Fréttablaðið - 19.02.2004, Blaðsíða 14

14 19. febrúar 2004 FIMMTUDAGUR
BEÐIÐ EFTIR BUSH
Abbie Moss kærir sig kollótta um stöðu
föður síns, Nathans Moss, yfirmanns í
bandaríska hernum. Þeirri stuttu leiddist
greinilega biðin eftir Bush Bandaríkjafor-
seta, sem heimsótti sveitir hersins og
þjóðvarðliðsins í Fort Polk, og stytti sér
stundir við að klípa föður sinn í nefið.
Frumvarp um málefni aldraðra:
Bætir lífskjör
eldri borgara
ALÞINGI Jón Kristjánsson, heilbrigðis-
ráðherra, hefur lagt fram á Alþingi
frumvarp um málefni aldraðra sem
er liður í samkomulagi sem ríkis-
stjórnin og Landssamband eldri
borgara gerðu árið 2002 og fól í sér
margþættar aðgerðir til að bæta að-
stæður og lífskjör eldri borgara.
Þáttur í því samkomulagi var að
breyta hlutverki Framkvæmdasjóðs
aldraðra á þann veg að hann bæri
ábyrgð á því að greiða öldrunar-
stofnunum húsnæðisframlag, eða
leiguígildi sem standa undir kostnaði
við viðhald og fjárfestingu á nýjum
hjúkrunarrýmum.
„Markmiðið er einnig að auka
frumkvæði heilbrigðisyfirvalda
vegna ákvarðana um uppbyggingu
nýrra þjónusturýma. Þetta er brýnt
mál og ég vona að það fái vandaða og
hraða meðferð á þinginu,“ sagði Jón.
Margrét Frímannsdóttir, Sam-
fylkingunni, sagði það jákvætt að
með þessu væri verið að stuðla að
uppbyggingu öldrunarþjónustunnar,
en hafði fyrirvara á öðrum þáttum
frumvarpsins.
„Ég hef verulegar efasemdir um
heimildir til leigugreiðslna og það
hvernig skiptingu milli ríkis og
sveitarfélaga verður háttað í þeim
efnum. Ég hefði talið skynsamlegast
að stíga skrefið til fulls og færa alla
öldrunarþjónustuna annað hvort til
ríkis eða sveitarfélags,“ sagði Mar-
grét. ■
Lögregla hefur forðast fjölmiðlasíðustu daga varðandi rannsókn
á líkfundinum í Neskaupstað. Það
var um miðja síðustu viku að Þor-
geir Jónsson, kafari í Neskaupstað,
fann líkið, nánast fyrir tilviljun.
Hann var að kanna skemmdir á
netabryggjunni þegar hann synti
fram á lík sem var pakkað inn í
plast og íþyngt með bobbingum og
keðjum.
Í fyrstu var fátt vitað, ekki hvert
banamein þess látna var, ekki hver
hann var, ekki var vitað hversu
lengi hann hafði verið í sjó og í raun
það eitt að líkið var illa á sig komið.
Óttuðust kaldrifjað morð
Fréttir frá lögreglu voru frá
upphafi fáar og rýrar. Fjölmiðlar
kepptust við að afla frétta eftir öðr-
um leiðum, enda var mikil eftir-
spurn eftir fréttum af atburðum.
Fréttablaðið talaði við marga og
meðal þess sem blaðið fékk að vita
var að lögregla taldi, eftir að hafa
skoðað líkið og áður en það var
krufið, að framið hefði verið kald-
rifjað morð. Þeir sem höfðu séð lík-
ið voru vissir um það. Stungusár og
aðrir áverkar bentu eindregið til að
maðurinn hefði verið myrtur á
hrottalegan hátt.
Opinberlega var ekkert rætt um
hver grunur lögreglu var. Áfram
héldu fjölmiðlar að reyna að afla
upplýsinga og tókst með ágætum,
þó svo að myndin ætti eftir að skýr-
ast og breytast. Fréttir birtust af
gangi rannsóknarinnar, þar á meðal
að lögreglan vildi athuga með tiltek-
inn bíl, gráan Lancer. Eftir nokkra
daga kom fram að lýsingin á bílnum
var röng og eigandi bílsins gat ekki
tengst málinu á nokkurn hátt.
Breytingar eftir krufningu
Eftir að líkið var flutt til Reykja-
víkur og það krufið tók málið nýja
stefnu. Áfram var leynd yfir gangi
rannsóknarinnar og bráðabirgða-
niðurstöðum úr krufningunni var
haldið leyndum. Fréttablaðið hélt
áfram að afla frétta og fékk traust-
ar heimildir fyrir því að áverkarnir
á líkinu hafi ekki verið banameinið.
Allt benti til að maðurinn hafi látist
vegna þess að hann hafði innbyrt að
minnsta kosti 400 grömm af am-
fetamíni sem hann hafði gleypt í
50–60 skömmtum. Heimildum ber
ekki saman um hvort einhver um-
búðanna hafi gefið sig eiturefnið
þannig komist í blóð mannsins og
dregið hann til bana eða hvort þetta
mikla magn hafi orðið meltingar-
færum mannsins ofviða.
Þeir sem bera ábyrgð á rann-
sókninni hafa ekki fengist til að tjá
sig um þetta frekar en flest annað.
Leitað manna eða ekki
Fjölmiðlum tókst að afla frétta
um að lögregla vildi ná tali af fjór-
um mönnum, tveimur Íslendingum
og tveimur Litháum. Enn og aftur
gáfu stjórnendur ekkert frá sér sem
skipti máli um gang rannsóknarinn-
ar. Heimildir fjölmiðla voru ekki
samhljóma. Allt frá því að mennirn-
ir væru eftirlýstir og til þess að lög-
regla vildi aðeins eiga orð við þá.
Meira kapp setti lögregla ekki í mál-
ið en svo, að þegar mennirnir, sem
höfðu fylgst með fréttum fjölmiðla,
sáu að þeir voru þeir sem átt var við
og gáfu sig fram vissi hluti lögregl-
unnar takmarkað um málið og var
þeim vísað milli embætta. Einu
fréttirnar sem stjórnendur rann-
sóknarinnar sendu frá sér var að
ekki hafi verið gefin út handtöku-
skipun á mennina og að þeim hafi
verið sleppt að lokinni skýrslugjöf.
Þó vantar enn fjórða manninn,
aðeins þrír þeirra hafa gefið sig
fram, Íslendingarnir og annar Lit-
háinn. Fjórði maðurinn er ófundinn
og þó fjölmiðlar hafi fengið ábend-
ingar um að hann sé sá látni hefur
lögregla ekkert sagt um það frekar
en flest annað.
Fréttir að utan
Fjölmiðlar fengu loks fréttir
af rannsókninni, ekki frá Aust-
fjörðum, heldur frá Litháen.
Þarlend lögregla tengist málinu
vegna gruns um að fjórði mað-
urinn sé sá látni, að hinn látni
kunni að vera Lithái. Lögreglu-
menn fóru að heimili manns í
Vilníus, sýndu honum mynd af
hinum látna og tjáðu honum að
sonur hans væri dáinn. Hann
mun ekki hafa kannast við hinn
látna. Við nánari athugun kom í
ljós að maðurinn í Vilníus var
faðir Litháans sem hafði ásamt
tveimur Íslendingum gefið sig
fram hér á landi vegna málsins.
Guðmundur St. Ragnarsson,
lögmaður þremenninganna,
gagnrýndi rannsókn málsins í
Fréttablaðinu í gær.
„Það er skrýtið hvernig hald-
ið er utan um rannsókn málsins
og ljóst að einhver misskilning-
ur er hér á ferðinni,“ segir Guð-
mundur. Hann segir að fréttir
um að annar Íslendinganna
tengdist málinu hafi orðið til
þess að sá maður gaf sig sjálf-
viljugur fram, hann hafi hins
vegar ekki verið eftirlýstur,
handtekinn eða grunaður um
verknaðinn. Í kjölfarið hafi hinn
Íslendingurinn og Litháinn
flækst inn í málið og gefið sig
fram við lögreglu með sama
hætti, en allir hafi þeir fengið að
fara heim til sín að lokinni
skýrslutöku.
Símum ekki svarað
Norskir blaðamenn komu til Ís-
lands vegna málsins þar sem í upp-
hafi voru taldir möguleikar á að
norskir sjómenn tengdust málinu.
Þeir sögðust aldrei hafa kynnst
ámóta vinnubrögðum og hjá lög-
reglunni hér á landi. Sama hvað
reynt var til að ná sambandi við
lögreglu, allt reyndist árangurs-
laust. Símum ekki svarað og dregið
fyrir glugga á lögreglustöðinni.
Nú er búið að rannsaka bíla-
leigubíl sem hugsanlega tengist
málinu, ekki er vitað hvenær frek-
ari niðurstöður krufningar liggja
fyrir.
Eins og fram kemur framar í
blaðinu sá sýslumaðurinn á
Eskifirði, Inger L. Jónsdóttir,
ástæðu í gær til að boða blaðamenn
á sinn fund, réttri viku eftir að líkið
fannst í höfninni. Tilgangur fund-
arins var að upplýsa fjölmiðla og
þar með almenning um gang rann-
sóknarinnar og afhenda teikningar
af hinum látna sem unnar voru eftir
ljósmyndum sem teknar voru af
líkinu. Fátt nýtt kom fram á fund-
inum annað en að hinn látni var 27
ára Lithái. ■
Kúariða:
Fundu nýtt
afbrigði
WASHINGTON, AP Ítalskir vísindamenn
sem hafa rannsakað kúariðutilfelli
hafa fundið nýtt afbrigði kúariðu
sem er mun líkara Creutzfeldt-Jakob
sjúkdómnum, sjúkdómsins sem
berst í menn, en því afbrigði kúariðu
sem venjulega verður vart í kúm.
Vísindamennirnir hafa rannsakað
átta kýr með kúariðu og komust að
því að tvær þeirra eru með afbrigði
sem svipar meira til riðu í mönnum.
Heilaskemmdir í kúnum eru svipað-
ar heilaskemmdum í fólki sem hefur
smitast af Creutzfeldt-Jakob sjúk-
dómnum. Ekki er talið að nýja af-
brigðið auki þá hættu sem steðjar að
fólki. ■
HJÓNAVÍGSLA
Feður hins þriggja ára gamla Declan Fitz-
gerald-Yu gengu í hjónaband í ráðhúsinu í
San Francisco.
Samkynhneigðir í San
Francisco:
Hátt í 3000
hjónavígslur
SAN FRANCISCO, AP Hátt í 3000 sam-
kynhneigð pör hafa gengið í
hjónaband í San Francisco á síð-
ustu sex dögum. Á hverjum degi
hafa hundruð manna látið sig hafa
það að standa klukkutímum sam-
an í röð fyrir utan ráðhúsið til að
missa ekki af tækifærinu til að fá
löggilt hjúskaparvottorð í hend-
urnar.
Lög í Kaliforníu banna gifting-
ar samkynhneigðra en borgastjór-
inn Garvin Newsom ákvað að
hunsa bannið þar sem um væri að
ræða óréttmæta mismunun. Sam-
tök sem fordæma samkynhneigð
hafa leitað til dómstóla til að
reyna að fá úrskurði borgarstjór-
ans hnekkt og því er óvíst hvort
framhald verður á giftingunum. ■
Erlent vinnuafl við
Kárahnjúka:
Stjórnvöld
verji rétt
Íslendinga
IÐNRÉTTINDI Stjórn Félags járniðnað-
armanna gagnrýnir stjórnvöld
harðlega fyrir að láta ítalska fyrir-
tækið Impregilo, undirverktaka
þess og erlendar starfsmannaleigur
komast upp með að ráða eða leigja
til starfa við Kárahnjúkavirkjun er-
lent vinnuafl sem ekki hefur tilskil-
in fagréttindi eða atvinnuleyfi sam-
kvæmt lögum.
Nú eru 555 erlendir starfsmenn
við Kárahnjúka. Margir hverjir
hafa ekki tilskilin réttindi, á sama
tíma og fjöldi Íslendinga er atvinnu-
laus.
Félag járniðnaðarmanna krefst
þess að stjórnvöld standi vörð um
rétt Íslendinga til atvinnu við Kára-
hnjúka og að lögum um iðnréttindi
og atvinnuleyfi sé framfylgt án
undanbragða eins og boðað er á Al-
þingi að gert verði varðandi skatt-
greiðslur Impregilo. ■
MARGRÉT FRÍMANNSDÓTTIR
Þingmaður Samfylkingarinnar fagnaði því
að með nýju frumvarpi heilbrigðisráðherra
um málefni aldraðra væri verið að stuðla
að uppbyggingu öldrunarþjónustunnar.
LÖGREGLA Á NETABRYGGJUNNI Í NESKAUPSTAÐ
Lögregla hefur kosið að vinna verk sín í leyni. Óvenju mikill leyndardómur hefur hvílt yfir gangi rannsóknarinnar.
Baksviðs
SIGURJÓN M. EGILSSON
■ rifjar upp gang rannsóknarinnar
vegna líkfundarins í Neskaupstað.
Leyndardómur
lögreglunnar
Mikil leynd hvílir yfir lögreglurannsókninni vegna líkfundarins í Neskaupstað. Símum
hefur ekki verið svarað og dregið fyrir glugga á lögreglustöðinni. Fréttir af
rannsókninni eru engar og af og til eru sendar fáorðar og innihaldsrýrar tilkynningar.