Fréttablaðið - 29.04.2004, Qupperneq 4

4 29. apríl 2004 FIMMTUDAGUR
Á að afnema afnotagjöld
Ríkisútvarpsins?
Spurning dagsins í dag:
Var frammistaða íslenska fótbolta-
landsliðsins gegn Lettum viðunandi?
Niðurstöður gærdagsins
á www.frett.is
14%
86%
Nei
Já
Kjörkassinn
Farðu inn á visir.is og segðu þína skoðun
visir.is
■ Lögreglufréttir
Samingar FÍA og Icelandair:
Hlé gert á viðræðum
KJARASAMNINGAR Hlé hefur verið
gert á kjarasamningaviðræðum
Félags íslenskra atvinnuflug-
manna og Samtaka atvinnulífsins
vegna Icelandair. Síðasti kjara-
samningur rann út 15. september
í fyrra en var framlengdur til 15.
mars. Hægt hefur þokast í við-
ræðum síðustu daga. Viðræðun-
um var vísað til Ríkissáttasemj-
ara á mánudag en hlé var gert á
þriðjudagskvöld.
Samninganefndarmenn FÍA
segja mikið bera í milli en sátta-
semjari hefur boðað deiluaðila til
fundar næstkomandi mánudag.
Samninganefnd Félags ís-
lenskra atvinnuflugmanna hefur
mælst til þess við flugmenn
Icelandair að þeir virði kjara-
samninga í hvívetna og að menn
vinni ekki á frídögum. Guðjón
Arngrímsson, upplýsingafulltrúi
Icelandair, sagðist ekki búast við
að flugáætlun félagsins raskaðist
vegna tilmælanna. ■
Meirihlutinn vill auka
heimildir til hlerana
Rúmlega helmingur landsmanna vill að heimildir lögreglu til símahlerana verði auknar sam-
kvæmt könnun Fréttablaðsins. Staðfestir að fólk vill bregðast við harðari glæpum og alls konar
óáran í þjóðfélaginu segir dómsmálaráðherra.
KÖNNUN „Þetta kemur mér ekki á
óvart því tillagan er flutt á grund-
velli þeirra athugana sem við höf-
um gert hér á stöðunni og nauðsyn
þess að bregðast við harðari glæp-
um og alls konar óáran í þjóðfélag-
inu. Ég tel að niðurstaðan sé í sam-
ræmi við það sem fólk vill. Að tekið
sé á þessum málum af festu og með
skipulögðum hætti,“ segir Björn
Bjarnason dómsmálaráðherra um
niðurstöður könnunar Fréttablaðs-
ins um hvort auka eigi heimildir
lögreglu til símahlerana.
Samkvæmt frumvarpi dóms-
málaráðherra um breytingar á með-
ferð opinberra mála er meðal ann-
ars lagt til að handhafi ákæruvalds,
það er ríkissaksóknari, lögreglu-
stjóri eða ríkislögreglustjóri, geti
ákveðið að símhlustun hefjist án
dómsúrskurðar. Þetta á við ef brýn
hætta er talin á að bið eftir dóms-
úrskurði valdi sakarspjöllum við
rannsókn máls.
Bera þarf slíka ákvörðun undir
dómara innan sólarhrings frá
ákvörðuninni. Gert er ráð fyrir að
dómari sendi dómsmálaráðherra til-
kynningu, komist hann að þeirri nið-
urstöðu að símhlerunin hafi ekki
verið heimil. Tilgangur ákvæðisins
er að upplýsingar um þetta safnist á
einn stað þannig að unnt sé að hafa
eftirlit með því að þessi undantekn-
ingarheimild sé ekki misnotuð.
Samkvæmt niðurstöðum könn-
unar Fréttablaðsins er meirihluti
landsmanna fylgjandi þessari
breytingu.
Tæplega 43% sögðust því fylgj-
andi að heimildir lögreglu til síma-
hlerana verði auknar, rúm 37%
sögðust andvíg, 17,4% sögðust
óákveðin og 2,6% neituðu að svara.
Ef aðeins eru tekin svör þeirra
sem afstöðu tóku segjast tæplega
54% fylgjandi auknum heimildum
til hlerana en rúm 46% andvíg.
Stuðningurinn við rýmri heim-
ildir lögreglu til símhlerana er held-
ur meiri á landsbyggðinni en í þétt-
býli. Rúmlega 63% landsbyggðar-
manna eru fylgjandi auknum heim-
ildum en 47% íbúa í þéttbýli. Ekki
er merkjanlegur munur á afstöðu
karla og kvenna.
Í könnun Fréttablaðsins var
spurt; ertu fylgjandi eða andvíg(ur)
því að heimildir lögreglu til síma-
hlerana verði auknar? 800 manns
voru spurðir og tóku 80% afstöðu til
spurningarinnar.
the@frettabladid.is
SKRIÐDREKAR Í FALLUJAH
Andspyrnan í Írak er meiri en Bandaríkja-
her gerði ráð fyrir.
Bandaríkjaher í Írak:
Þarf fleiri
skriðdreka
WASHINGTON, AP Harkan í bardög-
um í Írak er það mikil að Banda-
ríkjaher hefur óskað eftir því að
fleiri skriðdrekar og þung bryn-
varin farartæki verði send til
landsins. Þannig vonast yfirmenn
hersins til að veita hermönnum
sínum meiri vernd gegn and-
spyrnumönnum. Það sem af er
þessum mánuði hafa jafn margir
bandarískir hermenn fallið og í
tveggja mánaða langri innrásinni
á síðasta ári.
Þegar nýjar hersveitir voru
sendar til Íraks til að leysa innrás-
arherinn af hólmi fluttu þær létt
farartæki með sér. Þau hafa veitt
hermönnum litla vernd og engu
breytt að brynvörn þeirra hafi
verið aukin. ■
Íslensk
fjölskylda í
skugga hryðjuverka
– hefur þú séð DV í dag?
STOKKHÓLMUR, AP Sænskir þing-
menn höfnuðu frumvarpi ríkis-
stjórnarinnar sem hefði sett
skorður við rétti ríkisborgara átta
nýrra aðildarríkja Evrópusam-
bandsins til atvinnuleyfis í Sví-
þjóð. Þar með munu ríkisborgarar
allra nýju aðildarríkjanna njóta
sömu réttinda í Svíþjóð og íbúar
núverandi aðildarríkja þegar Evr-
ópusambandið stækkar til austurs
á laugardag.
Stjórn jafnaðarmanna óttað-
ist að fjöldi fátækra Austur-Evr-
ópubúa kynni að sækjast eftir
vinnu í landinu eftir stækkunina
til austurs og misnota eða
þrengja að velferðarkerfinu.
Því lagði hún fram frumvarp um
takmarkanir á atvinnu- og dval-
arleyfum. Stjórnarandstæðing-
ar lögðust gegn frumvarpinu,
einnig þeir sem eru fylgjandi
hömlum en töldu of langt gengið
í frumvarpi stjórnarinnar.
Barbro Holmberg, ráðherra
innflytjendamála, sagði ríkis-
stjórnina myndu skoða nýjar leið-
ir til að hamla fólksflutningum frá
nýju aðildarríkjunum ef vanda-
mál risu upp í kjölfar stækkunar
Evrópusambandsins. ■
FÓLKSBÍLL VALT Á MALARVEGI
Lítill fólksbíll fór út af og valt á
malarvegi við Skriðuvatn í Skrið-
dal. Ökumaðurinn, sem var einn í
bílnum, var fluttur á heilsu-
gæslustöðina á Egilsstöðum með
sjúkrabíl. Meiðsl hans reyndust
þó ekki alvarleg og var hann út-
skrifaður að lokinni rannsókn. Að
sögn lögreglunnar á Egilsstöðum
er talið er að ökumaðurinn hafi
missti stjórn á bílnum í lausamöl.
ENN ÓSAMIÐ VIÐ FLUGMENN
Talsmaður Icelandair býst ekki við að flug-
áætlanir félagsins raskist þrátt fyrir tilmæli
samninganefndar flugmanna um að vinna
ekki á frídögum. Hlé hefur verið gert á
kjaraviðræðum flugmanna hjá Icelandair
og Samtaka atvinnulífsins.
Besti bílaframleiðandinn:
Skoda hlaut
silfur
KÖNNUN Skoda hlaut silfurverðlaun
sem næstbesti bílaframleiðandinn í
könnun JD Power í Bretlandi á
ánægju bíleigendanna. Fyrsta sætið
hlaut Lexus, sem árum saman hefur
tekið þátt í könnuninni með þeim
glæsta árangri að hafa alltaf náð
efsta sæti bílasmiða.
Haft var eftir forstjóra Evrópu-
deildar hjá JD Power að velgengni
Skoda í skoðanakönnuninni kæmi
mörgum á óvart þegar litið væri til
ímyndar merkisins fyrir um tíu
árum síðan. Alls voru 120 gerðir
bíla metnar í ár og náði könnunin
frá minnstu borgarbílum upp í
stærstu og flottustu lúxusbíla. ■
Á FERLI Í LJUBLJANA
Flest ríki Evrópusambandsins takmarka atvinnu- og búsetuleyfi þegna þeirra ríkja sem
ganga í Evrópusambandið á laugardag.
Engar takmarkanir á atvinnuréttindum íbúa nýju aðildarríkjanna:
Höfnuðu hömlum stjórnarinnar
KEMUR EKKI Á ÓVART
Björn Bjarnason dómsmálaráðherra segir niðurstöður könnunar Fréttablaðsins staðfesta
nauðsyn þess að bregðast við harðari glæpum og alls konar óáran í þjóðfélaginu.
Fylgjandi
42,9%
Fylgjandi
37,1%
Fylgjandi
53,6%
Óákveðin
17,4%
Svara ekki
2,6%
Andvíg(ur)
46,4%
SPURT VAR
Ertu fylgjandi eða andvíg(ur) því að heim-
ildir lögreglu til símhlerana verði auknar?
ÞEIR SEM TÓKU AFSTÖÐU
Rúmlega helmingur er fylgjandi.