskvöld. Að sögn lögreglunnar
í Borgarnesi þurfti að aflífa
lambið. Ökumaðurinn gaf sig
ekki fram við lögreglu.
■ Lögreglufréttir
HANDSPRENGJUM KASTAÐ Á
RÚTU Tveir óbreyttir borgarar
létu lífið og 38 særðust þegar
meintir íslamskir skæruliðar
vörpuðu handsprengjum á rútu
við biðskýli í bænum Shopiyan í
indverska hluta Kasmír. Á annan
tug íslamskra vígahópa berjast
gegn öryggissveitum indverskra
yfirvalda á svæðinu. Vígamenn-
irnir krefjast sjálfstæðis héraðs-
ins eða sammeiningar við Pakist-
an.
■ Asía
LEST FÓR ÚT AF SPORINU Að
minnsta kosti 23 létu lífið og 25
slösuðust þegar farþegalest fór
út af sporinu í vesturhluta Ind-
lands. Margir hinna slösuðu eru í
lífshættu. Grjóthnullungar höfðu
fallið á teinana í aurskriðu og
ollu þeir því að vagnarnir fóru út
af. Lestin var á leið frá Bombay
til Karvar.
Könnun um sveigjanlegan vinnutíma á Akranesi:
Sumarlokun leikskóla á skjön við frí foreldra
SVEITARSTJÓRNIR Svör níu fyrirtækja
í könnun sem Akraneskaupstaður
gerði benda til að opinber þjónusta í
bænum auðveldi fyrirtækjunum
ekki að bjóða starfsfólki sveigjan-
legan vinnutíma.
Sex fyrirtæki sögðust óánægð
með sumarlokun leikskóla bæjar-
ins, sem oft væru á skjön við sumar-
frí starfsmanna fyrirtækjanna.
Einnig voru gerðar athugasemdir
við opnunartíma og sagt að fjölga
þyrfti dagvistarplássum.
Litlar athugasemdir voru við al-
menningssamgöngur innanbæjar
en fram kom afgerandi óánægja
með almenningssamgöngur til og
frá Akranesi. Ferðir til og frá
Reykjavík væru of fáar og of dýrar.
Aðeins ein athugasemd kom um
skóladagvistun en annars sögðu fyr-
irtækin starfsmenn sína vera
ánægða með hana. Að endingu kom
fram í svörum sjö fyrirtækjanna að
starfsmenn þeirra væru óánægðir
með opnunartíma íþróttamann-
virkja. Flestir vildu láta opna fyrr á
morgnana, jafnvel klukkan sex, og
loka seinna á kvöldin, á bilinu 21 til
23. Eins vildu menn hafa opið leng-
ur í Bjarnalaug. ■
AKRANES
Starfsmenn fyrirtækja eru óánægðir með
sumarlokanir leikskóla, opnunartíma
íþróttamannvirkja og of dýrar og fáar rútu-
ferðir til og frá Reykjavík.