Fréttablaðið - 19.02.2004, Blaðsíða 18

18 19. febrúar 2004 FIMMTUDAGUR
■ Evrópa
FLÓÐ Í BRASILÍU
Það er ekki hlaupið að því að komast á
milli staða í Maraba í Brasilíu. Flætt hefur
yfir bakka fljótsins Tocantins og hefur
vatnsborðið á svæðinu ekki verið hærra
síðustu tuttugu árin. Fjölmörg heimili eru
nú meira og minna undir vatni og hefur
það leitt til þess að ekki færri en 5.000
manns eru heimilislausir.
Jórdani í gæsluvarðhaldi:
Óvíst um fjölda hjónabandanna
LÖGREGLUMÁL „Við getum ekki
sagt til um hversu mörg slík
hjónabönd megi rekja til þessa
manns. Hann er í gæsluvarð-
haldi og verið er að yfirheyra
hann,“ segir Ingimundur Einars-
son, aðstoðarlögreglustjóri í
Reykjavík, en Jórdani var úr-
skurðaður í gæsluvarðhald síð-
asta föstudag vegna gruns um að
hann hafi stuðlað að svokölluð-
um gervihjónaböndum.
Ingimundur segir að hann viti
ekki dæmi þess að hægt sé að
ógilda hjónaböndin að lögum því
þau séu jafngild og hver önnur.
Hann segir gervihjónabönd ekki
vera réttnefni þar sem tvær
manneskjur hafi gengið í hjú-
skap. „Við erum að reyna að
færa sönnur á að til hjúskaparins
sé stofnað í þeim tilgangi að önn-
ur manneskjan fái annað hvort
atvinnuleyfi eða dvalarleyfi og
síðar búseturleyfi.“ Ingimundur
segir fólk ýmist giftast af ást eða
öðrum ástæðum. Áður fyrr hafi
giftingar vegna sparimerkja ver-
ið nokkuð þekktar.
„Við höfum ekki tilfinningu
fyrir því hvort hjónabönd til að
fá atvinnu- eða dvalarleyfi séu
að færast í aukana því við höfum
aðeins þetta eina tilvik. Hins
vegar er af og frá að þetta sé far-
aldur.“ ■
Eskja á Eskifirði:
Afskráð
úr Kaup-
höllinni
VIÐSKIPTI Haukur Björnsson tók í
gær við starfi framkvæmdastjóra
Eskju af Elfari Aðalsteinssyni,
sem verður starfandi stjórnarfor-
maður. Á hluthafafundi Eskju í
gær var stjórnarmönnum fækkað
úr fimm í þrjá og var félagið jafn-
framt afskráð úr Kauphöll Ís-
lands.
Hólmi ehf. eignaðist eftir yfir-
tökutilboð 92% af heildarhlutafé
félagsins og uppfyllti því ekki
lengur skilyrði til skráningar í
Kauphöllinni. ■
INGIMUNDUR EINARSSON
Ingimundur segir reynt sé að færa sönnur
á að til hjónabandanna sé stofnað til að
önnur manneskjan fái atvinnuleyfi eða
dvalarleyfi.
DÆMDUR BISKUP
Thomas O’Brian mætir í réttarsalinn ásamt
verjanda sínum Tom Henze.
Biskup dæmdur:
Stakk af
frá slysstað
ARIZONA, AP Fyrrum biskup róm-
versk-kaþólsku kirkjunnar í
Phoenix í Arizona, sem ók á gang-
andi vegfaranda með þeim afleið-
ingum að hann lést, hefur verið
fundinn sekur um að hafa stungið
af frá slysstað. Thomas O’Brian
gaf þá skýringu að hann hefði
haldið að hann hefði ekið á hund
eða grjót.
O’Brian er fyrsti kaþólski bisk-
upinn í Bandaríkjunum sem hlýt-
ur dóm en hann á yfir höfði sér
allt að fjögurra ára fangelsi.
O’Brian sagði af sér sem biskup í
Phoenix þegar hann var ákærður
en hann hafði gegnt embættinu í
21 ár. Hann hafði einnig verið sak-
aður um að hylma yfir kynferðis-
afbrot presta safnaðarins. ■
ÚTLENDINGASTOFNUN „Við erum ekki
að vísa þeim úr landi í þeim skiln-
ingi heldur erum við að vinna sam-
kvæmt Dyflinnarsáttmálanum,
sem segir til um hvar menn eiga að
fá meðferð,“ segir Georg Lárusson,
forstjóri Útlendingastofnunar, en
tveir ungir menn frá Sri Lanka sem
komu hingað til lands og sóttu um
hæli í haust verða sendir til Þýska-
lands á næstu dögum.
Georg segir Ísland vera aðila að
Dyflinnarsáttmálanum ásamt hin-
um Schengen-ríkjunum og með því
sé meiningin að tryggja öllum sem
sækja um hæli í einhverju aðildar-
ríkjanna örugga meðferð innan
svæðisins. Hann segir að þegar slík
mál komi inn á borð hjá Útlendinga-
stofnun sé fyrsta verk að senda fyr-
irspurnir til allra aðildarríkja sam-
komulagsins og athuga hvort ein-
hver kannist við fólkið. Þjóðverjar
könnuðust við mennina og höfðu
gefið út vegabréfsáritanir til þeirra,
en einnig höfðu þeir ferðast í gegn-
um Frakkland.
Við komuna til landsins framvís-
uðu mennirnir vegabréfum þar sem
þeir eru sagðir 26 ára gamlir. Sjálf-
ir sögðust þeir sextán og sautján
ára og sögðu vegabréfin vera föl-
suð. Eftir rannsóknir sérfræðinga
bendir allt til að vegabréfin séu
ófölsuð og að þeir séu réttir hand-
hafar þeirra. Einnig var gerð á þeim
læknisrannsókn sem gaf til kynna
að þeir væru eldri en átján ára.
„Þeir hafa aðeins fengið frum-
meðferð hér á landi en Þjóðverjar,
sem gáfu út vegabréfsáritun til
þeirra, eiga gögn um þá og hafa
betri þekkingu til að taka mál þess-
ara manna til meðferðar. Við telj-
um því að þeirra málum sé vel
borgið í höndum Þjóðverja og þeir
munu ekki fá lakari meðferð í
Þýskalandi en þeir fengju hér.
Hvort þeir verða sendir aftur til
síns heima vitum við ekki en þeir
verða ekki frekar sendir af Þjóð-
verjum en okkar því við vinnum
eftir sömu reglum.“
Georg segir mennina hafa kært
til dómsmálaráðuneytisins þann
úrskurð Útlendingastofnunar að
þeir verði sendir til Þýskalands. Þá
hafa þeir einnig kært þá ákvörðun
að synja þeim um frestun á fram-
kvæmdinni á meðan kærumálið
stendur yfir. Dómsmálaráðuneytið
þarf því að bregðast skjótt við hafi
það eitthvað út á úrskurðinn að
setja.
hrs@frettabladid.is
ALÞINGI Þorgerður Katrín Gunn-
arsdóttir menntamálaráðherra
hefur ákveðið að skipa starfshóp
til að fjalla um opinberan stuðn-
ing við skipulag og uppbyggingu á
aðstöðu til fjarnáms utan höfuð-
borgarsvæðisins. Þetta kom fram
í utandagskrárumræðu um sí-
menntunarmiðstöðvar á Alþingi í
gær. Starfshópurinn mun leggja
mat á það hverju opinber stuðn-
ingur hefur skilað og hvernig
skynsamlegast sé að haga honum í
framtíðinni auk þess að fjalla um
hlutverk og fjárhags- og starfs-
grundvöll símenntunarmiðstöðva.
Níu símenntunarmiðstöðvar
eru starfrækar í öllum lands-
hlutum, en þær eru sjálfseignar-
stofnanir og hafa notið fjárfram-
laga á fjárlögum sem nema níu
milljónum króna í ár. Hlutverk
þeirra er að efla símenntun með
því að miðla háskólanámi og
auka samstarf atvinnulífs og
skóla.
Anna Kristín Gunnarsdóttir,
Samfylkingunni, var málshefj-
andi og sagði hún símenntunar-
miðstöðvarnar mikilvægar fyrir
landsbyggðina þar sem fólki væri
gert kleift að mennta sig í sam-
ræmi við breyttan vinnumarkað.
„Síaukin umsvif miðstöðvanna
knýja á um að þeim verði fundinn
formlegur staður í menntakerf-
inu. Það verður að tryggja þeim
stöðu til að sinna af krafti sínu
ómetanlega hlutverki í viðhaldi og
enduruppbyggingu landsbyggðar-
innar,“ sagði Anna Kristín. ■
ALDREI HÆRRI GAGNVART DOLL-
ARA Evran mældist í gær verð-
mætari gagnvart dollara en hún
hefur nokkurn tíma gert áður.
Hún fór yfir 1,29 dollara í gær-
morgun en hafði áður hæst
mælst rétt undir því marki fyrir
rúmum mánuði síðan.
SKAÐAST EKKI Austurrískur pilt-
ur sem drukknaði nærri því þeg-
ar hann var á kafi í ísköldu vatni
í 20 mínútur jafnar sig að öllum
líkindum og verður ekki fyrir
heilaskaða, að sögn lækna hans.
Læknarnir segja kuldann hafa
bjargað lífi piltsins og komið í
veg fyrir heilaskaða.
NÝIR FRAMKVÆMDASTJÓRAR
Framkvæmdastjórn ESB hefur
samþykkt að framkvæmdastjórar
frá nýjum aðildarríkjum taki til
starfa 1. maí. Fyrsta hálfa árið
fást þeir ekki við eigin mála-
flokka heldur fylgjast þeir með
störfum annarra framkvæmda-
stjóra sem fara með ákveðna
málaflokka.
ÞORGERÐUR KATRÍN
GUNNARSDÓTTIR
Menntamálaráðherra hefur ákveðið að
skipa starfshóp til að fjalla um það hvernig
skynsamlegast sé að haga opinberum
stuðningi á aðstöðu til fjarnáms utan
höfuðborgarsvæðisins.
Rætt um símenntunarmiðstöðvar á Alþingi:
Skipulag og framtíðar-
hlutverk verði skoðuð
GEORG LÁRUSSON FORSTJÓRI ÚTLENDINGASTOFNUNAR
Georg segir fyrsta verk Útlendingastofnunar þegar fólk leitar hælis hér á landi að senda fyrirspurn
um fólkið til annarra aðildarríkja Dyflinnarsáttmálans.
Strákarnir frá Sri
Lanka sendir til baka
Tveir ungir menn frá Sri Lanka sem leituðu hælis hér á landi verða sendir til Þýskalands á næstu
dögum. Georg Lárusson, forstjóri Útlendingastofnunar, segir að unnið sé eftir Dyflinnar-
sáttmálanum, sem segir til um hvar þeir eiga að fá meðferð.