Fréttablaðið - 19.03.2004, Blaðsíða 8
8 19. mars 2004 FÖSTUDAGUR
■ Evrópa
Búinn að fá nóg?
„Ég hef aldrei verið jafnlengi
á Suðurlandi og núna, ég er
búinn að vera viku í Vík.“
Þorsteinn Már Baldvinsson, Morgunblaðið
18. mars.
Sex strengja....
„Ef mér tekst að spila eitt lag
villulaust ætla ég að kaupa
bjór á línuna. Þetta er alls
ekki kommersíelt.“
Guðlaugur Óttarsson gítarleikari, DV 18.
mars.
Passa sig!
„Þegar ég ætlaði að sýna síð-
asta gestinum grísinn var
hann horfinn og í hans stað lá
á gólfinu skinkubréf og skila-
boð sem á stóð; svona verður
þú ef þú hættir ekki að
borða.“
Heimir Karlsson, Fréttablaðið 18. mars.
Orðrétt
Seðlabankinn um hlutabréf:
Ástæða til varúðar
HLUTABRÉF Frá því að Seðlabankinn
lýsti yfir efasemdum um hluta-
bréfaverð í nóvember hefur það
hækkað um þriðjung. Þá var bent á
að virði félaganna deilt með hagn-
aði væri ekki fjarri sögulegu meðal-
tali. Nú hefur það hlutfall hækkað
og bankinn ítrekar efasemdir um að
hlutabréfaverð standi föstum fótum
í hagnaðarhorfum og vaxtarmögu-
leikum íslenskra fyrirtækja.
Seðlabankinn segir að tiltölulega
fáir virðist standa á bak við aukna
eftirspurn eftir innlendum hluta-
bréfum. Einstaklingar hafi dregið
úr þátttöku sinni á markaðnum. Þá
hafi lífeyrissjóðir selt meira en þeir
keyptu af innlendum bréfum. „Að
verulegu leyti virðist vera um
skuldsett hlutabréfakaup að ræða
með þátttöku innlendra fjármála-
stofnana,“ segir í Peningamálum,
ársfjórðungsriti Seðlabankans.
Seðlabankinn segir þessa þróun
gefa tilefni til að gæta aukinnar var-
úðar í viðskiptum með hlutabréf.
Fáir kaupendur hreyfi markaðinn og
innbyrðis tengsl séu á milli þeirra. ■
HEIMSÓKN „Við áttum hér ágætis
fund í konungshöllinni í Ósló og
niðurstaða hans varð sú að Hákon
krónprins Noregs og Mette-Marit
krónprinsessa koma í opinbera
heimsókn til Íslands dagana 28.-
30. júní í sumar. Það verður í
fyrsta skipti sem þau koma til Ís-
lands,“ sagði Ólafur Ragnar
Grímsson, forseti Íslands, að
loknum fundi með krónprinsinum
í gær.
H e i m s ó k n
Hákonar og
Mette-Marit er
að sögn Ólafs
Ragnars mjög í
anda þeirra
l a n g v a r a n d i
tengsla sem
verið hafa milli
Íslands og Nor-
egs og felur í
sér skilaboð um
hve Norðmenn
telja mikilvægt
að rækta sam-
bandið við Ís-
land. Ólafur
Ragnar segir að
krónprinsinn og
prinsessan séu
mjög áhugasöm um Ísland.
„Þau hafa mikinn áhuga á því
að heimsækja hinar gömlu sögu-
slóðir sem tengjast Snorra í
Reykholti, Alþingi og öðrum
merkum köflum í sögu Íslands og
Noregs en líka nútíma Íslandi, at-
vinnulífi, listalífi og áhugasvið-
um ungrar kynslóðar á Íslandi.
Ég er mjög ánægður með að það
hafi tekist að koma þessari heim-
sókn í kring því það er auðvitað
úr mörgu að velja hjá þessu góða
fólki og það eru ákveðin og sterk
skilaboð í því fólgin að Íslandi
skuli veittur þessi forgangur,“
sagði Ólafur Ragnar Grímsson.
Hákon krónprins gegnir störf-
um þjóðhöfðingja Noregs í veik-
indaforföllum Haraldar föður
síns.
„Ég ræddi einnig við drottn-
inguna smástund og sem betur
fer er Haraldur mjög að hressast
og hefur átt ágæta dvöl á heitum
slóðum og hefur fengið mikla
orku og styrk. Það er því búist
við því að hann geti tekið við sín-
um störfum eftir einhvern tíma,“
sagði forsetinn.
Megintilgangur heimsóknar
Ólafs Ragnars til Noregs var að
flytja minningarfyrirlestur í Há-
skólanum í Bergen um Stein
Rockan.
„Hann var einn helsti félags-
vísindamaður veraldar á sínum
tíma og tvímælalaust einn
fremsti félagsvísindamaður sem
Norðurlönd hafa átt. Ég var eigin-
lega nokkuð snortinn og mat það
mikils út frá mínum gamla fræði-
lega vettvangi að vera boðið að
flytja þennan fyrirlestur. Þegar
ég var ungur námsmaður kynnt-
ist ég Stein Rockan og hann hafði
mikil áhrif í þá veru að ég lagði
stjórnmálafræðina fyrir mig og
ákvað að stunda rannsóknir á ís-
lenska stjórnkerfinu, sem síðan
urðu uppistaðan í doktorsritgerð
minni og kennslu við Háskóla Ís-
lands,“ sagði Ólafur Ragnar
Grímsson.
the@frettabladid.is
Forseti Póllands:
Við vorum
blekktir
VARSJÁ, AP Aleksander Kwasni-
ewski, forseti Póllands, gagn-
rýndi í gær Bandaríkjamenn og
Breta fyrir að beita blekkingum
um gjöreyðingarvopn Íraka til
að fá fleiri þjóðir til að styðja
innrás í Írak. Kwasniewski
nefndi hvorugt ríkið en sam-
hengið var augljóst af orðum
hans.
„Ég held að Írak án Saddams
Hussein sé sannarlega betra en
Írak undir stjórn hans,“ sagði
forsetinn. „En mér finnst það að
sjálfsögðu óþægilegt að við vor-
um blekktir með upplýsingum
um gjöreyðingarvopn.“ ■
SAMEIGINLEGAR HERÆFINGAR
Bandaríkjamenn og Suður-Kóreumenn eru
að hefja sameiginlegar heræfingar.
Norður-Kóreustjórn:
Afvopnun
þýðir stríð
NORÐUR-KÓREA, AP „Það sem gerðist í
Írak sýnir fram á að ef við myndum
samþykkja að afvopnast á grundvelli
óréttláts vopnaeftirlits myndi það
ekki koma í veg fyrir stríð heldur
opna fyrir möguleikann á því,“ sagði í
yfirlýsingu Norður-Kóreustjórnar
sem var lesinn upp í þarlendum fjöl-
miðlum í gær.
Norður-Kóreustjórn segir að ef
hún hætti við að koma sér upp kjarn-
orkuvopnum yrði það til að auka
hættuna á því að Bandaríkin gerðu
innrás. Ekkert samkomulag náðist
um kjarnorkuvopn Norður-Kóreu-
manna á sex ríkja ráðstefnu í síðasta
mánuði. ■
HAWKING YFIRHEYRÐUR Breska lög-
reglan hefur yfirheyrt vísindamann-
inn Stephen Hawking vegna meints
ofbeldis sem talið er að hann hafi
sætt. Grunur vaknaði um ofbeldið
eftir að hann var fluttur á sjúkrahús
með brotinn úlnlið og skurði sem
engin skýring fékkst á. Sjálfur hefur
Hawking vísað því á bug að hann hafi
verið beittur ofbeldi.
SEKTUÐ FYRIR KLÁMIÐ Rúmenskri
sjónvarpsstöð hefur verið gert að
greiða hæstu sekt í sögu rúmenskra
sjónvarpsstöðva fyrir að sjónvarpa
nektaratriðum og klámfengnum
samræðum í raunveruleikaþættinum
Big Brother. Nektaratriðin voru
myndir sem teknar voru af þátttak-
endum í sturtu.
Hátíðartilfinning
með vélarafli
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
T
O
Y
2
40
32
03
/2
00
4
Áhyggjulaus og örugg bílaviðskipti - Strangt skoðunarferli, 14 daga skiptiréttur,
ókeypis skoðun eftir 1000 km, allt að 1 árs ábyrgð.
Skoðaðu úrvalið á Nýbýlavegi 4, á www.toyota.is eða hringdu í 570 5070.
Honda Legend
Fyrst skráður: 06.2000
Ekinn: 56.000 km
Vél: 3500cc, sjálfskiptur
Litur: Blár
Verð: 2.920.000 kr.
Búnaður: Einn með öllu
Ótti við nýja flóttatilraun barnaníðings:
Enn veldur Dutroux ugg
BRUSSEL, AP Belgar eru farnir að
endurskoða öryggismál eftir að lyk-
ill að handjárnum fannst nærri
fangaklefa Marc Dutroux, aðalsak-
bornings í barnaníðingamálinu sem
hefur legið eins og mara yfir Belg-
um frá því um miðjan síðasta ára-
tug.
„Ég er reiður, þetta er ótrúlegt,“
sagði Louis Michel, varaforsætis-
ráðherra Belgíu. „Í hvers konar
kerfi búum við? Við vitum hvað
Dutroux er fær um þannig að það er
óþolandi að svona lykill finnist
svona nærri honum,“ sagði Michel,
sem var ekki í vafa um að reynt
hefði verið að smygla lyklinum til
Dutroux.
Lyklafundurinn hefur vakið ótta
um að Dutroux reyni að flýja aftur.
Tveimur árum eftir að hann var
handtekinn 1996 tókst honum að
flýja úr dómshúsi eftir að hann reif
byssu af fangaverði. Þá náðist hann
nokkrum klukkustundum síðar.
Þegar réttarhöld yfir Dutroux og
fleirum hófust 1. mars opnaðist
hurð á bílnum sem flutti Dutroux í
dómssal. Lögregla segir að Dutroux
hafi verið járnaður í bílnum og ekki
átt nokkurt færi á að flýja en at-
burðurinn dró samt sem áður úr til-
trú fólks á gæslu hans. ■
HRÆRINGAR HREYFA MARKAÐ
Kaup og sala Landsbanka, Íslandsbanka og Straums á ráðandi eignarhlutum í mörgum af
stærstu fyrirtækjum landsins ýtti undir hækkun á verðbréfamarkaði. Seðlabankinn hvetur
til varúðar í hlutabréfaviðskiptum.
DUTROUX Í RÉTTARSAL
Þegar Dutroux flýði 1998 kostaði það tvo ráðherra og yfirmann lögreglunnar starfið.
FORSETI ÍSLANDS
Ólafur Ragnar Grímsson hitti bæði krón-
prinsinn og drottninguna í konungshöllinni
í Ósló.
METTE-MARIT OG HÁKON
Forseti Íslands segir að ákvörðun um heimsókn þeirra hjóna hingað til lands í sumar feli í
sér ákveðin og sterk skilaboð.
„Það er
auðvitað úr
mörgu að
velja hjá
þessu góða
fólki og það
eru ákveðin
og sterk skila-
boð í því fólg-
in að Íslandi
skuli veittur
þessi for-
gangur.
Hákon ríkisarfi Noregs
sækir Ísland heim
Ákveðið var eftir fund forseta Íslands með Hákoni krónprinsi Noregs að prinsinn komi ásamt
eiginkonu sinni Mette-Marit til Íslands í lok júní. Heimsóknir þeirra hjóna eru fátíðar
og segir forsetinn mikilvæg skilaboð felast í ákvörðun um Íslandsför.