Fréttablaðið - 20.05.2004, Blaðsíða 14

14 20. maí 2004 FIMMTUDAGUR
LÍTT SKEMMT
Það var ekki að sjá á Ljúdmílu Pútín, eigin-
konu Rússlandsforseta, að hún skemmti
sér vel við athöfn í Kirkju hinnar heilögu
þrenningar í útjaðri Moskvu. Kirkjan er
næststærsta kirkja Rússlands.
Ný skýrsla Amnesty International:
Eyðilegging heimila
stríðsglæpur
JERÚSALEM, AP Með eyðileggingu
palestínskra heimila hafa Ísraels-
menn gerst sekir um stríðsglæpi,
að mati mannréttindasamtakanna
Amnesty International. Ísraels-
menn hafa lagt þúsundir heimila á
vesturbakka Jórdanar og Gaza-
svæðinu í rúst.
Í skýrslu Amnesty Inter-
national segir að eyðileggingin sé
alvarlegt brot á Genfarsáttmálan-
um og hvetja samtökin því Ísra-
elsmenn til þess að stöðva aðgerð-
irnar strax.
Í skýrslunni segir að Ísraels-
menn hafi eyðilagt meira en 3000
palestínsk heimili síðan átökin
brutust út fyrir rúmum þremur
árum. Auk þess segir að um 10%
af ræktarlandi Gaza-svæðisins
hafi verið eyðilögð og meira en
226.000 tré rifin upp með rótum.
Javier Solana, utanríkisfulltrúi
Evrópusambandsins, fordæmdi í
gær aðgerðir Ísraelsmanna á
Gaza-svæðinu þar sem þær brjóti
algjörlega í bága við vegvísi til
friðar. ■
Styrkbeiðni sem
greiðslukrafa
Vegna tæknilegra örðugleika kemur styrkbeiðni frá SÁÁ fram sem
greiðslukrafa í netbanka fyrirtækja. Kurr í aðildarfyrirtækjum
Samtaka verslunar og þjónustu.
FJÁRÖFLUN Kvartanir hafa borist
frá fyrirtækjum vegna nýrrar
fjáröflunarleiðar SÁÁ. Söfnunin
fer fram með þeim hætti að styrk-
beiðni frá SÁÁ birtist í netbanka
fyrirtækja sem eru með bankavið-
skipti sín á netinu. Svo virðist hins
vegar sem tæknilegir örðugleikar
valdi því að í öllum heimabönkum
nema einum kemur styrkbeiðni
SÁÁ fram sem greiðslukrafa
ásamt öðrum ógreiddum kröfum
en ekki sem valkvæð krafa. Þetta
mun hafa valdið því að einhver
fyrirtæki hafa greitt til SÁÁ vegna
þess að þau töldu sér það skylt.
Samtök verslunar og þjónustu
gerðu í fyrra athugasemd við sams
konar fjáröflun af hálfu SÁÁ og
komu þessir aðilar sér saman um
það þá að standa framvegis að mál-
um með öðrum hætti. Emil B.
Karlsson hjá Samtökum verslunar
og þjónustu sagði við Fréttablaðið
að aðildarfyrirtæki samtakanna
hefðu kvartað yfir þessari söfnun
SÁÁ. „Þó að málefnið sé gott og
þarft teljum við að þetta sé óaf-
sakanleg leið til fjáröflunar,“ sagði
Emil. Hann sagði einnig að kvartað
hefði verið yfir því að enginn
greiðsluseðill eða bréf hefði borist
til fyrirtækja frá SÁÁ til útskýr-
ingar á þessari kröfu.
Ásgerður Björnsdóttir, fram-
kvæmdastjóri fjármálasviðs SÁÁ,
sagði að um tæknilega örðugleika
væri að ræða. „Við erum að taka í
notkun nýtt kerfi, svokallaðar val-
greiðslur, en því miður kemur
þetta fram hjá öðrum netbanka-
notendum en KB banka eins og
aðrir ógreiddir reikningar. Við
biðjumst velvirðingar á þessum
örðugleikum og munum að sjálf-
sögðu endurgreiða þeim sem
greiða okkur fyrir misskilning
eða mistök,“ sagði Ásgerður.
Hún sagðist harma að bréf sem
SÁÁ sendu út, þar sem fyrirtækj-
um er greint frá söfnuninni,
skyldi ekki hafa borist áður en
söfnunin hófst. Söfnunin hófst
fyrir helgi en bréfið mun ekki
hafa borist fyrirtækjunum fyrr
en í gær. „Við vinnum nú að lausn
málsins ásamt tæknimönnum
bankanna og vonandi finnst lausn
sem fyrst,“ sagði Ásgerður.
borgar@frettabladid.is
BORGARSTJÓRI VERÐI KÆRÐUR
Ríkissaksóknari Mexíkó hefur
farið þess á leit við mexíkóska
þingið að friðhelgi verið létt af
Lopez Obrador, borgarstjóra í
Mexíkóborg. Obrador er sakaður
um spillingu í tengslum við lóða-
úthlutun.
■ NORÐUR-AMERÍKA
Yfirtaka á Lífi:
Fyrirtækið
afskráð
VIÐSKIPTI Fjárfestingarfélagið At-
orka hefur eignast tæp 70 prósent
í Lífi, sem áður hét Lyfjaverslun
Íslands. Í kjölfarið verður öðrum
hluthöfum gert yfirtökutilboð.
Styrmir Þór Bragason fram-
kvæmdastjóri hjá Atorku segir
ástæðu þessa að verðmyndun og
hreyfing á bréfum Lífs hafi verið
lítil. Atorka hafi verið stór hlut-
hafi og metið það svo að best væri
að taka fyrirtækið yfir að fullu.
Tilboðið hljóðar upp á skipti á
bréfum í Atorku, þannig að núver-
andi hluthafar Lífs munu áfram
eiga hlutdeild í afkomu félagsins
til framtíðar. Tilboðið er töluvert
hærra en gengi bréfa Lífs hefur
verið viðskiptum í Kauphöllinni
að undanförnu. ■
Reykjanesbær:
Afkoma
bæjarsjóðs
batnar
REYKJANESBÆR Hagur Reykjanes-
bæjar hefur vænkast talsvert að
undanförnu þrátt fyrir að 30 millj-
ón króna tap hafi verið á rekstri
bæjarsjóðs árið 2003.
Það er engu að síður mun betri
afkoma en búist var við. Skýringa
má helst leita í sölu á eignum bæj-
arins en tæpar 900 milljónir feng-
ust með þeim hætti. Skuldir á
hvern íbúa hafa lækkað um 127
þúsund krónur milli ára, úr 515
þúsundum í 388 þúsund krónur. ■
REYKJANESBÆR
Skuldir á hvern íbúa hafa minnkað
til muna.
FJÁRÖFLUN SÁÁ
Hin árlega álfasala SÁÁ stendur nú sem hæst en kurr er í forsvarsmönnum fyrirtækja sem fengið hafa
greiðslukröfur sendar óumbeðnar frá SÁÁ.
EYÐILEGGING
Palestínskur drengur stendur við hlið húss sem eyðilagt var í aðgerðum ísraelska hersins.
Dýr réttur:
75.000 króna
eggjakaka
NEW YORK, AP Það er ekki sama
eggjakaka og eggjakaka. Að því
hafa viðskiptavinir veitinga-
staðarins Norma á Le Parker
Meridien hótelinu á Manhattan í
New York komist. Þar er boðið
upp á eggjaköku sem kostar and-
virði um 75.000 króna.
„Ég trúði ekki að þetta væri
verðið þegar ég sá 1000 á matseðl-
inum, ég hélt að þetta væru hita-
einingarnar,“ sagði einn við-
skiptavinur staðarins, Virgina
Marnell.
Eggjakakan inniheldur egg,
humar og tæp 300 grömm af rán-
dýrum kavíar. ■
Efnahagsmál:
Vöxtur
í Japan
TÓKÝÓ, AP Landsframleiðsla í Jap-
an óx um 1,4 prósent á fyrsta
fjórðungi þessa árs. Þetta er átt-
undi ársfjórðungurinn í röð sem
hagvöxtur er jákvæður í Japan.
Þessi vöxtur samsvarar 5,6 pró-
senta hagvexti á ársgrundvelli.
Aukinn útflutningur og einka-
neysla eru talin undirstaða hag-
vaxtarins og eru vísbendingar um
að rúmlega áratugslangri efna-
hagskreppu í Japan kunni að vera
að ljúka. Japan er næststærsta
hagkerfi í heimi, á eftir Banda-
ríkjunum. ■
STJÓRNIN HÉLDI VELLI Sænskir
jafnaðarmenn og samstarfsflokk-
ar þeirra í ríkisstjórn fengju 54%
atkvæða ef kosið yrði nú, sam-
kvæmt skoðanakönnun í Svenska
Dagbladet. Jafnaðarmenn fengju
38% en stærsti stjórnarandstöðu-
flokkurinn, Hægriflokkurinn,
tæplega 21%.
■ NORÐURLÖND