Fréttablaðið - 03.10.2003, Síða 27
Mér finnst frábært þegar heilmáltíð er elduð og borin
fram í sama ílátinu. Þessi réttur
er þannig. Í grunninn er upp-
skriftin ættuð af biblíuslóðum þar
sem sesamfræ hafa verið notuð til
þess að krydda mat og tilveruna í
þúsundir ára.
Kjúklingalæri 8 bitar 500 kr.
1 bolli hveiti
1 bolli sesamfræ
2 msk gott paprikuduft
salt
1 egg
1/2 bolli kjúklingasoð ca. 70 kr.
1 rauður laukur
1/2 grænt epli
8 meðalstórar kartöflur
2 msk. rósmarín (ferskt eða þurrkað)
salt/pipar
ólífuolía ca. 150 kr.
Setjið hveiti, sesamfræ,
paprikuduft og salt í skál. Þeytið
egg með gaffli í annari skál og
hellið kjúklingasoðinu útí.
Kjúklingalærunum er velt upp úr
eggjablöndunni, síðan upp úr
hveitiblöndunni, og að lokum aft-
ur upp úr eggjablöndunni. Þá eru
bitarnir steiktir á pönnu stutta
stund á hvorri hlið og því næst
raðað í eldfast mót.
Kartöflur eru þvegnar og
skornar í báta. Laukur og epli eru
líka skorin í báta. Ef laukurinn er
góður og ferskur er ekki nauðsyn-
legt að taka hýðið af honum. Setj-
ið grænmetið í skál ásamt salti,
rósmarín og ólífuolíu og veltið því
öllu vel saman. Raðið síðan kart-
öflublöndunni á fatið með
kjúklingabitunum og bakið í 200
gráðu ofni í 30 til 40 mínútur.
Kostnaður samtals: 720 kr.
27FÖSTUDAGUR 3. október 2003
Til hnífsog skeiðar
GUÐRÚN
JÓHANNSDÓTTIR
■
Eldar handa minnst
fjórum fyrir 1.000 kr.
eða minna.
Uppáhaldsmaturinn:
Alltaf smá spuni í eldhúsinu
Ólafía Hrönn Jónsdóttir leik-kona er ekki í neinum vafa
þegar hún er spurð um uppáhalds-
matinn sinn. „Það er humar. Hann
er bara allt of góður. Það er eitt-
hvað alveg sérstakt við bragðið og
ég fæ aldrei leið á honum. Svo er
auðvelt að matreiða hann.“
Ólafía Hrönn segist alltaf
steikja humarinn í hvítlauk og
smjöri. „Þetta er sparimatur. En
ég kaupi mér ekki humar heldur
fæ hann gefins að austan. Ég fer
líka alltaf á humarhátíð á Horna-
firði og fæ humar þar. Ég held ég
hafi aðeins einu sinni keypt hum-
ar hér fyrir sunnan og fannst
hann þá ekki jafn ferskur og góð-
ur.“
Ólafía Hrönn segist alltaf elda
sjálf og hafa gaman af. „Ég elda
aldrei sama matinn tvisvar. Ég
reyni alltaf að gera eitthvað nýtt
og er alltaf með smá spuna í eld-
húsinu. Ég fer ekki beint eftir
uppskriftum en nota eina og eina
hugmynd úr þeim. Það nýjasta
sem ég sá var í sjónvarpsþættin-
um Listin að lifa en þar var verið
að steikja kjöt og bjór hellt yfir.
Ég hef prófað að hella pilsner
yfir þegar ég steiki kjöt og gera
svo sósuna úr því. Það er mjög
gott.“
Ólafía Hrönn fer með hlutverk
í leikritinu Vinur minn heimsend-
ir sem nýbyrjað er að sýna í
Hafnarfjarðarleikhúsinu. Þar
byrjar hún einmitt á því að búa til
eggjaköku. „Ég á að vera að elda,
brýt egg og svona. En það er allt
í plati og það kemur helst til af
því að okkur fannst það passa
betur við leikritið. Persónan mín
er að elda, en það verður aldrei
neitt úr neinu,“ segir Ólafía
Hrönn. ■
Otard er eitt helsta kon-íakshúsið í Frakklandi
og er yfir 200 ára gamalt.
Þar er allt gert eftir
kúnstarinnar reglum og
koníakið þroskast í rök-
um kjöllurum Château
de Cognac þar sem
veggirnir eru 3 metra
þykkir og sneisafull-
ir af sögu.
Nýverið kom á
markaðinn ný lína
frá Otard nefnd
eftir sjálfum
Napoléon. Þetta
er mjúk blanda
úr Grande og
Petite kampa-
víni. Koníak sem
flestir geta
drukkið sökum
þess hve milt og
ljúft það er með votti
af þurrkuðum ávöxt-
um og kókoshnetum.
Færst hefur í vöxt
að fólk njóti koníaks
ekki aðeins eftir
mat heldur drekki
það einnig sem
fordrykk á svip-
aðan hátt og
viskí og Otard
Napoléon er
fyrirtak með
smá klaka
eða skvettu
af vatni.
Fæst í
H e i ð r ú n u
og Kringl-
unni og
kostar 6.490
kr.
Napoléon mættur
í koníakið!
Kröftugt hvítvín frá
Kaliforníu
Á seinni hluta sjöundaáratugsins hóf Jerry
Lohr að kanna ræktunar-
skilyrði fyrir þrúgur á
Kal iforníusvæðinu.
Hann hafði mikla þekk-
ingu á landbúnaði og
þar sem hann gerði sér
grein fyrir mikilvægi
jarðvegs og veðurfars
valdi hann víngörðum
sínum stað í hinu gróð-
ursæla svæði Monter-
ey County og Paso
Robles. Víngerðarhús-
in eru hins vegar stað-
sett í San José sunnan
við San Franscisco.
Jerry Lohr er
þekktur fyrir að búa til
mikil og góð vín fyrir
sanngjarnt verð. Mörg vín-
ana hafa unnið til verð-
launa á vínsýningum. J.
Lohr Estates er sería af
mjög góðum og aðgengi-
legum vínum sem koma
frá Riverstone-svæð-
inu.
J. Lohr Estates
R i v e r s t o n e
Chardonnay hefur að
geyma angan af lime
og nektarínum. Í
bragði má greina
sítrusávexti, smjör
og ristaða eik. Flókið
vín í góðu jafnvægi
með langt eftirbragð.
Hentar vel með feit-
um fisk s.s. reyktum
lax, lúðu og skötusel.
Einnig ljósu kjöti.
Fæst í Heiðrúnu
og Kringlunni og
kostar 1.590 kr.
Nýtt í vínbúðum
ÓLAFÍA HRÖNN JÓNSDÓTTIR
Humarinn að austan langbestur.
FR
ÉT
TA
B
LA
Ð
IÐ
/R
Ó
B
ER
T
Einfaldur
kjúklinga-
réttur
BATAVIASALAT
Í tilraunaræktun á Íslandi.
Bataviasalat:
Nýtt salat
ræktað
Nú stendur yfir sérstök tilraun ávegum Garðyrkjuskólans með
ræktun á fjórum afbrigðum af nýju
salati, bataviasalati, sem ekki hefur
verið ræktað hér á landi áður.
Umsjónarmaður verkefnisins er
Garðar Árnason, verkefnisstjóri
skólans. Bataviasalat (Lactuca sati-
va var. capitata) er af ýmsum talið
ein gerð íssalats, en af öðrum sem
sérstakur flokkur innan höfuðsal-
ats, mitt á milli smjörsalats (“venju-
legs höfuðsalats“) og íssalats. Bata-
viasalat er tilkomið við æxlun á
milli íssalats og smjörsalats. Blöð
plantnanna líkjast blöðum íssalats
að útliti og gerð, en eru þykkari,
bylgjóttari og með dýpri skerðingar
en blöð smjörsalats. Vaxtarlega séð
líkjast plönturnar meira smjörsalati
en íssalati og er vaxtartími þeirra
einnig mjög áþekkur. Plönturnar
eru af ýmsum sagðar standast betur
ýmsa sjúkdómsvalda en bæði
smjör- og íssalat.
Í Evrópu er bataviasalat t.d.
nokkuð ræktað í Frakklandi og
áhugi er fyrir því víðar. Samkvæmt
sænskum tilraunum hentar batavia-
salat vel til haustræktunar bæði ut-
andyra og í gróðurhúsum og hefur
gefist mun betur en íssalat. Þá hef-
ur það reynst fljótsprottnara en
íssalat en ívið seinsprottnara en
smjörsalat. Þar sem ekki eru gerðar
sömu kröfur um harða og þéttvafna
hausa í bataviasalati og í íssalati er
mögulegt að hnika uppskerutíman-
um talsvert til. ■
Grænn kostur
í Hagkaupum
Hagkaup og Sólveig Eiríksdóttir
á Grænum kosti hafa gert með sér
samstarf um matreiðslunámskeið
Sólveigar. Sólveig mun í vetur halda
reglulega námskeið um grænmetis-
fæði. Námskeiðin munu fara fram í
verslunum Hagkaupa og mun
skráning fara fram á hagkaup.is.
Matur frá öllum
heimshornum
Í Mími er boðið upp á mat-
reiðslunámskeið þar sem fjallað
er um matargerð frá ýmsum
heimshornum, afrísk, frönsk, ind-
versk og frá Georgíu í Kákasus.
Nánari upplýsingar um
námskeiðin er að finna á heima-
síðunni www.mimir.is.
Matreiðsla
Vín vikunnar
OPIÐ KL 11.00-22.00
Föstudag og Laugardag frá 10.00-18.00
Kaffihúsið við stíginn