Fréttablaðið - 25.09.2003, Blaðsíða 40

SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 20, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Bakþankar
ÞRÁINS BERTELSSONAR
Munaðarlausir
peningar
L ASH DESIGNER
Fyrsti tvíhliða maskaraburstinn
sem gefur tvöfalt lengri
og þykkari augnhár.
LENGD
ÞYKKT
Stutta hliðin
fyrir takmarkalausa þykkt.
Langa hliðin
fyrir óendanlega lengd.
LASH DESIGNER
Það er mikill sláttur á mönnumþessa dagana. Í fréttum og spjall-
þáttum í útvarpi og sjónvarpi getur
enginn maður verið þekktur fyrir að
taka sér í munn lægri tölu en millj-
arð. Það eru fimm þúsund mánaða
laun ofur venjulegs launamanns. Tíu
þúsund mánaða laun margra. Laun
eins einstaklings í fjögur til átta
hundruð ár. Fjórar til átta aldir. Enda
ræða menn um milljarða með mikl-
um alvörusvip og tala af mikilli
ábyrgð um efnahagslífið.
MEÐ ALLRI VIRÐINGU fyrir
efnahagslífinu má mannlífið ekki
gleymast. Án mannlífs væri trúlega
ekki um neitt efnahagslíf að ræða. Í
sjónvarpinu á þriðjudag voru tveir
þingmenn úr efnahags- og viðskipta-
nefnd Alþingis að tala um milljarða-
viðskipti. Annar þeirra, Pétur Blön-
dal, fór að tala um lífeyrissjóðina
sem ku eiga 600 milljarða, og taldi
að vörslumenn þessa fjár hefðu litlar
áhyggjur af þessu hirðislausa fé,
þetta væru „annarra manna pening-
ar“ og þess vegna mætti sosum einu
gilda fyrir stjórnir lífeyrissjóðanna
hvernig ávöxtunin væri. Þetta er sá
hinn sami Pétur og reyndi að taka
sparisjóð í fóstur af því að hann
hafði áhyggjur af því að sjóðurinn
væri sneisafullur af munaðarlausum
peningum.
ÞAÐ MÁ VEL vera að sumum
mönnum sé skítsama um alla pen-
inga nema þeirra eigin. En sem bet-
ur fer hafa ekki allir frelsast til
þeirrar trúar – ennþá. Peningarnir
sem eru í vörslu lífeyrissjóða eru
ekki munaðarlausir. Þessir peningar
eru afsprengi margra milljarða
vinnustunda. Þessir peningar eru
svitadropar verkamannsins, krítar-
strik kennarans, og seltan í hári sjó-
mannsins. Þetta eru alvörupeningar
og á bak við þá er verðmætasköpun
íslensku þjóðarinnar í langan tíma.
Þvert á móti mammonstrúnni búa
peningar ekki til peninga eða geta
þá af sér. Þeir eru dauðir. Það er lif-
andi fólk sem býr til peninga og
sendir þá út í efnahagslífið. Þess
vegna er óþarfi fyrir þennan Pétur
að setja upp munaðarleysingjahæli
til að taka annarra manna peninga í
fóstur. ■