Fréttablaðið - 24.06.2003, Blaðsíða 8

8 24. júní 2003 ÞRIÐJUDAGUR
Áttum sigurinn skilið
Hins vegar fannst mér þó við
eiga sigurinn
skilið – við gáf-
um þeim markið
– en komum til
baka og hættum
aldrei og öfugt
við Þróttarleik-
inn í síðustu um-
ferð þá uppskárum við núna.
Aðalsteinn Víglundsson, þjálfari Fylkis.
DV, 23. júní.
Jafntefli sanngjörn
niðurstaða
Mér fannst á heildina litið að
jafntefli hefði verið sanngjörn
niðurstaða – en kannski ekki –
ég veit það hreinlega ekki, svei
mér þá. Svona lagað gerist bara
– stundum fellur það okkar meg-
in og stundum ekki.
Bjarki Gunnlaugsson, leikmaður KR.
DV, 23. júní.
Orðrétt
MENGUN Þúsundir lítra af olíu
fóru niður á athafnasvæði Ísa-
fjarðarhafnar í gær þegar verið
var að dæla frá olíuskipinu Keili
í tanka. Betur fór en á horfðist
því varnargirðing sem er um-
hverfis tankana hélt og ekkert af
olíunni fór í sjóinn. Guðmundur
M. Kristjánsson, hafnarstjóri
Ísafjarðarbæjar, sagði í gær að
þarna hefði ekki orðið alvarlegt
tjón.
„Þarna var um að ræða allt að
sjö þúsund lítra sem eru innan
girðingar. Það er því enginn
skaði fyrirsjáanlegur og aðeins
þarf að skipta um jarðveg til að
ná olíunni,“ segir Guðmundur.
Hann segir að ástæða þess að
svo fór hafi verið að um borð í
olíuskipinu hafi menn misreikn-
að sig. Þeir hafi fengið uppgefið
hve mikið rými var í olíutankin-
um sem átti að fylla.
Starfsmenn úr höfuðstöðvum
olíufélagsins Skeljungs komu til
Ísafjarðar í gær til að vinna að
hreinsun á svæðinu. ■
HREINSUN HAFIN
Vegna mistaka við dælingu frá olíu-
skipi flæddu nokkur þúsund lítrar
niður á Ísafirði. Hér er verið að
hefja hreinsunarstarf í gær.
Olíuskip í Ísafjarðarhöfn:
Þúsundir olíulítra niður fyrir mistök
FISKVEIÐAR „Full ástæða er til að
bæta við skötuselskvótann. Hann
er víða og það er mikið af honum þó
dregið hafi úr veiði í
síðustu viku,“ segir
Grétar Mar Jóns-
son, skipstjóri á
Unu SU.
Grétar segir bát-
ana sem eru á þess-
um veiðum vera á
tiltölulega litlu
svæði. Hann hafi
frétt af skötusel
víða. Bæði í köntum og á dýpi. Jafn-
vel er veiði í Breiðafirði og vestur í
Ísafjarðardjúpi. „Vestfirðingarnir
urðu skíthræddir þegar þeir sáu
skötusel í fyrsta skipti, því ekki er
hann beint fríður. Almennt hefur
verið sáralítið af skötusel hér, þar
til fyrir um tveimur árum síðan.
Þetta byrjaði að breytast með
hærra hitastigi sjávar.“ Grétar seg-
ir sjóinn vera um fjórum til fimm
gráðum heitari við Stafnesið og
Garðskagann en í venjulegu ári.
Samfara því hafi lítið verið af stóra
þorskinum sem netabátarnir eru að
eltast við. Skötuselurinn hafi komið
í staðinn. Yfirleitt haldi hann sig
sunnar en núna.
„Fyrir um fjórum árum var
byrjað að gera út á skötusel hérna.
Vart var við aukningu afla og þar
sem skötuselurinn var ekki í kvóta
var áhuginn meiri þar sem vilji
var til að veiða tegundir sem ekki
voru í kvóta. Eftir um eitt ár var
settur á kvóti sem miðaðist við
veiðireynslu. Sáralítil veiðireynsla
var komin þar sem aðeins var búið
að veiða skötuselinn í eitt ár.“
Skötuselurinn er á stóru haf-
svæði og kemur á óvart hve mikið
er af honum á grunnslóð, inni í
Faxaflóa, Straumsvík og víðar.
Áður veiddist fiskurinn á 300 til 400
faðma dýpi en nú veiðist hann á 20
til 50 faðma dýpi, sem gerir minni
bátum kleift að vera á
skötuselsveiðum. Kvótinn er um
1.400 tonn. Á sama tíma eru Færey-
ingar með um 2.200 tonna kvóta og
ESB um 70 þúsund tonna kvóta.
Grétar segir að nýjar upplýs-
ingar um dreifingu skötuselsins
þurfi að taka til skoðunar. Kvót-
inn takmarki veiðarnar við 1.400
tonn. „Hafrannsóknastofnun átt-
ar sig ekki á hversu gott ástand
stofnsins er miðað við það sem
áður hefur verið. Þeir ranka
jafnvel ekki við sér fyrr en eftir
tvö til þrjú ár þegar toppnum
hefur verið náð. Þegar þorskur-
inn var í sem mestri uppsveiflu
frá 1995 til 1998 fór það framhjá
Hafrannsóknastofnun og við
misstum af sveiflunni. Nú er um
að gera að veiða á meðan færi
gefst. Um leið og sjórinn kólnar
aftur breytast skilyrði á þessum
slóðum. Þá hirða aðrir fiskinn.
Skötuselurinn er verðmætur, að
öllu jöfnu fæst um 50 prósentum
hærra verð fyrir hann en fyrir
þorskinn.“
hrs@frettabladid.is
GRÉTAR MAR JÓNSSON
Hann segir það koma á óvart hversu mikið er af skötusel á grunnslóð.
Ástæða til að auka
skötuselskvótann
Grétar Mar Jónsson segir að mikið sé af skötusel og ástæða sé til að auka kvótann.
Hærra hitastig sjávar ástæða aukningarinnar og nauðsynlegt að veiða fiskinn
áður en skilyrði breytast og aðrir veiði hann.
■
Hafrannsókna-
stofnun áttar
sig ekki á
hversu gott
ástand stofns-
ins er miðað
við það sem
áður hefur ver-
ið.
ÚTBREIÐSLA HEFT Í HONG KONG
Alþjóðaheilbrigðisstofnunin hef-
ur gefið út þá yfirlýsingu að tek-
ist hafi að hefta útbreiðslu
bráðalungnabólgu í Hong Kong.
Engin ný tilfelli hafa komið upp á
svæðinu í þrjár vikur. Yfirvöld
eru þó beðin að vera á varðbergi
í ljósi fenginnar reynslu í Toronto
í Kanada þar sem sjúkdómurinn
braust út aftur eftir að hafa legið
niðri í nokkrar vikur.
■ Bráðalungnabólga
KJÖR Samkvæmt niðurstöðu
Kjararannsóknarnefndar hækk-
uðu regluleg laun um að meðal-
tali um 5,1 prósent frá fyrsta
ársfjórðungi 2002 til sama tíma í
ár.
Vísitala neysluverðs hækkaði
á sama tíma um 1,9 prósent.
Kaupmáttur launa hækkaði því
um að meðaltali um 3,2 prósent.
Launahækkun starfsstétta var á
bilinu 3,8 prósent til 7,2 prósent.
Laun kvenna hækkuðu á um-
ræddu tímabili meira en laun
karla, um 6,2 prósent á móti 4,6
prósentum. Laun á höfuðborgar-
svæði hækkuðu um 5,2 prósent
en laun utan höfuðborgarsvæðis
um 4,9 prósent.
Meðallaun á 1. ársfjórðungi
2003 byggja á upplýsingum um
laun rúmlega 15 þúsund starfs-
manna á almennum vinnumark-
aði. Að meðaltali fengu launa-
menn greiddar kr. 192.100 í
regluleg laun. Meðaltal heildar-
launa var kr. 245.500 og meðal-
vinnutími 44,9 stundir. ■
Kjararannsóknarnefnd:
Laun kvenna
hækkuðu meir
Aðalfundur
Hlutabréfasjóðs
Búnaðarbankans hf.
Traustur banki
HJÁLMAR STEINÞÓR BJÖRNSSON
Ísafjörður:
Lést af
slysförum
SLYS Maðurinn sem lést af slysför-
um þegar hann hrapaði niður hlíð
Kirkjubólsfjalls í Skutulsfirði hét
Hjálmar Steinþór Björnsson.
Hjálmar Steinþór var 43 ára gam-
all, til heimilis á Ísafirði. Hann
lætur eftir sig unnustu og tvö
börn frá fyrra hjónabandi. ■
ÓÐUR AF DRYKKJU Ölvuð kona
var flutt á slysadeild klukkan sjö
á sunnudagsmorgun með áfengis-
eitrun. Um svipað leyti var öku-
maður handtekinn í Borgartúni
grunaður um ölvun. Þegar reynt
var að ræða við manninn spark-
aði hann í afturrúðu lögreglubíls-
ins. Á lögreglustöðinni sparkaði
hann síðan í lögreglumenn.
■ Lögreglufréttir
M
YN
D
/G
S