Fréttablaðið - 24.06.2003, Síða 29

■ Áhugamálið mitt
Rétta útimálningin
getur sparað þér tugi þúsunda króna
Steinakrýl
- mjög góð viðloðun, gott
rakagegnstreymi og mikið
veðrunarþol
Kópal Steintex
- frábært á múr og
steinsteypta fleti þar sem
krafist er mikils veðrunarþols
Steinvari 2000
- besta mögulega vörn fyrir húsið
- yfirburðamálning fyrir íslenskar aðstæður
- verndar steypuna fyrir slagregni
- flagnar ekki og hefur frábært veðrunarþol
Málning hf. hefur tekið þátt í viðamiklum rannsóknum á steinsteypu og
áhrifaþáttum yfirborðsmeðhöndlunar með helstu sérfræðingum á þessu sviði
hér innanlands. Á rannsóknarstofu Málningar er jafnframt haft strangt eftirlit
með framleiðslu og hráefnum og unnið kröftuglega að vöruþróun þar sem
nýjungar á sviði yfirborðsmeðhöndlunar með tilliti til íslenskra aðstæðna hafa
skapað málningu frá okkur sérstöðu.
Við erum sérfræðingar í útimálningu
fyrir íslenskar aðstæður.
Útsölustaðir Málningar:
Byko Kópavogi • Byko Hringbraut • Litaver Grensásvegi • Byko Hafnarfirði • Málningarbúðin Akranesi • Byko Akranesi
• Axel Þórarinsson, málarameistari, Borganesi • Verslunin Hamrar, Grundafirði • Litabúðin Ólafsvík • Núpur
byggingavöruversl. Ísafirði • Vilhelm Guðbjartsson, málarameistari, Hvammstanga • Verslunin Eyri, Sauðárkróki • Byko
Akureyri • Versl. Valberg, Ólafsfirði • Versl. Vík, Neskaupstað • Málningarþjónustan Selfossi • Miðstöðin Vestmannaeyjum
• Byko Keflavík • Bláfell Grindavík.
29ÞRIÐJUDAGUR 24. júní 2003
Harry Potter og Fönixreglankemur út á íslensku 1. nóvem-
ber klukkan 11:11. Af hverju? Það
er góð stund. Og svona prívatgrín
hjá okkur,“ segir Snæbjörn Arn-
grímsson, forleggjari hjá Bjarti –
handhafi útgáfuréttar bókarinnar
á íslensku.
Snæbjörn fylgdist með æs-
ingnum þegar hafist var handa
við að selja bókina á ensku í bóka-
búðum hérlendis aðfaranótt laug-
ardags. Hann er ýmsu vanur í
þeim efnum en ekki er annað að
heyra en lætin hafi komið honum
á óvart. Sjálfur var hann búinn að
panta sér eintak en það var selt
burtu frá honum og fékk hann
ekki bókina í hendur fyrr en á
laugardaginn. Snæbjörn er kom-
inn inn í miðja bók.
Þýðingu bókarinnar annast
Helga Haraldsdóttir, en hún situr
nú við úti í Hollandi og þýðir baki
brotnu. Sá háttur verður hafður á
að ganga frá hverjum kafla um
sig til útgáfu jafnharðan og hann
berst. Snæbjörn hefur ekki
áhyggjur af því að sá mikli áhugi
sem nú sýndi sig muni koma niður
á sölu bókarinnar á íslensku. „Það
leið heilt ár áður en 4. bókin kom
út á íslensku frá því hún kom út á
ensku. Það virtist engu breyta,
hún seldist upp hjá okkur. Margir
krakkar eru farnir að lesa á ensku
en sjálfsagt er átak fyrir þau flest
að fara í gegnum 700 blaðsíður
ensks texta. Flest vilja lesa bókina
á íslensku.“
Snæbjörn taldi að hámarkinu
hefði verið náð með 4. bókinni,
sem Bjartur keyrði út og seldi í
brettavís, en engin bók hefur selst
eins hratt og þessi. „Þetta er
svakaleg manía og verður sjálf-
sagt sami æsingurinn og jafnvel
meiri en áður.“
Harry Potter-útgáfan hefur
haldið Bjarti uppi þessi ár en
Snæbjörn segir forlagið hafa á
móti varið peningunum til að gefa
eitthvað það út sem ekki stendur
undir sér. „Já, okkur til skemmt-
unar.“ ■
Ég hef óstjórnlegan áhuga áfólki í öllum sínum birtingar-
myndum,“ segir Sigríður Arnar-
dóttir, sem stjórnar þættinum
Fólk með Sirrý á SkjáEinum. „Ég
fæ aldrei nóg af því að spá í allar
mögulegar hliðar manneskjunnar,
les mikið um fólk og hlusta mikið
á þætti um daglegt líf fólks á er-
lendum útvarpsstöðvum. Ég les
líka mikið af bókum þar sem fólk
lýsir daglegu lífi sínu og hvers-
dagslegum störfum. Mér finnst
bara manneskjan í öllu sínu veldi
svo áhugaverð.“ ■
BRITT EKLAND
Lék í James Bond og var gift Peter Sellers.
Nú má skíra eftir henni á íslensku.
Emelína
lögleg
MANNANÖFN Mannanafnanefnd
hefur lagt blessun sína yfir kven-
mannsnafnið Emelína með þeim
rökstuðningi að nafnið taki eign-
arfallsendingu og teljist að öðru
leyti fullnægja 1. málsgrein laga
númer 45 frá árinu 1996. Á fundi
nefndarinnar fyrir skemmstu
samþykkti hún einnig að Brit
væri gjaldgengt nafn, svo og Silv-
ana og Manúel. Nefndin féllst hins
vegar ekki á að Iris (með I-i) væri
íslenska né heldur Elíza. Í úr-
skurði mannanafnanefndar um
Elízu segir meðal annars: „Nafnið
Elíza telst hvorki ritað í samræmi
við almennar ritreglur íslensks
máls né telst nafnið hafa unnið sér
hefð í íslensku máli. Að mati
mannanafnanefndar hafa ekki
komið fram ný sjónarmið sem
leiða til þess að fyrri afstöðu sé
raskað...Beiðni um eiginnafnið El-
íza er því hafnað.“ ■
SNÆBJÖRN ARNGRÍMSSON
Forleggjarinn telur allt benda til þess að æsingurinn verði ekki minni þegar 5. bókin um
Harry Potter kemur út á íslensku en var þegar 4. bókin kom út.
Útgáfa
■ 5. bókin um Harry Potter kemur út á
íslensku 1. nóvember klukkan 11:11.
Bjartur er útgefandinn og velgengni
bókanna hefur veitt svigrúm til að gefa
út bækur burtséð frá því hvort þær
standa undir sér eða ekki.
Potter-æðið síst í rénun