Fréttablaðið - 19.02.2004, Blaðsíða 10

BANDARÍKIN, AP Í upphafi árs var
Howard Dean þekktur sem sá
frambjóðandi í forkosningum
demókrata sem naut mest fylgis
samkvæmt skoðanakönnunum.
Hann var nýbúinn að setja met
fyrir að afla mesta fjár til kosn-
ingabaráttu sem nokkur demó-
krati í sögunni hefur safnað. Í gær
hætti hann kosningabaráttu eftir
dapran árangur í fyrstu sautján
forkosningunum og því ljóst að
draumur hans um að verða forseti
er endanlega úr sögunni.
Dean tilkynnti í fyrstu að hann
myndi ekki heyja kosningabar-
áttu áfram en í gærkvöld dró hann
framboð sitt til baka. Frétta-
skýrendur segja ástæðurnar
tvær, annars vegar slakt gengi í
forkosningunum og hins vegar að
fénu sem hann safnaði hafi öllu
verið eytt.
John Kerry hélt áfram sigur-
göngu sinni í forkosningunum í
Wisconsin í fyrrinótt en sigur
hans var mun naumari en hann
hefur átt að venjast að undan-
förnu. Hann fékk tæp 40% at-
kvæða en John Edwards rúm
34%. Howard Dean varð að sætta
sig við átján prósent.
Fréttaskýrendur segja úrslitin
í fyrrinótt í það minnsta tefja að
Kerry verði viðurkenndur sem
forsetaefni demókrata. Þau kunna
jafnvel að þýða að nú komi upp
slagur tveggja manna, Edwards
og Kerrys, um útnefninguna.
Með góðri frammistöðu í
Wisconsin þykir Edwards hafa
aukið möguleika sína í þeim for-
kosningum sem eftir eru. Það má
ekki gleyma því að þó Kerry hafi
tryggt sér rúmlega þrefalt fleiri
kjörmenn á flokksþingi demókra-
ta en Edwards á enn eftir að kjósa
í 33 ríkjum sem ráða yfir rúmlega
3000 kjörmönnum. 2.161 kjör-
mann þarf til að ná kjöri.
Fylgi Edwards var mun nær
fylgi Kerrys en gert hafði verið
ráð fyrir. Að auki varð honum að
ósk sinni um að Dean drægi sig í
hlé.
Nú vonast Edwards til að láta
til sín taka í komandi forkosning-
um. Kosið verður í þremur ríkjum
eftir viku og tíu 2. mars. Þar
kunna úrslitin að ráðast.
Kerry stendur eftir sem áður
best af öllum frambjóðendum.
Hann hefur tryggt sér fleiri kjör-
menn en allir aðrir frambjóðend-
ur til samans. ■
10 19. febrúar 2004 FIMMTUDAGUR
HEILAGUR MAÐUR REYKIR
Hindúar frá Nepal og Indlandi komu
saman til hátíðarhalda í tilefni nætur
Shiva, guðs eyðileggingar, sem haldin er
hátíðleg ár hvert þegar skyggir á tunglið.
Tilefnið er brúðkaup Shiva.
Raforka hækkar:
Borgarráð ekki sátt
RAFORKUMÁL Guðmundur Þórodds-
son, forstjóri Orkuveitu Reykja-
víkur, segist styðjast við forsend-
ur iðnaðar- og viðskiptaráðuneyt-
isins þegar hann kemst að þeirri
niðurstöðu að raforkuverð á höf-
uðborgarsvæðinu hækki um
fimmtung við gildistöku nýrra
laga um raforkuverð.
Hann telur að hugsanlega séu
þær forsendur jafnvel of lágar og
hækkunin verði meiri.
Borgarráð hefur samþykkt
ályktun þar sem varað er við til-
lögum sem leiði til hærra raforku-
verðs á höfuðborgarsvæðinu.
„Borgarráð hvetur stjórnvöld til
að halda í lágmarki félagslegum
niðurgreiðslum inn í flutnings-
kerfi raforku. Borgarráð telur að
jöfnun lífskjara í landinu eigi að
koma í gegnum almenna skatt-
kerfið en ekki að dyljast í raforku-
verðinu,“ segir í ályktun borgar-
ráðs.
Guðlaugur Þór Þórðarson,
borgarfulltrúi og þingmaður
Sjálfstæðisflokksins, segir að
það sé í senn óréttlátt og óskyn-
samlegt að búa þannig um hnúta
að raforkuverð á landsbyggð-
inni sé niðurgreitt með því að
hækka verðið annars staðar á
landinu. ■
Eftir standa tveir
Howard Dean dró sig í hlé úr baráttu demókrata um að kljást við George W. Bush Bandaríkja-
forseta. John Edwards þykir hafa styrkt stöðu sína með góðum árangri í Wisconsin og
stendur slagurinn nú milli hans og Johns Kerry.
Breskt iðnfyrirtæki:
Afl eykur
hlut sinn
VIÐSKIPTI Fjárfestingarfélagið Afl
hefur eignast yfir fimm prósenta
hlut í iðnfyrirtækinu Low and
Bonar í Bretlandi. Eignarhlutur
Afls í Low and Bonar nemur sam-
tals um 580 milljónum króna að
markaðsvirði.
Óinnleystur hagnaður af við-
skiptum með Low and Bonar nem-
ur um 160 milljónum króna fyrir
skatt.
Low and Bonar birti ársupp-
gjör sitt í morgun sem sýndi góð-
an viðsnúning í rekstri félagsins.
Hagnaður Low and Bonar fyrir
óreglulega liði jókst um 37
prósent milli ára. ■
VINNUVÉLADEILD
Ráðherra bannaði dreifingu margmiðlunardisks með kynlífsfræðslu:
Risu gegn banni ráðherra
KAUPMANNAHÖFN, AP Danskir nem-
endur létu það ekki yfir sig ganga
þegar heilbrigðisráðherrann
ákvað að láta stöðva dreifingu
margmiðlunardisks með kynlífs-
fræðslu. Ráðherranum þótti óvið-
eigandi að dreifa diski til nem-
enda þar sem meðal annars væri
fjallað um kynlíf fleiri en tveggja
einstaklinga og mök manna við
dýr.
Fimmtán og sextán ára nemar
sem voru orðnir leiðir á gömlu og
lélegu kynlífsfræðsluefni sættu
sig ekki við ákvörðun ráðherrans,
náðu sér í nokkurt magn af
fræðsludisknum og dreifðu hon-
um í Kaupmannahöfn. Á honum er
fræðsla um flest það sem tengist
kynlífi.
„Árum saman hefur kynlífs-
fræðsla verið léleg og gamaldags.
Þegar við fáum loksins eitthvað
sem nær til okkar á okkar eigin
máli ætla stjórnvöld að stöðva
það,“ sagði hinn sextán ára
Jonathan Simmel sem dreifði
disknum meðal áhugasamra.
Ein þeirra sem fengu diskinn
með þessum hætti er hin fimmtán
ára Kathrine Lund-Kirkeby. „Allir
unglingar eru áhugasamir,“ sagði
hún. „Það er betra að fá svona
upplýsingar en að fara á Netið og
fá upplýsingar sem við vitum ekki
hversu áreiðanlegar eru.“ ■
Mannfjöldi um áramót:
Fleiri en 290
þúsund
MANNFJÖLDI Íslendingar voru um
síðustu áramót 290.570, sam-
kvæmt þjóðskrá Hagstofu Ís-
lands.
Ári áður voru landsmenn
288.471 og er fjölgunin milli ára
því 0,7 prósent. Þetta er svipuð
fólksfjölgun og ári fyrr en tals-
vert minni fjölgun en næstu ár
þar á undan.
Á höfuðborgarsvæðinu hefur
dregið nokkuð úr fólksfjölgun
hin síðari ár; íbúum þar fjölgaði
nú um 1,1 prósent. Á landsbyggð-
inni var fólksfjölgun aftur á móti
meiri en verið hefur undanfarið
eða 0,2 prósent. ■
FUNDINN
Mohammed Zimam Abdul Razaq var 45.
maðurinn af 55, sem auglýst var eftir með
spilastokkum, sem náðist.
Eftirlýstir:
Listi í stað
spilastokka
BAGDAD, AP Bandaríski herinn í
Bagdad hefur birt lista yfir 32
grunaða forsprakka hryðjuverka-
og andspyrnuhópa í Írak sem þeir
vilja hafa hendur í hári á. Fé er
lagt til höfuð þeirra, mest tæpar
68 milljónir króna fyrir upplýs-
ingar sem leiða til handtöku Mo-
hammed Yunis al-Ahmad, fyrrum
svæðisstjóra Baathflokksins.
Listinn er birtur þegar Banda-
ríkjamenn hafa náð eða fellt 45 af
55 stjórnendum Íraks í valdatíð
Saddams Hussein sem þeir lýstu
eftir, meðal annars með því að
birta myndir af þeim í spilastokk-
um. ■
KALDASTRÍÐSNJÓSNARI HAND-
TEKINN Sænskur maður af ung-
verskum uppruna hefur verið
handtekinn í Þýskalandi, grunað-
ur um tengsl við njósnahring sem
seldi gögn frá Atlantshafsbanda-
laginu og Bandaríkjaher til ung-
versku leyniþjónustunnar á dög-
um kalda stríðsins. Reynist mað-
urinn sekur liggur eins árs fang-
elsi við brotum hans.
■ Evrópa
MIKILL ÁHUGI Á NÝJA EFNINU
Fjöldi unglinga kynnti sér efni margmiðl-
unardisksins umdeilda þegar honum var
dreift af nemum í Kaupmannahöfn.
GUÐMUNDUR ÞÓRODDSSON
Forstjóri Orkuveitunnar telur að raforku-
verð á höfuðborgarsvæðinu muni hækka
um fimmtung vegna nýrra laga.
BÚINN AÐ PAKKA SAMAN
Howard Dean var óþekktur í fyrstu og sigurstranglegastur um tíma en er
nú búinn að vera.
2.162
kjörmanna
markið
608
201
190
106
John F. Kerry
Howard Dean
John Edwards
Aðrir
SLAGURINN UM ÚTNEFNINGUNA
Til að hreppa útnefningu sem forsetaefni demókrata þarf frambjóðandi að tryggja sér 2.161 kjörmann.
JOHN EDWARDS
Öldungadeildarþingmaðurinn frá Norður-Karólínu styrkti stöðu sína í fyrrinótt og vonast til
að njóta góðs af því að baráttan stendur nú milli hans og Johns Kerry.