Fréttablaðið - 20.05.2004, Side 4

4 20. maí 2004 FIMMTUDAGUR
Ertu sátt/ur við fjölmiðlafrum-
varpið í núverandi mynd?
Spurning dagsins í dag:
Fórstu í bíó í vetur?
Niðurstöður gærdagsins
á visir.is
68%
32%
Nei
Já
KJÖRKASSINN
Farðu inn á visir.is og segðu þína skoðun
visir.is
Um tíu sagt upp um mánaðamótin:
Fleiri uppsagnir hjá varnarliðinu
UPPSAGNIR Um tíu íslenskum
starfsmönnum verður sagt upp
störfum hjá flotastöð varnarliðs-
ins nú um mánaðamótin. Fulltrú-
um stéttarfélaga voru kynntar
fyrirhugaðar breytingar á starfs-
liði varnarstöðvarinnar í gær-
morgun. Á annan tug starfsmanna
varnarliðsins var sagt upp störf-
um um síðustu mánaðamót.
Hagræðing í rekstri hefur orð-
ið til þess að störfin verða lögð
niður en í athugun er að nokkur
störf Bandaríkjamanna verði
skipuð íslenskum starfsmönnum
á næstunni. Þá hefur verið aug-
lýst eftir liðlega tíu umsækjend-
um í sumarafleysingar í mötu-
neyti og á skrifstofur og sex iðn-
aðarmönnum í fasta vinnu. Einnig
hafa tuttugu ný störf skapast hjá
nýju fyrirtæki í veitingarekstri á
varnarstöðinni.
Þeim sem sagt verður upp störf-
um um mánaðamótin hafa frá ein-
um og upp í sex mánuði í uppsagn-
arfrest og er þeim heitið aðlögun
við atvinnuleit. Í fréttatilkynningu
frá varnarliðinu segir að uppsagn-
irnar hafi ekki áhrif á skyldur
flotastöðvarinnar né á þjónustu við
varnarliðið. Þá segir að þær snerti
ekki varnarsamning Íslands og
Bandaríkjanna. ■
Börn og unglingar
lágu eftir í blóði sínu
Tíu börn og unglingar hið minnsta létust þegar ísraelskir skriðdrekar
skutu á þúsundir mótmælenda í flóttamannabúðunum í Rafah. Tugir
til viðbótar særðust, flestir þeirra undir átján ára aldri.
GAZA Tíu palestínsk börn og ung-
lingar létu lífið þegar ísraelskir
skriðdrekar skutu á hóp þúsunda
mótmælenda í Rafah-flótta-
mannabúðunum. 50 til viðbótar
særðust í árásinni, flestir þeirra
undir átján ára aldri. 23 voru al-
varlega særð og þrettán í „von-
lausu ástandi“ eftir því sem
embættismaður í palestínska heil-
brigðisráðuneytinu sagði AP-
fréttastofunni.
Nokkrum klukkustundum áður
skutu ísraelskir hermenn fjóra
Palestínumenn til bana, þeirra á
meðal óvopnaðan fjórtán ára pilt.
Þeir sem létust og særðust
tóku þátt í mótmælagöngu sem
var á leið í átt að ísraelskri her-
bækistöð. Þegar fólkið nálgaðist
hana skutu Ísraelar eldflaug á
svæði nærri mótmælendum. Þeg-
ar þeir stoppuðu ekki skutu skrið-
drekar úr fallbyssum og vélbyss-
um. Yfirmenn segja þá hafa mið-
að á nærliggjandi hús og segjast
munu rannsaka málið.
Særðir og látnir voru fluttir á
brott með sjúkrabílum, einka-
bílum og asnakerrum. Læknar
réðu lítið við álagið og þurfti að
leggja marga hinna særðu á gólfið
eftir að rúmin kláruðust. Kallað
þurfti eftir blóðgjöfum svo hjálpa
mætti særðum.
Sjúkrabílar sem fluttu fólk á
sjúkrahús í bænum Khan Younis
töfðust þegar þeir fóru í gegnum
vegartálma Ísraelsmanna og var
skipað af ísraelskum hermönnum
að fara eftir hliðarvegum.
Ísraelsher ákvað að halda
sókninni gegn Palestínumönnum
áfram þrátt fyrir atburðina í gær.
Um 40 Palestínumenn hafa fallið
frá því á þriðjudag.
George W. Bush Bandaríkja-
forseti neitaði að fordæma árás-
ina en sagðist hafa óskað eftir út-
skýringum frá ísraelskum stjórn-
völdum. Tony Blair, forsætisráð-
herra Bretlands, fordæmdi hana
hins vegar. Sama gerði Jose
Rodriguez Zapatero, forsætisráð-
herra Spánar.
Hart var deilt á ísraelska þing-
inu að sögn Jerusalem Post.
„Þetta sýnir að menn þurfa ekki
að vera þýskir til að vera nasist-
ar,“ sagði arabíski þingmaðurinn
Taleb Sanaa. Stjórnarþingmaður-
inn Roni Bar-On sagði þá sem
gagnrýndu Ísraelsher vera á „eft-
ir blóði hermanna okkar“.
brynjolfur@frettabladid.is
SINGH OG GANDHI
Þar til í fyrradag áttu flestir von á að Sonia
Gandhi yrði forsætisráðherra.
Stjórnarmyndun:
Singh mynd-
ar nýja stjórn
INDLAND, AP Manmohan Singh var í
gær útnefndur nýr forsætisráð-
herra Indlands, daginn eftir að
Sonia Gandhi, sem leiddi
Kongressflokkinn óvænt til sig-
urs í þingkosningum, neitaði að
taka við embættinu. Hann mynd-
ar minnihlutastjórn Kongress og
samstarfsflokka.
Singh er sagður arkitektinn á
bak við efnahagsumbætur sem
Indverjar réðust í á síðasta ára-
tug þegar hann var fjármála-
ráðherra. Útnefning hans ætti að
slá á ótta við að hagstjórnin svei-
flist til vinstri. ■
Utanríkisráðherra:
Fordæmir
aðgerðir
Ísraelshers
UTANRÍKISMÁL Halldór Ásgrímsson
utanríkisráðherra
fordæmir árásir
Ísraelshers á
menn og mann-
virki á Gaza-svæð-
inu, að því er fram
kemur í fréttatil-
kynningu frá utan-
ríkisráðuneytinu.
Ráðherra for-
dæmir einkum
dráp og limlest-
ingar á óbreyttum
borgurum, þar
með talið börnum,
og eyðileggingu á
heimilum þúsunda
Palestínumanna, segir enn fremur
í tilkynningunni.
Þá fagna íslensk stjórnvöld
áformum forsætisráðherra Ísra-
els um að leggja niður landtöku-
byggðir Ísraelsmanna á Gaza-
svæðinu og hvetja sem fyrr til
þess að Ísraelsmenn hverfi frá öll-
um hernumdu svæðunum um leið
og öryggi Ísraelsríkis verði
tryggt, segir utanríkisráðherra. ■
Lausir úr haldi:
Játuðu rán á
ræstinga-
manni
LÖGREGLA Tveir menn, 18 og 23 ára,
hafa játað rán á ræstingamanni sem
þeir komu að í innbroti á flugstöðina
á Reykjavíkurflugvelli. Mönnum
var sleppt eftir játningu á mann-
ráninu og innbrotinu og bíða þeir
ákæru.
Mennirnir hafa ekki vísað á þýfið
en þeir stálu tveimur flötum tölvu-
skjám og flötum sjónvarpsskjá. ■
Fyrsti hermaðurinn fundinn sekur um misþyrmingar á föngum:
Fékk eins árs fangelsi
BAGDAD, AP Jeremy Sivits varð í
gær fyrsti bandaríski hermað-
urinn í Írak til að verða fundinn
sekur um að misþyrma föngum.
Fyrir það er honum refsað með
eins árs fangelsisdómi, stöðu-
lækkun og brottrekstri úr hern-
um fyrir slæma hegðun. Refs-
ingin er sú harðasta sem her-
dómstóll gat kveðið upp.
Sivits játaði sök við fjórum
ákærum, táraðist og baðst afsök-
unar á því að hafa tekið myndir
af nöktum íröskum föngum með-
an þeir voru niðurlægðir. „Ég
hefði átt að vernda þessa fanga,
ekki mynda þá,“ sagði Sivits.
Búist hafði verið við því að
Sivits fengi vægari dóm þar sem
hann hafði heitið samstarfi við
saksóknara og kemur til með að
bera vitni í málum sem verða
höfðuð á hendur öðrum her-
mönnum. Saksóknarar fóru hins
vegar fram á að hann yrði beitt-
ur hörðustu refsingum sem völ
væri á. Búist er við að aðrir her-
menn sem verða ákærðir fái
þyngri dóma verði þeir fundnir
sekir. ■
SÆRÐUR DRENGUR BORINN Á BROTT
Palestínumenn flýja svæðið þar sem Ísraelsher skaut á þá og bera með sér þá sem eru of
sárir til að komast sjálfir á brott.
VARNARLIÐIÐ Á KEFLAVÍKURFLUGVELLI
Hugsanlegt er að nokkur störf Bandaríkjamanna hjá varnarliðinu verði skipuð
Íslendingum á næstunni.
HALLDÓR
ÁSGRÍMSSON
Utanríkisráðherra
fordæmir árásir
Ísraelshers á
menn og mann-
virki á Gaza-
svæðinu.
VIÐ RÉTTARHÖLDIN
Myndatökur voru bannaðar meðan á réttarhöldunum stóð en teiknarar hersins sáu fyrir
teikningum af því sem fór fram.
FR
ÉT
TA
B
LA
Ð
IÐ
/T
EI
TU
R
Afkoma í sjávarútvegi:
Ekki bati á
árinu
SJÁVARÚTVEGUR Afkomuhorfur
sjávarútvegsins í heild verða að
mati fjármálaráðuneytisins lakari
á þessu ári en í fyrra, þrátt fyrir
auknar aflaheimildir. Á móti
auknum afla vegur hækkandi
kostnaður, óbreytt fiskverð og al-
mennt lakari rekstrarskilyrði.
Afkoman er misjöfn eftir
greinum sjávarútvegsins. Þannig
er reiknað með að veiðar skili 5,5
prósenta hagnaði af tekjum á
meðan fiskvinnslan verði rekin
með 4,5 prósenta halla af tekjum.
Gert er ráð fyrir að afkoman
verði betri árið 2005, en vinnslan
verði áfram rekin með halla. ■