Fréttablaðið - 20.05.2004, Blaðsíða 38

20. maí 2004 FIMMTUDAGUR
– Deilan Mikla –
ókeypis fyrirlestrar
Námskeið í spádómum Biblíunnar
kl. 20.00 í Suðurhlíðarskóla
Fimmtudagur 20. maí:
Þúsund ára friðarríkið
Föstudagur 21. maí:
Kraftaverk antikrists
Sunnudagur 23. maí:
Sagan endar
Mánudagur 24. maí:
Bandaríkin í ljósi spádómannna
Þriðjudagur 25. maí:
Merki dýrsins
Oh Ooh, Oh Ooh...
hér kemur Lumidee
Það er ómögulegt að heyra slagaraLumidee, lagið Never Leave You
(Oh Ooh, Oh Ooh), án þess að það
límist innan á heilabörkinn. Það
nægir eiginlega bara að það rétt
heimsæki hugann til þess að maður
fari að raula það í tíma og ótíma,
samstarfsfélögum mínum til blend-
innar ánægju.
Lagið gerði allt vitlaust í septem-
ber í fyrra á PoppTívi og FM957 og
skreið hæst upp í 3. sæti Íslenska
listans. Lagið varð vinsælt um allan
heim og í kjölfarið gaf stúlkan út
fyrstu sólóplötu sína, Almost
Famous, sem seldist vel í Bandaríkj-
unum. Þegar Fréttablaðið náði í hana
var hún stödd í New York, nýkomin
úr heljarinnar umferðarhnút, á leið-
inni í hljóðverið þar sem hún vinnur
að næstu breiðskífu.
Lumidee kemur fram á næstu
Shockwave-hátíð Broadway á laug-
ardagskvöldið.
Umhverfið hefur áhrif
Lumidee er fædd og uppalin í
spænska hluta Harlem-hverfisins í
New York.
„Þetta hverfi er í Harlem og það
er kallað þetta vegna þess að fyrir
mörgum árum bjó þarna mestmegn-
is fólk af spænskum og suður-amer-
ískum ættum. Áhrif þess eru þarna
enn í dag en núna býr þarna alls kyns
fólk af öllum kynþáttum,“ útskýrir
Lumidee kurteisislega fyrir fáfróð-
um blaðamanninum.
Nú já? Og heldurðu að hverfið hafi
einhver áhrif á tónlistina þína?
„Já, ég hugsa það. Þarna ólst ég
upp og þarna lenti ég í öllu sem ég
sem um. Tónlistin mín fram til þessa
hefur fjallað um fólkið í hverfinu og
það líf sem ég lifði þegar ég bjó þar.
Þannig held ég að hverfið hafi haft
gífurleg áhrif á tónlistina mína.“
Er það satt að þú hafir verið byrj-
uð að syngja þegar þú varst 12 ára
gömul?
„Reyndar hef ég rappað frá því
að ég var 12 ára. Ég byrjaði snemma
á því að semja ljóð og um það leyti
byrjaði ég að rappa örlítið. Svo lang-
aði mig til þess að semja lög utan um
rappið mitt og það var ekki fyrr en
þá sem ég byrjaði að syngja. Þess
vegna segi ég alltaf að ég hafi verið
rappari áður en ég varð að söng-
konu.“
En í dag, ertu meiri rappari en
söngvari?
„Ég er bæði. En samt þegar ég
syng þá finnst mér það vera örlítið
eins og að rappa. Ég er ekki að gera
neitt öfgafullt, eins og að reyna við
fáránlega háar nótur. Ég syng bara
einfaldar og góðar sönglínur sem
ríma. Ég álit mig í raun vera meiri
höfund en nokkurn tíma söngkonu
eða rappara. Fyrir mér snýst þetta
um lagasmíðarnar og hvernig lögin
enda á plötunum.“
Frægðin kom allt of hratt
Þegar hlutirnir byrjuðu að rúlla
hjá þér í fyrra gerðist þetta allt mjög
hratt.
„Já, allt of hratt,“ segir hún og
hlær. „Þetta var allt, allt of hratt. Ég
var bara... vá, hvað er að gerast?
Maður reynir að vera í takt við allt
saman en stundum fannst mér eins
og ég gæti ekki fylgt lestinni eftir.
Þetta var algjör blessun fyrir mig.“
Og er búið að vera erfitt fyrir þig
að aðlagast frægðinni?
„Já, ég verð að viðurkenna að það
var mjög erfitt. Það var fullt af hlut-
um sem ég bara vissi ekkert um á
sama tíma og ég átti að vera að fram-
kvæma þá. Ég kunni til dæmis eigin-
lega ekkert að koma fram á tónleik-
um. Lagið varð strax svo rosalega
vinsælt og ég var ekki einu sinni
komin með plötusamning. Allt þetta
sem þarf að gera, fara í útvarpið,
gera myndband fyrir sjónvarpið og
svoleiðis, var alveg nýtt fyrir mér.
Ég var bara stelpa úr Harlem, inni í
herbergi daginn áður, skilurðu?
Þetta var alveg yfirþyrmandi en
hægt og rólega lærir maður. Ég
fylgdist með öðru fólki og lærði
hvernig á að spila leikinn. Ég er búin
að læra fullt. Í dag er ég líklegast tíu
sinnum sterkari en ég var á þessum
sama tíma í fyrra.“
Hvernig endaði Busta Rhymes á
laginu þínu?
„Lagið varð fyrst vinsælt á út-
varpsstöðvunum hérna í New York.
Það var gefið út af lítilli útgáfu og
mikið spilað. Stöðvarnar fengu fullt
af símhringingum frá fólki sem vildi
vita hvað þetta væri og Busta var
einn þeirra sem hringdu. Ég var
akkúrat á staðnum í viðtali þegar
hann hringdi. Við spjölluðum og
hann spurði hvort hann mætti ekki
rappa ofan á lagið ef við gerðum
aðra útgáfu af því. Ég trúði þessu
varla, þetta var allt að gerast svo
rosalega hratt, þetta var bara algjör
geðveiki.“
Varstu þá aðdáandi hans áður en
hann hringdi?
„Já, algjörlega. Ég táraðist eigin-
lega yfir því að allt þetta fólk vildi
vinna með mér. Þetta var bara alveg
nááákvæmlega eins og ég vildi. Þetta
var algjör blessun.“
Svo hefurðu örugglega hitt fullt af
frægu fólki eftir það?
„Já, eiginlega alla sem maður sér
í sjónvarpinu en býst aldrei við að
hitta. Margir þeirra hafa svo kanns-
ki verið að spila á sömu tónleikum og
ég. Þetta er búið að vera algjör geð-
veiki. Ég er búin að hitta svo marga
fræga og svo kemst maður að því að
þetta er bara venjulegt fólk, eins og
þú og ég. Ég horfði upp til þeirra
sem ósnertanlegra stjarna en þetta
er bara venjulegt fólk.“
„Ég er í alvörunni að koma“
Lumidee hefur síðustu mánuði
ferðast mikið til Evrópu þar sem lag-
ið hennar sló í gegn og byrjaði ný-
lega að vinna að næstu plötu. Hún
segist ætla að auka hiphop-áhrifin á
plötunni og hlakkar til að leyfa heim-
inum að heyra í sér aftur.
Hún virðist mjög þakklát fyrir
velgengni sína og frétti af velgengni
lagsins hér á landi fyrir skemmstu.
„Þess vegna er það mín skylda að
koma og halda tónleika,“ segir hún.
„Líka til þess að kynna hin lögin mín
fyrir fólki. Ég reyni bara að setja
upp gott sjó til þess að skemmta
fólki. Ég verð bara í einn dag á Ís-
landi, vonandi koma bara allir.“
Vissir þú eitthvað um Ísland áður
en þú varst beðin um að koma hing-
að?
„Já, já... ég gerði það,“ segir hún
og hlær lengi. „Þetta er mjög lítið
land, er það ekki?“
Jú, það er óhætt að segja það.
„Ég var í viðtali við eina útvarps-
stöðina ykkar áðan og þeir sögðu
mér að fólk væri að hringja inn og
það tryði því ekki að ég væri að
koma. Þeir sögðu að tónlistarmenn
eins og ég kæmu vanalega ekki.
Bara svo að þið vitið það, þá er ég
raunverulega að koma og ég vona að
þið mætið öll til þess að við getum
skemmt okkur saman.“
Hvernig er svo sjóið þitt?
„Ég mæti með plötusnúðinn
minn, dansara og einn rappara. Við
erum úti um allt á sviðinu en ég
dansa nú ekki mikið. Ég læt dansar-
ana mína bara sjá um það. Þeir fara í
heljarstökk og allt svoleiðis. Þetta er
bara kröftug sýning beint úr hjarta
New York borgar. Þið fáið að heyra
Lumidee rappa.“
Heyrðu, einn aðdáandi hérna
vildi vita hvort þú værir gift? Ég lof-
aði að spyrja.
„Nei, ég er ekki gift,“ svarar hún
og hlær lengi. „...nei, ég er ekki gift.“
Hann verður þá ánægður að
heyra það.
„Allt í lagi.“
Takk og bless.
biggi@frettabladid.is
TÓNLIST
LUMIDEE
■ Bandaríska R&B-söngkonan spjallaði
við Fréttablaðið um feril sinn og væntan-
lega Shockwave-tónleika sína
á Broadway á laugardag.
LUMIDEE
Söngkonan Lumidee er rétt orðin tvítug og hefur þegar átt einn stærðarinnar slagara um
allan heim. Syngur fyrir íslenska R&B-aðdáendur á Broadway á laugardagskvöldið.