Fréttablaðið - 25.09.2003, Blaðsíða 10

ÖRYGGISMÁL Hermann Drengsson,
ábúandi í Fremstuhúsum í norðan-
verðum Dýrafirði, segir það von-
brigði að ríkið vilji ekki kosta gerð
snjóflóðavarnargarðs við
Fremstuhús.
„Mér líst ekkert á þetta. Þeir
voru búnir að gera mér vonir um
þetta. Ég vil fá þessa lausn og verð
þá bara að gera þetta sjálfur,“ seg-
ir Hermann.
Ísafjarðarbær hafði lagt til að
reistur yrði ellefu metra hár varn-
argarður ofan við Fremstuhús.
Áætlaður kostnaður er sagður
vera 20 milljónir króna. Ofanflóða-
nefnd og umhverfisráðuneyti
segja hins vegar nægjanlegt að
beita eftirliti og rýma Fremstuhús
ef þörf krefji. Slík lausn kosti
miklu minna, 4,2 milljónir króna.
„Það er lítið eftirlit í blindþreif-
andi byl. Maður þekkir nokkurn
veginn hvernig og hvenær þetta
kemur og ég get alveg haft eftirlit
sjálfur – ég þarf þá ekki til að
hugsa um það fyrir mig,“ segir
Hermann um þessa lausn.
Hermann segir að snjóflóð hafi
fallið á útihúsin við Fremstuhús
árið 1994. Þá hafi hlaðan brotnað
og eyðilagst. Síðan þá hafi tvö flóð
fallið niður undir fjárhúsin. Aldrei
hafi fallið flóð á íbúðarhúsið þótt
þau hafi komið býsna nærri.
Veðurstofan hefur metið snjó-
flóðahættuna við Fremstuhús í
efsta flokk. Hermann segir að hug-
myndin hafi verið sú að hinn ellefu
metra hái varnargarður kæmi í
„A“ ofan við bæinn og klyfi hugs-
anleg flóð til beggja hliða og
framhjá húsunum. Varnargarður-
inn yrði úr jarðvegi og um 30
metra breiður í botninn en einn
metri þar sem hann yrði hæstur.
Það sé ekki rétt að garðurinn
myndi kosta 20 milljónir króna.
Nær lagi væru 15 milljónir.
Um síðustu helgi snjóaði nokkuð
í Dýrafirði í áhlaupi sem þá gekk
yfir. Hermann segir þann snjó nú
að mestu hafa tekið upp. Veturinn
er hins vegar varla hafinn enn. Þó
Hermann sé rólegur yfir stöðunni
býr hann á skilgreindu stórhættu-
svæði og hefur eðlilega áhyggjur
af því. „Þó flóðin séu kraftlaus þeg-
ar þau koma hérna niður geta þau
verið gríðarþung og brotið það sem
fyrir verður,“ segir einbúinn í
Fremstuhúsum.
gar@frettabladid.is
10 25. september 2003 FIMMTUDAGUR
MEÐALALDUR FISKISKIPA
Landshluti Aldur í árum
Höfuðborgarsvæðið 18,4
Suðurnes 20,8
Vesturland 18,8
Vestfirðir 17,9
Norðurland eystra 17,8
Norðurland vestra 19,7
Austurland 18,4
Suðurland 23,8
Heimild: Hagstofan
SEATTLE, AP Microsoft-fyrirtækið
ætlar að loka fyrir frjálsa notkun
spjallrása í flestum ríkjum heims
frá og með 14. október næstkom-
andi.
Margir fagna ákvörðun Micro-
soft og vona að önnur fyrirtæki
grípi til sams konar aðgerða en aðr-
ir telja þetta skerðingu á tjáningar-
frelsi.
Samkvæmt tilkynningu frá
Microsoft verður spjallrásum fyr-
irtækisins í Evrópu, Mið-Austur-
löndum, Afríku, Asíu og stórum
hluta Rómönsku Ameríku alveg
lokað. Þar verður einungis hægt að
senda skilaboð í gegnum Microsoft
Messenger sem er ekki eins opið
kerfi. Í Kanada, Bandaríkjunum og
Japan verður aðgangur að MSN-
rásunum takmarkaður við áskrif-
endur.
Forráðamenn Microsoft segja
spjallrásirnar orðnar miðil fyrir
ruslpóst og kynferðisafbrotamenn,
ekki síst barnaníðinga sem reyna
að verða sér úti um fórnarlömb í
gegnum Netið.
„Við vitum dæmi þess að börn
undir 16 ára aldri hafa lent í klón-
um á níðingum, fullorðnu fólki sem
villir á sér heimildir í þeim tilgangi
að misnota börn,“ sagði Matt Whitt-
ingham, talsmaður Microsoft í
Bretlandi.
Keppinautar Microsoft, Amer-
ica Online, Yahoo og Freeserve,
ætla ekki að endurskoða afstöðu
sína til opinna spjallrása, þrátt fyr-
ir aðgerðir Microsoft. ■
Einbúi gerir sjálfur
snjóflóðavarnargarð
Verkamannaflokkurinn:
Tapar á
Íraksstríði
LONDON, AP Enn hefur dregið úr
stuðningi almennings í Bretlandi
við innrásarstríðið gegn Írak sam-
kvæmt skoðanakönnun The Guard-
ian. Nú telur rúmlega helmingur
kjósenda, 53%, að hernaðurinn hafi
verið óréttlætanlegur en aðeins
38% eru sammála stefnu ríkis-
stjórnarinnar gagnvart Írak. Stuðn-
ingur við breska Verkamannaflokk-
inn hefur minnkað í takt við afstöð-
una til stríðsins. Flokkurinn mælist
nú með um 35% fylgi. Stuðningur
við Frjálslynda demókrata hefur
aukist um 6%, mælist nú 28%, og
Íhaldsflokkurinn mælist með 30%
fylgi. ■
SÁTTUR VIÐ BREYTINGAR
Teitur Björn Einarsson, formaður Orators.
Formaður Orators um
breytingar á kennslu í
lagadeild:
Kröfurnar
enn mjög
miklar
MENNTUN Lagadeild Háskóla Ís-
lands samþykkti á þriðjudag til-
lögu um að lækka lágmarkseink-
unn í haustannarkúrsum á fyrsta
ári úr 7,0 í 6,0. Ef þessi breyting
hlýtur náð fyrir augum Háskóla-
ráðs mun hún taka gildi strax
þannig að þeir sem hófu laganám
nú í haust munu einungis þurfa
að fá sex til þess að geta haldið
áfram námi í deildinni.
„Þó svo að þessi viðmið hafi
verið lækkuð ber samt að ítreka
að lágmarkseinkunn í öllum kúrs-
um lagadeildar er 6,0 en í flestum
öðrum deildum er lágmarkseink-
unn 5,0 eða jafnvel lægri. Það er
því ljóst að lagadeild er enn sem
áður að gera meiri kröfur til
stúdenta en aðrar deildir skól-
ans,“ segir Teitur Björn Einars-
son, formaður Orators, félags
laganema.
Teitur segir að breytingin sé
að hluta til vegna þróunar á
umhverfi lagakennslu á Íslandi
þar sem nú sé orðin mikil
samkeppni um nemendur, kenn-
ara og fjármagn. „Við þessa
breytingu verður að líkindum
einhver fjölgun á nemendum í
deildinni, en vegna breytinga á
námi, svo sem að nú er boðið upp
á BA-nám og MA-nám, er ég ekki
viss um að þessi breyting verði
endilega til þess að fólki með
embættispróf í lögfræði fjölgi.
Ég held að þetta sé í samræmi við
þá þróun sem verið hefur; að
stefna skuli að fjölgun útskrif-
aðra lögfræðinga, þótt ekki sé
víst að þeir kjósi allir að starfa
sem málflutningsmenn eða í rétt-
arkerfinu,“ segir hann. ■
IÐNAÐUR „Aðilar þurfa að ná sam-
an um tímasetningar varðandi
orkuafhendingu,“ segir Reinhard
Reynisson, bæjarstjóri á Húsa-
vík, um viðræður vegna fyrir-
hugaðs álvers Atlantsáls hf. á
Húsavík. Þar vísar hann til for-
svarsmanna Atlantsáls annars
vegar og orkufyrirtækjanna
Landsvirkjunar og Þeistareykja
ehf. hins vegar.
Þeistareykir er hlutafélag sem
annast rannsóknir og nýtingu há-
hitasvæðisins á samnefndu svæði.
Talið er að það fyrirtæki geti af-
hent 40 megavött í árslok 2007 eða
byrjun árs 2008. Reinhard segir
nauðsynlegt að Landsvirkjun
komi einnig að orkusölu til álvers-
ins. Þar sé horft til Bjarnarflags í
Mývatnssveit eða Kröflusvæðis-
ins. Nokkur óvissa er um það
hvenær Landsvirkjun getur út-
vegað orkuna en fyrirtækið mun
horfa til þess að tekjur verði farn-
ar að koma inn vegna Kára-
hnjúkaverkefnisins áður en ráðist
verður í þetta verkefni.
Meðal þess sem bæjarstjórnin
er með til umræðu er það hvar
landi verði úthlutað undir álverk-
smiðjuna og bætt hafnaraðstaða.
Um 100 manns fá vinnu við ál-
verksmiðjuna ef af henni verður.
Reinhard segir að þegar búið
verði að tímasetja orkumálin
komi að því að semja um orkuverð
og annað sem snýr að rekstri fyr-
irhugaðrar álverksmiðju. ■
Frjálslyndir vilja aðskiln-
að ríkis og kirkju:
Vill þátt-
töku Sam-
fylkingar
STJÓRNMÁL Frjálslyndir munu
leggja fram frumvarp um aðskiln-
að ríkis og kirkju í þriðja sinn á
komandi þingi. Guðjón Arnar
Kristjánsson, formaður flokksins,
segir að málið hafi verið svæft í
nefndum fram að þessu. Hann
ætlar að bjóða Samfylkingunni að
taka þátt í tillöguflutningnum á
komandi þingi en á síðustu þing-
um var Árni Steinar Jóhannsson,
fyrrum þingmaður VG, meðflutn-
ingsmaður frumvarpsins.
Guðjón segir málið flókið m.a.
vegna meðferðar eigna sem áður
voru í eigu kirkjunnar en eru nú í
ríkiseign. „Við erum ekki að
leggja þetta til í því skyni að
veikja trúarlíf í landinu eða kirkj-
una. Við viljum hins vegar að trú-
félögin í landinu sitji við sama
borð. Það er fjölmargt sem þarf
að ræða í þessu samhengi,“ segir
Guðjón Arnar. ■
Hermann Drengsson í Fremstuhúsum í Dýrafirði segir að fyrst ríkið
geri ekki varnargarð gegn snjóflóðum ofan við bæ hans muni hann
sjálfur reisa garðinn. Hann blæs á áætlanir um opinbert eftirlit.
DÝRAFJÖRÐUR
Fremstuhús eru í Hjarðardal í norðanverðum Dýrafirði gegnt Þingeyri. Snjóflóð féll þar á útihús fyrir níu árum og braut niður hlöðu. Tvö
flóð hafa fallið niður undir fjárhúsin eftir það en íbúðarhúsið hefur sloppið hingað til.
Atlantsál á Húsavík:
Orkumálin vegna
álvers tímasett
HÚSAVÍK
Beðið eftir álveri.
Níðingar misnota spjallrásir á Netinu:
Microsoft lokar
sínum rásum
Á SPJALLINU
Barnaníðingar hafa í auknum mæli notað
spjallarásir Netsins til að finna sér fórnar-
lömb. Microsoft vill draga úr þeirri hættu
og ætlar að loka fyrir frjálsa notkun spjall-
rása frá og með 14. október.
EIGNAMIÐLUN EKKI ALMANNA-
EIGN Samkeppnisráð segir fast-
eignasölunni Garðatorg eigna-
miðlun ehf., sem stofnuð var árið
2000, óheimilt að nota orðið
eignamiðlun í nafni sínu. Á höf-
uðborgarsvæðinu tilheyri nafnið
fasteignasölunni Eignamiðlun
sem stofnuð var 1957.
■ Samkeppnismál
ÍSLANDSBANKI
Eigendur Skilvíss ehf. sendu samkeppnisyf-
irvöldum kvörtun vegna notkunar bankans
á nafninu Skilvís.
Íslandsbanki:
Má ekki nota
orðið Skilvís
SAMKEPPNISMÁL Íslandsbanki braut
samkeppnislög með því að nota
nafnið Skilvís fyrir innheimtu-
þjónustu sína. Samkeppnisráð
hefur því bannað bankanum að
nota nafnið og tekur bannið gildi í
lok næsta mánaðar.
Ástæða bannsins er sú að sex
árum áður en bankinn hóf að nota
nafnið Skilvís undir hluta af þjón-
ustu sinni hafði verið stofnað
einkahlutafélag með sama nafni,
eða Skilvís ehf. Það fyrirtæki hef-
ur um 14 ára skeið rekið bókhalds-
þjónustu og skyldan rekstur en
tengist ekki bankanum að neinu
leyti.
Eigendur Skilvíss ehf. sendu
samkeppnisyfirvöldum kvörtun
vegna notkunar bankans á heit-
inu. Töldu þeir það hafa valdið
fyrirtækinu miklu ónæði, þar
sem varla liði sá dagur að ekki
bærust fyrirspurnir eða athuga-
semdir frá fólki sem hefði fengið
bréf frá innheimtuþjónustu Ís-
landsbanka. Þar sem Skilvís byði
upp á víðtækari þjónustu en bara
innheimtuþjónustu hefði notkun
bankans á heitinu Skilvís haft
neikvæð áhrif á orðspor Skilvíss
ehf. ■