Fréttablaðið - 20.05.2004, Blaðsíða 8

KÓPAVOGUR Fjöldi íbúða í Lunda-
hverfi fer ekki yfir 384. Tillaga
skipulagsnefndar frá 4. maí var
samþykkt á bæjarstjórnarfundi á
þriðjudag. Gunnar I. Birgisson
lagði fram tillögu um sex íbúða
fjölgun á fimmtudag síðastliðinn
en dró hana til baka á fundinum.
Hann lagði fram nýja breytingar-
tillögu um stöllun húsa neðst í
dalnum sem bæjarfulltrúar Kópa-
vogs tóku tillit til.
Gunnar gagnrýndi harðlega
samkomulag sem hann sagði for-
mann skipulagsnefndar og sam-
flokksmann sinn hafa gert við
Samtökin um betri Lund án aðildar
eiganda svæðisins. Gunnsteinn
Sigurðsson, formaður skipulags-
nefndar, mótmælti því á fundinum
að hann væri aðili að einhverju
samkomulagi. Í viðtali sagðist
Gunnsteinn hafa stýrt samráðs-
ferli. „Mér var það mikið kapps-
mál að það gengi eftir.“
Hannes Þorsteinsson, talsmað-
ur samtakanna um betri Lund, seg-
ir samtökin sátt við lokaniðurstöðu
bæjarstjórnarinnar og finnst sjón-
armiðum sínum hafa verið mætt.
Skipulagið fer nú til auglýsing-
ar í sex vikur þar sem íbúum
Kópavogs gefst kostur á að koma
með athugasemdir. ■
8 20. maí 2004 FIMMTUDAGUR
HVAR ER FRELSIÐ?
Saddam Saleh, fyrrum fangi Bandaríkja-
hers í Írak, vildi fá að vera viðstaddur rétt-
arhöldin yfir fyrsta bandaríska hermannin-
um til að vera dreginn fyrir rétt fyrir að
misþyrma föngum. Því var hafnað.
Náttúruspjöll við Þingvallavatn:
Hafnarstjóri býr til höfn
FRAMKVÆMDIR Hafnarstjóra Reykja-
nesbæjar var gert að stöðva fram-
kvæmdir við bátalægi við sumar-
hús sitt við Þingvallavatn á mánu-
dag. Aðgerðirnar fólust í því að
teknir voru steinar úr klettabelti
við vatnið og tveir litlir hafnar-
garðar útbúnir, að sögn Arinbjarn-
ar Vilhjálmssonar, skipulagsfull-
trúa uppsveita Árnessýslu.
„Þingvallavatn er á náttúru-
minjaskrá og því algjörlega bann-
að að raska fjörunni og brjóta nið-
ur berg,“ segir Sigurður K. Odds-
son, þjóðgarðsvörður á Þingvöll-
um.
Að sögn Arinbjarnar voru
framkvæmdirnar stöðvaðar á
mánudaginn. Daginn eftir hafi
hins vegar komið í ljós að fram-
kvæmdum hafi verið haldið
áfram og hann því ákveðið að fá
lögreglu sér til fulltingis við að
stöðva aðgerðirnar.
„Mér finnst langsennilegast að
honum verði gert að fjarlægja og
lagfæra þarna eins og hægt er,“
segir Arinbjörn. „Þetta eru spjöll í
viðkvæmu landslagi sem erfitt
verður að bæta að fullu.“
„Ég taldi ekki að þetta væru
það stórtækar framkvæmdir að
ég þyrfti að fá leyfi,“ segir Pétur
Jóhannsson, hafnarstjóri Reykja-
nesbæjar. Hann segir skilaboð til
verktaka ekki hafa komist til skila
og því hafi verið haldið áfram
með framkvæmdir þrátt fyrir að
þær hafi átt að stöðvast. Vonast
hann til þess að geta haldið áfram
með framkvæmdirnar að athugun
lokinni. ■
Aðför að sjávarbyggðum
Smábátasjómenn fagna flestir breytingarfrumvarpi sjávarútvegsráðherra um sóknardagakerfið
en margir aðrir telja að gangi það í gegn sé verið að svipta enn fleiri íbúa sjávarbyggða við
Íslandsstrendur lifibrauðinu.
SJÁVARÚTVEGUR „Þetta gefur okkur
færi á að færa okkur yfir í kvóta-
kerfið, sem þýðir að við getum
kannski fengið betra verð fyrir
afurðirnar sem við komum með
að landi,“ segir Vigfús Vigfússon,
smábátasjómaður frá Hornafirði,
en hann gerir út bát sinn á sumrin
frá Vestfjörðum. „Sóknardaga-
kerfið var neikvætt á alla lund og
við gátum okkur hvergi hreyft en
nú gefst það tækifæri og það
heyrist mér að flestir sem ég er í
sambandi við muni flytja sig hið
fyrsta yfir í kvótakerfi.“
Vigfús tekur undir orð fjöl-
margra að með frumvarpi sjávar-
útvegsráðherra sé í raun verið að
leggja núverandi sóknardagakerfi
af, enda sjái hann ekki að aðrir
smábátasjómenn hafi hug að
halda áfram veiðum undir því
kerfi. Frumvarpið var til umræðu
hjá sjávarútvegsnefnd Alþingis í
fyrradag en ágreiningur er í
nefndinni um ýmis atriði. Verður
málið skoðað frekar næstu daga.
Samkvæmt frumvarpinu gefst
aðilum möguleiki á að velja milli
sóknardagakerfis í sömu mynd og
verið hefur en þó með ákveðnum
botni sem miðast við að dagar
verði aldrei færri en 18 á ári
hverju. Hinn möguleikinn er að
flytjast yfir í kvótakerfið og yrði
þá skipt á milli þeirra báta úr
potti sem yrði meðaltalsveiði síð-
ustu þriggja ára þannig að hver
um sig getur valið betra árið af
síðustu tveimur. Þannig fengjust
80 prósent af því sem þeir veiddu
upp að 50 tonnum og 60 prósent af
því sem veitt var fram yfir en
enginn fengi þó minna en 15 tonn.
Jón Kristjánsson, fiskifræð-
ingur og sérfræðingur í sóknar-
dagakerfi Færeyinga, sem þykir
það vel heppnað að bæði Danir og
Bretar hafa skoðað það af athygli,
segir að eina ástæða þess að smá-
bátasjómenn vilji skipta yfir í
kvótakerfið sé að þá gefist mögu-
leiki til að selja kvótann jafnóð-
um. „Þarna er um gulrót að ræða
fyrir trillukarla sem hafa horft
upp á fjölda veiðidaga gufa upp
síðustu árin og eru orðnir lang-
þreyttir. Um leið og þeir fara yfir
í kvótakerfi þurfa þeir aðeins að
bíða þess að eitthvert stórfyrir-
tækjanna kaupi kvótann og þá er
hægt að slaka áhyggjulaust af á
Kanaríeyjum. Á meðan hverfa
trillurnar ein af annarri frá sjáv-
arbyggðum sem þegar eiga í mik-
illi kreppu og í raun er um aðför
að þeim að ræða.“
albert@frettabladid.is
HAFNARGERÐ VIÐ ÞINGVALLAVATN
Hafnarstjóra Reykjanesbæjar var gert að stöðva framkvæmdir við bátalægi við Þingvalla-
vatn, en vatnið er á náttúruminjaskrá.
Fasteignagjöld:
Kröfu synjað
FÉLAGSMÁL Félagsmálaráðuneytið
hefur synjað kröfu aldraðs
manns sem kærði sveitarfélag
sitt fyrir að hætta að veita
öldruðum afslátt af fasteigna-
gjöldum eins og tíðkast hefur
undanfarin 20 ár. Hækkuðu fast-
eignagjöld mannsins til muna á
árinu vegna breytinga hjá sveit-
arfélaginu en afslátturinn varð
tekjutengdur frá árinu 2004. Þar
sem viðkomandi sinnir enn
fullri vinnu skerðist afsláttur
hans sem nemur þeirri hækkun
sem varð á fasteignagjöldum og
því var kæru hans til félags-
málaráðuneytisins vegna máls-
ins synjað. ■
Fjölbreytileiki í lánum:
Óverðtryggð
til langs tíma
LÁNAMARKAÐUR Vöruframboð á lána-
markaði heldur áfram að aukast
og fleiri nýjungar líta dagsins ljós.
Íslandsbanki býður nú tvenns kon-
ar ný lán til fasteignakaupa. Ann-
ars vegar er um að ræða óverð-
tryggð lán til 40 ára og eru lægstu
vextir þeirra 6,6 prósent. Jón Þór-
isson, aðstoðarforstjóri Íslands-
banka, segir að óverðtryggðar
krónur séu tiltölulega ódýrar á
markaðnum og aðgengilegar. „Við
viljum leyfa viðskiptavinum okkar
að njóta þess.“
Íslandsbanki býður einnig lán
til fimm ára þar sem lántakandi
greiðir aðeins vexti á tímabilinu
og lánið allt á gjalddaga. Þau lán
henti einkum ungu fólki, sem oft
sé með mikla greiðslubyrði eftir
stofnun heimilis. ■
Gunnar I. Birgisson dró breytingartillögu um sex íbúða fjölgun til baka:
Íbúðum breytt en ekki fjölgað
GUNNSTEINN SIGURÐSSON
Formaður skipulagsnefndar fékk tillögu
nefndarinnar frá 4. maí samþykkta. Gunnar
I. gagnrýndi samflokksmann sinn
á bæjarstjórnarfundi.
GUNNAR I. BIRGISSON
Tillaga Gunnars um fjölgun íbúða í Lundar-
hverfi hafði valdið óróa meðal bæjarstjórn-
ar og íbúa Kópavogs. Hann dró
tillöguna til baka.
KB BANKI
Bankinn hefur lækkað vexti.
Vaxtabreytingar banka:
KB banki
lækkar
VEXTIR KB banki hefur ákveðið að
lækka fasta vexti verðtryggðra
fasteignalána um 0,30 prósentu-
stig. Grunnvextir þessara lána
verða 5,65 prósent miðað við veð-
setningu innan við 30 prósenta af
markaðsvirði. Fasteignalán á
föstum vöxtum eru til allt að 30
ára og fara endanleg vaxtakjör
eftir veðsetningu. Vaxtaálag á
grunnvexti er á bilinu núll til 2,45
prósent.
Frá því í nóvember 2001 hefur
bankinn lækkað breytilega verð-
tryggða útlánsvexti um 2,30 pró-
sentustig. Á sama tíma hefur
ávöxtunarkrafa 25 ára húsbréfa
lækkað um 1,58 prósentustig. ■
M
YN
D
/A
RN
IN
B
JÖ
RN
V
IL
H
JÁ
LM
SS
O
N
SMÁBÁTAFLOTINN
Sumir sjá fram á að byggðir lands-
ins veikist enn fremur en orðið er
ef trillukarlar sjá sér hag í því að
selja þann kvóta sem þeim gefst
nú aðgangur að.
Lánshæfiseinkunn
ríkisins:
Stöðug og
góð
LÁNSHÆFI Alþjóðlega matsfyrir-
tækið Fitch Ratings staðfesti í
dag lánshæfiseinkunnir Íslands,
AA- fyrir langtímaskuldbind-
ingar í erlendri mynt, AAA fyrir
langtímaskuldbindingar í ís-
lenskum krónum og F1+ fyrir
skammtímaskuldbindingar í er-
lendri mynt. Horfur um breyt-
ingar á matinu eru stöðugar .
Í frétt sinni segir Fitch það
renna stoðum undir matið og
stöðugar horfur að vel hefur
gengið að takast á við ágjafir,
að stofnanir eru faglega vel
búnar, að stefnan í ríkisfjár-
málum hefur verið gætin og
mjög góðar horfur eru á góðum
hagvexti og vexti útflutnings í
kjölfar mikillar fjárfestingar í
álbræðslu. ■