Fréttablaðið - 25.09.2003, Blaðsíða 2

VIÐSKIPTI Stjórn Ferskra afurða ehf.
kennir Kaupþingi Búnaðabanka um
þá erfiðleika sem nú steðja að fyrir-
tækinu. Héraðsdómur Norðurlands
vestra hefur veitt fyrirtækinu
greiðslustöðvun í þrjár vikur.
Stjórn fyrirtæksins íhugar mál-
sókn.
Hjalti Jósefsson, framkvæmda-
stjóri Ferskra afurða, segir að að-
gerðir bankans undanfarið hafi
komið fyrirtækinu í þá klípu sem
það sé nú í.
„Kaupþing Búnaðarbanki hefur
m.a. gjaldfellt afurðalán félagsins
sem þó er í fullum skilum, haldið
eftir háum fjárhæðum umfram
samninga, spillt fyrir orðspori hjá
viðskiptavinum með bréfasending-
um og símhringinum og reynt að fá
birgðir fyrirtækisins kyrrsettar
með innsetningarbeiðni,“ segir í
fréttatilkynningu frá stjórn
Ferskra afurða. „... ekki [er] ljóst
hvað vakir fyrir banka sem mark-
visst gengur á hlut viðskiptavina
sinna. Það er þó verkefni hluthafa
og þartilbærra yfirvalda að finna út
úr því.“
Ferskar afurðir hyggjast nota
greiðslustöðvunartímabilið til að
koma nýrri skipan á bankaviðskipti
sín. „Einnig verður á tímabilinu
skoðað hvort eða hvaða ólögmætir
viðskiptahættir hafi verið viðhafðir
gegn Ferskum afurðum ehf. og
hvernig sækja megi til saka og bóta
einhvern hluta þess tjóns sem orðið
hefur,“ segir í tilkynningu stjórnar-
innar.
Hjalti segist bjartsýnn á að það
takist að greiða úr vanda fyrirtæk-
isins og það muni halda áfram rek-
stri á Hvammstanga þar sem 18
manns starfa.
Engin svör fengust frá Kaup-
þingi Búnaðarbanka um málið í
gær. ■
2 25. september 2003 FIMMTUDAGUR
„Jú, einu sinni á síðkvöldi í Róm.
Annars eru þeir besta fólk.“
Össur Skarphéðinsson segir félagsmálaráðherra
óttast Ítalina í Impregilo.
Spurningdagsins
Össur, hefur þú aldrei óttast Ítali?
■ Stjórnvöld
Verðbréfasala langar
til að selja auðlindina
Framkvæmdastjóri LÍÚ sér enga ástæðu til að opna á beina eignar-
aðild útlendinga í íslenskum sjávarútvegi. Segir hættu skapast á
ofveiði og slæmri umgengni um fiskimiðin.
SJÁVARÚTVEGSMÁL „Ástæðan fyrir
því að við erum með þessar höml-
ur í lögum er að við munum tapa á
öðru sem þjóð,“ segir Friðrik J.
Arngrímsson, framkvæmdastjóri
Landssambands íslenskra út-
vegsmanna, um þær hugmyndir
Verslunarráðs að lögum verði
breytt í þá veru
að útlendingum
verði heimilað
að eiga sjávarút-
vegsfyrirtæki
með beinum
hætti. Verslun-
arráðið vísar til
þess að Ísland
eigi met innan
OECD-landanna
hvað varðar hömlur á erlenda
fjárfestingu. Málið kom til um-
ræðu á fundi efnahags- og við-
skiptanefndar Alþingis þar sem
upplýst var að viðskiptaráðuneyt-
ið væri að fara yfir lögin í heild
sinni. Friðrik J. segist hafa kynnt
sér stöðu málsins og að hann hafi
verið fullvissaður um að ráðu-
neytið hefði ekki áform um að
opna fyrir óheft eignarhald
útlendinga í íslenskum sjávarút-
vegsfyrirtækjum.
„Útlendingar mega samkvæmt
lögum aldrei hafa raunveruleg yf-
irráð í sjávarútvegsfyrirtækjum
og aldrei fara yfir 49,9 prósenta
eignarhlut. Það er fullkomlega
lögmætt að útlendingar eigi allt
að helmingi með lögmætum hætti.
Ég tel að það hafi ekki verið sýnt
fram á neina knýjandi þörf til að
breyta núverandi fyrirkomulagi,“
segir Friðrik J.
Hann segir að ef eigendur sjáv-
arútvegsfyrirtækja vilji fá erlenda
fjárfesta til liðs við sig geti þeir
gert það á einum degi. Þá telur hann
að þeir sem vilji breytingar séu
fyrst og fremst verðbréfasalar sem
séu að hugsa um eigin ávinning.
„Fæstir sem hafa verið að tjá
sig um þessi mál og krefjast breyt-
inga virðast hafa hugmynd um það
hvernig lögin raunverulega eru.
Þeir sem hafa sig í frammi eru
fyrst og fremst verðbréfasalar
sem langar í tekjur af sölu hluta-
bréfa til útlendinga,“ segir Friðrik.
Hann varar við því sem muni
gerast ef yfirráðin yfir fiskimiðun-
um komast í hendur útlendinga.
Friðrik segir að Spánverjar og
fleiri séu þekktir af því að ofveiða
meira að segja eigin fiskistofna.
„Ef útlendingar ná yfirráðum
færist arðurinn út. Erlendis er
hugsunarhátturinn víðast hvar allt
annar en gerist meðal íslenskra
sjómanna og útgerðarmanna og
birtist okkur í ofveiði og slæmri
umgengni um lögsöguna,“ segir
Friðrik J.
rt@frettabladid.is
Reykjanesbraut:
Sautjánda
banaslysið
BANASLYS Maður á sextugsaldri
lést á sjúkrahúsi eftir að hafa lent
í umferðarslysi á Reykjanesbraut
í gærmorgun.
Tveir bílar lentu saman eftir að
ökumaður annars bílsins missti
stjórn á bíl sínum. Bíllinn lenti
utan í ljósastaur, fór þaðan yfir á
umferðareyju, kastaðist í loft upp
og lenti ofan á bifreið sem var ný-
komin af Grindavíkurvegi.
Ökumennirnir voru einir í bílum
sínum þegar áreksturinn átti sér
stað. Þeir voru báðir fluttir á slysa-
deild. Beita þurfti klippum til að ná
ökumanni bifreiðarinnar sem var á
austurleið út. Hann var alvarlega
slasaður og lést af völdum áverka
sinna skömmu eftir að komið var
með hann á sjúkrahús. ■
ATVINNUMÁL Öllum starfsmönnum
Dvergasteins á Seyðisfirði verður
sagt upp störfum frá og með 1.
október. Þetta var tilkynnt á fund-
um sem Gunnar Larsen, fram-
kvæmdastjóri Útgerðarfélags Ak-
ureyringa, átti með starfsfólki
Dvergasteins, fulltrúum verka-
lýðsfélagsins Afls og bæjarráði
Seyðisfjarðar.
Í fréttatilkynningu kemur fram
að ekkert nýtt hafi komið fram síð-
ustu vikur með leigu eða sölu á
rekstri Dvergasteins og því hafi
verið gripið til þessa ráðs. Hafi for-
sendur ekki breyst 1. október verði
vinnslu hætt og uppsagnir starfs-
fólks komi til framkvæmda.
„Þetta er reiðarslag fyrir at-
vinnulífið í bænum,“ sagði Tryggvi
Harðarson bæjarstjóri. „Það er
mikið áhyggjuefni hversu mjög
forsvarsmenn ÚA hafa gengið á
bak orða sinna og brotið illa gagn-
vart fólki hér í byggðinni.“
Tryggvi sagði að ekki væri öll
nótt úti enn. „Við munum halda
áfram að reyna til hins ítrasta að
finna lausn. Þetta er eina stóra at-
vinnufyrirtækið hér í bænum og
lífsspursmál fyrir marga að þar
haldi áfram vinnsla af einhverju
tagi.“
Áætlað tap Dvergasteins á ár-
inu er á milli 60 og 70 milljónir
króna. ■
Rekstri Dvergasteins á Seyðisfirði verður hætt um mánaðamótin:
Öllum starfsmönnum
sagt upp störfum
TRYGGVI HARÐARSON
„Þetta er reiðarslag fyrir atvinnulífið í
bænum,“ segir bæjarstjórinn á Seyðisfirði.
Hann segir ÚA ganga á bak orða sinna.
Deila tveggja bílasala:
Bann sett á
billinn.is
SAMKEPPNISMÁL Bílasala Íslands
hefur með notkun á lénnafninu bill-
inn.is og nafninu billinn.is brotið
samkeppnislög. Samkeppnisráð
hefur því bannað bílasölunni að nota
nafnið.
Bílasalan Bíll.is kvartaði undan
notkun Bílasölu Íslands á nafninu.
Þeir bentu á að árið 1998 hafi bíla-
salan fengið nafnið skráð sem
firma, vörumerki og lén. Óvið-
unandi væri að önnur bílasala gæti
nýtt sér markaðssetningu fyrirtæk-
isins á nafninu Bíll.is með því að
nota heitið billinn.is. ■
TALA LÁTINNA Í UMFERÐINNI
Sautján hafa látist í umferðinni í ár.
ÍSLENSK AUÐLIND
Friðrik Jón Arngrímsson, framkvæmdastjóri LÍÚ, varar eindregið við því að Íslendingar leyfi
útlendingum að eignast sjávarútvegsfyrirtæki hérlendis.
„Þeir sem
hafa sig í
frammi eru
fyrst og
fremst verð-
bréfasalar.
FR
ÉT
TA
B
LA
Ð
IÐ
/V
IL
H
EL
M
BÚNAÐAR-
BANKINN
Stjórn Ferskra af-
urða segir að-
gerðir Kaupþings
Búnaðarbanka
vera undirrót fjár-
hagsvandræða
fyrirtækisins.
Skuldinni skellt á Kaupþing Búnaðarbanka:
Ferskar afurðir
íhuga málsókn
ANDLEGUR LEIÐTOGI HAMAS
Sheik Ahmed Yassin segir það ekki koma
til greina að lýsa yfir einhliða vopnahléi.
Leiðtogi Hamas:
Útilokar
vopnahlé
GAZA-BORG, AP Sheik Ahmed Yass-
in, stofnandi og andlegur leiðtogi
Hamas-samtakanna, segir það
hvorki koma til greina að afvopn-
ast né lýsa yfir vopnahléi.
Yassin hefur haft hægt um sig
síðan Ísraelar reyndu að ráða
hann af dögum 6. september. Á
blaðamannafundi í mosku í Gaza-
borg hafnaði hann boði Ahmed
Qureia, verðandi forsætisráð-
herra Palestínumanna, um að
Hamas-samtökin fengju fulltrúa í
palestínsku ríkisstjórninni.
Qureia hefur gert athugasemd við
vígbúnað palestínskra andspyrnu-
hreyfinga en Yassin segir að ef
vopnin verði tekin frá þeim jafn-
gildi það uppgjöf. ■
KVITTA GEGN PYNTINGUM
Halldór Ásgrímsson utanríkisráð-
herra hefur undirritað valfrjálsa
bókun við alþjóðasamning Sam-
einuðu þjóðanna gegn pyntingum
og annarri grimmilegri, ómann-
legri eða vanvirðandi meðferð.
Bókuninni er ætlað að koma í veg
fyrir pyntingar.