Fréttablaðið - 19.02.2004, Blaðsíða 38

Nú, þegar ein og hálf vika er íafhendingu Óskarsverðlaun-
anna er úrvalið orðið einstaklega
gott í bíó og erfitt að gera upp
hug sinn þegar kemur að því að
velja sér mynd til þess að eyða
kvöldinu með. Á morgun bætist
svo ein önnur stórmyndin í hóp-
inn því þá verður kvikmyndin
Cold Mountain frumsýnd. Hún
skartar landsliði Hollywood-leik-
ara í öllum helstu rullum og var
hvergi sparað við gerð myndar-
innar.
Sagan er byggð á frægri bók
Charles Frazier og er ástarsaga
hermannsins W.P Inman (Jude
Law) og sveitablómarósarinnar
Ada Monroe (Nicole Kidman).
Hermaðurinn særist í banda-
rísku borgarastyrjöldinni og
strýkur úr hernum. Hann óttast
um öryggi elskunnar sinnar og
leggur í langan leiðangur heim.
Allt er í hers höndum í Suður-
ríkjunum og ferðalagið því langt
frá því að vera dans á rósum. Á
leiðinni þarf hermaðurinn að
glíma við þræla og hausaveiðara,
hermenn, nornir, óvænta vini auk
þess sem hann er hundeltur af
hættulegum óvinum.
Lífið hjá henni Ödu er heldur
ekkert sérstaklega auðvelt. Hún
berst fyrir því að vernda búgarð
föður síns frá árásum. Henni
berst óvænt hjálp þegar flakkar-
inn Ruby (Renée Zellweger) rat-
ar inn í líf hennar.
Elskendurnir fá styrk af von-
inni um endurfundi sína og neita
að gefa ástina upp á bátinn.
Myndin hlaut sjö tilnefningar
til Óskarsverðlauna og hefur
þegar rakað inn verðlaunum, þá
sérstaklega Renée sem besta
leikkona í aukahlutverki. Hún
hlýtur að teljast líkleg til þess að
fá Óskarsverðlaunin því hún er
þegar komin með stytturnar frá
Bafta og Golden Globe fyrir hlut-
verkið.
Myndinni er leikstýrt af Bret-
anum Anthony Minghella sem er
þekktur fyrir að gera dramatísk-
ar stórmyndir á borð við The
Talented Mr Ripley og The Eng-
lish Patient. Það er því kannski
ekkert undarlegt að leikarar
standi í biðröðum til þess að kom-
ast í hlutverkaprufur hjá honum.
Með önnur hlutverk í myndinni
fara Phillip Seymour Hoffman,
Natalie Portman, Donald Suther-
land og Jack White úr rokksveit-
inni The White Stripes en hann á
einnig lag í myndinni. ■
34 19. febrúar 2004 FIMMTUDAGUR
Hiphopdúettinn Outkast undir-búa nú tökur á sinni fyrstu
bíómynd. Hún kemur til með að
heita Speakerboxx og er unnin
upp úr síðustu plötu þeirra félaga
Speakerboxxx/The Love Below.
Þeir Big Boi og André 3000 verða
auðvitað í aðalhlutverkum.
Leikstjóri myndarinnar Bryan
Barber segist ætla að hefja
vinnslu myndarinnar í maí og lýs-
ir myndinni sem blöndu af The
Color purple og Amelié.
„Myndin gerist á fjórða ára-
tugi síðustu aldar og er söngleik-
ur,“ sagði Barber í viðtali við
Rolling Stone. „Slatti af tónlist-
inni hafði áhrif á atriðin og
slatti af atriðum hafði áhrif á
tónlistina.“
Þeir Big Boi og André eru enn
að semja tónlist fyrir myndina
og verður næsta Outkast breið-
skífa kvikmyndatónlistin úr
myndinni. Á þeirri plötu verða
einhver lög sem eru á meistara-
stykkinu Speakerboxxx/The
Love Below.
„Þetta er fönk tónlist,“ segir
Big Boi. „Eins lengi og það er
fönk í þessu og galdurinn er til
staðar ætlum við að halda áfram
að mala.“
Leikstjórinn Barber er sá hinn
sami og gerði myndböndin við
slagarana Hey Ya! og Way You
Move. Næsta smáskífa verður
Roses og er Barber búinn að skjóta
myndbandið við það lag. ■
Fréttiraf fólki
■ Tónlist
■ Kvikmyndir
OUTKAST
Þeir André 3000 og Big Boi ætla sér
greinilega stóra hluti í lífinu.
Peter Parker: Spider-Man wasn’t try-
ing to attack the city, he was trying to
save it. That’s slander.
J. Jonah Jameson: It is not. I resent
that. Slander is spoken. In print, it’s
libel.
- Ritstjóri Daily Bugle J. Jonah Jameson ver ritstjórnar-
stefnu sína sem snýst oft um það að birta sannleikann
eins og hann einn sér hann.
SPIDER-MAN
Bíófrasinn
Cuban
Salsa
er æði
Lea og Edward koma
aftur og verða með
námskeið 23.-26. febrúar
Innritun daglega kl. 16-22
í síma 551 3129
Takmarkaður fjöldi
„Super“ dans og kennarar
Brautiholti 4
Sími 551-3129
47. starfsár
Unaðsstund með konunni
www.undur.is
MÁLVERK?
Mel Gibson á erfitt með aðtaka þeirri gagnrýni sem
nýjasta mynd hans The Passion
of Christ hefur fengið. Hann seg-
ir að vissir hópar reyni hvað þeir
geti til þess að stimpla hann sem
trúarofsóknarmann. Mynd hans
fjallar um síðustu 12 klukku-
stundirnar í lífi Jesú Krist og
hefur verið harðlega gagnrýnd af
hópi gyðinga sem telur Gibson
vera að halda því fram að það
hafi verið gyðingar sem hafi
valdið dauða frelsarans.
Söngkonan Gwen Stefani úr NoDoubt var ráðin á dögunum til
þess að leika í
nýjustu mynd
Martin Scor-
sese. Sú heitir
The Aviator og
skartar Leon-
ardo DiCaprio í
aðalhlutverk-
inu. Hlutverk
Gwen er þó
ekki stórt en
hún segist
hafa mikinn
áhuga á því að leika í fleiri kvik-
myndum. No Doubt er nú í árs
pásu til þess að Gwen geti startað
frama sínum í Hollywood.
House of Sand and Fog
„Leikarar eru hver öðrum betri og ber sér-
staklega að nefna írönsku leikkonuna
Shohreh Aghdashloo sem tilnefnd er til
Óskarsverðlauna fyrir hlutverk sitt og er vel
að því komin. Myndin er ekki hentug þung-
lyndum eða þeim sem stóla á farsæla
enda. Hins vegar ættu áhugasamir um
dramatískar og grípandi kvikmyndir hiklaust
að skella sér. Góða skemmtun?“ KD
Gothika
„Peningur og bestu fagmenn í bransanum
geta ekki bætt upp fyrir gallað handrit. Það
eru gloppur og gryfjur í söguþræðinum
sem ná að eyðileggja upplifunina. Þegar
nær dregur endanum missir myndin algjör-
lega flugið sem er synd því að flugtakið var
vel heppnað og þjónustan um borð mjög
fagmannleg.“ KD
Lost In Translation
Virkilega hugljúf og manneskjuleg kvik-
mynd. Hún hefur dáleiðandi áhrif, þökk
sé að hluta til frábærri tónlist, og nær að
hrífa áhorfandann með sér í óvenjulegt
og mjög svo skemmtilegt ferðalag. Drífið
ykkur í bíó! KD
Monster
Hér er á ferðinni óslípaður demantur. Lítil
mynd með risastórt og miskunnarlaust
hjarta... Einföld og beinskeytt leikstjórn
Patti Jenkins skilar eftirminnilegri mynd
þar sem Charlize Theron fer með leiksig-
ur. Óskarinn er hennar. KD
Something’s Gotta Give
„Það sem kom mér eiginlega mest á
óvart var hversu fyndin myndin var. Hafði
séð sýnishornið og óttaðist að búið væri
að spila út öllum bröndurunum þar, en
svo er ekki. Fínasta skemmtun.“ BÖS
Big Fish
Glæsilegt ævintýri. Hún fær þig til að
hlæja, gráta og hrífast með. Hreinn unað-
ur frá upphafi til enda. Fimm stjörnur!
BÖS
21 Grams
Þessi mynd er stórkostleg þó hún sé ljót
og hjálpar okkur að skilja mannlega
hegðun. Það er nefnilega auðvelt að
skilja allar ákvarðanir persónanna, þó
þær séu oftast sjúkar og rangar. BÖS
The Haunted Mansion
Sem fjölskyldumynd er þetta ágætis
skemmtun og mun betra en þetta Dis-
neydrasl sem þjóðinni er boðið upp á á
hverjum föstudegi. Það er bara sorglegt
að sjá hvað hefur orðið af Eddie Murphy
og hvernig hann hefur þróast sem grín-
leikari. SS
The Last Samurai
Frábær hrísgrjónavestri sem svíkur ekki
enda gerist myndin í Japan í gamla daga
þegar orð eins og heiður og hugrekki skip-
tu einhverju máli. ÞÞ
Kaldaljós
Hér leikur allt í höndunum á Hilmari, börn,
fullorðnir, tónlist og myndmál, sem skilar
sér í fallegri, fagmannlegri, látlausri, sorg-
legri en fantavel leikinni eðalmynd. ÞÞ
Return of the King
Frábær mynd. Hún gefur þeim fyrri ekkert
eftir og gengur þvert á móti lengra í mikil-
fengleikanum og gulltryggir um leið að
þessi þríleikur Peters Jackson er einstakt
verk í kvikmyndasögunni, algerlega án hlið-
stæðu. ÞÞ
Finding Nemo
Stærsti kosturinn við myndirnar frá Pixar
er vitaskuld að þær skemmta jafnt börn-
um og fullorðnum þannig að það ætti
enginn að vera svikin af þessum sund-
spretti um heimshöfin. ÞÞ
Love Actually
Frábær skemmtun og þörf áminning um
að það er fyrst og fremst ástin og ná-
ungakærleikurinn sem eru haldreipi okk-
ar í sturluðum heimi hryðjuverka og
stríðsátaka. ÞÞ
DÓMAR Í ERLENDUM MIÐLUM
ALONG CAME POLLY
Internet Movie Database 5.7 /10
Rottentomatoes.com 26% = Rotin
Entertainment Weekly B-
Los Angeles Times 2 stjörnur (af 5)
COLD MOUNTAIN
Internet Movie Database 7.4 /10
Rottentomatoes.com 73% = Fersk
Entertainment Weekly B-
Los Angeles Times 3 1/2 stjörnur (af 5)
GOOD BOY!
Internet Movie Database 4.2 /10
Rottentomatoes.com 49% = Rotin
Entertainment Weekly B
Frumsýndarum helgina
Outkast gerir bíómynd
SMS um myndirnar í bíó
HOUSE OF SAND AND FOG
Ben Kingsley og leikkonan Shohreh
Aghdashloo eru bæði tilnefnd til Ósk-
arsverðlauna fyrir leik sinn í myndinni.
COLD MOUNTAIN
Leikkonan Renée Zellweger þykir skara fram úr í Cold Mountain, hún og Jude Law eru
tilnefnd til Óskarsverðlauna fyrir leik sinn.
Hin langa leið heim