Fréttablaðið - 20.05.2004, Blaðsíða 48

SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 550 5000 www.finna.is
Sýnilegir og
ósýnilegir
sprellikarlar
Íslendingar eru náttúrlega brandara-karlar. Þó flestar fréttir séu upp til
hópa hrútleiðinlegar koma af og til
svona guðdómleg augnablik eins og
Robertino í fanginu á Óttari Felix
Haukssyni. Einhver sem setti upp
fýlusvip þegar Eivör hin færeyska
fékk íslensk tónlistarverðlaun stakk
upp á því að Robertíno myndi syngja
fyrir Íslands hönd í næstu júróvísjón-
keppni. Af hverju ekki? Hann er bú-
inn að fá íslenska gullplötu og ef hann
þarf að vera íslenskari gæti Óttar
Felix bara ættleitt hann.
EN ÞAÐ ÞÝÐIR víst lítið að láta sig
dreyma um að Robertínó bjóði okkur í
bíó með ó sole míó, þar sem karlgarm-
urinn er víst með öllu, ja kannski ekki
laglaus, en alla vega hljómlaus þegar
hér er komið sögu. En mér finnst
þetta samt svo sniðugt hjá honum Ótt-
ari Felix að ég held hann ætti að halda
áfram á sömu braut. Er ekki orðið
óttalega langt síðan við sáum krullu-
hausinn hana Shirley Temple? Eða
hvað varð um Nancy Sinatra? Ég sá
hana að vísu í einhverjum þætti sem
var gerður til þess að afsanna það að
Frank Sínatra hefði nokkuð verið
tengdur mafíunni, og þar var hún
komin með svo mikið silíkon í varirn-
ar að það var eins og hún væri að
byrja að klappa í hvert sinn sem hún
lokaði munninum. Reyndar gat hún
ekki lokað honum alveg því strekking-
ur til beggja handa var svo mikill að
það var eins og einhverjir ósýnilegir
sprellikarlar hefðu komið fyrir regn-
hlífum í munnvikum hennar og tog-
uðu svo til beggja átta.
ÞVÍ MIÐUR er þessi dómadagsdella
orðin nokkuð útbreidd hérlendis líka,
það er að láta teygja sig og strekkja
og þurfa svo að vera með blautan klút
í veskinu til að strjúka yfir tennurnar
af og til því þær þorna auðvitað á því
að skaga svona fram og út án þess að
komast nokkurn tíma í skjól í lokuð-
um munni.
JÁ, sem betur fer er hér mikið til af
brandarakörlum og -kerlingum, ann-
ars væri þetta allt ömurlegt. Tveir
brandarakarlar, sem stundum fara
með gamanmál sem áheyrendur eiga
erfitt með að skilja, hafa til að mynda
verið mest í fréttum upp á síðkastið.
Báðir svolítið á línunni hennar
Shirleyjar Temple hvað hárgreiðsluna
varðar en annars kannski frekar líkir
vörunum á Nancy Sinatra, það er, ekki
alveg í réttu samhengi við heildina.
ELÍSABETAR BREKKAN
BAKÞANKAR